Ни

Нийслэл дүүргийн Засаг Даргын мөрийн хөтөлбөрт тусгагдсан “Эрүүл монгол хүн”, “Эрүүл дүүрэг” эрүүл мэндийн чиглэлээр хийх ажлын хүрээнд Ахмадын хороо 32 хорооны хэмжээнд чийрэгжүүлэлтийн танхимыг байнгын ажиллагаатай болгох нийгмийн эмзэг бүлгийн ахмадуудад хүрч ажиллах зорилго тавин ажиллаж чийрэгжүүлэлтийн танхимаар үйлчилдэг 10,12,14,15,16,17,18,19,20,24,27,31-р хороодын чийрэгжүүлэлтийн танхим ажиллаж байгаа бөгөөд нийт давхардсан тоогоор 14,000 гаруй ахмадууд чийрэгжүүлэлтийн танхимаар үйлчлүүлж байна. Үүний дотроос 31-р хороо Нийслэлээс зохиогдсон гимнастикийн төрөлд алтан медалиар шагнагдсан хороондоо 32 хорооноос дүүргийн хэмжээнд 1-р байранд орж 5640 гаруй ахмадуудад үйлчилгээг үзүүлж байна. 

10-р хороо, хорооны шинэ байр ашиглалтанд орсноос хойш 11-р сар дуустал 4680 гаруй ахмадуудад чийрэгжүүлэлтийн танхим, хас чулуун орны үйлчилгээг үзүүлж 4680 гаруй давхардсан тоогоор үйлчилгээг үзүүлж дүүрэгтээ 2-р байр, 

20-р хороо ахмадын хороондоо 3-р байранд орж 3500 гаруй хүнд чийрэгжүүлэлтийн танхимаар үйлчилгээ үзүүлсэн. 

Өрхийн үйлдвэрлэл,  баялаг бүтээгчид, ахмад настаныг дэмжих зорилгоор ахмадын хороо 6 дугаар сараас Нийслэлийн 376 жилийн ой, Олон Улсын Ахмадын өдрийг угтаж уралдаан зарлаж уралдааныг Баянхошуу, Төв, Өнөр, Толгойт бүсүүдээр бүсчилэн 4 бүсийн дунд төрөл бүрийн баялаг бүтээгч ахмадууд дунд 3 үе шаттайгаар зохион байгуулж нийт 400 гаруй ахмадууд оролцож Нийслэлд 2 өрх, 2 ахмад настан шалгаруулсан. Дүүрэгт 5 өрхийг дүүргийн тэргүүний өрхөөр, тусгай шагналаар 15 ахмад настаныг шалгаруулсан. Үлгэр жишээч 3 ахмадын хороог шалгаруулан уралдааны шагналд Дүүргийн Засаг Даргын  нөөц хөрөнгөнөөс 2,900,000 төгрөгийн шагналыг Нийслэлийн өдрөөр олгосон.   

СХД-ийн ахмадын хорооноос 2015 онд Баялаг бүтээгчдийн дунд зарласан болзолт уралдаанд Нийслэлд тэргүүн байр эзэлсэн 5-р хорооны 3-н үеийн гуталчин В.Рагчаасүрэн, 23-р хорооны Б.Сүхээ Нийслэлийн удирдлагын хамт

Тэргүүний байранд орсон 31, 10, 20-р хороодод Дүүргийн удирдлагууд шагнал гардуулж байгаа нь

Олон Улсын Ахмадын өдрийг тэмдэглэхэд улсын их хурлын гишүүд Нийслэл дүүргийн ИХТ-чид, ААН байгууллагууд ахмад настанаа хүндэтгэж настан бүрт хүндэтгэл үзүүлэх, ААН байгууллагууд аливаа үйл ажиллагааг ахмад настанд зориулан үс хөнгөлөлттэй засах, эмнэлэгийн үйлчилгээг явуулах, хүнсний дэлгүүрүүд өөрийн эх орны бүтээгдэхүүн мах ногоог хөнгөлөлттэй үнээр үйлчлэх зэрэг үйлчилгээг үзүүлсэний дээр халамж үйлчилгээний хэлтэс 500 гаруй ахмадад кино үзүүлсэн.  УИХ-ын гишүүн Эрдэнэчимэг хороо тус бүрд 500,000 төгрөг, УИХ-ын гишүүн Сумъяабазар хороо тус бүрд “Айрагны баяр” хийж 1,000,000 төгрөгний туслалцаа үзүүлсэн. УИХ-ын гишүүн Тэрбишдагва хороо тус бүрд 1 хонины туслалцаа үзүүлсэн. Дүүрэг нийслэлийн ИХТ-чид өөрсдийнхөө сонгогдсон хороодод 50-100 хүнд хүндэтгэл үзүүлсэн. 32 хорооны хэмжээнд давхардсан тоогоор 14931 ахмадуудад  мөнгөн дүнгээр 108,100,000  төгрөгөөр хүндэтгэл үзүүлсэн. 

Дүүргийн Засаг Дарга, ИТХ-ийн дарга, Тамгийн газар, Цэргийн штабын дэмжлэг туслалцаатайгаар Сүхбаатар аймагт 3, Дорноговь аймагт 7 Ахмад дайчдыг аялуулсан. Мөн Сүхбаатарын одонгоор 3, Алтан гадас одонгоор 4, Цэргийн гавъяаны улаан тугийн одонгоор 4, Хөдөлмөрийн гавъяаны одонгоор 4, Цэргийн гавъяаны одонгоор 5, Дүүргийн Засаг дарга Тамгийн газраас 20 гаруй ахмад дайчдад мөнгөн аяга хадгийн хамтаар хүндэтгэл үзүүлсэн.

