Дүүргийн Гэр бүл, хүүхэд, залуучуудын хөгжлийн хэлтэс Нийслэлийн Засаг даргын хэрэгжүүлэгч агентлаг Залуучуудын хөгжлийн газартай хамтран Зэвсэгт хүчний 013, 150 дугаар ангийн 500 гаруй ажилтан, алба хаагчдад гэр бүлийн боловсрол олгох “Гэр бүлийн үнэ цэнэ” сэдэвт сургалт зохион байгууллаа.

“Гэр бүлийн үнэ цэнэ” сургалтаар Нийслэлийн Залуучуудын хөгжлийн газрын Захиргааны хэлтсийн дарга Н.Мандуул гэр бүлийн тогтвортой харилцааг хэрхэн бий болгох, гэр бүлд эхнэр, нөхрийн хүлээх үүрэг хариуцлага, хүүхдийн хөгжил, төлөвшилд гэр бүлийн харилцаа хэрхэн нөлөөлөх ач холбогдлын тухай мэдээ, мэдээллийг өглөө.

Сонгинохайрхан дүүрэг "Эвийн өргөө энхийн гүйлт-2018" галт бамбарыг хүлээн авлаа. Уг галт бамбар БНХАУ-аас 2018 оны 5 сарын 30-ны өдөр Дорнод аймгийн хавиргын боомтоор орсон бөгөөд 6 сарын 22-ны өдөр Баян-Өлгий аймгийн хилийн боомтоор ОХУ-руу гарах юм.

Энхтайвны гүйлтийн баг болон галт бамбарыг дүүргийн Засаг даргын орлогч Н.Алтаншагай, Онцгой байдлын хэлтсийн дарга А.Батбаяр, Засаг даргын дэргэдэх өсвөрийн шигшээ багийн тамирчид, Сонгинохайрхан дүүргийн Биеийн тамир, спорт хорооны төлөөлөл хүлээн авч, үдэн гаргаж өглөө.

Боловсрол, соёл, шинжлэх ухаан, спортын яам, Засгийн газрын хэрэгжүүлэгч агентлаг, Биеийн тамир, спортын газраас улсын хэмжээнд зохион байгуулах" БИЕИЙН ТАМИР, СПОРТЫН ЭРХ ЗҮЙН ШИНЭЧЛЭЛ-ТОГТВОРТОЙ ХӨГЖИЛ" сэдэвт зөвлөгөөн СХД-ийн БТСХ-нд зохион байгуулагдаж 10 дүүргийн биеийн тамир, спортын хорооны удирдлага, нийгмийн хөгжлийн хэлтсийн биеийн тамир, спортын асуудал хариуцсан мэргэжилтэн, багш дасгалжуулагч, арга зүйчид, төрийн болон төрийн бус байгууллагуудын төлөөлөл оролцлоо.

Сургалт, зөвлөгөөн 30 гаруй сэдвийн хүрээнд зохион явагдсан юм. Тодруулбал "Тамирчдын хоол тэжээл, жин хасалт, цус өтгөрөлт, Энергийн систем ба дасгалжилт", "Допинг", "Дасгалжуулалтын төлөвлөлт, орчин үеийн чиг хандлага", "Хүн амын бие бялдарын хөгжил, чийрэгжилтийн түвшний 2017 оны тайлан", "Төрөөс биеийн тамир, спортын талаар баримтлах бодлого", "Төр, төрийн бус байгууллагын харилцан уялдаа, цаашид авах арга зам" зэрэг сэдвээр явагдаж дууслаа.

      Манай хороо-Миний гудамж аяны хүрээнд 2018 оны 6-р сарын 4-ны өдөр Москвагийн гудамжны 19-р байрны аж ахуйн нэгж байгууллагуудын 19 стандарт бус хаяг рекламны байгууламжийг албадан буулгах арга хэмжээг авч хэрэгжүүллээ.

Баянхошуу хайрхан болон “Бумбат”-ын рашааныг дүүргийн Иргэдийн Төлөөлөгчдийн Хурлын Тэргүүлэгчдийн тогтоолоор орон нутгийн тусгай хамгаалалтад авсан.

Уг тогтоолын хэрэгжилтийг хангах, мөн тусгай хамгаалалттай газрын бүрэн бүтэн байдлыг хадгалах үүднээс тухайн бүс нутагт зөвшөөрөлгүй буусан айлуудыг албадан нүүлгэж, тахилгат хайрханы хилийн зурвасыг иргэдэд харагдахуйц самбарт байршууллаа.  

