Хөнгөн атлетикийн өсвөр үеийн дөрвөн төрөлтийн тэмцээн болов

Сонгинохайрхан дүүргийн аварга шалгаруулах хөнгөн атлетикийн өсвөр үеийн дөрвөн төрөлтийн тэмцээн 4-р сарын 27-ны өдөр нийслэлийн Онцгой байдлын стадионд явагдаж 14 байгууллагын 80 тамирчин оролцлоо. Тамирчид 60 м, 800 м, уртын харайлт, бөөрөнцөг шидэлтийн төрлөөр өрсөлдсөнөөс эмэгтэйчүүдээс нэгдүгээр байрт 65-р сургуулийн сурагч М.Халиун, хоёрдугаар байрт 62-р сургууль Б.Анужин, гуравдугаар байрт “Ирээдүй цогцолбор-1” сургуулийн сурагч Э.Энхчимэг орсон бол эрэгтэйчүүдээс “Ирээдүй цогцолбор-1” сургуулийн сурагч Б.Эрдэнэмөнх тэргүүн байр, тус сургуулийн сурагч Б.Ганхүү хоёрдугаар байр, 62-р сургуулийн сурагч Б.Бат-Эрдэнэ гуравдугаар байранд тус тус шалгарлаа.

 

Байгууллагын нэгдсэн дүнгээр тэргүүн байрт Д.Мөнхцэцэг дасгалжуулагчтай “Ирээдүй цогцолбор-1”, хоёрдугаар байрт Л.Төмөрбаатар дасгалжуулагчтай 65-р сургууль, гуравдугаар байрт П.Хасгаа дасгалжуулагчтай 107-р сургуулийн баг тамирчид шалгарч Цом, алт, мөнгө, хүрэл медалийн эзэд болжээ.