Сонгинохайрхан дүүргийн 25 дугаар хорооны нутаг дэвсгэр Богины аманд түймэр гарсныг Онцгой байдлын хэлтсийн бие бүрэлдэхүүн цурманд оруулаад байна. Онцгой байдлын хэлтэс өчигдөр 11 цагийн үед гал гарлаа гэх дуудлагын дагуу шуурхай ажиллаж, 3 га газрыг хамарсан түймрийг унтраалаа.

     Галыг унтраахаар Онцгой байдлын хэлтэс бүрэн бүрэлдэхүүнээрээ буюу гал түймэр унтраах, аврах 11, 26, 29 дүгээр ангиуд ажилласан байна. Мөн нэмэлтээр нийслэлийн аврах гал унтраах анги, Сүхбаатар дүүргийн аврах гал унтраах 34 дүгээр ангийн нийт 132 хүн, 17 машин техникийн хүчээр галыг унтрааж, цурманд оруулсан байна.

    Галыг бүрэн цурманд оруулсан ч унанги мод, хөвд ихтэй газар учир уугилттай хэвээр байна. Тиймээс дүүргийн онцгой байдлын хэлтэс 70 хүн, 5 машинтайгаар ажиллаж байгаа.

    Хуурайшилт ихтэй энэ үед түймэр гарах магадлал их байдаг. Өнөөдөр Баянхошууны тойрогт байрлах “Тойрог” хүнсний дэлгүүрт гал гарсныг онцгой байдлын хэлтсийнхэн түргэн шуурхай ажиллаж унтраалаа.

 

   

Дүүргийн статистик мэдээлэл

Хүн амын тоо
342,112
Эрэгтэй
168,996
Эмэгтэй
173,116
Өрхийн тоо
90,231
Хүн амын нягтаршил
3хүн/га
Аж ахуйн нэгж байгууллага
25,865
Авто машины тоо
79,991
Малын тоо
83,687
Өрхийн ам бүлийн тоо
4.0
Төрөлт
6290

Төрийн үйлчилгээ - Иргэн танд