   Олон улсын хүүхдийн эрхийг хамгаалах өдрийг тохиолдуулан Монгол улсын Ерөнхийлөгчийн зарлигаар дүүргийн 800 гаруй эх Алдарт эхийн 1, 2 дугаар одонгоор энгэрээ мялаалаа. 42 эх Алдарт эхийн нэгдүгээр одон, 764 эх хоёрдугаар одон хүртсэн байна. 

   Дүүргийн удирдлагууд өнөөдөр Алдарт эхийн одонгоор энгэрээ мялаасан эхчүүдэд одонг нь гардуулан өглөө. Хүүхдээ улс эх орондоо ихийг хийж бүтээх сайн хүн болгон хүмүүжүүлж байгаа нийт ээжүүддээ баяр хүргэе.

Дүүргийн Газрын алба болон Боловсролын хэлтэс хамтран дүүргийн Ерөнхий боловсролын сургуулийн 6-р ангийн сурагчдын дунд “Сонгинохайрхан дүүргийн ирээдүй” сэдэвт гар зургийн уралдаан зохион байгууллаа.

Уралдаанд зөвхөн 6-р ангийн сурагчдын хамруулсан бөгөөд 12 сургуулийн нийт 173 хүүхэд бүтээлээ ирүүлжээ. Үүнээс 20 бүтээлийг шагналт байранд шалгаруулж, өргөмжлөл үнэ бүхий зүйл, гарын бэлгээр шагнаж урамшуулсан байна.

Бүтээлээрээ бусдыгаа тэргүүлсэн сурагчдын дурьдвал 1-р байрт “Ирээдүй” цогцолбор 1-р ахлах сургуулийн 6а ангийн сурагч Г.Цолмон шалгарч, “Найрамдал” зусланд амрах эрхийн бичиг, 2р байрт тус сургуулийн 6е ангийн сурагч Б.Хүслэн шалгарч өргөмжлөл, 150.000 мянган төгрөг, 3-р байрт 107-р сургуулийн 6а ангийн сурагч Т.Тэмүүлэн шалгарч, өргөмжлөл, 100.000 төгрөг, тусгай байрт “Ирээдүй” цогцолбор 2-р дунд сургуулийн 6б ангийн сурагч Б.Оргил шалгарч, өргөмжлөл, 50.000 мянган төгрөгөөр тус тус шагнууллаа. Харин шагналт байранд орсон бусад 16 сурагчийг гарын бэлгээр шагнаж урамшуулсан байна.

Дүүргийн Дотоод аудитын албанаас Сонгинохайрхан дүүргийн төсвийн ерөнхийлөн захирагчийн эрхлэх асуудлын хүрээний төсвийн болон харъяа байгууллагуудын санхүүгийн ажилтнуудад Шилэн дансны тухай хуулийн хэрэгжилтийн байдал илэрч буй зөрчлүүд, Нийслэл дэх Төрийн аудитын шалгалтаар илэрсэн зөрчил дутагдлыг цаашид гаргахгүй байх чиглэлээр сургалт зохион байгууллаа. Сургалтад 72 нягтлан бодогч оролцож санал солилцлоо.

Нийслэлийн Хүүхдийн төлөө зөвлөлийн 05 дугаар хуралдаанаар 2017 оны 05 дугаар сарын сүүлийн долоо хоногийн Лхагва гарагийг “Хүүхдээ сонсох өдөр” болгон зохион байгуулж байхаар шийдвэрлэсэн ба тухайн орон нутгийн шийдвэр гаргах түвшний албан тушаалтнууд дүүргийн хүүхэд багачуудтай уулзаж, санал сэтгэгдлийг нь сонсож, тулгамдаж буй асуудлыг шийдвэрлэх юм. Уг өдрийг угтан Сонгинохайрхан дүүргийн хэмжээнд “Хүүхдээ сонсох өдөр”-ийг 2018 оны 05 сарын 28-ны өдөр дүүргийн Иргэний танхимд зохион байгууллаа.

Форумд дүүргийн Улсын болон хувийн Ерөнхий боловсролын сургууль, албан бус насан туршийн боловсролын сургууль болон тусгай сургуулийн нийт 100 сурагчид хамрагдсан байна.

Хүүхдүүдийн дуу хоолой, санал санаачлага, тулгамдсан асуудлуудыг холбогдох дээд шатны байгууллагуудад уламжлахаар бэлтгээд байна.