2018 оны 2 дугаар ээлжээр хугацаат цэргийн албанаас халагдаж ирсэн дайчдыг хүлээн авлаа. Халагдсан дайчдыг хүлээж авах ажиллагаанд дүүргийн Засаг даргын орлогч Д.Ундармаа, Хөдөлмөр, халамж үйлчилгээний хэлтсийн дарга Б.Мөнхбаяр, Цэргийн штабын дарга дэд хурандаа Г.Ялалт, хөдөлмөр, халамж үйлчилгээний хэлтсийн мэргэжилтнүүд, ажил олгогч байгууллагуудын төлөөлөл оролцлоо.

        Цэргийн албанаас халагдсан залуучуудад дүүргийн Хөдөлмөр, халамж үйлчилгээний хэлтсийн хамт олон “Шилэн хийц” ХХК, “Эко констракшин” ХХК, “Магнай трейд” ХХК, “Буян” ХХК, “Жигүүр гранд” ХХК-ний хүний нөөцийн мэргэжилтнүүдийг оролцуулан 75 гаруй аж ахуйн нэгж байгууллагын 60 төрлийн 1200 гаруй сул чөлөөтэй ажлын байр байгаа талаар мэдээлэл өгч, 130 гаруй иргэнийг сул чөлөөтэй ажлын байрандаа бүртгэн ярилцлага хийж, ажлын байранд урилаа.

         Түүнчлэн 2018 оны 2 дугаар ээлжийн цэрэг татлага энэ сарын 19, 20-ны өдрүүдэд 83-р сургууль дээр явагдах тул цэргийн насны залуучууд иргэний үүргээ биелүүлж, идэвхитэй оролцоно уу. 

2018 оныг нийслэлийн засаг дарга Өрхийн эрүүл мэндийг дэмжих жил болгосонтой холбоотойгоор 31-р хорооны “Өлзийт манал” өрхийн эрүүл мэндийн төвд Нийслэлийн Иргэдийн Төлөөлөгчдийн Хурлын төлөөлөгч С.Мөнхчулуун эмнэлгийн тусламж үйлчилгээнд зориулж суудлын автомашин, нярайн шарлалт хэмжих аппарат, нярайн жин, үзлэгийн гэрэл зэрэг тоног төхөөрөмжийг гардуулан өгөв.

         Сонгинохайрхан дүүргийн Засаг даргын А/437 тоот захирамжийн хүрээнд иргэдийн спортын VII их наадмын волейболын тэмцээн өнгөрсөн амралтын өдрүүдэд 123-р сургуулийн спорт зааланд боллоо.

Тэмцээнд 16 байгууллагын эрэгтэй, эмэгтэй 32 багийн 256 иргэд хамрагдаж дүнгээ гаргалаа.

Эрэгтэй:

1-р байрт Д.Ганбат Засаг даргатай 13-р хороо

2-р байрт Э.Батбаяр Засаг даргатай 5-р хороо

3-р байрт З.Энхтүвшин Засаг даргатай 1-р хороо

Эмэгтэй:

1-р байрт Д.Отгонбурам Засаг даргатай 19-р хороо

2-р байрт Э.Ниндэв Засаг даргатай 17-р хороо

3-р байрт Б.Соёл-Эрдэнэ Засаг даргатай 3-р хорооны баг тамирчид тус тус шалгарлаа.  

    Сонгинохайрхан дүүрэг гэр хороолол бүхий хороодынхоо иргэдэд зориулан өчигдрөөс эхлэн "Утааны эсрэг ээж, аавууд" ТББ-тай хамтран "Гэр байшингаа дулаалцгаая" сургалтыг эхлүүллээ.

     Сургалт 11 дүгээр сарын 15-ны өдрийг хүртэл үргэлжлэх бөгөөд нийт 22 хорооны 1000 өрхөд зохион байгуулахаар төлөвлөсөн ба 11-ний өдрийн сургалтад 110 иргэн хамрагдлаа. 

          Сонгинохайрхан дүүргийн Засаг даргын А/437 тоот захирамжийн хүрээнд Иргэдийн спортын YII их наадмын "Сагсан бөмбөг"-ийн тэмцээн 2018 оны 10 дугаар сарын 06-07-ны өдрүүдэд зохион байгуулагдаж, 12 хорооны 24 багийн 310 иргэд хамрагдаж дүнгээ гаргалаа.

