“Хүүхдийг болзошгүй эрсдэлд өртөхөөс сэргийлэх талаар авах зарим арга хэмжээний тухай” Нийслэлийн Засаг даргын 2018 оны 6 дугаар сарын 26-ны өдрийн 02 тоот албан даалгаврын хэрэгжилтийг хангах ажлын хүрээнд дүүргийн Засаг даргын 2018 оны 6 дугаар сарын 26-ны өдрийн А/332 дугаар захирамжаар 13 хүний бүрэлдэхүүнтэй ажлын хэсэг байгуулагдан ажиллалаа.

Түүнчлэн дүүргийн нутаг дэвсгэрийн хэмжээнд хүүхдийн аюулгүй орчинд амьдрах эрхийг хангах, аливаа эрсдэлд өртөхөөс урьдчилан сэргийлэх, орчны аюулгүй байдал хангагдаж байгаа эсэхэд хяналт шалгалт хийх, эрсдэл үүсч болзошгүй нөхцөл байдлыг арилгуулах, салбаруудын ажлын үүрэг, хариуцлагыг дээшлүүлэх зорилгоор хяналт, шалгалтуудыг богино хугацаанд хийж гүйцэтгэсэн.

Тодруулбал нийтийн эзэмшлийн хүүхдийн тоглоомын талбай, биеийн тамирын талбайнуудын тоо ширхэг, засварлах шаардлагатай газруудын судалгаа, траншейны онгорхой нүх, эвдрэл, явган хүний гүүр, гэрэлтүүлгийн шонгийн бүрэн бүтэн байдал, цахилгааны утас, шитний ил задгай байдал, аюулгүй ажиллагаа зэрэг асуудлуудын судалгааг хороо бүрээс авч нэгтгэсэн.

Түүнчлэн сургууль, цэцэрлэгийн бүсэд замын хөдөлгөөний аюулгүй байдлыг хангах, хүүхдийг зам тээврийн ослоос урьдчилан сэргийлэх, хөдөлгөөний аюулгүй байдлыг хангуулахад шаардлагатай байгаа замын тэмдэг тэмдэглэгээ, гарц, хурд сааруулагч, камер, гэрлэн дохио тавиулах судалгааг нэгтгэн, Нийслэлийн Авто замын хөгжлийн газарт дүүргийн Засаг даргын 2018 оны 7-р сарын 02-ны 02/1840 тоот албан бичгээр хандсан.

Нийтийн эзэмшлийн гудамж талбайд траншейн /дулаан, цэвэр, бохирын усны болон холбооны худаг/-ы таггүй, таг нь эвдэрсэн байдлыг арилгуулахаар дүүргийн Засаг даргын 2018 оны 7-р сарын 2-ны өдрийн 02/1844 тоот албан бичгээр Орон сууц нийтийн аж ахуйн удирдах газарт  хандсан. Хороодоос судалгааг авч нэгтгэлийн хамт хүргүүлэв.

Нийтийн эзэмшлийн талбай болон айл өрхүүдийн дундуур эмх замбараагүй байрлаж байгаа цахилгаан утас, холболтууд, цахилгааны шитний аюулгүй байдлыг хангуулахаар дүүргийн Засаг даргын 2018 оны 7-р сарын 02-ны өдрийн 02/1843 тоот албан бичгээр “УБ цахилгаан түгээх сүлжээ” ТӨХК-нд хандан, зөрчлийг арилгуулаад байна.

     Дүүргийн нутаг дэвсгэрт гарсан мал амьтны гоц халдварт шүлхий өвчний дэгдэлтийг зогсоохоор өргөн бүрэлдэхүүнээр ажилласан билээ. Хорио цээрийн дэглэмийг сахиулах олон нийтийн аюулгүй байдлыг хангах хуулиар хүлээсэн чиг үүргээ нэр төртэй биелүүлсэн ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны хамгаалалтын газрын хамт олонд дүүргийн Засаг дарга Ж.Сандагсүрэн талархал гардууллаа. 

“Монголын хүмүүнлэгийн өдөр”-ийг угтаж зарласан “Хүнлэг сэтгэл-Хүмүүнлэгийн өргөө” аянд идэвхтэй оролцсон төр захиргааны байгууллага, гишүүд дэмжигчид, ивээн тэтгэгч гишүүд, хандивлагч, сонгуультан, сайн дурын идэвхтнүүд, багачууд, өсвөр, залуучуудын улаан загалмайн гишүүд, хүмүүнлэгийн гишүүн байгууллага, иргэний нийгэм, бизнесийн салбар, аж ахуйн нэгжүүд, хувь хүн, ерөнхий боловсролын сургууль, цэцэрлэгүүд, байгууллагын хамт олон та бүхэн хүмүүнлэгийн үйлсийг дэмжиж, бие сэтгэл, хөрөнгө, хүч хөдөлмөрөө зориулж, үр дүнтэй хамтран ажилласанд талархал илэрхийлье.

