Олон Улсын Улаан Загалмайн Хороо (ОУУЗХ) нь хүний зовлон шаналлаас хуваалцах, түүнээс урьдчилан сэргийлэх зорилгоор олон улсын хүмүүнлэгийн эрх зүй, хүмүүнлэгийн зарчмуудыг сурталчилан таниулах, бэхжүүлэх зорилготой ажилладаг байна.  

Уг хороо нь 1863 онд байгуулагдсан цагаас эхлэн  ОУУЗХ нь дэлхий даяар зэвсэгт мөргөлдөөн болон хүчирхийллийн бусад нөхцөл байдалд олон улсын хүмүүнлэгийн тусламжийн үйл ажиллагааг удирдан зохицуулж иржээ. Женевийн конвенц түүний нэмэлт протокол нь нэгдэн орсон улс орнуудын мөрдвөл зохих олон улсын гэрээ болдог ажээ.

        Манай орны хувьд 1939 онд “Монголын улаан хэрээстийн эвлэл”-ийн анхдугаар Их хурал 4 дүгээр сарын 30-нд Улаанбаатар хотноо хуралдаж, анхны дүрмээ баталжээ. Энэ өдрийг Монголын Улаан загалмай нийгэмлэг (МУЗН) байгуулсан өдөр гэж манай улс тэмдэглэдэг байна.

 

Дүүргийн иргэдийг гамшгаас урьдчилан сэргийлэх, авран хамгаалах хуулиар хүлээсэн үүргээ нэр төртэй биелүүлж ирсэн Сонгинохайрхан дүүргийн Онцгой байдлын хэлтсийн нийт бие бүрэлдэхүүн, үе үеийн ахмадууд та бүхэнд ойн баярын мэнд хүргэе. 

Иргэд нь аюулгүй, эрсдэлгүй амар тайван орчныг цогцлооход дүүргийн Онцгой байдлын хэлтсийн нийт бие бүрэлдэхүүний ур чадвар өндөр, хараа сонор, хатуужил сахилга бат чанд байж, төр түмнийхээ өмнө хүлээсэн үүргээ нэр төртэй биелүүлж амжилт ололтоо бататган ажиллаж байгаа та бүгдээр бахархаж байна.  

Ямар ч нөхцөлд гамшгийн өмнө зориг тэвчээр, чин сэтгэлээ зориулан иргэдээ авран хамгаалдаг нийт алба хаагчиддаа чин сэтгэлийн талархал илэрхийлье.

 

1. Дотрын их эмч /1/

2. Эмэгтэйчүүдийн их эмч /1/

3. Мэс заслын боолтны сувилагч /1/

4. Хөтөч сувилагч /1/

5. Өдрийн ээлжийн сувилагч /1/

Тавигдах шаардлага:

Ажлын дадлага туршлагатай байх.

Ажилд ороход бүрдүүлэх бичиг баримтын жагсаалт

Төрийн албан хаагчийн анкет (Маягт №1)
Ажилд орохыг хүссэн өргөдөл (Гараар бичсэн)
Иргэний үнэмлэх
Нийгмийн даатгалын дэвтэр
Эрүүл мэндийн даатгалын дэвтэр
Мэргэжлийн үнэмлэх, диплом, боловсролын гэрчилгээ (Эх хувь, канондсон хувь)
Мэргэжлийн үйл ажиллагаа эрхлэх зөвшөөрлийн гэрчилгээ (Эх хувь, канондсон хувь)
3 үеийн түүх
2% цээж зураг
Ажиллаж байсан газрын тодорхойлолт
Шагнуулсан тушаал шийдвэр, шагналын үнэмлэхний хуулбар
Бүтээлийн жагсаалт
Хөдөлмөрийн хэлтсээс ажил хүссэн бичиг

Холбоо барих: Хүний нөөцийн тасаг утас: 70184701 89998931 99978931

 

Танилын хүрээллээ тэлэх, авьяас чадвараа нээн илрүүлэх, өөрийн хувийн бизнесээ эхлүүлэх хүсэлтэй, санхүүжилт хайж байгаа залуусыг Сонгинохайрхан дүүргийн "Залуучуудын хөдөлмөр эрхлэлт, гарааны бизнесийн хөтөлбөр"-т оролцохыг урьж байна.

