Сонгинохайрхан дүүргийн төрийн өмчийн ерөнхий боловсролын сургуулийн 10 дугаар ангийн сурагчдын англи хэлний мэдлэг чадварыг нэмэгдүүлэх, олон улсын шилдэг 100 их дээд сургуульд тэтгэлэгтэй суралцах үүд хаалгыг нээж өгөх зорилгоор дүүргийн Засаг даргын санаачилгаар хоёр жилийн өмнө “IELTS-600” төслийг “Сантис” гадаад хэлний сургалтын төвтэй хамтран хэрэгжүүлж эхэлсэн. Ингэхдээ төрийн өмчийн 23 сургууль тус бүрээс шилдгийн шилдэг 67 сурагчдыг сонгон шалгаруулж, сурагчдын дунд англи хэлний түвшин тогтоох сорил шалгалтыг зохион байгуулсан.
 
Тус сорил шалгалтын үр дүнд нийт 25 сурагчид шалгарсан бөгөөд Сонгинохайрхан дүүргийн Засаг даргын Тамгын газар, Сантис боловсролын төвтэй суралцах гэрээ байгуулан 2 жилийн хугацаанд үнэ төлбөргүй суралцах эрхийн бичгээ гардан авсан.
Тус сургалтын төв нь Сонгинохайрхан дүүргийн Засаг даргатай байгуулсан санамж бичгийн хүрээнд төслийг өргөжүүлэн англи хэлний 26 багш нарыг “INLINGUA” олон улсын хэлний цахим сургалтад хоёр сарын хугацаанд хамруулсан бөгөөд англи хэлний мэдлэг чадварыг нэмэгдүүлэх, IELTS, TOEFL-шалгалтад сурагчдыг хэрхэн бэлтгэх гэх мэт сургалтын арга барилд суралцан төгслөө.
 
“IELTS-600” төслийн ахисан болон дунд түвшний хөтөлбөрт хамрагдсан суралцагч, “TOEFL JUNIOR” үндэсний сургагч багшийн сургалтын хөтөлбөрт хамрагдсан багш нарт батламж гардуулах хаалтын үйл ажиллагаа боллоо.
 
Сургалтын хөтөлбөрт хамрагдсан суралцагч, багш нарт батламж гардуулах хаалтын үйл ажиллагаанд Сонгинохайрхан дүүргийн Засаг даргын орлогч Д.Ундармаа, ЗДТГ-ын Нийгмийн хөгжлийн хэлтсийн дарга Ч.Энххорол, Боловсролын хэлтсийн дарга А.Дүүдээ, Сантис Академи ТББ-ын Академик боловсролын зөвлөх Ноён Энтони Миллер, Сантис Академи ТББ-ын менежер Г.Буянхишиг болон Ерөнхий боловсролын сургуулийн захирлууд, төсөлд хамрагдсан ерөнхий боловсролын сургуулийн суралцагчид, ЕБС-ийн англи хэлний багш нар, эцэг эхийн төлөөллүүд оролцлоо.
 
 
 

Дүүргийн статистик мэдээлэл

Хүн амын тоо
342,112
Эрэгтэй
168,996
Эмэгтэй
173,116
Өрхийн тоо
90,231
Хүн амын нягтаршил
3хүн/га
Аж ахуйн нэгж байгууллага
25,865
Авто машины тоо
79,991
Малын тоо
83,687
Өрхийн ам бүлийн тоо
4.0
Төрөлт
6290

Төрийн үйлчилгээ - Иргэн танд