Нийслэлийн түүхт 379 жилийн ойг тохиолдуулан Сонгинохайрхан дүүргийн Засаг даргын Тамгын газрын Цэргийн штабаас Зэвсэгт хүчний 013-р ангид нийслэлийн тугийг мандууллаа.

Мөн өнөөдөр “Нийслэл хотоо хэн сайн мэдэх вэ” сэдэвт АХА тэмцээнийг Зэвсэгт хүчний 013 болон 150-р ангийн албан хаагчдын дунд зохион байгууллаа. 

Засаг даргын Тамгын газраас Төрийн албаны зөвлөлтэй хамтран Төрийн албаны тухай хууль-ийн шинэчилсэн найруулгаар сургалт зохион байгууллаа. Сургалтыг Төрийн албаны зөвлөлийн зөвлөх Нэргүй удирдан явуулж Засаг даргын Тамгын газрын 65 албан хаагчид хамрагдлаа.    

Нэгдүгээр хорооллынхон гэлтгүй нийслэл даяараа “балгас” хэмээн нэрийддэг цамбагаравын арын барилгыг 20 жилийн дараа Нийслэлийн Засаг даргын 2018 оны 10 сарын 25-ны А/1004 тоот захирамжаар буулгахаар болж байна.

Иргэн С.Төмөр-Очир1998 оноос барилгын ажлаа эхлүүлсэн ч өнөөдрийг хүртэл баригдаж дуусаагүй. Явган хүний зам тагласан, нийслэлийн өнгө төрхөд сөргөөр нөлөөлсөн тэр ч бүү хэл энэ хугацаанд хоёр ч удаа гал гарч арын байрны оршин суугчдад эд хөрөнгийн болоод эрүүл мэндийн хохирол учруулж байсан.

Энэ хугацаанд мэргэжлийн хяналтын байгууллага ч нурах аюултай, иргэдийн амар тайван, аюулгүй орчинд амьдрах нөхцөлд саад учруулж байгаа тул барилгын ажлаа зогсоох тухай мэдэгдэл удаа дараа өгч байв.

Ийнхүү өнөөдөр барилгыг нураах ажлыг эхлүүлсэн бөгөөд цаашид уг газар хийгдэх хөрөнгө оруулалт, тохижилтын ажлыг оршин суугчдаас санал авч шийдвэрлэх юм байна.

      Засаг даргын орлогч Д.Ундармаа ӨМӨЗО-ны И-Хэ эмнэлэгтэй хамтран ажиллах санамж бичигт гарын үсэг зурлаа. Санамж бичгийн хүрээнд 2018 оны 11 дүгээр сарын 01-10-ны өдрийг дуустал дүүргийн иргэдэд арьсны харшил, арьсны өвчлөл болон эрэгтэйчүүд, эмэгтэйчүүдийн үзлэгийг үнэ төлбөргүй зохион байгуулж, цаашид эмч нарыг сургах, дадлагжуулах ажлыг хамтран хийх юм.  

     БНСУ-ын Саранбат олон улсын төрийн бус байгууллагатай хамтран ажиллах санамж бичгийн хүрээнд 2018-2019 оны өвөл буюу агаарын бохирдол, томуу, томуу төст өвчний дэгдэлтийн үед хийж  хэрэгжүүлж болох ажлын талаар ярилцлаа.

   Сонгинохайрхан дүүргийн 18 дугаар хорооны эмзэг цэгүүдэд иргэдийг эргүүлд гаргах “Хүүхэд хамгаалагч” төслийг иргэдэд танилцуулах арга хэмжээг ерөнхий боловсролын 12 дугаар сургууль дээр зохион байгууллаа.

     Төслийн талаар Цагдаагийн ерөнхий газрын Урьдчилан сэргийлэх хэлтсийн хүүхдийн гэмт хэргээс урьдчилан сэргийлэх тасгийн дарга, цагдаагийн хошууч Д.Будзаан төслийг хүрэлцэн ирсэн иргэдэд танилцуулсан.

   Төслийн хүрээнд хүүхдийн сургууль, цэцэрлэг, гэр хоорондох зам, гудамж талбайн аюулгүй байдлыг тухайн хорооны иргэдээс бүрдсэн “Хүүхэд хамгаалагч” нар хичээлд ирэх, тарах цагаар эргүүлийн үүрэг гүйцэтгэх юм.