Сонгинохайрхан дүүргийн иргэн 15-34 насны залуу та үнэ төлбөргүй уг арга хэмжээнд хамрагдаж, таны санаа шилдгээр шалгарвал 10,000,000 төгрөгийн санхүүжилтийг хүүгүй, ямар нэгэн барьцаагүй, 36 сарын хугацаанд эргэн төлөгдөх нөхцөлтэйгөөр авах бүрэн боломжтой юм.

     “Ажилдаа явлаа” гээд эхнэр хүүхдээ үнсээд гарсан хүн маргааш нь ирэхгүй үүрд явсан байж болох тийм л эрсдэлтэй ажил, албыг Онцгой байдлын аврагч, гал сөнөөгчид гүйцэтгэдэг. Тэд халуун нурам,  дүрэлзсэн улаан галыг  унтраан, аюул ослоос бусдыг авран хамгаалаад буцах зам хамгийн сайхан гэж ярина. Бусдын төлөө амь насаа хайрлалгүй зүтгэх тангарагтай, эгэл хүмүүсийн нэг бол Сонгинохайрхан дүүргийн Гал түймэр унтраах, аврах 26 дугаар ангийн Салааны захирагчийн туслах, ахлах ахлагч У.Мөнх-Эрдэнэ юм. Тэрбээр Ерөнхий боловсролын дунд сургуулиа дүүргээд, 18 настайдаа байгууллагынхаа босгыг давснаас хойш өдгөө 21 жил өнгөрчээ. Энэ хугацаанд объектын болон ой, хээрийн хэд хэдэн томоохон гал түймрийг унтрааж аюул осол гамшгийн нөхцөл байдлаас олон хүний амь нас, эд хөрөнгийг аварсан “Нэргүй” баатар түүнтэй ярилцлаа.


-Онцгой байдлын байгууллагын түүхт 15 жилийн ой удахгүй болно. Ойн баяраараа дүрэмт хувцсаараа гоёод, мэргэжлээрээ бахархдаг хамгийн сайхан өдөр байдаг болов уу. Таны хувьд хамт олныхоо юугаар нь илүү бахархдаг вэ?

-Онцгой байдлын байгууллагын алба хаагч гэсэн мэргэжил, ажлын нөхцөл нь хүнд хэцүү ч олон хүний амь нас, эд хөрөнгийг авардаг сайн үйлс учраас мэргэжлээрээ, бас хамт олноороо их бахархаж явдаг. Олон залуусын дунд мөр зэрэгцэн алхаж явах сайхан шүү дээ. Ялангуяа баяр ёслолын үеэр Төрийн далбааныхаа дор ёслолын хувцсаараа ижилсээд жагсаж явах шиг бахархалтай зүйл үгүй санагддаг.

     Нийслэл Улаанбаатар хотод анх удаа зохион байгуулагдсан “Гамшгийн үеийн төлөвлөлт, хариу арга хэмжээ” сэдэвт Гамшгаас хамгаалах иж бүрэн сургуульд СХД амжилттай оролцсон. Гамшгаас хамгаалах тухай хуульд заасан үүргээ нэр төртэй биелүүлсэн албан хаагчиддаа талархал сертификат гардууллаа.

     “Сонгинохайрхан уулын тахилга-Иргэдийн баяр”-ыг дүүргийн иргэдийн Төлөөлөгчдийн Хурал, дүүргийн Засаг даргын тамгын газар, Ялгуусан хутагт сантай хамтран 2019 оны 05 дугаар сарын 31-ны өдөр зохион байгууллаа. Тус арга хэмжээнд УИХ-ын гишүүн Х.Нямбаатар, Ц.Гарамжав, НИТХ-ын Төлөөлөгч Б.Бямбадорж, С.Мөнхчулуун, дүүргийн ИТХ-ын дарга Б.Мөнхцэцэг, Засаг дарга Ж.Сандагсүрэн, дүүргийн Иргэдийн Төлөөлөгчдийн Хурлын Төлөөлөгчид, дүүргийн Засаг даргын Тамгын газрын дэргэдэх харъяа хэлтэс албадын дарга нар, Хороодын Иргэдийн Нийтийн Хурлын дарга, Засаг дарга, иргэд оролцлоо.

