“Залуучуудын хөгжлийг дэмжих” дэд хөтөлбөрийн хүрээнд Сонгинохайрханчууд “Мянган залуу-Мянган санаа” төслийг хэрэгжүүлж байна. Залуучуудыг бие даан төсөл бичих аргачлалд сургах, амжилттай суралцагчдыг олон улсын болон улс, орон нутгийн томоохон төсөлд  хамруулж, ажлын байраар хангах, шилдэг, шинэ санал санаачилга гаргасан төслүүдийг дэмжих зорилготой уг төсөл өнгөрсөн 1-р сараас эхэлсэн.

 Нийгмийн хөгжлийн хэлтэс, Гэр бүл, хүүхэд, залуучуудын хөгжлийн хэлтэс, Залуучуулын хөгжлийн төвөөс хамтран хэрэгжүүлж буй төсөлд эхний ээлжинд 1-р сард 100 залууг сургалтад хамруулж гэрчилгээ олгосон.

Харин 2-р сард “Бичил төсөл”-ийн үйл ажиллагааг дүүргийн ЗДТГ, Дэлхийн Зөн Монгол ОУБ, ГБХЗХХ, ЗХТ-үүд хамтран зохион байгуулсан. “Бичил төсөл”-ийн үйл ажиллагааны зорилго нь дүүргийн иргэдийг орон нутгийн хүүхдийн сайн сайхан байдалд хувь нэмэр оруулахад чиглэсэн төсөл бичих аргачлалд сургах, иргэдийг оролцоогоор нь хөгжүүлж, дэмжих, санхүүжүүлэх юм. Энэхүү үйл ажиллагааг ДЗОУБ-ын Сонгинохайрхан дүүргийн хөтөлбөрөөс дэмжин, шалгарсан төслийг 3000 хүртэлх доллароор санхүүжүүлэх юм.

Төсөл нийт 3 үе шаттай хэрэгжих бөгөөд сургалт зохион байгуулах, төслийн шалгаруулалт хийх, шалгарсан төслийг санхүүжүүлэх гэсэн дараалалтай явах юм.

Нийслэлийн Засаг дарга бөгөөд Улаанбаатар хотын захирагчийн 2016-2020 оны үйл ажиллагааны хөтөлбөрт иргэд, оршин суугчдаа дээдэлсэн, тэдний амьдрах эрүүл аюулгүй, тав тухтай орчныг хангасан “Аз жаргалтай хот” болгох зорилт дэвшүүлсэн.

Энэхүү зорилтын хүрээнд “Хотын хөгжлийн индекс тооцох аргачлал”-ыг шинэчлэн боловсруулж Үндэсний статистикийн хорооны даргын 2018 оны А/77 дугаар тушаалаар батлан, аргачлалыг нэвтрүүлэх сургалтыг өнөөдөр 32 хорооны нийгмийн ажилтан, хэсгийн ахлагч нарын дунд зохион байгууллаа.

            Сургалтын дагуу 3 дугаар сарын сүүлээр хяналт, үнэлгээний ажлыг зохион байгуулах бөгөөд энэ үнэлгээ нь “Шилдэг хороо”-ны үнэлгээнд шууд хамаарах юм.

Цаашид Нийслэлийн Засаг дарга бөгөөд Улаанбаатар хотын зхаирагчтай дүүргийн Засаг даргын байгуулах үр дүнгийн гэрээнд “Хотын хөгжлийн индекс” тусгагдах бөгөөд хороодын Засаг дарга нарын “Батламж” гэрээнд тусгахаар ажиллаж байна.

Улсын бүртгэлийн ерөнхий газар Азийн хөгжлийн банкны дэмжлэгээр бүртгэлийн сүлжээг боловсронгуй болгох төслийг өнгөрсөн оноос эхлэн хэрэгжүүлж байгаа. Төслийн хүрээнд 12 аймгийн 39 сум, нийслэлийн хоёр дүүргийн 11 хороог улсын бүртгэлийн нэгдсэн сүлжээнд холбосон байна.

Азийн хөгжлийн банкны Монгол дахь захирал, Суурин төлөөлөгч Ёланда Фернандез Ломмен  “Монгол Улс нь нийгмийн хамгааллын чиглэлд бусад орноос харьцангуй өгөөмөр. Төрөөс нийгмийн хамгаалал, халамжид нэлээд мөнгө зарцуулдаг. Энэ мөнгө нь нүдээ олохгүй зүйлд зарцуулагдвал маш харамсалтай. Энэ үйлчилгээ нь нүдээ олсон, эзэндээ очсон үйлдэл тул бид энэ төслийг хэрэгжүүлсэн” гэлээ.

