СОНГИНОХАЙРХАН ДҮҮРЭГ

ЗАСАГ ДАРГЫН ТАМГЫН ГАЗАР

     Сонгинохайрхан дүүргийн цэцэрлэгийн ахлах ангийн багачууд өнөөдөр замын хөдөлгөөний талаарх мэдлэгээрээ өрсөлдлөө. Сонгинохайрхан дүүргийн Засаг даргын Тамгын газар, дүүргийн Замын цагдаагийн хэлтэс хамтран зохион байгуулсан уг тэмцээнд дүүргийн 12 цэцэрлэгийн багачууд оролцож, авхаалж самбаагаа сорьсон юм. 101-р цэцэрлэгийн “Цоглог”, 92-р цэцэрлэгийн “Гэрлэн дохио”, 195-р цэцэрлэгийн “Золбоо”, 112-р цэцэрлэгийн “Авхаалж” зэрэг баг тамирчид мэндчилгээ, гэрийн даалгавар, хамтдаа зэрэг 6 төрлийн даалгавар гүйцэтгэж, өрсөлдлөө.

     Сонгинохайрхан дүүргийн Хөдөлмөр, халамжийн үйлчилгээний хэлтсээс дүүргийн Засаг даргын Тамгын газар, Хөдөлмөрийн аюулгүй байдал, эрүүл ахуйн зөвлөл, ХАБЭМТөвтэй хамтран дүүргийн томоохон үйлдвэр, аж ахуйн нэгж байгууллагын удирдлагууд, Ерөнхий боловсролын сургуулийн захирлууд, цэцэрлэгийн /СӨБ/ эрхлэгч зэрэг нийт 80 байгууллагын удирдлагуудыг хамруулан “АЖИЛ ОЛГОГЧ ЭЗДИЙН ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН СУРГАЛТ” зохион байгууллаа. Сургалтанд дүүргийн Засаг даргын Тамгын газрын дарга, ХАБЭА-н зөвлөлийн дарга М.Баяраа оролцож, дүүргийн хэмжээнд хөдөлмөрийн аюулгүй байдал, эрүүл ахуйн талаар хэрэгжүүлж буй үйл ажиллагаа, баримтлах бодлого, цаашид анхаарах асуудлуудын талаар товч танилцуулж, сургалтанд оролцогчдод амжилт хүслээ.

     Монгол Улсын Их Хурлын Гишүүн Д.Сумъяабазар, Х.Нямбаатар нарын санаачилгаар Монгол, Японы бөх хөгжүүлэх "MJ" нийгэмлэгийн хөрөнгө оруулалтаар барьж байгуулж байгаа "БӨХИЙН ЗААЛ"-ны шав тавих ёслолын ажиллагаа 2017 оны 04 дүгээр сарын 27-ны өдөр боллоо.

 

     Сонгинохайрхан дүүргийн хэмжээнд үүсмэл болон хур хогийн 166 цэг байснаас “Хоггүй орчин-Эрүүл амьдрал” аяны хүрээнд өнөөдрийн байдлаар 60 хувийг бүрэн цэвэрлэж арилгалаа. Сонгинохайрхан дүүргийн 8 дугаар хороонд 5 хогийн цэг байснаас өнөөдөр Баянцагааны жалгыг цэвэрлэснээр тус хороо хур хогийн цэггүй боллоо. 8 дугаар хорооны зүгээс аж ахуйн нэгж болон айл өрхүүдийг хоггүй орчин бүрдүүлэхийг уриалж байна. Аянд идэвхтэй хамрагдаж байгаа аж ахуйн нэгж болон айл өрхүүдэд “Өөдлөх айл үүднээсээ-Мундаг” гэсэн таних тэмдэг, хангалтгүй ажиллаж байгаад нь “Муухай” гэсэн таних тэмдгийг байршуулж байгаа юм. 

 

     Гэр бүл, Хүүхэд, Залуучуудын хэлтэс Монголын Аутизмын Холбоо, Дэлхийн Зөн Монгол Олон Улсын Байгууллагын Толгойт Орон нутгийн хөгжлийн хөтөлбөртэй хамтран 2017 оны 04 сарын 25-ны өдөр дүүргийн аутизмтай хүүхдүүдийн эцэг эх, асран хамгаалагч нарыг хамруулан “Аз жаргалтай гэр бүл” сэдэвт сургалтыг амжилттай зохион байгууллаа. Сургалтаар аутизмыг таниулах болон эцэг эх, асран хамгаалагчид хүүхдүүдтэйгээ хэрхэн харилцах, тэдэнд тулгарсан бэрхшээлийг хамтдаа даван туулах, тэдэнд туслах, асран хамгаалах зэрэг зөвлөгөө, зөвлөмжийг хүргэлээ.

       БСШУС-ын сайд Ж.Батсуурь, УИХ-ын гишүүн Д.Тэрбишдагва нар 2017 оны 04 дүгээр сарын 25-ны өдөр Сонгинохайрхан дүүргийн 158, 124, 227, 163, 78 дугаар цэцэрлэг болон 124, 76 дугаар дунд сургуулиудаар зочиллоо. Уулзалтанд дүүргийн Засаг дарга Ж.Сандагсүрэн, Засаг даргын нийгмийн салбарын төслүүд хариуцсан орлогч дарга Л.Оргил, дүүргийн Боловсролын хэлтсийн дарга А.Дүүдээ болон бусад холбогдох албаны хүмүүс оролцлоо. 