Дүүргийн Улаан загалмайн хороо нь гишүүд дэмжигчид, хандивлагчдынхаа итгэлийг олж, хувь хүнийг өсөж дэвжих, олон түмэнд танигдахад нь гүүр болж, хүмүүнлэгийн үйлсэд оруулсан хувь нэмрээрээ бахархах бусдыг хошуучлах үзлийг төлөвшүүлэхэд гол анхаарлаа хандуулж ирлээ.

Бусдын тусын тулд бие сэтгэлээ зориулж, оюун санааны гэгээрэл, сэтгэлийн амар амгалан, энэрэл нигүүлслийг хайрлаж, хүмүүсийг ёс суртахууны шинэ хандлагад уриалан дуудсан "Хүмүүнлэгийн үйлстэн" байгууллагуудаа танилцуулж байна.

Байгууллага

1. Ц. Мөнхтогоо даргатай СХД-ийн Хэрэглэгчдэд үйлчилэх төв /Эрчим хүч/-ийн хамт олон

2. Б.Мөнхцэцэг даргатай Иргэдийн Төлөөлөгчдийн хурлын хамт олон

3. Б.Мөнхбаяр даргатай Хөдөлмөр, халамж үйлчилгээний хэлтсийн хамт олон

4. Г.Ганхүү даргатай Мэргэжлийн хяналтын хэлтсийн хамт олон

5. Ж.Болортуяа даргатай Эрүүл мэндийн төвийн хамт олон

Хороо

1. Х.Эрдэнэтуяа Засаг даргатай 8-р хорооны хамт олон

2. Х.Эрдэнэтуяа Засаг даргатай 14-р хорооны хамт олон

3. Э.Ниндэв Засаг даргатай 17-р хорооны хамт олон

4. М.Энхманлай Засаг даргатай 4-р хорооны хамт олон

5. Д.Ганбат Засаг даргатай 13-р хорооны хамт олон

Ерөнхий боловсролын сургууль

1. Ш.Сарантуяа захиралтай 62-р сургуулийн хамт олон

2. Ч.Хишигмаа захиралтай 65-р сургуулийн хамт олон

3. Д.Энхжаргал захиралтай 104-р сургуулийн хамт олон

4. Э.Энхтуяа захиралтай 107-р сургуулийн хамт олон

5. Г.Цагаанцоож ерөнхий захиралтай “Ирээдүй” цогцолбор сургууль

Цэцэрлэг

1. С.Энх Ариун эрхлэгчтэй 110-р цэцэрлэгийн хамт олон

2. Ц.Мөнхжаргал эрхлэгчтэй 55-р цэцэрлэгийн хамт олон

3. Н.Нарангэрэл эрхлэгчтэй 113-р цэцэрлэгийн хамт олон

4. Б.Ганхуяг эрхлэгчтэй 107-р цэцэрлэгийн хамт олон

5. Ж.Соёлмаа эрхлэгчтэй 125-р цэцэрлэгийн хамт олон

 

Гишүүнчлэл, Хандив, хамтран зохион байгуулсан үйл ажиллагаа, аяны хугацаанд тайлангаа өгсөн үзүүлэлтүүдийг үндэслэн эхний 5 байрыг танилцуулж байна. Аянд идэвхтэй оролцсон байгууллагуудыг тухай бүрт талархаж, цахим сүлжээнд нийтэлсэн болно.

Талархлын арга хэмжээнд хүрэлцэн ирж, хүмүүнлэгийн үйлсийг манлайлагч нарт шагнал гардуулсан дүүргийн Засаг дарга Ж.Сандагсүрэн, Тамгын газрын дарга, Төр-Улаан загалмайн хамтын ажиллагааны салбар зөвлөлийн дарга Д.Төмөрбаатар, Иргэдийн төлөөлөгчдийн хурлын ажлын албаны зохион байгуулалтын хэлтсийн дарга Б.Мөнхбаяр, Иргэний оролцооны хэлтсийн дарга Э.Нансалмаа нарт талархлаа илэрхийлж, цаашдын ажилд нь улам их амжилтыг хүсэн ерөөе. Мөн шагнал авсан байгууллагын хамт олон, оролцсон бүх хүмүүст зориулж ая дуугаа өргөсөн дүүргийн УЗХ-ны Удирдах зөвлөлийн гишүүн МУГЖ Д.Галсантогтох танд талархалаа илэрхийлье.

ХҮМҮҮНЛЭГИЙН ҮЙЛСИЙН ТӨЛӨӨ ХАМТДАА

Дүүргийн Засаг даргын 2018 оны 06 дугаар сарын 20-ны өдрийн А/316 тоот захирамжаар Үндэсний их баяр наадам угтсан бүх нийтийн их цэвэрлэгээ зохион байгууллаа.