НАЙМДУГААР САР ГЭХЭД БҮРТГЭЛИЙН БҮХ ҮЙЛЧИЛГЭЭГ ЦАХИМ БОЛГОНО

-Төслийн үр дүнгийн талаар мэдээлэл өгөхгүй юу?

-Монгол Улсын 220 сум сүлжээнд буюу шилэн кабелд холбогдсон байдаг. Үүнээс 69 сум нь бүртгэлийн сүлжээнд холбогдсон байдаг. Төслийн багтай хамтран 2019 онд 120 сумыг бүртгэлийн сүлжээнд холбохоор төлөвлөж байгаа. Үлдсэн 30 орчим сумыг  Улсын бүртгэлийн ерөнхий газар өөрийн нөөц бололцоогоор бүртгэлийн сүлжээнд холбох зорилт тавьсан байгаа. Ингэснээр 2019 оны есдүгээр сарын 1 гэхэд Монгол орны 220 сум бүгд бүртгэлийн сүлжээнд холбогдож, иргэд сумаасаа бүртгэлийн үйлчилгээ авах боломжтой болох юм. Харилцаа холбооны зохицуулах хороо шилэн кабелд холбогдоогүй сумдыг шилэн кабелд холбохоор төлөвлөж байгаа. Хэрэв ингэвэл Монгол Улсын 330 сумыг буюу бүх сумыг бүртгэлийн сүлжээнд холбоход бэлэн байна.

-Сум, хороодыг сүлжээнд холбосноор иргэд бүртгэлийн хэдэн төрлийн үйлчилгээ авах боломжтой вэ?

-Өмнө нь аливаа сумын иргэн улсын бүртгэлийн үйлчилгээ авахын тулд 2-290 километр зам туулж, 2-19 цаг зарцуулж, 10-250 мянган төгрөгийн зардал гаргаж,аймгийн төвийг зорьдог байсан. Улсын бүртгэлийн сүлжээнд холбогдсоноор иргэд сумын төвөөсөө үйлчилгээ авч цаг, мөнгөө хэмнэнэ. Иргэний бүртгэлийн  15 төрлийн бүртгэлийн үйлчилгээ авах юм.

-Улсын бүртгэлээс үзүүлдэг үйлчилгээний хэдэн хувь нь цахимжаад байна вэ?

       -Улсын бүртгэлийн багц хууль батлагдахад дагаж мөрдөх журмыг хууль тогтоогчид баталсан байдаг. Журамд улсын бүртгэлийн үйлчилгээг цахимжуулах үүрэг өгсөн. Ингээд манайхаас үзүүлдэг үндсэн гурван үйлчилгээ буюу эд хөрөнгийн үйлчилгээ 100 хувь, иргэний улсын бүртгэл 99 хувь, хуулийн этгээдийн бүртгэл 95 хувь цахимжсан. Бид наймдугаар сарын 1-нээс өмнө улсын бүртгэлийн үйлчилгээг бүрэн цахимжуулах зорилт тавьсан байгаа.

-Бүртгэлийн үйлчилгээнд шинээр ямар үйлчилгээ нэвтрүүлэхээр ажиллаж байна вэ?

-Улсын бүртгэлийн ерөнхий газар нь иргэн төвтэй үйлчилгээний 60-70 хувийг үзүүлдэг. Гадаад паспорт, иргэний үнэмлэхийг онлайнаар захиалдаг үйлчилгээг гуравдугаар сарын 15-наас нэвтрүүлэх гэж байна. Ингэснээр Монгол Улсын иргэн гадаад байсан ч, бүртгэлийн сүлжээнд холбогдсон сум, хорооноос ч гадаад паспорт, иргэний үнэмлэхээ онлайнаар захиалах боломжтой болно.

-Иргэний мэдээллийг цахим үйлчилгээнд нэвтрүүлэх нь нэг талаас аюултай. Аюулгүй байдлыг хэрхэн хангаж байна вэ?

-Цахим үйлчилгээний аюулгүй байдал дэлхий дахинд яригдаж байгаа. Улсын бүртгэлийн ерөнхий газар нь Монгол Улс дахь хамгийн том цахим мэдээллийн сантай байгууллага. Манайд 70 орчим терабайт мэдээллийн сан бий. Манай бүртгэлийн газар нь цахим аюулгүй байдлыг хангах газартай. Үүнд 20 орчим хүн ажилладаг. Энд улсын цахим бүртгэлийн аюулгүй байдал, хөгжүүлэлт, хамгаалалтыг хариуцдаг.

