Монгол Улсын Үндсэн хуульд эх орноо хамгаалах, хуулийн дагуу цэргийн алба хаах гэсэн заалт бий. Үүний хүрээнд 25-р хорооны хамт олон дүүргийн Цэргийн штабтай хамтран шинээр 18-н нас хүрсэн залуучуудад цэргийн үүрэгтний үнэмлэх гардуулах хүндэтгэлийн арга хэмжээг зохион байгуулжээ.

Ингэснээр 20 гаруй залууд цэргийн үүрэгтний үнэмлэхийг нь гардуулж, холбогдох хууль тогтоомжийн заалт бүхий гарын авлага, дурсгалын зүйлс гардуулсан байна.

Сонгинохайрханд дүүргийн хэмжээнд өнгөрсөн жил 166 үүсмэл хур хогийн цэг байсныг бүрэн устгасан. Одоогийн байдлаар томоохон хэмжээний хогийн цэг байгаа 21-р хороонд  Засаг дарга Ж.Сандагсүрэн өнгөрсөн амралтын өдрүүдэд ажиллалаа. 

Орчныг их хэмжээгээр бохирдуулж байгаа энэ хогийн цэгийг нүүлгэх асуудал, Эмээлтэд шинээр байгуулах нүхэн гарцын зураг төслийг ярилцлаа.

Засаг даргын Тамгын газрын Нийгмийн хөгжлийн хэлтэс, Гэр бүл, хүүхэд, залуучуудын хөгжлийн төв хамтран залуучуудад санхүүгийн боловсрол олгох, бие даан төсөл, төлөвлөгөө боловсруулах арга барил эзэмшүүлэх, эдийн засгийн ур чадварыг нэмэгдүүлэх зорилгоор “1000 залуу 1000 санаа” төслийг хэрэгжүүлж эхлээд байна.

Төслийн хэрэгжилтийн хүрээнд 18-34 насны 1000 залуу хамрагдах бөгөөд эхний ээлжийн 100 залуучуудад “Төсөл боловсруулах аргачлал” сургалтыг 1-р сарын 21-ний өдөр “Элит интернэшнл инвестмент” ХХК-тай хамтран зохион байгуулж, төсөл боловсруулах тухай аргачлалд сурган, хэрхэн төсөл хөтөлбөрт хамрагдах талаар зөвлөмж, мэдээлэл өгч, амжилттай суралцсан залуучууддаа сертификат олголоо.

Сонгинохайрхан дүүргийн хөгжлийн бэрхшээлтэй иргэдийн нийгмийн оролцоог нэмэгдүүлэх, тэдэнд хандах хандлагыг өөрчлөх чиглэлээр 2018 онд сарын аян хэрэгжүүлж жишиг дүүрэг болох зорилт тавин ажиллаж байна.

Энэ хүрээнд аж ахуйн нэгж байгууллагуудтай хамтран хөгжлийн бэрхшээлтэй иргэдэд зөвлөгөө өгөх тэдэнд хэрэгтэй зүйлийн тусламж хүргэх зэрэг ажлуудыг хийж байна. Өнөөдөр “Сараанбат” ТББ-тай хамтран 32 хорооны хөгжлийн бэрхшээлтэй хүүхдүүдэд өвлийн хүрэм гардууллаа.

Сонгинохайрхан дүүрэгт энэ жил Орон нутгийн хөгжлийн сангийн хөрөнгө оруулалтаар зарим хороодод камержуулалтын ажил хийгдэнэ. Энэ хүрээнд камержуулалтын ажлын даалгавар боловсруулах ажлын хэсэг хороодын Засаг дарга, цагдаагийн хэсгийн байцаагчтай хамтран гэмт хэрэг зөрчил гарч болзошгүй газруудад байршлын судалгаа хийн ажиллалаа.

Сонгинохайрхан дүүргийн Цагдаагийн 3-р хэлтсээс 2019 онд гэмт хэргээс урьдчилан сэргийлэх чиглэлээр нэлээдгүй ажлыг хийж хэрэгжүүлэхээр төлөвлөөд байна.

Үүний нэгээхэн хэсэг болох хороодын хэсгийн байцаагчийн үйл ажиллагааг дэмжих, мэдээлэл солилцох, гэмт хэргийн гаралтыг бууруулах, эзэнгүй гэмт хэргийг илрүүлэх чиглэлээр зохион байгуулагдах "Нэг хороо-Нэг сар" аяны хүрээнд хэрэгжүүлж байгаа Засаг даргатай харилцах дэвтэрийг 29, 30 дугаар хороодын Засаг дарга нарт гардуулан өгчээ.

            Монголын уламжлалт сар шинийн баяр болохтой холбогдуулан иргэд та бүхэн өмч хөрөнгөө хулгайд алдахаас сэргийлж гэрийнхээ цоож, цонхны бэхэлгээг сайжруулж, гэр, орон сууцаа эзэнгүй орхих тохиолдолд хөрш, зэргэлдээ айлдаа захиж үлдээх, томоохон зах, хөл хөдөлгөөн ихтэй газар, нийтийн тээврийн хэрэгслээр зорчихдоо анхаарал болгоомжтой байж, сонор сэрэмжээ дээшлүүлж, хулгайд эд зүйлсээ алдахаас сэргийлээрэй.

