Сонгинохайрхан дүүргийн Хөдөлмөрийн аюулгүй байдал, эрүүл ахуйн зөвлөл хуралдаж,  2018 онд хэрэгжүүлэх үйл ажиллагааны төлөвлөгөө,  дүүргийн хэмжээнд 2018-2020 онд хэрэгжүүлэх  “Хөдөлмөрийн аюулгүй байдал, эрүүл ахуйн дэд хөтөлбөр”-ийн төслийг хэлэлцэн  баталлаа.

Олон улсын эмэгтэйчүүдийн эрхийг хамгаалах өдөр болон орчин цагийн зэвсэгт хүчин үүсэг байгуулагдсаны 97 жилийн ой монгол цэргийн өдрийг 19-р хорооны хамт олон нэгтгэн тэмдэглэн өнгөрүүлжээ.

      Засаг даргын ажлын албаны хамт олон уг өдөр “Сэтгэлийн эгшиглэн” цэнгүүн зохион байгуулж, хорооныхоо 200 гаруй иргэнийг хамруулжээ. Ингэхдээ хүндэт иргэн, бүтээлч гэр бүл, шилдэг залуу гэр бүл, бүтээлч ээж, ачлалт аав, дархан бэр, авьяаслаг гэр бүл гэсэн төрлүүдээр алдаршуулсэн байна.

Сонгинохайрхан дүүрэг дэх Мэргэжлийн хяналтын хэлтэс, Хүнс, худалдаа үйлчилгээний хэлтссийн хамтарсан баг  22 дугаар хорооны мал бүхий иргэдэд Мал, амьтны гоц халдварт шүлхий өвчний өнөөгийн байдал цаашид авч хэрэгжүүлэх арга хэмжээний талаар танилцуулга хийж, хориглосон бүсээс малаа хугацаанд нь гаргах тухай мэдэгдэл хүргүүллээ.

Удахгүй болох монгол цэргийн өдрийг тохиолдуулан 3 хорооны Засаг даргын ажлын албанаас хорооныхоо цэргийн алба хааж буй залуусын төлөөллийг гэр бүлийнхэнтэй нь уулзуулсан байна.

Тодруулбал хүндэт харуулын гэгдэх зэвсэгт хүчний 032-р ангид алба хааж буй байлдагч Б.Ариунболд, З.Баттулга, Г.Нямбаяр, зэвсэгт хүчний 029-р ангид алба хааж буй байлдагч Ө.Лхагважанцан нарын 4 цэргийг гэр бүлийнхэнтэй нь уулзуулж, талархал гардуулжээ.

Нийслэлийн Засаг даргын А/17, А/18 захирамжийн дагуу нийслэлийн суурьшлын бүсэд газар өмчлөх ажил үргэлжилж байна. Хэрвээ та газар эзэмших эрхийн гэрчилгээтэй, ямар нэгэн зөрчилгүй бол газраа өмчлөх боломжтой. Харин суурьшлын бүсийн гадна байрлаж байгаа бол шинээр газар олгохгүй байна.

“Содон” хороолол “Ханын материал”-ын эцэс гэх мэт олны хөл ихтэй газрууд 6-р хорооны нутаг дэвсгэрт ордог. Тэгвэл тус хорооны Засаг даргын ажлын албаны хамт олон хорооныхоо аж ахуй нэгжүүдтэй хамтарч камержуулалтын ажлыг хийжээ.

Тодруулбал “Содон” хроооллын автобусны буудал болон “Ханын материал”-ын эцсийн буудал дээр хяналтын камер байрлуулсан байна. Уг ажил нийтийн эзэмшлийн зам талбайг камержуулах ажлынх нь эхлэл бөгөөд ингэснээр гэмт хэрэг зөрчлийн тоо буурна гэж үзэж байгаа аж.   

Дүүргийн 7-р хорооны Засаг дарга 67-р сургуулийн сурагчдын дунд “Гэр бүлийн хүчирхийлэл бидний эргэн тойронд” сэдэвт гар зургийн уралдаан зохион байгууллаа.