Гадаад паспортын хугацаа дууссаныг иргэд гадаад явахдаа л мэддэг. Тиймээс гадаад паспортын хугацаа дуусахад хэр хэмжээний хугацаа үлдсэнийг анхааруулж мессеж очих үйлчилгээ нэвтрүүлж байгаа.

Мөн энэ өдөр улсын бүртгэлийн Удирдах ажилтны зөвлөгөөн болж байгаа бөгөөд 2018 оны ажлаа дүгнэж, ирэх 2019 оныхоо хийх ажлынхаа төлөвлөгөөг ярилцаж байгаа юм байна.

https://news.mn/r/2091423/?fbclid=IwAR1_94l4Q02UyrsjRR_cldtujG90paE8M9JTI8dVmHl4pEh4vv8X_IMBVVQ 

Сонгинохайрхан дүүргийн Цэргийн штабаас жил бүр уламжлал болгон зохион байгуулдаг “Цэргийн алдар” спорт наадам өнгөрөгч амралтын өдөр амжилттай болж өндөрлөлөө.

Шатар, ширээний теннис, дартс, буудлага, гар бөмбөг, сагсан бөмбөг гэсэн 6 төрлөөр зохиогдсон уг тэмцээнд дүүргийн дотоод хэлтэс албадууд болон хороодын төрийн албан хаагчид оролцож, нэг өдрийг спортлог өнгөрүүллээ.

       Сонгинохайрхан дүүргийн 19-р хорооны нутаг дэвсгэр Нэгдсэн эмнэлгийн хашаанд баригдаж буй дүүргийн Жишиг эмнэлгийн барилгын явцтай Эрүүл мэндийн яам, Барилга хот байгуулалтын яам, Улсын мэргэжлийн хяналтын газар, Барилгын хөгжлийн төв, Нийслэлийн Эрүүл мэндийн газар, Нийслэлийн Хөрөнгө оруулалтын газрын төлөөлөл бүхий ажлын хэсгийн гишүүд Жишиг нэгдсэн эмнэлгийн барилга угсралтын ажлын гүйцэтгэл болон барилга угсралтын явцтай газар дээр нь танилцаж, тулгамдсан асуудлуудыг хэлэлцлээ.

       ЭМСХХ-4 төслийн хүрээнд баригдаж буй “Сонгинохайрхан дүүргийн Жишиг нэгдсэн эмнэлгийн барилга угсралт, тоног төхөөрөмж нийлүүлэх ажил”-ын гэрээ Эрүүл мэндийн яам, Австри улсын “Вамед Инжинеринг”  компанийн хооронд 2017-5-24 нд байгуулагдсан.

Өнөөдрийн байдлаар барилгын ажлын гүйцэтгэл:

1.  Газар шорооны ажил 100%

2.  Техникийн барилга 50,2 %

А блок 60,75 %

Б блок 54,8%

Подиумын барилга 51,9% нийт барилгын ажлын явц 63,4 хувьтай байна.

       Дээрх ажлын хэсэг нь цаашид олон улсын жишиг нэгдсэн эмнэлгийн стандартын дагуу чанартай тусламж үзүүлэх үйлчилгээний таатай, аюулгүй байдлыг хангах орчныг бүрдүүлэхэд чиглэгдсэн эмнэлгийн нэмэлт орц, гарц, эрүүл ахуй, халдварын сэргийлэлт бүхий агаар сэлгэлтийн систем, хөгжлийн бэрхшээлтэй иргэд болон үйлчлүүлэгч, эмч ажилтан албан хаагчдын  тав тухтай байдлыг хангах зорилго бүхий орчин үеийн техник технологийн шинэчлэлтэд үндэслэсэн эрүүл мэндийн тусламж үйлчилгээний байгууламжийн инженерийн чухал шийдэл бүхий асуудлуудыг нарийвчлан хэлэлцэж шийдвэрлэх зорилготой юм.

Нийслэлийн Газрын албаны даргын тушаалаар дүүргүүдийн Газрын алба дотоод ажлын өдөргүй боллоо. Ингэснээр иргэн, хуулийн этгээдийг ажлын таван өдрийн 40 цагт нээлттэй хүлээн авч үйлчилгээ үзүүлэх юм.

            Өмнө нь иргэн, хуулийн этгээдийн ирүүлсэн хүсэлтийн дагуу хээрийн судалгаа хийх, газар эзэмших, ашиглах эрхийг хянан шийдвэрлэх дэд зөвлөлийн хурал хийх зорилгоор долоо хоногт нэгээс хоёр өдөр дотоод ажилтай байсан.

Харин уг тушаал гарсанаар газрын алба дотоод ажлын өдөргүй болж, иргэд, аж ахуйн нэгж байгууллагууд төрийн үйлчилгээг илүү түргэн шуурхай авах боломжтой болж байна.