НИТХ-ын төлөөлөгч Б.Цолмонгийн санаачлагаар үүсгэн байгуулсан “Цолмон” сангаас Сонгинохайрхан дүүргийн 8, 9, 25 дугаар хорооны 2500 орчим ахмадад хүрч үйлчлэх хүчин чадалтай уламжлалт эмчилгээний сувиллын байр өнөөдөр ашиглалтад орлоо.

Нээлтийн ажиллагаанд НИТХ-ын төлөөлөгч Б.Цолмон, Сонгинохайрхан дүүргийн Засаг даргын Нийгмийн бодлого хариуцсан орлогч Б.Ундармаа, Хөрөнгө оруулалт, төсөл хөтөлбөр хариуцсан орлогч Л.Оргил болон Сонгинохайрхан дүүргийн 8, 9, 25 дугаар хороонд амьдарч буй ахмадын төлөөлөл оролцлоо.

“Цолмон” сангийн дэргэдэх уг уламжлалт эмчилгээний сувилал нь ахмадуудад зориулсан олон төрлийн үйлчилгээ үзүүлэх бөгөөд ардын оношилгоо, хаш чулуун орны физик эмчилгээг үнэ төлбөргүй үзүүлэх юм.

Тус сангаас зөвхөн ахмадуудад төдийгүй дээрх хороодын хүүхэд багачууд руу чиглэсэн томоохон ажлуудыг хэрэгжүүлж байгааг НИТХ-ын төлөөлөгч Б.Цолмон яриандаа онцолсон.

Тухайлбал “Монголын Оюун ухааны академи”-тай хамтран улсын дөрвөн цэцэрлэг, гурван сургуульд хүүхдийн оюун ухаан хөгжүүлэх хөтөлбөрийг 2017 оноос хойш амжилттай хэрэгжүүлж байгаа юм. Цаашид өндөр настан болон хүүхэд багачууд руу чиглэсэн олон ажил хийхээр төлөвлөж байгааг тус сангийнхан онцоллоо.

Нийслэлийн Засаг даргын захирамжийн дагуу нийслэлийн цэргийн бүртгэлийн ажлыг энэ сарын 4-21-ний өдрүүдэд засаг захиргааны анхан шатны нэгж буюу хороодын байранд зохион байгуулж байна.

Нийслэлийн есөн дүүргийн Цэргийн штабын удирлагууд өнөөдөр цэргийн бүртгэлийн ажил эхний 10 хоногийн байдлаар хэрхэн явагдаж байгаа танилцуулав.

Өнөөдрийн байдлаар нийслэлийн хэмжээнд цэргийн бүртгэлийн явц 53 хувьтай байна.

Баянгол дүүрэг 46.2 хувь

Баянзүрх дүүрэг 53.3 хувь

Сонгинохайрхан дүүрэг 51.2 хувь

Чингэлтэй дүүрэг 61.1 хувь

Сүхбаатар дүүрэг 56.3 хувь

Хан-Уул дүүрэг 60.1 хувь

Налайх дүүрэг 54.1 хувь

Багануур дүүрэг 64 хувь

Багахангай дүүрэг 66.1 хувь

Бүртгэлийг  ажлын өдрүүдэд 09:00-19:00 цагийн хооронд, амралтын өдрүүдэд 10:00-18:00 цагийн хооронд засаг захиргааны анхан шатны нэгж буюу хороодын байранд зохион байгуулж байна.

Цэргийн бүртгэлд 65 нас хүртэл Бэлтгэл офицерууд, 18-50 нас хүртэл цэргийн үүрэгтэн, 50 нас хүртэл цэрэгт бүртгэлтэй мэргэжил бүхий эмэгтэйчүүд хамрагдах юм байна.

НЗДТГ-ын Цэргийн штабын Батлан хамгаалах хууль тогтоомж, хяналт шинжилгээ хариуцсан офицер Т.Мөнхбаяр “Нийслэлийн хэмжээнд цэргийн бүртгэлийн ажил 53 хувийн явцтай байна. Энэ сарын 21-нийн өдөр хүртэл дахин долоо хоногийн хугацаа үлдэж байгаа тул иргэний үүргээ биелүүлж цэргийн бүртгэлдээ идэвхитэй хамрагдахыг нийслэлийн Цэргийн штабаас уриалж байна. Хэрэв цэргийн бүртгэлд бүртгүүлээгүй тохиолдолд Зөрчлийн тухай хуульд зааснаар 100 нэгжээр торгох заалттай. Мөн байгууллага, ААН-үүд иргэнийг цэргийн бүртгэлдээ бүртгүүлэхэд саад учруулсан нь тогтоогдвол 1 сая төгрөгөөр торгох заалттай” хэмээлээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

 

http://ulaanbaatar.mn/Home/newsdetail?dataID=36608 

Дүүргийн Гэмт хэргээс урьдчилэн сэргийлэх ажлыг зохицуулах зөвлөл, Цагдаагийн 3 хэлтсүүд хамтран “Явган эргүүлийн баг” аяныг энэ оны 3 дугаар сарын 30-ныг дуустал 4 сарын хугацаанд зохион байгуулахаар боллоо.

Аяны хүрээнд 32 хорооны Гэмт хэргээс урьдчилан сэргийлэх ажлыг зохицуулах дэд зөвлөлүүдийн дунд болзолт уралдаан зарлаж, гэмт хэргийн гаралт буурсан, тодорхой үр дүнтэй, бодит ажил хийсэн хороод, ажилтан алба хаагчдыг шалгаруулан урамшуулах юм.