Их цэвэрлэгээний ажилд нийт 1800 аж ахуйн нэгж, 7451 иргэд оролцож  144496 м/кв талбайг цэвэрлэн 32 хороодод нийт 56 хог тээврийн автомашин 67 рейсээр 1294 тн хог хаягдлыг ачиж тээвэрлэн Нарангийн төвлөрсөн цэгт хүргэсэн байна.

Нийтийн эзэмшлийн зам талбайд 82 замын үйлчлэгч Орон сууц хороолол дундах болон гражийн арын зай завсрын зэрлэг ургамлуудыг зулгаах, нийтийн эзэмшлийн авто зам дагуух наасан заруудыг хуулах, авто зам болон явган замын тэмдэг, 120 уртааш метр хайс хашлагыг угаах ажлуудыг хангалттай сайн хийж гүйцэтгэлээ.

     Хүнсний хог хаягдлыг дахин боловсруулах судалгааны талаар Япон улсын NPO корпораци SOL-ийн дарга Цүтомү Янагихара тэргүүтэй төлөөлөгчид Засаг дарга Ж.Сандагсүрэнтэй уулзлаа. Хүнсний хог хаягдлыг дахин боловсруулж бордоо хийх талаар Ногоон хороо хөтөлбөр хэрэгжүүлж байсан туршлага Толгойт хорооллын нутгийн хөгжлийн төвд бий. Тиймээс япон улсын мэргэжилтнүүдтэй хамтран бордоо  боловсруулах технологийг ирэх жилээс хэрэгжүүлэх боломжтой гэдгийг онцоллоо. Энэ төсөл хэрэгжсэнээр хүнсний ногоо тариалдаг иргэдэд бордоо нийлүүлэх болон хороо, дүүрэг гэлтгүй нийслэлийн хэмжээнд хамтран ажиллах боломж бүрдэх юм.

Хөдөлмөр, Нийгэм хамгааллын яам болон Засгийн газрын хэрэгжүүлэгч агентлаг Гэр бүл, Хүүхэд, Залуучуудын хөгжлийн газраас "Хүүхдийн оролцооны байгууллагуудын үндэсний зөвлөгөөн-2018"-ийг Олон улсын хүүхдийн Найрамдал зусланд 6 сарын 16-19-ны өдрүүдэд зохион байгууллаа.  

Зөвлөгөөнд 21 аймаг, нийслэлийн 9 дүүргийн нийт 600 хүүхэд оролцох бөгөөд манай дүүргээс хүүхдийн оролцооны байгууллагуудын төлөөлөл болж 37 хүүхэд амжилттай оролцоод ирлээ.

 

 

 

Сонгинохайрхан дүүргийн ЗДТГ-ийн ХХҮХ-ээс Худалдаа үйлчилгээний салбарын дунд зохион байгуулсан Гар бөмбөг, Сагсан бөмбөгийн тэмцээн амжилттай болж өндрөллөө.

Тэмцээнд Өнөр бүс,Толгойт бүс, Баянхошуу бүс, Төвийн бүсүүдээс нийт 21 баг оролцлоо

Сонгинохайрхан дүүргийн Гэр бүл, хүүхэд, залуучуудын хөгжлийн хэлтэс “Нэмүү өртөг шингэсэн бүтээгдэхүүн үйлдвэрлэгчдийн холбоо”-той хамтран тус холбооны гишүүд болох өрхийн үйлдвэрлэл эрхлэгч эмэгтэйчүүдийг чадавхжуулах, хувь хүний хөгжлийг дэмжих, бусдыг манлайлах чадварт суралцуулах зорилгоор хэрэгжүүлж буй “Манлайлагч” бэлтгэх хөтөлбөрийн хүрээнд “Хүүхэд хүмүүжлийн эерэг арга” сэдэвт сургалтыг зохион байгуулж, хэрхэн хүүхэдтэйгээ нас сэтгэхүйн онцлогт тохируулан харилцах, хүүхэд хүмүүжлийн эерэг аргыг хэрэглэх талаарх зөвлөгөө, мэдээллийг өглөө. 

2018 оны Монгол Улсын аварга шалгаруулах өсвөр үе, залуучуудын Уулын дугуйн тэмцээн Төв аймгийн зуун мод хотноо 06-р сарын 9-10-ны өдрүүдэд амжилттай болж өндөрлөлөө.

Энэ удаагийн Улсын аварга шалгаруулах тэмцээнд 15 байгууллагын 150 залуу тамирчид хурд хүч, авхаалж самбаагаа сорин өрсөлдсөнөөс Сонгинохайрхан дүүргийн Засаг даргын дэргэдэх өсвөрийн шигшээ багийн тамирчин 17-18 насанд Б.Амарболд, 15-16 насанд М.Амарболд нар 2 зайд уралдаж хос Алтан медаль, Б.Батбаатар, Х.Катя нар мөнгөн медаль хүртэж байгууллагын нэгдсэн дүнгээр 3-р байр эзэллээ.