Сонгинохайрхан дүүргийн Засаг даргын Тамгын газар 2018 оны ажлаа дүгнэж тайлангийн хурлаа хийлээ. Хурлын үеэр хэлтэс албадууд өнгөрсөн онд хийж хэрэгжүүлсэн ажлынхаа тайланг тавьсан юм.

Харин 2019 оныг "Иргэдийн оролцоог дэмжих-Боловсролын салбарын чанар хүртээмжийг сайжруулах жил" болгон зарласан бөгөөд энэ хүрээнд хийж хэрэгжүүлэх ажлуудынхаа төлөвлөгөөг хэлэлцлээ.  

Булган аймгийн Булган сум, Төв аймгийн Сэргэлэн сум, Орхон аймгийн Баян Өндөр сумдад гахайн мялзан өвчин гарсан болох нь тогтоогдоод байна. Үүнтэй холбоотойгоор дүүргийн Засаг даргын орлогч О.Ганбаатараар ахлуулсан ажлын хэсэг хуралдлаа. Дүүргийн хэмжээнд 2018 оны жилийн эцсийн байдлаар 73 өрхийн 9450 гахай тоологдсон байна. Мөн дүүргийн хэмжээнд мах махан бүтээгдэхүүн боловсруулах чиглэлээр үйл ажиллагаа явуулдаг 27 ААН, худалдаа үйлчилгээ эрхэлдэг 1225 хүнсний дэлгүүр байгаа юм. Эдгээр аж ахуйн нэгжүүдэд хяналт тавьж ажиллахыг дүүргийн Мэргэжлийн хяналтын хэлтэст үүрэг болголоо. Орон нутгаас ирж байгаа авто тээврийн хэрэгсэлд ариутгал халдваргүйжүүлэлт хийн ажиллахыг дүүргийн Онцгой байдлын хэлтэс, Мэргэжлийн хяналтын хэлтэст мөн үүрэг болголоо.

Гахайн сонгомол мялзан өвчин хавьтлын замаар халдварладаг, өндөр халуурах, цус төлжүүлэх эрхтний гэмтэл, уушиг, бүдүүн гэдэсний нэвчдэст үрэвсэлээр илэрдэг гоц халдварт өвчин юм. Бүх насны гахай мэдрэмтгий ба ялангуяа өсвөр насны гахай өвчилсөн тохиолдолд толгой дараалан үхэх эрсдэлтэй.

Үүсгэгчийн тэсвэрт чанар: Мялзан үүсгэгч вирус нь гадаад орчинд тэсвэртэй, гахайн цусны ийлдсэнд 11 хоног, 2-40С-д 4-6 сар, хөлдөөсөн маханд 2-4 сар, давсалсан маханд 1 жил хадаглагдана. 560С-д 60 мин буцалгахад агшин зуур үхнэ. Өмхийрсөн болон бууцанд 3-5 хоногийн дараа, хөрсөнд 1-2 долоо хоногийн дараа идэвхээ алдана. Химийн бодист мэдрэмтгий  болно.

Халдвар тархах зам: Зэрлэг болон тэжээвэр гахай, үүлдэр, нас, хүйс харгалзахгүй өвчилнө. Өвчтэй юмуу өвчилж эдгэрсэн гахай халдварын эх уурхай болох бөгөөд тэдгээрийн шээс, баас, салст шүүрдэс, сүү, үртэй хамт ялгаран гарсан вирусээр бохирдсон зогсоол, хашаа саравч, бууц, хэвтэр, ус, тэжээл, бэлчээр, тоног хэрэгсэл, хүний хувцас, гутал, тээврийн хэрэгслээр дамжин халдвар тархана. Өвчилж эдгэрсэн гахай 3-10 сар тээгч болдог. Шаардлагаар нядалсан гахайн мах, гулууз, дотор эрхтэн халдвар тархах нөхцөл болно. Шавьж, шувуу, мал, амьтан, нохой, мэрэгчид механикаар дамжуулна. Мал эмнэлгийн хяналтгүйгээр гаднаас гахай авснаар халдвар тархаж болно. Халдвар тэжээл боловсруулах болон амьсгалын зам, арьсаар дамжихаас гадна хавьтлын замаар халдварлана. Улирлын шинж чанаргүй байх ба богино хугацаанд бүх насны гахайг хамарч үхлийн хувь өндөр байна.

