Сонгинохайрхан дүүргийн иргэдийн дийлэнх нь гэр хороололд амьдардаг. Тиймээс урин дулааны улиралд бороо ихээр орсны улмаас гэр хорооллын гудамжны зам ихээр эвдэрч сүйддэг.

             Харин өнөөдөр дүүргийн Засаг дарга Ж.Сандагсүрэн иргэдийн хүсэлтийн дагуу 5-р хорооны ус ихээр тогтдог гудамжнуудын замыг тэгшилж, засварлах ажлыг эхлүүлсэн байна.

            Тодруулбал өнөөдөр тус хорооны Баянголын 20-23, 27, 35-39-р гудамжнуудын замд хайрга дайрга асгаж тэгшилсэн байна.

Монгол Улсын Засгийн Газрын 2017 оны 11 дүгээр тогтоолоор батлагдсан “Халдварт өвчнөөс сэргийлэх, хянах үндэсний хөтөлбөр”, 2017 оны 112 дугаар тогтоолоор батлагдсан “Элэг бүтэн Монгол” үндэсний хөтөлбөрийг хэрэгжүүлэх хүрээнд хүн амыг хепатит В вирусын халдвараас сэргийлэх зорилгоор нийслэлийн есөн дүүргийн Эрүүл мэндийн төвүүдэд хепатит В вирусын эсрэг вакцинаар сайн дурын дархлаажуулалтыг 2019 оны долдугаар сарын 08-ны өдрөөс зохион байгуулж эхэллээ.

 

САЙН ДУРЫН ДАРХЛААЖУУЛАЛТАНДАА ХАМРАГДАНА УУ

Улсын их баяр наадмыг угтаж ТЦҮ-ОНӨААТҮГ-ын хамт олон СХД-ийн Залуус, Барилгачин гудамжуудыг тохижууллаа.

 

                                                                                                 

 

 

 
            Нэг. СУЛ ОРОН ТООГ НӨХӨХ ЗАР
           
Нийслэлийн Иргэдийн Төлөөлөгчдийн Хурлын 2019 оны 06дугаар сарын 10-ны өдрийн 25/21 дүгээр тогтоолоор Иргэдэд төрийн үйлчилгээг шуурхай хүргэх, хүн амыг тэнцвэржүүлэх  зорилгоор Сонгинохайрхан дүүрэгт  11 хороо шинээр байгуулагдсан тул  сул орон тоог нөхөх захиалгыг нийтэд зарлаж байна.
Хорооны зохион байгуулагч, нийгмийн ажилтны  сул орон тоонд төрийн жинхэнэ албан тушаалд анх орох иргэний нөөцөд бүртгэлтэй, тухайн албан тушаалд тавигдах шаардлагыг хангасан, энэ албан тушаалд ажиллахыг хүссэн Монгол Улсын иргэн  санал хүсэлтээ гаргаж болно. 

 

Хоёр. БҮРТГЭЛИЙН ХУГАЦАА
Төрийн жинхэнэ албан тушаалын ажлын байрны сул орон тоонд ажиллахыг хүссэн иргэд доорхи хаягаар 201
9 оны  07 дугаар сарын 5,8-ны өдрийн 10-17 цагийн хооронд захиалга ирүүлсэн байгууллагуудад өөрийн биеэр очиж бүртгүүлнэ. Үүнд:

 


Сонгинохайрхан дүүргийн Засаг даргын Тамгын газар: 318  тоот өрөө, холбогдох утас 7017
3307, 70172837

 

Бүртгүүлэх иргэд дээрх дугаарын утсанд холбогдож лавлагаа авч болно.
Иргэд бүртгүүлэхдээ өөрийн боловсрол, мэргэжил, мэргэшил, туршлага, ур чадвар, тусгай шаардлагын талаар дэлгэрэнгүй мэдээллийг үнэн зөв, товчилсон нэр, томьёо хэрэглэхгүй мэдээлэх шаардлагатай. Мөн холбоо барих утасны дугаар, гэрийн хаяг,
 е-майл хаяг зэргийг тодорхой дурдана.

     Ойрын өдрүүдэд нийслэлийн хэмжээнд цаг агаар хэт халалттай холбогдуулан иргэд голын эрэг дагуу амарч зугаалж яваад голын усанд осолдож амь насаа алдах тохиолдол ихсэж байна.

