Сонгинохайрхан дүүргийн 22 дугаар хороонд үер буулаа.
Тодруулбал өнгөрсөн амралтын өдөр орсон хүчтэй борооны улмаас тус хорооны Хилчний 16 дугаар гудамжны 17 тоотод оршин суугч иргэн н.Гансүх, Д.Энхжаргал нарын гэр, хашаа усанд автаж, тус тоотын оршин суугч 57 настай иргэн н.Батсуурь осголтын байдалтай, эмнэлгийн яаралтай тусламжийн автомашин тухайн айлд хүрэх боломжгүй байсан тул дүүргийн Онцгой байдлын хэлтэс болон Гал түймэр унтраах, аврах 26 дугаар ангийн бэлтгэл ээлжний албан хаагчид болон хорооны Засаг дарга Э.Тэмүгэ нар тухайн иргэнд эмнэлгийн анхан шатны тусламж үзүүлэн аюултай бүсээс гаргаж яаралтай түргэн тусламжийн эмчид хүлээлгэн өглөө.