Уралдаан энэ сарын 1-ний өдөр эхэлсэн бөгөөд өнөөдөр шилдгүүдээ тодрууллаа. Тус уралдаанд 67-р сургуулийн 6б ангийн сурагч Б.Нямхүү 3-р байр,  6б ангийн сурагч А.Есөнбаатар 2-р байр эзэлсэн бол тэргүүн байрыг 8в ангийн сурагч н.Хурц-Од эзэлсэн байна.

Ерөнхий боловсролын сургуулиудын ахлах ангийн сурагчдын дунд уламжлал болон зохиогддог цэрэг спортын “Дөл” цогцолбор тэмцээн Зэвсэгт хүчний 013 дугаар ангид зохион байгуулагдлаа.

     Цагдаагийн хоёрдугаар хэлтэс, дүүргийн прокурорын газар, Хөдөлмөр халамжийн хэлтэс хамтран хариуцсан нутаг дэвсгэрт оршин суудаг хорихоос өөр төрлийн ял шийтгэлтэй 54 иргэнд гэмт хэрэг, зөрчлөөс урьдчилан сэргийлэх чиглэлээр Зөрчил болон зөрчил шалган шийдвэрлэх тухай хуулиар сургалт зохион байгуулж дээрх иргэдийн хөдөлмөр эрхлэлт болон  нийгэмшүүлэх чиглэлээр Дүүргийн прокурорын газар, хөдөлмөр, халамжийн хэлтэстэй хамтран авч  хэрэгжүүлж буй ажлын талаар танилцуулан, санал солилцож ажиллаа.

Шинээр Алдарт эхийн одон авах болзол хангасан иргэд 2018.02.28-ний дотор холбогдох материалыг бүрдүүлэн хорооны нийгмийн ажилтанд өгнө үү. Жил бүр “Эх үрсийн баяр”-ын өдрийг тохиолдуулан Монгол улсын Ерөнхийлөгчийн зарлигаар олон хүүхэд төрүүлж өсгөсөн эхчүүдэд Алдарт эхийн одон олгодог билээ.

Үүний дагуу 6 хүүхэд төрүүлж, өсгөсөн эхчүүд Алдар эхийн I зэргийн одонгоор, 4 хүүхэд төрүүлж, өсгөсөн эхчүүд Алдарт эхийн II зэргийн одонгоор шагнагдах болзол хангаж байгаа.

“Дөрөв болон түүнээс дээш хүүхэд төрүүлж өсгөсөн” гэдэгт бага хүүхэд нь нэг нас хүрэхэд дөрөв ба түүнээс дээш хүүхэдтэй байсан бөгөөд үүнд тэр үед гурав хүртэлх насанд нь үрчлэн авсан хүүхэд хамаарах ба харин эхийн төрүүлж бусдад үрчлүүлсэн хүүхэд хамаарахгүй. /6 болон түүнээс дээш хүүхэд төрүүлж өсгөсөн гэдэгт мөн адил ойлгоно/

БҮРДҮҮЛЭХ МАТЕРИАЛ :

1. Эхийн иргэний үнэмлэхний нотариатаар батлуулсан хуулбар

2. Бүх төрсөн хүүхдийн төрсний гэрчилгээний нотариатаар батлуулсан хуулбар, Насанд хүрсэн хүүхдийн иргэний үнэмлэхний болон төрсний гэрчилгээний хуулбар

3. Төрсний гэрчилгээг үрэгдүүлсэн /хаяж, гээгдүүлсэн/ бол 100 айлын иргэний бүртгэлийн газраас болон ТҮЦ машинаас лавлагаа авах

4. Хорооны Засаг даргын тодорхойлолт

5. Өргөдөл, /Өргөдлийн толгойг “Монгол улсын Ерөнхийлөгчийн Тамгын газарт Нийслэлийн Сонгинохайрхан дүүргийн 18-р хорооны Засаг даргаар уламжлан хүcэлт гаргах нь” гэж бичнэ -товчилж бичихгүй./

6. 1-р одон авах эхчүүд 2-р одонгийн үнэмлэхний нотаритаар баталгаажуулсан хуулбар.

Өргөдлийн утга: Хүсэлт гаргаж байгаа эх нь хүүхдүүдээ томоос эхлэн дараалан бичихдээ эрхэлж байгаа ажил, суралцаж байгаа сургуулийг тодорхой бичнэ. Утасны дугаар 2-оос доошгүйг бичнэ.