          Өвчний эмнэл зүйн  шинж тэмдэг: Өвчний нууц үе үүсгэгчийн хожуу чанар, гахайн мэдрэмтгий байдлаас шалтгаалан 3-9 хоног байдаг ч заримдаа 12-20 хүртэл хоног үргэлжилнэ. Өвчин нь хэт цочмог, цочмог, цочмогдуу, архаг ба хэв шинжит бус явцтай байна.

Өвчилсөн гахайн биеийн халуун 41.5 -42.00 С хүрч 7-8 хоног болно. 8-9 дэх хоногт биеийн халуун 40- 40.50С хүртэл буурах ба өвчний эхний үед тэжээлийн дуршил хэвийн байж байгаад 2-3 дахь хоногт тэжээл усандаа дуршилгүй болно. Бөөлжих, баас хатах, цустай чацга алдах шинж тэмдэг ажиглагдахын дээр зовхи үрэвсэх, нүднээс идээтэй нуух гарах, хамраас цус юм уу, идээ, салс гоожно. Өвчтэй гахай хэвтэртээ шигдэж хэвтэхийн дээр явахдаа гуйвагнаж явах, шээхдээ зовиурлана. Зарим гахай саажин таталдаж бөгсөн бие нь мэдээгүй болно. Өвчний 5-9 дэх хоногт арьсан дээр жижиг цусан харвалтууд илрэх бөгөөд цаашид нийлж хар хүрэн өнгөтэй толбо болохын гадна дарж үзэхэд арилдаггүй онцлогтой. Чих, сүүл, хоншоор, хэвлийн арьс хөхөрнө. 7-10 хоногт үхнэ.

Тэмцэх, урьдчилан сэргийлэх арга хэмжээ:

1. Хорио цээрийн дэглэм тогтооно.

2. Хорио цээр тогтоосон бүсэд эргүүл пост гаргах, ариутгал халдваргүйжүүлэлтийн цэг байгуулах ажлыг зохион байгуулна.

3. Тухайн аж ахуйгаас гахай, тэдгээрийн гаралтай түүхий эд, бүтээгдэхүүнийг гаргах, худалдан борлуулах, мал, амьтан, хүн, тээврийн хэрэгслийн шилжилт хөдөлгөөнийг хориглоно.

4.  Өвчтэй болон сэжигтэй бүх гахайг устгаж, булшлах, ариутгал халдваргүйтгэл хийх арга хэмжээг авч хэрэгжүүлнэ.

5. Өвчний халдвар тархахаас урьдчилан сэргийлэх анхааруулга, сэрэмжлүүлэг өгөх арга хэмжээг авна.

6. Хорио цээрийн дэглэм тогтоосон бүс нутгийн гахайг вакцинжуулах, аж ахуйн нэгжүүдэд ариутгал халдваргүйтгэл хийх арга хэмжээг авч хэрэгжүүлнэ.

7. Голомтын бүсээс мал, амьтны шилжилт хөдөлгөөнийг хориглоно.

8. Хорио цээрийн дэглэм зөрчсөн иргэн, хуулийн этгээдэд холбогдох хуулийн дагуу арга хэмжээ авна.  

         Сонгинохайрхан дүүрэгт төрийн  өмчийн 25 сургуультай бөгөөд энэ жил 1143 сурагч 12 дугаар анги  төгсөх аж. Харин нэмэлт сургалтыг  математик, монгол хэл, англи хэл, нийгмийн хичээлүүдээр  өгч байгаа гэв. Тэгэхдээ хичээл тус бүрээр сурагчдын дунд явуулсан  “Амжилтын гараа 1”-д хамгийн  сайн  үзүүлэлттэй 30, нийт 480 гаруй хүүхэд  нэмэлт сургалтад  хамрагдах эрхтэй болжээ.