 

Эрэгтэй:

1-р байрт Д.Отгонбурам Засаг даргатай 19-р хороо

2-р байрт Г.Оюунчимэг Засаг даргатай 7-р хороо

3-р байрт Д.Ганбат Засаг даргатай 13-р хороо баг тамирчид тус тус шалгарлаа.

 

Эмэгтэй:

1-р байрт Д.Энхжаргал Засаг даргатай 18-р хороо

2-р байрт Д.Ганбат Засаг даргатай 13-р хороо

3-р байрт В.Сүхбаатар Засаг даргатай 32-р хороо

 

        Сонгинохайрхан дүүргийн 14-р хорооны нутаг дэвсгэр “Өнөр” 12-р байрны өмнөх талбайд олон улсын стандартад нийцсэн мини бэйсболлын талбай байгуулах ажлыг эхлүүллээ.

        Уг ажлыг дүүргийн орон нутгийн сангийн хөрөнгө оруулалтаар хийх бөгөөд гүйцэтгэгчээр нь “Манлайлал” иргэдийн бүлэг ажиллаж байгаа юм. Шинэ талбайн бүтээн байгуулалтын ажил 10-р сарын дундуур дуусах юм байна.

        Сонгинохайрхан дүүргийн Засаг даргын нэрэмжит Иргэдийн спортын VII их наадмын “Олс таталт”-ын тэмцээн 2018 оны 09 дүгээр сарын 23-ны өдөр зохион байгуулагдаж, эрэгтэй, эмэгтэй 19 багийн 171 тамирчид өрсөлдөн дүнгээ гаргаж, шилдгүүд нийслэлийн шигшээ тэмцээнд оролцох эрхээ авлаа.

Эрэгтэй:

  • 1-р байрт З.Энхтүвшин Засаг даргатай 1-р хороо
  • 2-р байрт С.Очир Засаг даргатай 6-р хороо
  • 3-р байрт Г. Оюунчимэг Засаг даргатай 7-р хороо

Эмэгтэй:

  • 1-р байрт Б.Соёл-Эрдэнэ Засаг даргатай 3-р хороо
  • 2-р байрт З.Энхтүвшин Засаг даргатай 1-р хороо
  • 3-р байрт Г. Оюунчимэг Засаг даргатай 7-р хороо

Дулаанаа шалны халаалтаар шийдсэн, зориулалтын агааржуулалтын систем бүхий өвлийн хүлэмжин дэх анхны эко гэр цэцэрлэгийн бүлэг Сонгинохайрхан дүүрэгт үүд хаалгаа нээлээ.

Нийт 330 хүүхэд хүлээн авах хүчин чадалтай, Ханын материалын эцэст байрладаг 84 дүгээр цэцэрлэг ийнхүү дэргэдээ эко гэр цэцэрлэгийн бүлэгтэй болж байна. Ингэснээр дахин 25 хүүхдийг сургуулийн өмнөх боловсрол эзэмшүүлэх боломж бүрджээ.

Уг эко гэр цэцэрлэгийн бүлгийг дүүрийн Засаг даргын Тамгын газар, “Ulaanbaatar peace avenue rotary” клуб, “Эко ногоолин” төрийн бус байгууллага хамтран байгуулсан.

Энэхүү цэцэрлэг нь эко гэдгээрээ анхдагч бөгөөд эко цэцэрлэг байрлаж буй хүлэмжинд өвөл, зуны аль ч улиралд ногоо тарих боломжтой нь хүүхдүүдэд экологийн боловсролтой болох танин мэдэхүйн ач холбогдолтой. Гэр цэцэрлэг учраас урлаг, спортын  заалгүй ч хүлэмжин доторх талбайг ашиглан биеийн тамирын  дасгал  хөдөлгөөн хийх талбай гаргаж өгчээ.

Нээлтийн үеэр Засаг дарга Ж.Сандагсүрэн хэлэхдээ “Хэдийгээр нийслэлд цэцэрлэгийн хүртээмж муу байгаа ч хүүхдүүдэд сургуулийн өмнөх насны боловсрол олгох бүхий л боломжийг ашиглах нь зөв. Энэ бүлгийг байгуулснаар 25 хүүхэд ч болов гэртээ биш, цэцэрлэгт хүмүүжих боломж нээгдэж байна” гэсэн юм.

