Дүүргийн оюутан, залууст хууль, эрх зүйн мэдлэг олгох,  шинээр батлагдсан хуулиудыг сурталчлан таниулах зорилгоор “Хуулийн мэдлэгээ хэрэглээ болгоцгооё” цуврал сургалтыг 10 дугаар сард их, дээд сургуулиудад  зохион байгуулж эхлээд байна.

Тус сургалтын нээлтийг 2017 оны 10 дугаар сарын 10-ны өдөр “Ач анагаах ухааны их сургуулиас амжилттай эхлүүлж, 10 дугаар сарын 11-ний өдөр Монос эм зүйн шинжлэх ухааны их сургуулийн оюутан залууст шинээр батлагдан гарсан “Залуучуудын хөгжлийг дэмжих тухай” хууль, “Зөрчлийн тухай” хууль болон “Гэр бүлийн хүчирхийлэлтэй тэмцэх тухай” хуулиудыг УИХ-ын гишүүн Х.Нямбаатар, Н.Учрал нар танилцууллаа.

 Сургалтанд “Элит интернэшнл инвестмэнт ХХК”-ны гүйцэтгэх захирал, сургагч багш Ч.Энххорол урилгаар оролцож “Харилцаа хандлага” сэдвээр сургалт хийсэн бөгөөд Угийн бичиг хөтлөх арга зүй, ач холбогдлын талаарх мэдээллийг оюутан, залууст өглөө.

2 сургуулийн 400 гаруй оюутныг хамруулж, хуулийн талаарх танилцуулгыг хийж, тэдний сонирхсон асуултын дагуу харилцан ярилцаж, санал бодлоо солилцсон үр дүнтэй сургалт болж өндөрлөлөө.  

 

 

Дүүргийн статистик мэдээлэл

Хүн амын тоо
342,112
Эрэгтэй
168,996
Эмэгтэй
173,116
Өрхийн тоо
90,231
Хүн амын нягтаршил
3хүн/га
Аж ахуйн нэгж байгууллага
25,865
Авто машины тоо
79,991
Малын тоо
83,687
Өрхийн ам бүлийн тоо
4.0
Төрөлт
6290

Төрийн үйлчилгээ - Иргэн танд