         Сонгинохайрхан дүүрэг хүн ам ихтэйн хэрээр сургуулийн насны хүүхэд олонтой. Энэ ч утгаараа жил бүр ерөнхий боловсролын сургууль төгсч буй сурагчдын тоо бусад дүүргүүдээс харьцангуй их байдаг. Харин төгсөгчдийн элсэлтийн ерөнхий шалгалтын оноо нийслэлийн есөн дүүрэгтэй жишихэд харьцангуй хангалтгүй гардаг. Тодруулбал 2017 онд дүүргийн төгсөгчдийн элсэлтийн ерөнхий шалгалтын дундаж оноо 491 байсан бол 2018 онд 485 байж, оноогоороо нийслэлийн хэмжээнд долдугаар байрт жагссан байна. Тиймээс сурагчдын чадавхийг дээшлүүлэх, элсэлтийн ерөнхий шалгалтын оноог нэмэгдүүлэх үүднээс Засаг дарга Ж.Сандагсүрэнгийн санаачилгаар “Up” хөтөлбөр хэрэгжүүлж эхэлсэн нь  энэ юм.  Хэдийгээр сургууль бүрээс хамгийн өндөр оноо авсан нийт 480 хүүхэд гүнзгийрүүлсэн шатанд сурч байгаа ч, үлдсэн  хүүхдүүддээ сургуулиуд өөрсдөө дотооддоо давтлага өгч байгаа аж.

         Хөтөлбөрийн хүрээнд элсэлтийн ерөнхий шалгалтаар тогтмол өндөр оноо авдаг хувийн сургуулиудтай хамтран ажиллаж, сурагчдад тусгай хөтөлбөрөөр хичээл заах мөн их, дээд сургуулиудын багш нартай хамтарч багш нарыг чадваржуулах ажлыг эхлүүлсэн байна. Тус хөтөлбөрийн явцын байдалтай СХД-ийн Засаг даргын орлогч Д.Ундармаа танилцсан юм.  Тэрбээр хүүхдүүдийг давтлага хичээлээ таслахгүй, даалгавраа тухай бүрт  нь сайн  хийж байхыг  уриалж,  ирэх ЭЕШ-даа өндөр оноо  авахын ач холбогдлыг сануулсан  юм.

           Энэ  үеэр  “Ирээдүй” цогцолбор сургуулийн захирал  Г.Цагаанцоож  UP хөтөлбөрийг хэрэгжүүлснээр гарах үр дүнг хэрхэн дүгнэж байгааг тодрууллаа. Тэрбээр “ЭЕШ гэдэг  хүүхэд 12 жилийн турш сурсан хэргээ гаргаж, үр дүнгээ үздэг шалгалт. Хүссэн мэргэжлээ сонгож, хүссэн сургуульдаа орохын тулд хүүхэд  ЭЕШ-даа сайн оноо авах ёстой.  Тиймээс СХД-ийн Засаг дарга захирамж гарган, UP хөтөлбөрийг дүүргийн хэмжээнд зохион байгуулж байна. Үүнд сурагчид өндөр ач холбогдол өгч байна. Энэ бүхний эцсийн үр дүн нь ЭЕШ-д СХД-ийн сурагчид  өндөр оноо авах зорилготой. Үүний тулд сургуулиараа, дүүргээрээ хичээн  ажиллаж байна” гэв.

https://news.mn/r/2072476/?fbclid=IwAR02qKJHoiwNhV_Z54w63UTH62JUBDQ3PRF5fA9Un8QzQt4W1cqQwat19z4 

 

-     Худалдаа,үйлчилгээг зохицуулах нийтлэг журмын төслийн хэлэлцүүлэг зохион байгуулж 200 иргэн, аж ахуйн нэгжийн төлөөллийг хамрагдсан.