     Арга хэмжээний үеэр дүүргийн харъяа хэлтэс албад иргэдэд төрийн үйлчилгээ үзүүлж ажилласан бөгөөд иргэдийн баяраар Улс, аймгийн цолтой 64 бөх, Сур харваанд Монгол улсын мэргэн 10, спортын мастер 30, залуу харваачид нийт 82 харваач оролцсон бол шагайн харваанд 17 багийн 130 гаруй мэргэн харваачид оролцлоо. Мөн хүй долоон худагт дааганы уралдаан зохион байгуулж 30 гаруй даага уралдсанаас төв аймгийн Баянчандмань сумын харъяат н.Бат-Эрдэнийн бор даага нэгт хурдаллаа. “Сонгинохайрхан уулын тахилга-Иргэдийн баяр”-ын арга хэмжээнд түрүүлж, үзүүрлэсэн бөх, дааганы уралдаанд айргийн тавд хурдалсан морьд, сур болон шагайн харваанд оролцон шагналт байранд шалгарсан мэргэн харваачидад медаль, өргөмжлөл, мөнгөн шагнал гардуулснаар тус арга хэмжээ өндөрлөлөө.

     Сонгинохайрхан дүүргийн нутаг дэвсгэрт хүүхдийн тоглоомын худалдаа, үйлчилгээ эрхэлж байгаа иргэн, аж ахуйн нэгжийн үйл ажиллагаандаа ашиглаж байгаа хөдөлгөөнт болон хийлдэг тоглоом, эргэлттэй тоног төхөөрөмжүүдийн чанар, ашиглалт, техникийн болон үйлчилгээний аюулгүй байдалд Монгол Улсын Хөдөлмөрийн аюулгүй байдал, эрүүл ахуйн тухай, Эрчим хүчний тухай хуулиуд, MNS ISO 8124-1:2010 “Тоглоомын аюулгүй байдал. Физик болон механик шинж чанартай холбоотой аюулгүй байдлыг тодорхойлох”, MNS ISO 8124-2:2011. “Тоглоомын аюулгүй байдал. Шатамхай шинж чанар”, MNS ISO 8124-3:2011 “Тоглоомын аюулгүй байдал. Зарим элементүүдийн шилжилт” стандартуудын хэрэгжилт, холбогдох норм дүрмийг хангаж ажиллаж байгаа эсэхэд хөдөлмөрийн хяналтын улсын /ахлах/ байцаагчид хяналт шалгалт хийлээ.

        Хөдөлгөөнт тоглоомын аюулгүй ажиллагааны зааварчилгааг боловсруулж мөрдөх, анхааруулга, санамж, сэрэмжлүүлэг байрлуулж, үйлчлүүлэгч хүүхдүүд болон эцэг эхчүүдэд аюулгүй ажиллагааны зааварчилгаа өгч болзошгүй эрсдлэээс урьдчилан сэргийлж ажиллах талаар зөвлөгөө мэдээлэл өгч ажиллалаа. Хүүхдийн тоглоомын үйлчилгээ эрхлэгч иргэн аж ахуйн нэгж байгууллагуудад Нийслэлийн Мэргэжлийн хяналтын газрын дэд даргын баталсан “Хүүхдийн тоглоомын аюулгүй байдлыг хангаж ажиллах тухай” 2019.05.24-ны өдрийн 02-03/2082 дугаартай мэдэгдэл өгч гүйцэтгэлд нь хяналт тавьж ажиллаж байна.    