Уг цэцэрлэгийг нийт 20 орчим сая төгрөгөөр барьсан бөгөөд дүүргийн зүгээс шаардлагатай дэмжлэгийг үзүүлсэн. Санхүүжилтийг “Ulaanbaatar  peace avenue rotary” клуб гаргасан бөгөөд бусад улсын ротари клубийн зүгээс ирсэн хандив дийлэнхийг нь бүрдүүлсэн байна.

“Манай гудам-Миний хороо” аяны хүрээнд 10 дугаар хорооны иргэн Ц.Цогт-Очрынх зураг төсөл гарган хашаандаа 12 сая орчим төгрөгийн тохижилт хийж, гэр хороолол ая тухтай амьдарч болохын жишээг харуулж байна.

15 жил гаруй хороондоо амьдарч буй энэ айл аяны хүрээнд усан оргилуур, уран баримал барьж, зүлэг, шар хуайс, голт бор, сарнай зэрэг 14 төрлийн мод, чацаргана, үхрийн нүд, мойл зэрэг 6 төрлийн жимсний мод, цэцэгт ургамал тарьсан байна.

Хашаандаа хоёр машины гражтай, халаалтаа цахилгаанаар шийдсэн бөгөөд хамгийн оргил үед сарын 450 мянган төгрөгийн цахилгааны төлбөр төлдөг гэлээ. Бохир, цэвэр усны асуудлаа бүрэн шийдэж гэр хороололд тав тухтай амьдрах орчин нөхцөлийг бүрдүүлсэн жишиг өрх болжээ.

Монгол ахуйг хүүхдүүдэд танин мэдүүлэх, монгол гэр, таван хошуу малыг хүүхэд, багачуудад үзүүлэн таниулах үүднээс зүлэгжүүлсэн талбайд тохижилт хийжээ. Мөн бусад айл өрхүүдэд үлгэр жишээ болохоор ахуйн хогоо ангилан ялгаж хаяж байгаа гэж Ц.Цогт-Очир гуайн гэргий А.Навчаа ярьсан юм.

10 дугаар хороо 2480 гаруй өрхтэй, 11524 мянган хүн амтай. Тус хороонд “Манай хороо-Миний гудамж” аяны хүрээнд 320 өрх айл хашаагаа тохижуулж, мод зүлэг тарьжээ.

Нийслэлийн Засаг дарга бөгөөд Улаанбаатар хотын захирагч С.Батболд аяны хүрээнд шилдэг тохижилттой айл өрх, аж ахуйн нэгжүүдтэй танилцахдаа Ц.Цогт-Очрынд зочилж, “Нийслэлийн иргэдийн 48 гаруй хувь нь гэр хороололд амьдарч байна. Иргэдийг орон сууцжуулах бодлого явагдаж байгаа боловч гэр хорооллын айл өрхүүдийн амьдрах орчныг сайжруулах ажил мөн бодлогын чанартай хэрэгжиж байна.

Иргэдийн дунд судалгаа явуулахад 60 орчим хувь нь амьдарч байгаа газартаа орчноо бүрдүүлж, тав тухтай амьдрах хүсэлтэй байгаа юм. Тиймээс бид амьдрах орчныг сайжруулах, иргэдийн санал санаачлагыг дэмжих үүднээс “Манай хороо – Миний гудамж” хөтөлбөрийг санаачлан болзолт уралдаан зарласан. Иргэдийн санал, санаачлага өндөр, идэвх сайтай байгаад баяртай байна” гэсэн юм.

Сонгинохайрхан дүүргийн Засаг даргын нэрэмжит Иргэдийн спортын VII их наадмын Спорт явган аяллын тэмцээн 2018 оны 08 дугаар сарын 25-ны өдөр Спорт хорооны баруун талбайгаас хойш орбитын бор толгойн чиглэлд 4 км зайд алхаж, хөгжөөнт буухиа, нуувч илрүүлэх, газрын зурган дээр ажиллах гэсэн 3 төрлийн тэмцээн зохион байгуулагдаж дүнгээ гаргалаа.

Тус тэмцээнд:

1-р байрт Б.Соёл-Эрдэнэ Засаг даргатай 3-р хороо

2-р байрт Э.Батбаяр Засаг даргатай 5-р хороо

3-р байрт Д.Ганбат Засаг даргатай 13-р хороо

3-р байрт Х.Эрдэнэтуяа Засаг даргатай 8-р хороо тус тус шалгарлаа.