-     Худалдаа үйлчилгээний чиглэлээр үйл ажиллагаа явуулж байгаа аж ахуйн нэгжийн захирал, менежерүүдэд зориулсан сургалт хэлэлцүүлэг. Дүүргийн Мэргэжлийн хяналтын хэлтэс Татварын хэлтсийн улсын байцаагч нарыг урьж сургалт хийсэн.

-     “Нийслэлийн худалдаа үйлчилгээний нийтлэг журам”-ын шинэчилсэн төслийн хэлэлцүүлэг зохион байгуулж 100 гаруй иргэн аж ахуйн нэгжийн төлөөллийг оролцуулсан ба шинэчилсэн журмын төслийн гарын авлагийг тарааж санал авсан.

-     Аттестатчилалд бэлтгэх согтууруулах ундаагаар үйлчлэх тусгай зөвшөөрөлтэй хоол үйлдвэрлэл, үйлчилгээний газруудыг бэлтгэл ажлыг хангуулах, шалгах чиглэлийн талаарх мэдээллийг холбогдох байгууллагуудын хамтаар хийсэн. Хуралд худалдаа, хоол үйлдвэрлэл, үйлчилгээний 180 гаруй ААН-үүд хамрагдсан.  

-     “Хоол үйлдвэрлэл, үйлчилгээнд эрүүл ахуйн болон үйлдвэрлэлийн зохистой дадал  /GMP, GHP/ нэвтрүүлэх нь” сэдэвт 2 удаагийн сургалт, “Хүнсний аюулгүй байдал, эрүүл ахуйн зохистой дадал нэвтрүүлэх нь”, “Хичээлийн шинэ жилийн эхлэхтэй” холбогдсон 1, нийт 4 удаагийн сургалт зохион байгуулсан. Сургалтад давхардсан тоогоор 231 иргэн хамрагдсан байна.

-     Нийслэлийн худалдаа үйлчилгээг зохицуулах нийтлэг журмын хэлэлцүүлгийг 2 удаа, согтууруулах ундаа худалдах, түүгээр үйлчлэх газруудын цагийн хуваарийн хэлэлцүүлгийг 2 удаа зохион байгуулж давхардсан тоогоор 300 орчим иргэн, аж ахуйн нэгжийн төлөөлөл хамрагдсан.

-     Дүүргийн Засаг даргын 2018 оны А/193 дугаар захирамжаар аттестатчиллыг зохион байгуулж согтууруулах ундаагаар үйлчлэх тусгай зөвшөөрөлтэй газрууд 2018.04.15-05.15-ны өдрүүдэд шалгалт хийлээ.

 

 Хамрагдсан үйлчилгээний төв-64

- Ресторан 19  

- Баар 22

- Кафе 6

- Зөрчил  109

- Шалгалтын хугацаанд арилгасан 78

- Тусгай зөвшөөрлийг түтгэлзүүлсэн 5 ААН

- Акт 1,2 сая төгрөг 6 иргэн, ААН

- Дүүргийн Засаг даргын 2018 оны А/96 дугаар захирамжаар согтууруулах ундаагаар үйлчлэх тусгай зөвшөөрөлтэй газрууд 2018.03.05-03,30-ны өдрүүдэд шалгалт хийсэн.

 Хамрагдсан үйлчилгээний төв -64

- Ресторан 19  

- Баар 22

- Кафе 6

- Зөрчил  51

- Шалгалтын хугацаанд арилгасан 38

-  Акт 700,0 мянган төгрөг 7 иргэн, албан тушаалтан

Нийслэлийн Засаг даргын Нийгмийн асуудал хариуцсан төслүүдийн удирдагч, нийслэлийн Засаг даргын орлогч даргын баталсан удирдамжийн дагуу “Үдийн цай” хөтөлбөрийн хэрэгжилт, сургуулийн цайны газрын үйл ажиллагаанд хяналт шинжилгээ үнэлгээ хийсэн.