     Сонгинохайрхан дүүргийн гэмт хэргээс урьдчилан сэргийлэх ажлыг зохицуулах зөвлөлөөс цагдаагийн 1, 2, 3 дугаар хэлтэс болон замын цагдаагийн хэлтсийн бие бүрэлдэхүүнд мотоцикл бэлэглэлээ. Гэмт хэргийн илрүүлэлтэд эргүүлийн ажил чухал үүрэгтэй гэдгийг Сонгинохайрхан дүүргийн Иргэдийн Төлөөлөгчдийн Хурлын дарга бөгөөд дүүргийн Гэмт хэргээс урьдчилан сэргийлэх ажлыг зохицуулах зөвлөлийн дарга Б.Мөнхцэцэг онцоллоо.  Цагдаагийн байгууллага нь гэмт хэргийг үйлдсэнийх нь дараа хөрөнгө мөнгө зарцуулж илрүүлэх биш, гарахаас нь өмнө урьдчилан сэргийлэх ажлыг тууштай тасралтгүй зохион байгуулахад анхаарч ажиллах нь зүйтэй гэдгийг Цагдаагийн Нэгдүгээр хэлтсийн дарга, Цагдаагийн хурандаа Ш.Цогбаатар хэллээ. 

   Сонгинохайрхан дүүргийн “Гэмт хэргээс урьдчилан сэргийлэх ажлын үр нөлөөг дээшлүүлэх нь” зөвлөлгөөн 04 дүгээр сарын 24-нд боллоо. Зөвлөгөөнөөр:

 

  • Дүүргийн Гэмт хэргээс урьдчилан сэргийлэх ажлыг зохицуулах зөвлөлөөс зохион байгуулсан ажил,
  • Шүүхээр 2016 онд таслан шийдвэрлэгдсэн шүүн таслах ажиллагааны талаарх мэдээлэл,
  •  2015, 2016 оны гэмт хэргийн харьцуулалт, 
  •  2017 оны Нэгдүгээр улирлын гэмт хэргийн нөхцөл байдал, гэмт хэргээс урьдчилан сэргийлэх нөхцөл байдал, 
  • Замын хөдөлгөөний аюулгүй байдал, 
  • Хорооны гэмт хэргээс урьдчилан сэргийлэх талаар мэдээлэл хүргэж цаашид авч хэрэгжүүлэх ажлын талаар танилцууллаа.

     Сонгинохайрхан дүүрэг үүсэн байгуулагдсаны 25 жилийн ойг угтан Монгол Улсын Их Хурлын гишүүн Д.Сумъяабазарын нэрэмжит Сургуулийн өмнөх боловсролын байгууллагын "Тамирчин багш" тэмцээн 2017 оны 04 дүгээр сарын 20-22-ны өдрүүдэд спортын 4 төрлөөр зохион байгуулагдаж, 35 байгууллагын 600 гаруй багш, ажилчид өрсөлдлөө. Тус тэмцээний нээлтийн үйл ажиллагаанд УИХ-ын гишүүн Д.Сумъяабазарын туслах Б.Хуягбаатар, Засаг даргын Тамгын газрын дарга М.Баяраа нар болон бусад төлөөлөгчид оролцлоо.

     Сонгинохайрхан дүүргийн Боловсролын хэлтсийн туршлага түгээн дэлгэрүүлэх “Боловсролын хөгжилд Сонгинохайрханчууд” үйл ажиллагаа Олон улсын хүүхдийн Найрамдал төвд боллоо. Ерөнхий боловсролын сургууль болон Албан бус насан туршийн боловсролын төв, төрийн бус өмчийн сургуулиуд боловсролын салбарт оруулах хөрөнгө оруулалт, сургалтын орчин, багшийн хөгжил, хүүхдийн хөгжил, гадаад харилцаа-хамтын ажиллагаа зэрэг сэдвээр танилцуулга, үзэсгэлэн гаргалаа. Сонгинохайрхан дүүргийн Боловсролын хэлтсийг боловсон хүчин тогтвортой туршлагатай хамт олон гэдгийг Нийслэлийн боловсролын газраас онцолж байна. “Түүчээ нь болж Түгээн дэлгэрүүлье” уриатай уг арга хэмжээнд Нийслэлийн боловсролын газрын орлогч дарга Ц.Отгончимэг, Сонгинохайрхан дүүргийн Иргэдийн Төлөөлөгчдийн Хурлын дарга Б.Мөнхцэцэг, Тамгын газрын дарга М.Баяраа, Боловсролын хэлтсийн дарга А.Дүүдээ болон нийслэл, дүүргийн бусад төлөөлөгчид оролцлоо. Сонгинохайрхан дүүрэг нийслэлийн хамгийн их хүн амтай хамгийн том газар нутагтай дүүрэг. Энэ ч утгаараа алслагдсан хороодын хүүхдүүдийг сургууль цэцэрлэгт бүрэн хамруулах, боловсролын салбарт хийгдэж байгаа үйл ажиллагааны хүртээмжийг нэмэгдүүлэх зэрэгт дүүргийн Засаг даргын Тамгын газар, Боловсролын хэлтэс хамтран олон ажил хэрэгжүүлэхээр ажиллаж байна. 

Санал асуулга

Дүүргийн ногоон байгууламжийн хэмжээг нэмэгдүүлж байгаа нь таны сэтгэлд нийцэж байна уу?
Нийт 648 санал өгсөн байна.