   Ингэснээр хүүхдийн эсрэг үйлдэх танхай, дээрэм, хулгай гэх мэт гэмт халдлагаас урьдчилан сэргийлэх зорилготой тул хүүхдийн сайн сайхны төлөө хамтран ажиллахыг уриалж байна.

      Нийслэлийн 379 жилийн ойн баярыг угтсан бүх нийтийн их цэвэрлэгээнд Сонгинохайрхан дүүргийн 1729 аж ахуйн нэгж байгууллага, 10.450 иргэд оролцлоо. Цэвэрлэгээгээр нийт 356.626 м2 талбайн хог хаягдлыг цэвэрлэсэн байна.

        Мөн 32 хорооны хэмжээнд 57 хог тээврийн автомашинаар 92 рeйс 534.9 тн хог хаягдлыг тээвэрлэн Нарангийн энгэрийн төвлөрсөн цэгт хүргэлээ.

 

УЛААНБААТАР ХОТЫН 2040 ОН ХҮРТЭЛХ ХӨГЖЛИЙН ЕРӨНХИЙ ТӨЛӨВЛӨГӨӨНИЙ КОНЦЕПЦ БОЛОВСРУУЛАХ УРАЛДААНЫ УДИРДАМЖ

НЭГ. ЕРӨНХИЙ АГУУЛГА

1. ЗОРИЛГО

Улаанбаатар хотын 2040 он хүртэлх хөгжлийн ерөнхий төлөвлөгөөний үзэл баримтлал, алсын хараа зорилго, зорилт, тэргүүлэх чиглэлийг тодорхойлно.

2. УРАЛДААНД ОРОЛЦОГЧИЙН ХАМРАХ ХҮРЭЭ

Төрийн жинхэнэ албан хаагчаас бусад.

3. УРАЛДААНД ОРОЛЦОХ ХЭЛБЭР

Хот төлөвлөлтийн судалгааны баг бүрдүүлж оролцоно. Баг бүр ахлагчтай байна.

4. ХУГАЦАА

Уралдааныг 2018 оны 10 дугаар сарын 11-ний өдрөөс 2018 оны 11 дүгээр сарын 09-ны өдөр хүртэл явуулна.

5. АЖЛЫН БҮРДЭЛД ТАВИГДАХ ШААРДЛАГА

 Бичиглэлийн бүрдэл: Тайлбар бичиг 29.7х29.7см формат, товч тайлбар, танилцуулга А4 формат, хэвлэмэл болон файл хэлбэрээр /*.doc, *.pdf, *.ppt/

 Зураглалын бүрдэл: Зураглалын альбом 29.7х29.7см формат, хэвлэмэл болон файл хэлбэрээр /*.pdf, *.jpg/, үзэсгэлэн гаргах

 Үзэсгэлэнгийн материал: Самбар 1.5х3.0м /даавуун хэвлэл/, хөлтэй самбар /1.6х0.6м/, товч танилцуулга /PowerPoint, Prezi/

6. ЗОХИОГЧИЙН ЭРХ

 Шагналт байранд шалгарсан бүтээлийн зохиогчийн эрх нь уралдаан зарласан захиалагч байгууллагын талд үлдэх ба цаашид ашиглах, хөгжүүлэх онцгой эрх захиалагч байгууллагад хадгалагдана.

 Шагналт байранд шалгараагүй бусад бүтээлийг хувь хүн, албан байгууллагад худалдах, шилжүүлэх, хувилан олшруулах, бусад хэлбэрээр ашиглахгүй байх үүргийг зохион байгуулагч тал хариуцна.

 Уралдаанд ирүүлсэн бүтээлийг буцааж олгохгүй бөгөөд захиалагч байгууллагын архивд үлдэнэ.

 Шилдэг санааг боловсруулсан хот төлөвлөлтийн судалгааны багийн төлөөллөөс сонгон зохиогчийн баг, зөвлөхийн багт оролцуулна.

7. МАТЕРИАЛ ИРҮҮЛЭХ

Уралдаанд оролцох материалыг 2018 оны 11 дүгээр сарын 09-ны өдрийн 10:00 - 15:00 цагийн хооронд дараах хаягаар хүлээн авна.