Төрийн өмчийн 23, хувийн өмчийн 6,  ЕБС цайны газруудад шалгалт хийж 150 зөрчил илрүүлж 56 зөрчлийг газар дээр нь арилгуулсан. 5 ААНБ-д 1,2 сая төгрөгийн торгуулийн арга хэмжээ авсан.

Хөдөлмөрийн аюулгүй байдал, эрүүл ахуйн тухай хуулийн хэрэгжилтийн улсын үзлэгийг хөнгөн үйлдвэрийн салбарт дүүргийн Засаг даргын 2018 оны А/476 дугаар захирамжийн дагуу 2018 оны 10-р сарын 01-нээс 11-р сарын 15-ны хооронд зохион байгуулан явууллаа. Улсын үзлэг шалгалтад Баянхошуу бүс, Толгойт бүс, Өнөр бүс, Төвийн бүс болон Эмээлт, Тахилт, 21-р хороонд байрлах  мах боловсруулах, ноос, ноолуур боловсруулах, оёмол бүтээгдэхүүн, нэхмэл бүтээгдэхүүн, тавилгын үйлдвэр, хүнсний үйлдвэрийн чиглэлээр үйл ажиллагаа явуулдаг  121 аж ахуйн нэгж  байгууллагууд хамрагдлаа.

Аж үйлдвэрийн салбарын өнөөгийн байдал, цаашдын чиг хандлага, харилцан хамаарал, гадаад болон дотоод хүчин зүйлсийн нөлөө, албан ёсны статистик мэдээлэл болон аж ахуйн нэгжийн мэдээлэл дээр үндэслэн нэгтгэн дүгнэлт, шийдвэр гаргах, бодлого боловсруулан тодорхойлох зорилгоор дүүргийн Засаг даргын 2018 оны 01-р сарын 31-ний өдрийн А/40 дугаар захирамжийн дагуу Боловсруулах үйлдвэрийг мэдээллийн санд бүртгэх ажлыг зохион байгуулсан.

Дүүргийн Засаг даргын 2018 оны А/277 дугаар захирамжаар Авто засвар, авто үйлчилгээний чиглэлээр дүүргийн нутаг дэвсгэрт үйл ажиллагаа явуулж байгаа 200 иргэн, аж ахуй нэгжүүдэд 2018 оны 05 сарын 28 – 2018 оны 06 сарын 25–ны өдрүүдэд хяналт шалгалт явуулав. Онцгой байдлын хэлтэс, Мэргэжлийн хяналтын хэлтэс, Татварын хэлтэс, Газрын алба, Цагдаагийн I,II,III хэлтсүүд, Замын цагдаагийн хэлтэс хамтран иргэн, аж ахуйн нэгжийн үйл ажиллагаанд хяналт тавьж холбогдох хууль, тогтоомжийг сурталчилж ажилласан. Хяналт шалгалтын явцад 200 иргэн, ААНБ-аар хяналт шалгалт хийж нийт 62 иргэн, аж ахуй нэгж байгууллагад Мэргэжлийн хяналтын хэлтэс, Татварын хэлтэс, Онцгой байдлын хэлтэсүүд мэдэгдэх хуудас өгч зөрчлийн тухай хуулиар 9 ААНБ-д 9,000,000 сая төгрөгийн, 5 иргэнд 2.300.000 мянган төгрөгийн торгууль ноогдуулж барагдуулсан. Илэрсэн зөрчлүүдийг арилгах талаар нийт 40 иргэн, аж ахуйн нэгжид 58 хугацаатай үүрэг даалгавар өгч, биелэлтийг шалгалтын хугацаанд тооцон ажилласан. Бусад тохиолдолд заавар зөвлөмж өгч хамтран ажилласан.

