СОНГИНОХАЙРХАН ДҮҮРЭГ

ЗАСАГ ДАРГЫН ТАМГЫН ГАЗАР

     Сонгинохайрхан дүүргийн 5,6,18,19-р хороо Ханын материалын эцсээс 5 шарын уулзвар хүртэлх Үйлдвэрчний эвлэлийн гудамж дагуу тохижилтыг хийж гүйцэтгэж байна.

Тохижилтын ажилд:

 

·         6400 м2 явган хүний замын сул шороон талбайг хавтангаар бүрэх,

 

·         1400 м2 зүлэгт талбай, 5500ш шар хуйас, 200ш хайлаас, 100ш улиас тарих,

 

·         680 м2 налуу шороон талбайг эко хавтангаар бүрэх,

 

·         7 уулзварын орц гарцыг засан бетон зутгамал хийх,

 

·   8 цэцэгт мандлын сандал, 62 ширхэг хогийн сав, 98 ширхэг сандал, 2 ширхэг мэдээллийн самбар байршуулах ажлыг хийхээр төлөвлөсний дагуу ажиллаж байна.

 

     Сонгинохайрхан дүүргийн 19-р хороо, Пусан хотын Олон улсын Хамтын Ажиллагааны сантай хамтран ажиллах гэрээг 2017 оны 05 дугаар сарын 10-нд байгуулсан. 

 

Хамтын ажиллагааны хүрээнд:

 

1. Пусан хотын хилийн чанадад ажиллах сайн дурын багийн үйл ажиллагааг үр дүнтэй явуулах үүднээс эрүүл мэнд, боловсролын сайн дурын үйл ажиллагааг сурталчлах.

 

2. Бүс нутгийн иргэдийн эрүүл мэндийг сайжруулахын төлөө үнэ төлбөргүй эмчилгээ үйлчилгээ үзүүлэхэд хамтран ажиллах.

 

3. Эрүүл мэнд, Соёл, Боловсрол зэрэг салбарт харилцан туршлага судлах.

 

4. Хоёр хотын иргэдийн нийгэмлэг хооронд холбоо тогтоон, дэмжлэг үзүүлэх.

 

5. Харилцан итгэлцлийн дор хамтын ажиллагааны боломжуудыг нээн илрүүлэх, хөгжүүлэх зэрэг ажлууд хийгдэх юм.

     “Ой хээрийн түймрийн эсрэг” аянд Сонгинохайрхан дүүргийн 17 жижиг дунд үйлдвэр эрхлэгч 2,430,000 төгрөгийн хандив өргөснийг Жижиг дунд үйлдвэрийг дэмжих мэдээлэл сургалтын төвийн захирал О.Гэрэлт-од тус дүүргийн Онцгой байдлын хэлтсийн дарга А.Батбаярт хүлээлгэн өглөө.


     Үйлдвэр эрхлэгчид өөрсдийн үйлдвэрлэсэн 13 төрлийн хувцас, хүнсний зүйл, бараа бүтээгдэхүүн
ээс гадна 125,000 төгрөгийг бэлнээр хандивласан байна.

 

     Манай улсад албан ёсны айлчлал хийж буй Япон Улсын парламентын төлөөлөгчдөд зориулсан Монгол үндэсний бэсрэг наадам Хүй долоон худагт боллоо. Наадмын үеэр улсын байцаагчид хүнсний аюулгүй байдал, эрүүл ахуйн хяналт тавин ажиллалаа.

Сонгинохайрхан дүүргийн нутаг дэвсгэрт гарсан түймрийг дүүргийн Онцгой байдлын хэлтсийн аврах, гал унтраах ангийн албан хаагчид бүрэн унтраалаа.

     Сонгинохайрхан дүүргийн Онцгой байдлын хэлтсийн Гал түймэр унтраах, Аврах 26, 29 дүгээр ангийн 12 албан хаагч 24, 25, дугаар хорооны байгаль хамгаалагч нартай хамтран ногоон бүсэд аялал зугаалгаар явж байгаа иргэдэд "Ой хээрийн түймрээс" урьдчилан сэргийлэх санамж сэрэмжлүүлэг тарааж, болзошгүй эрсдэлээс сэргийлэх талаар зөвлөмж өглөө.

-Өнгөрсөн жил Баянхошуунд эрүүл мэнд, нийгмийн даатгалын тасаг шинээр нээгдсэн. Энэ тасгаар хичнээн иргэн даатгуулагч үйлчлүүлж байна вэ?

-Баянхошуу тасаг 2016 оны гуравдугаар сараас үйл ажиллагаагаа эхэлсэн. СХД-ийн Баянхошуу орчмын 8-н хорооны 92,500 иргэн, даатгуулагчид үйлчилж байна. 8 хорооны 10,200 тэтгэвэр авагчтай, 302 байгууллага тайлан тооцоогоо өгч байна.  4000 гаруй сайн дурын даатгуулагчид үйлчилгээ үзүүлж байна.  Тасаг дээр  4 хүний оронтоотой ч ачаалал их тул орлого, тэтгэмж, тэтгэвэр, тэтгэврийн хяналтын байцаагч, эрүүл мэндийн байцаагч хэлтсээсээ нэмж ажиллуулж байна. Эрүүл мэнд, нийгмийн даатгалын бүх үйлчилгээг энэ тасгаас авч байна. Төрийн үйлчилгээ иргэд, даатгуулагчдадаа ойртсонд бүгд  талархаж байна.  

 

Монголын нүүдэлчин ард түмний соёл иргэншил, ёс заншлын өв, урлаг, үндэсний хувцасны гайхамшиг, түүний арвин их түүх, соёлыг залуу хойч үе, дотоод гадаадын жуулчдад сурталчилан таниулах хүүхэд залуучуудад нүүдэлчин үндэснийхээ түүх, соёлоор бахархах, хайрлах зорилгоор  “Дээлтэй Монгол” наадмыг  2017 оны 07 сарын 10-ны өдөр  зохион байгуулахаар Нийслэлийн Засаг дарга захирамж гаргасан.

     Монгол Улсын Тулгар төр байгуулагдсаны 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмыг угтан Монгол улсын ерөнхийлөгчийн зарлигаар СХД-ийн 170 гаруй иргэн Хөдөлмөрийн Гавьяаны Улаан Тугийн одон, Алтан гадас одон, Хөдөлмөрийн Хүндэт медаль зэрэг төрийн дээд одон медалиар энгэрээ мялаалаа.  

 

     Төрийн дээд одон медаль хүртсэн нийт СОНГИНОХАЙРХАНЧУУДДАА баяр хүргэе. Та бүхэн дэнж хотойтол сайхан наадаарай.