Нийслэлийн Хот төлөвлөлт, ерөнхий төлөвлөгөөний газар /Улаанбаатар хот 15160, Чингэлтэй дүүрэг, Ц.Жигжиджавын гудамж-7/1, Нийслэлийн Засаг захиргааны II байр, Хангарди ордон, 11 давхрын хурлын танхим/

8. ЗОХИОН БАЙГУУЛАГЧ

 Нийслэлийн Хот төлөвлөлт, ерөнхий төлөвлөгөөний газар;

 

 “Нийслэлийн зураг төслийн хүрээлэн” ОНӨААТҮГ

12.ШАГНАЛЫН САН, ШАГНАЛ, УРАМШУУЛАЛ

Нийт шагналын сан: 45.000.000 /дөчин таван сая/ төгрөг

Концепц:

 Шилдэг санаа: 20.000.000 /хорин сая/ төгрөг;

 4 шагналт байрыг шалгаруулна /тус бүр 5 сая төгрөг/.

Шүүмж:

 Шилдэг шүүмж: 2.000.000 /хоёр сая/ төгрөг;

 3 шагналт байрыг шалгаруулна /тус бүр 1 сая төгрөг/.

Жич: Улаанбаатар хотын 2040 он хүртэлх хөгжлийн ерөнхий төлөвлөгөөний концепц боловсруулсан шилдэг 5 бүтээл шагналтай бөгөөд үзэсгэлэнгийн хугацаанд бүтээлүүдэд шинжлэх ухаан, хот төлөвлөлтийн онол арга зүйн үндэслэлтэй шүүмжүүдийг шалгаруулж мөнгөн урамшуулал олгоно.

ГУРАВ. УРАЛДААНД ОРОЛЦОХ ЭРХ АВАХ

Уралдаанд оролцохыг хүссэн баг “Нийслэлийн Зураг төслийн хүрээлэн” ОНӨААТҮГ-ын 2612198311 (Улаанбаатар банк) тоот дансанд 999,000 төгрөг тушаасан баримттайгаа ирж уралдааны даалгавар болон холбогдох материалыг Нийслэлийн Зураг төслийн хүрээлэн” ОНӨААТҮГ-аас цахим хэлбэрээр авна. Үүнд:

1. Улаанбаатар хотын 2040 он хүртэлх хөгжлийн ерөнхий төлөвлөгөөний концепц боловсруулах уралдааны удирдамж;

2. Улаанбаатар хотын 2040 он хүртэлх хөгжлийн ерөнхий төлөвлөгөөний концепц боловсруулах уралдааны даалгавар;

3. "Улаанбаатар хотыг 2020 он хүртэл хөгжүүлэх хөгжлийн ерөнхий төлөвлөгөөний тодотгол, 2030 он хөгжлийн чиг хандлагыг дүгнэх, хот байгуулалтын үнэлгээ боловсруулах ажлын тайлан цахим хэлбэрээр /*.pdf, *.jpg/;

4. Улаанбаатар хотыг 2040 он хүртэл хөгжүүлэх хөгжлийн ерөнхий төлөвлөгөөний Улаанбаатарын бүс, хот орчмын хот төлөвлөлтийн суурь судалгаа боловсруулах ажлын тайлан цахим хэлбэрээр /*.pdf, *.jpg/. Дэвсгэр зураг ороогүй.

ДӨРӨВ. МАРГААН ШИЙДВЭРЛЭХ

Оролцогчид зөвхөн зохион байгуулагч талд дараах асуудлын хүрээнд гомдол гаргаж болох бөгөөд бусад асуудлаар гаргасан өргөдлийг хүлээн авч хэлэлцэхгүй.

 Зохиогчийн эрх зөрчигдсөн асуудлаар /Хувь хүн болон байгууллагын бүтээлийг хуулбарлаж оролцсон/;

 Уралдааныг дүгнэх комиссын бүрэлдэхүүнд багтсан гишүүнтэй ашиг сонирхлын зөрчил үүсэх нөхцөл бүрдсэн үед;

 Уралдааныг дүгнэх комиссын гишүүд бүтээлийн үзэл санааг буруу ойлгож шалгаруулсан;

Гомдлыг шилдэг бүтээлийг шалгаруулж зарласнаас хойш 1 хоногийн дотор бичгээр үйлдэж зохион байгуулагчид хүргүүлнэ. Хугацаа хожимдсон болон гомдол гаргасан үндэслэлээ баталгаажуулж хавсаргаагүй гомдлыг хүлээж авахгүй.