Дүүргийн Засаг даргын 2018 оны А/06 захирамжаар нийтийн эзэмшлийн талбайд зөвшөөрөлгүй тавигдсан “Түргэн үйлчилгээний цэг”-ийг 2018 оны 01 дүгээр сарын 05-ны өдөр нүүлгэн шилжүүлэх ажлыг зохион байгуулсан. Энхтайваны өргөн чөлөөнд байрлах 47 ТҮЦ-д шаардах хуудас өгч, дүүргийн 16 дугаар хорооны 3, 29 дүгээр хорооны 6 ТҮЦ-ийг нүүлгэн шилжүүлсэн.

Дүүргийн засаг даргын 2018 оны А/235 дугаар захирамжаар баталсан Дүүргийн нутаг дэвсгэрт нийтийн эзэмшлийн зам талбай,явган зорчигчийн зам, батлагдаагүй байршилд зохих зөвшөөрөлгүй үйл ажиллагаа явуулж байгаа “Түргэн үйлчилгээний цэг”-ийг цэгцлэх ажлын хүрээнд 2018 оны байдлаар нийт Энхтайваны өргөн чөлөөнд байрлах нийт 27 ТҮЦ-ийг Газрын алба, Мэргэжлийн хяналтын хэлтэстэй хамтран нүүлгэн шилжүүлсэн.

Хархорин захын зам дагуу ил задгай худалдаа эрхлэгч 30 иргэнд шалгалт хийж цаашид худалдаа хийхгүй байх шаардлага тавьж зогсоосон.

Дүүргийн Засаг даргын 2018 оны А/444 дугаар “Хяналт шалгалт зохион байгуулах тухай” захирамжийн дагуу  дүүргийн нутаг дэвсгэрт нийтийн эзэмшлийн гудамж зам талбай, явган хүний зорчих хэсэг, гарц болон автобусны буудлууд дээр явагдаж буй ил задгай худалдааны чиглэлээр үйл ажиллагаа явуулж байгаа иргэдийн үйл ажиллагаанд хяналт шалгалтыг 2018 оны 09 дүгээр сарын 17-ны өдрөөс 10 дугаар сарын 16-ны өдрийг хүртэл зохион байгуулав.

Шалгалтад хамрагдсан нийт 150 иргэнээс 25 иргэнийг Зөрчлийн тухай хуулийн 5.1.1.д заасны дагуу 300 мянган төгрөгөөр торгож,  хууль ёсны шаардлага тавьж ажилласан. Мөн дүүргийн 20 дугаар хорооны Энхжин худалдааны төвийн баруун талд явган хүний зорчих хэсэг, замын хөвөөнд байрласан төмрийн худалдаа, хоёрдогч түүхий эд худалдан авч борлуулдаг 4 иргэнийг нүүлгэн шилжүүлж явган хүний замыг чөлөөлүүлсэн.

Дүүргийн Засаг даргын 2018 оны А/06 захирамжаар Энхтайваны өргөн чөлөөнд байрлах 47 ТҮЦ-нд шаардах хуудас өгч, дүүргийн 16 дугаар хорооны 3, 29 дүгээр хорооны 6 ТҮЦ-ийг Газрын алба, Мэргэжлийн хяналтын хэлтэстэй хамтран нүүлгэн шилжүүлсэн.

Дүүргийн Засаг даргын 2018 оны А/235 дугаар захирамжаар Энхтайваны өргөн чөлөөнд байрлах нийт 27 ТҮЦ-ийг Газрын алба, Мэргэжлийн хяналтын хэлтэстэй хамтран нүүлгэн шилжүүлсэн.  

Сонгинохайрхан дүүргийн Боловсролын хэлтэс 2018 оны ажил үйлсээрээ бусдыгаа манлайлж Нийслэлийн шилдгээр шалгарлаа. Нийслэлийн 9 дүүрэгтээ ажил мэргэжлээрээ хамт олноо манлайлан ажилласан тэднийг Нийслэлийн боловсролын газраас иж бүрэн компьютерээр шагнаж урамшуулсан байна.

            Сонгинохайрханчууд бидний хувьд 2018 он ололт амжилт, бүтээн байгуулалтын жил байлаа.