Дүүргийн Засаг дарга Нийслэлийн 376 жилийн ой, Олон улсын Ахмадын өдрийг угтаж 32 хорооны ахмадын зөвлөлийн дарга, зохион байгуулагч нарын 35 ахмад настаныг Улаан-Үүд хот, Байгаль далай халуун рашаанаар аялуулсан.

Цаашид 2015 оны Төсвийн дутуу батлагдсан төсвийг тодотголоор шийдүүлж, Хороодын ахмадын зөвлөлийн дарга нарын олгогдоогүй 8,9,10,11 сарын урамшууллыг олгуулах, шаардлагатай техник, тоног төхөөрөмжөөр хангуулах,  Ахмадын хорооны санаачлага дэмжлэгийг нийтэд түгээж, санхүү эдийн засгийн бие даасан байдлыг ханган, хороо, хэсэг, өрх бүрт байгаа Ахмад настан бүрт ажлаа хүргэн, Ахмад – Залуу үе - Өсвөр настаны залгамж холбоог улам бэхжүүлж ажиллахад голлон ажиллана.  

Анхаарал  тавьсан та бүхэнд баярлалаа 

 


Ца

Цагийн тоолол жигдхэн хэмээр урагшилсаар хорвоогийн нэгэн он улиран одох боярт агшин морилон ирлээ. Хоёр он солигдож өвлийн өвгөнөө угтан золгох торгон агшин бүх нийтийн уламжлалт шинэ жилийн баярын өдрийг тохиолдуулан дүүргийнхээ бүх ахмад настан азай буурлууд энэ цагийн бүтээн цогцлоогсод ирээдүй маргаашийн гайхам сайхныг ургуулан дархлах аугаа их учрал тавилангийн эзэд нийт иргэд оршин суугч та бүхний амгаланг айлтган мэндчилгээ дэвшүүлж зорьсон хэрэг, санасан үйлс бүхэн амжилт, алдар суугаар дүүрэн байж, дүүрэн баяр түвшин жаргалаар бялхаж явахын өлзийтэй сайхан ерөөлийг өргөн дэвшүүлж байна.

ХI жарны шар барс жил, Монгол нутгийн төв цэг Их монгол уулын энгэр бэл, ширээ цагаан нуурын хөвөөнөө ирээдүйд сүндэрлэх их хотын шавыг тавьж тулгынх нь чулууг тавьсан баярт тэмдэглэлт үйл явдал буюу Улаанбаатар хот үүсэн байгуулагдсаны 375 жилийн ойг, улиран одож буй 2014 онд сая гарнаар даваадуулсхийх аваас бараг бүтэн хагас саяар тоологдох өнөр бүлийнхэн -нийслэлчүүд бид бүх ард түмнийхээ хамт өргөн хүндэтгэлтэй, ёслол төгс тэмдэглэж, хөгжил ургуулж, байгуулж цогцлоосон дүүрэн амжилт, амгалан жаргалан, сайн сайхан бүхнийхээ охь дээжийг өргөн барилаа. Тэр эрхэм үйлсэд энэ их хотод оршин аж төрж буй дөрвөн хүн бүрийн нэгийг нь ам бүлдээ багтаасан Сонгино Хайрхан дүүргийнхэн манайхан та бидний бүтээлч үйлс оюун санаа хичээл зүтгэлийнхээ үр шимээр оруулсан хувь нэмэр хэмжээлшгүй арвин билээ.

Урагшлах зам саруулсан гийж, угтах маргаашийн өнгө төрх яруусан тодорч та биднийг шинэ шинэ бүтээн байгуулалт, хөгжил дэвшил, сайн сайхан бүхнийг ургуулж, оргил тэргүүнд нь хүрэх итгэл тэмүүлэл, эрч хүч, санаа зориг чин хүсэлд уриалан дуудаж байна. Энэ бол нийслэл хотынхоо үүсэн байгуулагдсаны 380 жилийн ойг нэр төртэй угтаж, эрүүл аюулгүй аж төрөх төгс орчин бүрдүүлж, дүүргээрээ хороо бүхэн өвч ногоон байгууламжид умбасан цэвэр цэмцгэр, хэрэг зөрчилгүй үлгэр жишээч байдлыг эрхэмлэн чухалчлахын сануулга мөн.

Тэр сануулгыг үлгэр жишээчээр хэрэгжүүлэгч нь манайхан Сонгино Хайрханыхан болно гэдэгт эргэлзэх явдалгүй.

Та бүхний үйлс заяа ямагт дэлгэр байж, санасан бүхэн нь сэтгэлчлэн бүтэж, сайхан бүхэн урган сүндэрлэж, сайн бүхэн дэлгэрэн мандах болтугай.

Эрхэм та бүхэндээ гүн хүндэтгэл илэрхийлсэн Дүүргийн ахмадын Хорооны дарга                             Б.БАТМӨНХ


Со

Сонгинохайрхан дүүргийн Засаг даргын Тамгын газар, дэргэдэх хэлтэс албадуудад алба хааж байгаад тэтгэвэртээ гарсан ахмадуудаа  дүүргийн Засаг даргын Тамгын газраас 10 дугаар сарын 4-ний өдөр буюу өнгөрсөн Баасан гаригт хүлээж аван хүдэтгэл үзүүллээ. Засаг даргын Тамгын газар, дэргэдэх хэлтэс албадаас чөлөөнд гарсан 80 орчим ахмад байдгаас 46 ахмад тус хүлээн авалтад хүрэлцэн иржээ.