Нийслэлийн удирдах ажилтнуудын улиралд нэг удаа зохион байгуулдаг өргөтгөсөн шуурхай зөвлөгөөн өнөөдөр Соёлын төв өргөөнд боллоо. Зөвлөгөөний эхэнд НЗДТГ-ын Хяналт, шинжилгээ үнэлгээний хэлтсийн дарга Х.Гантулга өнгөрсөн удаагийн удирдах ажилтнуудын зөвлөгөөний үеэр хотын Захирагчийн өгсөн үүрэг даалгаврын биелэлт, хэрэгжилтийн талаар товч мэдээлэл хийлээ.

Тэрбээр “Нийслэлийн Засаг даргын Тамгын газрын хэлтсүүд, Улаанбаатар хотын Захирагчийн ажлын алба, Нийслэлийн Засаг даргын хэрэгжүүлэгч 32 агентлаг, Дүүргүүдийн Засаг даргын Тамгын газар, Нийслэлийн өмчит аж ахуйн тооцоот болон төсөвт байгууллагуудаас мэдээллийг авч нэгтгэн, үр дүнд хяналт-шинжилгээ, үнэлгээ хийхэд 81 үүрэг даалгаврын хэрэгжилтийн дундаж үзүүлэлт нь 78.8 хувийн гүйцэтгэлтэй байна. Нийт үүрэг даалгавраас 25.9 хувийг Нийтийн эзэмшлийн гудамж талбайн тохижилт, цэцэрлэгжүүлэлт, гэрэлтүүлэг, хаяг рекламны самбар, авто замын тэмдэг, тэмдэглэгээ хайс хашлага зэргийн өнгө үзэмжийг сэргээх, хөрөнгө оруулалтаар хийгдэж байгаа ажлуудын газар чөлөөлөлт, газрын зөрчил маргааныг арилгах зэрэг байв. Мөн “2019-2020 оны өвөлжилтийн бэлтгэл ажлыг хангах хүрээнд БЗД-ийн VIII хороо, Хууль сахиулахын их сургуулийн урд талд байрлах 1978 онд ашиглалтад орсон, 48.1, 48.2, Цагдаагийн 90 айл, 32 дугаар цэцэрлэгийн шугам сүлжээний угсралтыг инженерийн зөв шийдэл, хөрөнгө санхүү, техник тоног төхөөрөмж, материалын оновчтой хуваарилалтын үр дүнд ОСНААУГ, түүний Зүүн түгээх төв, ХҮТ-1, ГУББГ-ын хамтын ажиллагааны үр дүнд 200 айл өрхийн 1000 орчим иргэд 2001 оноос хойш олон жилийн дараа хэрэглээний халуун устай болгосон. “Амгалан дулааны станц” ХХК, “ДЦС-2” ТӨХК, “ДЦС-3” ТӨХК, “ДЦС-4” ТӨХК, “Улаанбаатар дулааны сүлжээ” ТӨХК, ОСНААУГ-ын харьяа гурван түгээх болон хэрэглэгчдэд үйлчлэх төвүүдээр дамжуулан 9200 гаруй барилга, 2453 гаруй аж ахуйн гэрээтэй хэрэглэгчдийг 2052 Гкал/ц-ийн ачаалал бүхий дулааны эрчим хүчээр найдвартай ханган ажиллаж байна” гэв.

"Хаврын тохижилт, ногоон байгууламжийн ажлын хүрээнд орон сууцны хорооллууд дундах тохижилт, ногоон байгууламжгүй, сул шороон хөрстэй, хүний хөлд тахлагдсан, борооны ус ихээр тогтдог есөн дүүргийн 157 байршилд ойн төгөл бүхий бичил тохижилт хийх судалгааг дүүргүүдийн ЗДТГ, СӨХ-той хамтран ажиллаж, хот төлөвлөлт, инженерийн шугам сүлжээ, газар олголт зэргийг харгалзан үзэж 32 байршилд ойн төгөл бүхий бичил тохижилтыг хийхээр төлөвлөж, ажлын байршил бүр дээр ажиллаж, тооцоо судалгааг нарийвчлан гаргаж байна” хэмээн мэдээллээ танилцуулсан юм.