            Бид улирч буй оныхоо алдаа оноог дэнсэлж, угтан ирж буй 2019 ондоо улам хичээн ажиллах болно.

Та бүхэндээ шинэ жилийн баярын мэнд хүргэе.

СОНГИНОХАЙРХАН ДҮҮРГИЙН ЗАСАГ ДАРГА Ж.САНДАГСҮРЭН

Сонгинохайрхан дүүргийн Онцгой байдлын хэлтэс энэ оны үйл ажиллагааны төлөвлөгөөний хэрэгжилтийг хангаж жилийн эцсийн тайлангийн хурлхийлээ. Хурлын үеэр Онцгой байдлын хэлтсийн дарга, дэд хурандаа А.Батбаяр болон дүүргийн Иргэдийн Төлөөлөгчдийн Хурлын дарга Б.Мөнхцэцэг, Засаг даргын орлогч О.Ганбаатар, нийслэлийн Онцгой байдлын газрын дэд дарга, хошууч Б.Мягмардорж нар нээлтийн арга хэмжээнд оролцлоо.

2018 оны жилийн эцсийн Тайлангийн хурлын үеэр албан үүргээ сайн биелүүлж, гамшгаас хамгаалах, урьдчилан сэргийлэх үйл ажиллагааг амжилттай хэрэгжүүлсэн албан хаагчдыг шагнаж урамшуулав.

Үүнд:

-       Тэргүүний анги хамт олон: Тус дүүргийн Гал түймэр унтраах, аврах 29 дүгээр ангийн хамт олон,

-       Тэргүүний салаа хамт олон: мөн хэлтсийн Гал түймэр унтраах, аврах 11 дүгээр ангийн 1 дүгээр салааны албан хаагчид,

-       Хэлтсийн тэргүүний албан  хаагч: Хэлтсийн Гал түймрийн улсын хяналтын ахлах байцаагч, хошууч Ч.Артаг

-       Хэлтсийн Шилдэг үйлчилгээний ажилтан: хэлтсийн бичиг хэрэг, архивын эрхлэгч, ахлагч Ж.Алтантуяа,

-       Шилдэг дуудлага хүлээн авагч: Гал түймэр унтраах, аврах 26 дугаар ангийн дуудлага хүлээн авагч, ахлах ахлагч Н.Мөнхцэцэг

-       Шилдэг жолооч: Гал түймэр унтраах, аврах 29 дүгээр ангийн гал унтраах автомашины жолооч, ахлах ахлагч Н.Цэдэндамба

-       Шилдэг гал сөнөөгч:

-       1. Гал түймэр унтраах, аврах 26 дугаар ангийн гал сөнөөгч, ахлах ахлагч Т.Сайренбек

-       2. Гал түймэр унтраах, аврах 29 дүгээр ангийн гал сөнөөгч, ахлах ахлагч С.Баттулга

-       3. Гал түймэр унтраах, аврах 11 дүгээр ангийн гал сөнөөгч, ахлах ахлагч О.Гантулга нар шагнагдлаа.

-       Нийслэлийн Иргэдийн төлөөлөгчдийн хурлын “Хүндэт тэмдэг”-ээр Гал түймэр унтраах, аврах 29 дүгээр ангийн захирагч, дэд хурандаа Б.Бат-Очир,

-       Мөн дүүргийн Иргэдийн хурлын даргын “Хүндэт тэмдэг”-ээр Хэлтсийн Гал түймрийн улсын хяналтын ахлах байцаагч, хошууч Ч.Артаг, . Гал түймэр унтраах, аврах 26 дугаар ангийн гал унтраах автомашины шатны техникч, ахлах ахлагч Бат-Эрдэнэ, мөн ангийн салааны захирагчийн туслах, ахлах ахлагч, Т.Амар, мөн ангийн гал сөнөөгч, ахлах ахлагч Б.Отгонрааш нарыг шагнаж урамшууллаа.