Дэлгэрэнгүй мэдээллийг:

Нийслэлийн Хот төлөвлөлт, ерөнхий төлөвлөгөөний газар /Улаанбаатар хот 15160, Чингэлтэй дүүрэг, 1 дүгээр хороо, Ц.Жигжиджавын гудамж-7/1, Хангарди ордон, 13 давхар, 1302 тоот/ 11-321943 утсаар болон www.mpa.ub.gov.mn сайтаас;

“Нийслэлийн Зураг төслийн хүрээлэн” ОНӨААТҮГ /Улаанбаатар хот-15160, Чингэлтэй дүүрэг, Ц.Жигжиджавын гудамж 7/1, Нийслэлийн Засаг захиргааны II байр, Хангарди ордон 10 давхар, 1002 тоот/ 11-320753 утсаар болон http://updi.ub.gov.mn/ сайтаас тус тус лавлана уу.

 

УЛААНБААТАР ХОТЫН 2040 ОН ХҮРТЭЛХ ХӨГЖЛИЙН ЕРӨНХИЙ ТӨЛӨВЛӨГӨӨНИЙ КОНЦЕПЦ БОЛОВСРУУЛАХ УРАЛДААНЫ УДИРДАМЖ

https://www.youtube.com/watch?v=xwrcy1x0CLA&feature=youtu.be

      Нийслэлийн Засаг даргын захирамжаар 2018 оныг “Иргэдийн оролцоотой амьдрах орчныг сайжруулах жил” болгон зарласан. Үүнтэй холбогдуулан Улаанбаатар хотын Ерөнхий менежерийн тушаалаар “Манай хороо-Миний гудамж” аяныг зохион байгуулахаар баталсан юм.

    Аян өнгөрсөн гуравдугаар сарын 1-нээс энэ сарын 1-н хүртэл үргэлжилж, шилдгүүдээ тодрууллаа. Сонгинохайрханчууд “Манай хороо-Миний гудамж” аянд амжилттай оролцож, шилдэг тохижилттой орон сууцны хороо төрөлд 3-р байр эзэлсэн 13-р хороо, шилдэг тохижилттой гэр хорооллын өрх төрөлд 2-р байр эзэлсэн 10-р хорооны иргэн Ц.Цогт-Очир, шилдэг хог хаягдлын үйлчилгээний байгууллагаар шалгарсан “Улаанбаатар шинэчлэл” ХХК, гэр хороолол дунд байрладаг шилдэг аж ахуйн нэгжүүдтэй өрсөлдөж, 2-р байр эзэлсэн “Арвин үндэс” ХХК зэрэг байгууллага иргэд та бүхэндээ энэ ажлаа улам бататгаж, ирэх жилүүдэд хороо, дүүрэг, нийслэлийнхээ өнгө төрхийг сайжруулах үйлсэд бусдадаа үлгэр болж явахыг хүсье.

       Сонгинохайрхан дүүргийн Засаг даргын захирамжаар Монгол Улсын Хөдөлмөрийн баатар, Төрийн шагналт Ардын жүжигчин Д.Лувсаншарав агсны нэрэмжит “Хүүхдийн найрал дууны шилдэг хамтлаг шалгаруулах” анхан шатны уралдааныг 76-р сургуульд амжилттай зохион байгууллаа.

           Уралдаанд ерөнхий боловсролын 7 сургуулийн 560 хүүхэд оролцож

1-р байранд 62 дугаар сургууль,

2-р байранд 65-р сургууль,

3-р байранд Ирээдүй цогцолбор сургууль,

Тусгай байранд 76-р сургуулиуд,

“Шилдэг Удирдагч багш”-аар 65-р сургуулийн багш П.Наранцэцэг,

“Шилдэг Аронжировщик багш”-аар Ирээдүй цогцолбор сургуулийн багш В.Энхжаргал, Б.Батбаатар нар тус тус шалгарч нийслэлийн уралдаанд оролцох эрхээ авлаа.

        Уралдааныг Нийслэлийн Соёл урлагийн газрын Соёлын хэлтсийн дарга М.Мөнхсайхан, УДБЭТ-ын ерөнхий найруулагч Г.Эрдэнэбаатар, ЦДБЭЧ-ийн хор мистр А.Ариунжаргал нар шүүж, шагналыг СХД-ийн Засаг даргын орлогч Д.Ундармаа гардууллаа.