Видео

НОК-ын шуурхай штабын удирдлагын багийн гишүүн Э.Эрдэнэбаатар: Нийслэлийн есөн дүүргийн хэмжээнд 30 цэг дээр 70 мянга гаруй иргэнд “Нэг өрх-Нэг иргэн” гэсэн зарчмаар тандалтын зорилгоор шинжилгээг зохион байгуулахаар ажиллаж байна.

Маргаашаас эхлэн арванхоёрдугаар сарын 11-нийг хүртэлх хугацаанд 70 мянган хүнд шинжилгээг хийнэ. Баянгол дүүрэг дээр 6 цэг, Баянзүрх дүүрэгт 6 цэг, Сонгинохайрхан дүүрэгт 4 цэг, Сүхбаатар дүүрэгт 3 цэг, Хан-Уул дүүрэгт 4 цэг, Чингэлтэй дүүрэгт 2 цэг, Багануур дүүрэгт 2 цэг, Налайх дүүрэгт 2 цэг, Багахангай дүүрэгт 1 цэг бий. Ялангуяа халдварын тохиолдол илэрсэн дүүргүүдийн иргэдийг шинжилгээнд ихээр хамруулна” гэлээ.

Нийслэлд оршин суух хаягийн зөрчилтэй өрх, иргэдэд хүнсний тусламж үзүүлэх ажлыг эхүүлсэн бөгөөд оршин суух хаягийн зөрчилтэй 1000 өрхөд хүнсний тусламж үзүүлэх юм.

Тус ажлыг Нийслэлийн Засаг даргын орлогч Н.Баярчимэг, Сонгинохайрхан дүүргийн Засаг дарга Н.Алтаншагай болон ХНХ-ын дэд сайд С.Зулпхар, Олон улсын шилжилт хөдөлгөөний байгууллагын Хөтөлбөрийн менежер Виктор Лутенко нар эхлүүлжээ.

Хүнсний багцыг зорилтот бүлгийн айл өрхүүдэд тараах ажлыг тухайн дүүргийн Хөдөлмөр, халамжийн хэлтсийн мэргэжилтнүүд болон хороодын хэсгийн ахлагч нар эрүүл ахуй, халдвар хамгааллын горимыг бүрэн сахиж зохион байгуулна гэж НЗДТГ-ын Хэвлэл мэдээлэлтэй харилцах хэлтсээс мэдээллээ.

E-Mongolia системд төрийн 23 байгууллагын 181 үйлчилгээ ороод буй. Иймээс та гэрээсээ эсвэл ажил дээрээсээ орон зай, цаг хугацаанаас үл хамааран төрийн үйлчилгээг цахимаар аваарай

Ковид-19 цар тахлын эдийн засгийн хариу арга хэмжээний хүрээнд Хөдөлмөр, нийгмийн хамгааллын яамнаас ажлын байрыг нэмэгдүүлэх, хадгалах, орлого нь тасалдсан бичил бизнес эрхлэгчдийг дэмжих чиглэлд анхааран ажиллаж байна. Дэлхийн банкны “Хөдөлмөр эрхлэлтийг дэмжих төсөл”-ийн санхүүжилтээр Хөдөлмөр эрхлэлтийг дэмжих сангаас ажилгүй, хувиараа хөдөлмөр эрхлэгч, жилийн борлуулалтын орлого нь 50.0 сая төгрөгөөс доош бичил бизнес эрхлэгчдэд жилийн 11 хувийн хүүтэй, хөнгөлөлттэй зээлийг 24 хүртэл сарын хугацаатай банкаар дамжуулан олгож байна. o Нийт зээлийн эх үүсвэр 7.4 тэрбум төгрөг o Дамжуулан зээлдүүлэх банк- Төрийн банк, ХААН банк o Зээлийн хэмжээ: 5.0-10.0 сая төгрөг. o Зээлийн хүү: Жилийн 11 хувь /Ковид цар тахлын улмаас үүсээд буй эдийн засгийн нөхцөл байдлыг харгалзан 2021 оны 6 сар хүртэл зээлийн хүүг жилийн 7.56 хувь/ o Залуу бизнес эрхлэгчдийг дэмжих зорилтын хүрээнд зээлдэгчдийн 30-аас багагүй хувь нь 35 хүртэлх насны залуучууд, 10 хүртэлх хувь нь 60-аас дээш насны иргэд байж болно. o Нийт зээлдэгчдийн 50-аас доошгүй хувь нь эмэгтэйчүүд байна. Энэхүү хөнгөлөлттэй зээлд хамрагдах хүсэлтэй иргэн, хувиараа хөдөлмөр эрхлэгч болон бичил аж ахуйн нэгжүүд харьяа дүүргийн ХХҮГ-т цахимаар хандаж, дэлгэрэнгүй мэдээллийг авна уу