Нийслэлийн нэгдсэн хүүхдийн холбооны шинэ жилийн баярын цэнгүүн болж шилдгүүдээ шалгарууллаа. Энэ өдөр Сонгинохайрхан дүүргийн хүүхдийн холбоо хүүхдийн төлөө хамтарч нэгдэж хийсэн ажлуудаа үнэлүүлж "Шилдэг хүүхдийн холбоо" боллоо.

Сонгинохайрхан дүүргийн Биеийн тамир спортын хороо 2018 оны ажлаараа бүрэн хангалттай үнэлэгдэж, ажлын амжилтаараа нийслэлдээ дэд байрт орлоо.

Спорт хорооны хамт олон “Улаанбаатар марафон” олон улсын гүйлтэд иргэдээ идэвхи санаачлагатай оролцуулж, амжилттай зохион байгуулан нэгдсэн дүнгээр тэргүүн байрт шалгарсан.  

Түүнчлэн нийтийн биеийн тамир хариуцсан арга зүйч мэргэжилтэн Т.Дэмбэрэл шилдэг арга зүйч боллоо.  

Нийслэлиин 9 н дүүргиин Биeиин тамир спортын хороодын 2018 оны ажлын амжилтаараа байгууллагаараа 2 дугаар байрт шалгарлаа 2018 он их ажлын жил байлаа 2019 онд илүү их хичээж манлайлах болноо та нартаа шинэ оны мэнд хүргьe

Нийслэлийн Хүүхэд, гэр бүлийн хөгжлийн газраас есөн дүүргийн ГБХЗХХ-тэй хамтран тогтмол, үр дүнтэй хамтран ажиллаж, гэр бүлд чиглэсэн бүтээлч, ажил үйлчилгээ, орчныг бүрдүүлэн иргэд олон нийтийн талархлыг хүртэж чадсан төрийн болон төрийн бус байгууллага, аж ахуйн нэгжийг үнэлж урамшуулан, тэдэнд улам ихийг хийж бүтээх урам зориг, эрч хүч өгөх, хүндэтгэл үзүүлэх зорилготой “Нийслэлийн хүүхэд гэр бүлд ээлтэй байгууллага” шадгаруулах ёслолын ажиллагаа болж өнгөрлөө.

Шагнал гардуулах ёслолын ажиллагаанд нийслэлийн Засаг даргын орлогч Д.Энхтөр, нийслэлийн Хүүхэд, гэр бүлийн хөгжлийн газрын дарга Ө.Ган-Өлзий, нийслэлийн Нийтийн биеийн тамир, спортын хорооны дарга Ж.Ганболд зэрэг албаны төлөөллүүд оролцов

Хүүхэд, гэр бүлд ээлтэй дүүрэг: Налайх дүүрэг

Хүүхэд, гэр бүлд ээлтэй хороо: Хан-Уул дүүргийн 6-р хороо

Хүүхэд, гэр бүлд ээлтэй сургууль: Сонгинохайрхан дүүргийн 65 дугаар сургууль

Хүүхэд, гэр бүлд ээлтэй цэцэрлэг: СХД-ийн 91 дүгээр цэцэрлэг, СБД-ийн 159 дүгээр цэцэрлэг, ЧД-ийн 9 дүгээр цэцэрлэг

Хүүхэд, гэр бүлд ээлтэй ТББ: “Инжирийн мод” НҮТББ

Хүүхэд, гэр бүлд ээлтэй үйлчилгээний байгууллага: Монголын Хүүхдийн урлан бүтээх төв

Хүүхэд, гэр бүлд ээлтэй ресторан зоогийн газар, худалдаа үйлчилгээний байгууллага: “ЮНА ГРАНД” ХХК

Хүүхэд, гэр бүлд ээлтэй үйлдвэр: “Өгөөж чихэр боов” ХХК

Хүүхэд, гэр бүлд ээлтэй олон улсын байгууллага: МУЗН-ийн Хүүхэд залуучуудын хөдөлгөөн наар тус тус шалгарав.