Сайжруулсан түлшний үйлдвэрлэл, түгээлт, борлуулалтын сүлжээг бий болгох ажлын хүрээнд 8 газрын захирамж гаргасан”

Зөвлөгөөнөөр “Түүхий нүүрс хэрэглэхийг хориглох тухай” Засгийн газрын 62 дугаар тогтоолын хэрэгжилтийн явцын талаар товч мэдээллийг нийслэлийн Агаар, орчны бохирдлын асуудал хариуцсан төслийн удирдагч Д.Мөнхжаргал хийв. Тэрбээр “Сайжруулсан түлшний үйлдвэрлэлийг дэмжих, түгээлт борлуулалтын сүлжээг байгуулах ажлын хүрээнд найман газрын захирамж гаргасан. Хан-Уул дүүргийн Х хорооны нутаг дэвсгэрт сайжруулсан түлшний үйлдвэрлэл явуулах 10 га газрыг олгон, аж ахуйн нэгжүүд үйлдвэрлэлийнхээ хүчин чадлыг нэмэгдүүлэн шинэ үйлдвэр барих ажлаа эхлүүлээд байна. Мөн хашаа байшингаа Ипотекийн зээлийн урьдчилгаа 30 хувьд тооцуулан газраа Нийслэлийн газрын санд өгсөн иргэдийн 106 байршилд сайжруулсан түлшний борлуулалтын цэг байгуулах ажлыг “Тавантолгой түлш” ХК-тай хамтран зохион байгуулж, тавдугаар сарын 5-наас эхлэн жишиг цэгийг нээсэн” хэмээв.

 

Мөн “Улс, нийслэлийн хөрөнгө оруулалтаар хийгдэж байгаа томоохон бүтээн байгуулалтын төсөл арга, хэмжээн дээр техникийн нөхцөл олгох асуудал, Иргэд, аж ахуйн нэгж, байгууллагуудын хүссэн техникийн нөхцөл олгох, Налайхын үйлдвэр технологийн паркийн эрчим хүчний эх үүсвэр, түүний гарц, техникийн нөхцөл олгох шийдэл зэрэг асуудлуудын талаарх мэдээллийг “Улаанбаатар цахилгаан түгээх сүлжээ” ТӨХК-ийн техникийн асуудал эрхэлсэн дэд захирал Р.Дагдан хуралдаанд танилцуулав.

Эрүүл мэндийн байгууллагынхны хариуцлагыг нэмэгдүүлж, хүнд суртлыг арилгах 30 хоногийн хугацаат үүрэг өгөв