Мөн Цаг уур, орчны шинжилгээний газраас ирүүлсэн мэдээллээр ирэх 7 дугаар сард ихэнхи нутгаар олон жилийн дунджаас ахиу бороо орох төлөвтэй байна. Иймд:

-Иргэд, аж ахуйн нэгж байгууллага аялал зугаалгаар явахдаа нэгдсэн зохион байгуулалттай явж, архи согтууруулах ундаа хэтрүүлэн хэрэглэхгүй байх,

-Согтууруулах ундааны зүйл хэрэглэсэн үедээ голын усанд орохгүй байх,

-Гол усны ойролцоо амарч зугаалахгүй байх, бороотой, гол мөрний усны түвшин нэмэгдсэн үед баталгаатай гүүр, гарам, гарцтай газраар автомашинтай зорчих,

-Хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах,

-Үер, усны аюулаас урьдчилан сэргийлэх тухай мэдээ мэдээлэл, дохиог хүлээн авсан даруйдаа бусдад дамжуулах, түгээх,

-Баталгаагүй зам, гүүрээр зорчихгүй байх,

-Гэр, хашаа, саравч, орон байрыг гуу жалга, голын ойролцоох эрэг, татамд барихгүй, суурьшихгүй байх,

-Үерийн ус зайлуулах суваг шуудуу, далан хашлага барих зэргээр өөрийн болон гэр бүлийнхээ амь нас, эд хөрөнгийг хамгаалж, гол усны ослоос урьдчилан сэргийлэхийг Сонгинохайрхан дүүргийн Онцгой байдлын хэлтсээс анхааруулж байна.

 

 

     Дүүргийн 29-р хороо 7212 иргэнтэй, сургуулийн насны 1342, цэцэрлэгийн насны 806 хүүхэдтэй. Хороонд сургууль, цэцэрлэг байгаагүй учир хүүхдүүд 18-р хорооны 12-р сургууль болон зэргэлдээ хорооны сургууль цэцэрлэгт хамрагддаг байсан.

      Харин 2020 оны хичээлийн жилийг шинэ сургууль цэцэрлэгийн цогцолбортойгоор угтах боломжтой болж байна. Барилгын ажлын явцтай дүүргийн Засаг дарга Ж.Сандагсүрэн, Засаг даргын дэд бүтцийн асуудал хариуцсан орлогч дарга О.Ганбаатар болон бусад хүмүүс танилцлаа. Сургууль цэцэрлэгийн барилгыг Сүмт Өргөө ХХК гүйцэтгэж байна. 

 

Хоол үйлдвэрлэл үйлчилгээ, худалдааны зөвшөөрөл хүссэн хүсэлт, холбогдох материалыг 2019 оны 06 дугаар 17-ны өдрөөс 06 дугаар сарын 27-ны өдрийн 17:00 цаг хүртэл дүүргийн Засаг даргын Тамгын газрын Хүнс, худалдаа, үйлчилгээний хэлтсийн 207 тоот өрөөнд хүлээж авна.

 

 

ҮНДЭСНИЙ ИХ БАЯР НААДМЫН ҮЕЭР ХҮЙ ДОЛООН ХУДАГТ

ХУДАЛДАА, ҮЙЛЧИЛГЭЭ ЯВУУЛАХАД ШААРДАГДАХ БИЧИГ БАРИМТ

 

 

2019 оны 06 дугаар сарын 12                                                       Сонгинохайрхан дүүрэг

Д/д

ХООЛ ҮЙЛДВЭРЛЭЛ, ҮЙЛЧИЛГЭЭНИЙ чиглэлээр үйл ажиллагаа явуулах аж ахуйн нэгж, байгууллага

ХУДАЛДАА, ҮЙЛЧИЛГЭЭНИЙ чиглэлээр үйл ажиллагаа явуулах иргэн, аж ахуйн нэгж

1

Албан хүсэлт

Албан хүсэлт, өргөдөл

2

Улсын бүртгэлийн гэрчилгээний хуулбар

Улсын бүртгэлийн гэрчилгээ /иргэний үнэмлэх/-ний хуулбар

3

Дүүргийн Засаг даргын Тамгын газартай байгуулсан Худалдаа, үйлчилгээ эрхлэх гэрээ /эх хувь/

Дүүргийн Засаг даргын Тамгын газартай байгуулсан Худалдаа, үйлчилгээ эрхлэх гэрээ /эх хувь/

4

Тус ажлын байранд Мэргэжлийн хяналтын байгууллагаас олгосон дүгнэлт, мэдээллийн санд бүртгүүлсэн бүртгэлийн хуудас

Тус ажлын байранд Мэргэжлийн хяналтын байгууллагаас олгосон дүгнэлт, мэдээллийн санд бүртгүүлсэн бүртгэлийн хуудас

5

Тогоочийн мэргэжлийн үнэмлэх

Худалдагчийн мэргэжлийн үнэмлэх

6

Ажиллагсдын эрүүл мэндийн урьдчилан сэргийлэх үзлэг, шинжилгээнд хамрагдсан дэвтэр /Эрүүл мэндийн сайдын 2017 оны А/415 дугаар тушаал/

Ажиллагсдын эрүүл мэндийн урьдчилан сэргийлэх үзлэг, шинжилгээнд хамрагдсан дэвтэр /Эрүүл мэндийн сайдын 2017 оны А/415 дугаар тушаал/

 

 

 

 

СОНГИНОХАЙРХАН ДҮҮРГИЙН ЗАСАГ ДАРГЫН ТАМГЫН ГАЗРЫН ХҮНС,

ХУДАЛДАА ҮЙЛЧИЛГЭЭНИЙ ХЭЛТЭС