Дүүргийн Засаг даргын захирамжийн хүрээнд Тамгын газрын төрийн албан хаагчдын мэдлэг, ур чадварыг нэмэгдүүлэх, төрийн үйлчилгээний үйл ажиллагааг менежментийн өндөр түвшинд хүргэх, байгууллагын ажил үйлчилгээг сайжруулах зорилготой “Олон улсын менежментийн тогтолцооны ISO 9001:2015, ISO 18091:2020 стандарт нэвтрүүлэх” үйл ажиллагааны нээлт өнөөдөр /2021.09.03/ боллоо.
Энэ үеэр арга хэмжээг хамтран зохион байгуулж буй “Менежмент ба ур чадварын хүрээлэн”-ын сургагч багш, ахлах зөвлөх Н.Хишигжаргал ЗДТГ-ын ажилтан, албан хаагчдад таниулах сургалтыг явууллаа.
Тус үйл ажиллагааны хүрээнд чанарын менежментийн тогтолцооны ISO 9001:2015 стандартын дотоод аудитор бэлтгэх сургалтад чанарын багт орсон гишүүдийг хамруулан гэрчилгээ олгож, дотоод аудитор хийх арга зүйг эзэмшүүлэх юм.