Хуралдааны танилцуулга мэдээллийг сонссоны дараа нийслэлийн бүх дүүрэг хороодын удирдах ажилтнуудын дунд асуулт, хариулт, санал сонсох нээлттэй үйл ажиллагааг зохион байгуулж, тодорхой асуудлуудад гарц шийдлийг хэлэлцсэн юм. Зөвлөгөөний төгсгөлд Нийслэлийн Засаг дарга бөгөөд Улаанбаатар хотын Захирагч С.Амарсайхан "Олон Улсын хүүхдийн эрхийг хамгаалах өдөр”-ийг дүүрэг, хороод өөрсдийн нутаг дэвсгэртээ үр дүнтэй зохион байгуулах, мөн нийслэлийн ногоон бүс дэх хүүхдийн зуслангийн үйл ажиллагаа эхлэх гэж байгаатай холбогдуулан мэргэжлийн байгууллагуудын хамтарсан үзлэг шалгалтыг зохион байгуулах, хүүхдүүдийг тээвэрлэх, хоол хүнсний болон гал түймрийн аюулгүй байдалд онцгой анхаарч урьдчилан сэргийлэх арга хэмжээ авч ажиллахыг холбогдох байгууллагуудад үүрэг болголоо. Түүнчлэн Авто зам ашигласны төлбөр хураалтыг эрчимжүүлж, хуульд заагдсан хугацаа /зургадугаар сарын 1-ны дотор/ нийслэлд бүртгэлтэй бүх тээврийн хэрэгслийг татварт бүрэн хамруулж, замын сангийн орлого бүрдүүлэлтийг хангаж ажиллах, энэ онд хөрөнгө оруулалт болон урсгал засвараар хийгдэж байгаа авто зам, барилга, байгууламж, шугам, сүлжээний ажлуудаа төлөвлөсөн хугацаанд хийж гүйцэтгэх, засварын ажлууд болон түр хугацаагаар хаагдах авто замуудын талаарх мэдээллийг иргэд, олон нийтэд тогтмол мэдээлж ажиллах, гүйцэтгэлд нь Улаанбаатар хотын Захирагчийн ажлын албанаас тогтмол хяналт тавихыг мөн холбогдох ажилтнуудад даалгав. Мөн Монгол Улсын Засгийн газрын 2019 оны “Төрийн байгууллагын ажлын зохион байгуулалт, Архив, албан хэрэг хөтлөлтийн улсын үзлэг зохион байгуулах” 150 дугаар тогтоолын хэрэгжилтийг хангах, байгууллагууд Улсын үзлэгийн бэлтгэлийг сайтар хангах зэрэг ажлуудыг хариуцлагатай зохион байгуулах, нийслэлийн эрүүл мэндийн байгууллагуудын ажилтан, албан хаагчдын хариуцлага, ёс суртахууны доголдол, хүнд суртлыг арилгах асуудлаар 30 хоногийн хугацаатай үүрэг даалгаврыг нийслэлийн Эрүүл мэндийн газарт даалгасан юм.

 

Мөн “Нийслэл, дүүргийн ажилтан, албан хаагчид хоорондоо ажлын уялдаа холбоо муу байна. Аливаа ажилд идэвх санаачилгатай, бүтээмжтэй иргэдийнхээ дунд орж ажиллах шаардлагатай. Төр иргэндээ үйлчлэх ёстойг бид алхам тутамдаа санаж, ажил хэрэгтээ төрийн албан хаагчийн ёс зүйг чанд баримталж, хүнд сурталгүй, иргэдэд чирэгдэл учруулдаггүй хурдан шуурхай ажлыг урагшуулдаг байх алхмыг хаа хаанаа мөрдөх ёстой. Хүн бүр хариуцсан ажилдаа эзэн болж, хөдөлмөрлөж байж бид хөгжилд хүрнэ. Тиймээс та бүхэнд хотын ажлаас илүү чухал, хариуцлагатай ажил байхгүй гэдгийг дахин сануулж хэлье” хэмээн хотын Захирагч хуралдаанд оролцсон нийслэлийн удирдах ажилтнуудад онцгойлон анхааруулсан.

Улаанбурхан өвчний дэгдэлтээс сэргийлэх зорилгоор 2019 оны 5 сарын 15-наас 25-ны өдрүүдэд 10-18 насны хүүхдүүдийг улаанбурхан, улаануудын эсрэг вакцинаар нэмэлтээр дархлаажуулах үйл ажиллагааны хүрээнд ДЭМБ-н Номхон далайн баруун бүсийн дархлаажуулалт хариуцсан зөвлөх доктор Ананда, мөн ХӨСҮТ-ийн дархлаажуулалт хариуцсан албаны дарга О.Дашпагам, НЭМГ-ийн дархлаажуулалт хариуцсан мэргэжилтэн Д.Энхцэцэг болон холбогдох мэргэжилтнүүд СХД-ийн Эрүүл мэндийн төвийн нэмэлт дархлаажуулалтын явцтай танилцаж, цаашдын анхаарах асуудал болон авч хэрэгжүүлэх арга хэмжээнд дүгнэлт, зөвлөмж өглөө. Дүүргийн хэмжээнд нэмэлт дархлаажуулалтын явц 94%-тай явагдаж байна.