"Боловсролыг дэмжих" дэд хөтөлбөрийн хүрээнд хэрэгжиж буй Ерөнхий боловсролын сургууль төгсөгчдийн элсэлтийн ерөнхий шалгалтанд үзүүлэх амжилтыг ахиулах зорилт тавин сурагчдыг гүнзгийрүүлсэн сургалтад хамруулж байгаа билээ.

Засаг дарга Ж.Сандагсүрэнгийн санаачилгаар эхлүүлсэн “Up” төслийн хүрээнд сурагчдад математик, монгол хэл, нийгмийн ухаан, англи хэл гэсэн хичээлүүдээр гүнзгийрүүлсэн сургалт хийж байна.

Сургалтад хамрагдаж буй сурагчид болон хичээл зааж буй багш нар, сургуулийн удирдлагуудтай Засаг дарга уулзаж, бусад хичээлүүдээр хэрхэн гүнзгийрүүлсэн сургалт хийх тухай ярилцлаа.  

            Сонгинохайрхан дүүргийн иргэд та бүхнийг Уул, уурхай хүнд үйлдвэрийн яам, Уул уурхайн хөрөнгө оруулалтыг дэмжих төсөл болон “Грийнтрендс” ХХК хамтран зохион байгуулж буй “Нүүрснээс нийлэг байгалийн хий гарган авах үйлдвэр байгуулах төслийн Бүс нутгийн байгаль орчны үнэлгээний тайлангийн төслийг танилцуулах олон нийтийн нээлттэй хэлэлцүүлэг”-т хүрэлцэн ирэхийг урьж байна. Хэлэлцүүлэг 2 дугаар сарын 25-ны өдөр Сонгинохайрхан дүүргийн Усан спорт сургалтын төвд болно.

Д.Нацагдоржийн нэрэмжит Улаанбаатар хотын Төв номын сангийн харьяа Сонгинохайрхан дүүрэг дэх салбар номын сангийн засвар шинэчлэлтийн ажил дуусч, нээлтээ хийлээ. Нээлтийн ёслолд Нийслэлийн Засаг даргын орлогч Ш.Анхмаа, НИТХ-ын Тэргүүлэгч С.Мөнхчулуун, Д.Нацагдоржийн нэрэмжит Улаанбаатар хотын Төв номын сангийн захирал Д.Индра болон холбогдох албаны хүмүүс оролцов.

Анх ОХУ-ын техник эдийн засгийн тусламжтайгаар 1991 онд ашиглалтад орж байсан тус номын санд засвар үйлчилгээ хийгдээгүй өнөөдрийг хүрсэн байна.

“Нийслэлийн Засаг даргын 2016-2020 оны үйл ажиллагааны хөтөлбөрт номын сангуудыг шинэчлэн засварлах, системийг цахим болгох, номын фондыг шинэчлэх, танхимууд шинээр байгуулах гэсэн заалтууд бий. Энэ заалтууд эхнээсээ хэрэгжээд явж байна. 2018 онд гурван номын санг шинэчлэхээр нийслэлийн төсөвт 500 сая төгрөг суулгаад ажилласан. Энэ ажлын эхлэл болгож Сонгинохайрхан дүүрэг дэх Улаанбаатар хотын Төв номын сангийн салбарыг нээгээд байна” хэмээн Нийслэлийн Засаг даргын орлогч Ш.Анхмаа ярилаа.

Уг салбар номын сан нь Өнөр хорооллын 2-р бичил төвд байрладаг. Нэг ээлжиндээ 120 хүн зэрэг хүлээн авах хүчин чадалтай, хүүхдийн ба насанд хүрэгчдийн гэсэн хоёр танхимтай, нийт 40 мянга гаруй номын сантай юм байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

Монгол улсын Засгийн газрын "Тэтгэврийн хэмжээг нэмэгдүүлэх тухай" 2019 оны 26 дугаар тогтоолыг Сонгинохайрхан дүүргийн Нийгмийн даатгалын хэлтэс амжилттай хэрэгжүүлж, нийт 35 мянган тэтгэвэр авагчийн тэтгэвэр, нэмэгдлийг Сар шинийн баяраас өмнө чирэгдэлгүй, түргэн шуурхай олгохоор арилжааны банкуудыг уртасгасан цагаар ажиллуулах зохион байгуулалтын арга хэмжээ авлаа.

Тасгийн дарга нар болон байцаагч ажилтнууд банкны салбар тооцооны төвүүдийн тэтгэвэр олголтын явцад хяналт тавьж, асуудлыг тухай бүр шийдвэрлэн ажиллаж байна.