Улсын Онцгой комиссын шийдвэрийн дагуу үйл ажиллагаа нь өнөөдрөөс эхлэн нээгдэж байгаа аж ахуйн нэгж, байгууллага болон албан хаагчийн тээврийн хэрэгсэлд QR код олгох зааврыг нийслэлийн Онцгой комиссын Шуурхай штабаас баталлаа.
Хязгаарлалтад ороогүй 18 чиг үүргийг хэрэгжүүлэх байгууллагууд харьяа дүүргийнхээ Онцгой комиссын Шуурхай штабт хандаж QR авах байгууллага болон албан хаагчийн тээврийн хэрэгслийн жагсаалт гаргаж өгөх юм.
Харьяа дүүргийнхээ Онцгой комиссын Шуурхай штабт хандаж QR код авна.
Тээврийн хэрэгслийн жагсаалтад байгууллагын регистр, нэр, тээврийн хэрэгслийн улсын дугаар, эзэмшигчийн нэр буюу албан хаагчийн регистрийн дугаар бүхий мэдээллийг багтаасан байна. Дүүргийн Онцгой комисс судалж гаргасан жагсаалтаа Нийслэлийн Онцгой комисст хүргүүлэх юм.
Улмаар Нийслэлийн Онцгой комисс хүсэлтийг судалж, бүртгэх шаардлагатай тээврийн хэрэгслийн жагсаалт гаргаж, Нийслэлийн Онцгой комиссын Шуурхай штабын дэргэдэх Замын хөдөлгөөн зохицуулалтын багт хүргүүлэхээр уг зааварт тусгажээ.
Харин дүүргүүдийн Онцгой комиссоос олгосон байгууллагын албан хаагчийн тээврийн хэрэгсэлд 07:00-10:00, 17:00-20:00 цагийн хооронд замын хөдөлгөөнд оролцох хязгаартайгаар QR код олгоно. Байгууллага, албан хаагч системд бүртгэгдэж, олгосон QR кодыг smartcar.mn цахим хуудасны covid-19 зөвшөөрөл хэсэгт хандаж авна. Дүүрэг болон Нийслэлийн Онцгой комисс нь ирсэн хүсэлтийг судалж, тухайн байгууллагын нэр дээр бүртгэлгүй, нийгмийн даатгалын шимтгэл төлдөггүй албан хаагчийн тээврийн хэрэгсэлд QR код олгохоос татгалзах юм.
Аж ахуйн нэгж, байгууллага, иргэн QR кодтой холбоотой санал хүсэлтээ 1800-1200 утсаар өгөх боломжтой.

Сонгинохайрхан дүүргийн Засаг даргын тамгын газар, 43 хорооны төрийн алба хаагч, хэсгийн ахлагч нарын зүгээс дүүргийнхээ зорилтод бүлгийн 215 өрхөд хүнсний тусламж үзүүлж байна.

  Орон нутаг руу зорчих 11 мянга 700 орчим иргэн эдгээр өдрүүдэд Сонгинохайрхан дүүрэгт  PCR-ын шинжилгээ өгөхөөр бүртгүүлжээ.  Хөдөө орон нутаг явах иргэдийн шинжилгээ Сонгинохайрхан дүүргийн 62, 67, 106, Өнөр цогцолбор сургуулиуд дээр дэг журамтай явагдаж байна. Тухайн 4 цэгт 1520 мкв талбайд ариутгал, халдваргүйтгэл хийж, өглөө 08:00 цагаас 20:00 цагт хүртэл авч байгаа юм. Нэг хүн шинжилгээ өгөхөд дундажаар 10 зарцуулж байна.  Мэргэжлийн байгууллагуудаас иргэдэд 1.5-2 метрийн зай барьж, халдвар хамгааллын дэглэмээ барих зөвлөмжийг өгч, хяналт тавин ажиллаж байна. Шинжилгээ авах эхний өдөр  буюу 2020.11.29-ний өдөр 2177 хүнийг шинжилгээнд хамрууллаа.

Дэлхий нийтэд тархаад буй коронавируст /covid-19/ цар тахлын үеийн бэлэн байдлыг хангах, урьдчилан сэргийлэх ажлын хүрээнд World share олон улсын байгууллага болон Сонгинохайрхан

дүүргийн Засаг даргын тамгын газар хамтран зорилтот бүлгийн иргэдэд дэмжлэг үзүүлэх ажлыг зохион байгууллаа. Энэ үеэр Сонгинохайрхан дүүргийн Засаг дарга Н.Алтаншагай Өргөө цагаан

гэрт нь үргэлж инээд хөөр цалгиж, ахуй амьдрал нь дэвжин дээшилж, халуун ам бүлээрээ аз жаргалтай байхыг ерөөлөө. Мөн цар тахлын хүнд үеийг хариуцлагатай, хамтын хүчээр даван туулахыг

уриаллаа. Шинэхэн гэрээ хүлээн авсан өрхүүд талархаж байгаагаа мөн илэрхийлж байна.

Дүүргийн хэмжээнд нийтийн эзэмшлийн зам талбайн халтиргаа гулгаанд 4 байгууллагын 10 машин 2 механизм, 43 хүний бүрэлдэхүүнтэйгээр ажиллаж 15.7 тн давс, 19.5 тн химийн бодис цацах ажлыг хийж гүйцэтгэн авто замуудын гулгааг арилгалаа.

Сонгинохайрхан дүүргийн хэмжээнд 2020 оны арваннэгдүгээр сарын 23-24-ний өдөр 595 алба хаагч хяналт тавьж ажиллаа. Тэдгээрээс 53 алба хаагч 24 цагаар үүрэг гүйцэтгэсэн байна. Тухайлбал, Сонгинохайрхан дүүргийн шуурхай штабт Ерөнхий жижүүр, Мэргэжлийн хяналтын хэлтэс, Онцгой байдлын хэлтэс, Эрүүл мэндийн төв, цагдаагийн алба хаагч нийт 6 хүний бүрэлдэхүүн 24 цагаар үүрэг гүйцэтгэлээ. Эдгээрээс гадна 148 чиглэлд хяналт тавьж, цагдаагийн 3 хэлтсийн 359, Тээврийн цагдаагийн 98 алба хаагч 37 чиглэлд, Онцгой байдлын 2 автомашинтай 4 алба хаагч 18 чиглэлд хяналт тавьж, үүрэг гүйцэтгэсэн. Гэр бүлдээ ч эрсдэл дагуулан таны төлөө ажиллаж байгаа эдгээ хүмүүсийн ажлыг хүндэтгэж, гэрээсээ битгий гараарай.