Намрын бүх нийтийн их цэвэрлэгээнд 1994 аж ахуйн нэгж, байгууллага, 16.761 иргэд оролцож 100.439 м/кв талбайг цэвэрлэн 43 хороодод давхардсан тоогоор 84 хог тээврийн автомашин 236 рейсээр 994.9 тн хог хаягдлыг ачиж тээвэрлэн Нарангийн төвлөрсөн хогийн цэгт хүргэсэн.

Нийтийн эзэмшлийн зам талбайд 97 үйлчлэгч, иргэдийн бүлгийн 57 нийт 154 ажилтан  214.625 м2 талбайн хог хаягдлыг цэвэрлэн, 783 уртааш метр хайс хашлага, 53 хогийн сав, 14 сандал, 16 тоглоомын талбайг угаах ажлыг хийж гүйцэтгэн өнгө үзэмжийг сайжруулан хангалттай сайн ажилласан.

Улаанбаатар хотын 380 жилийн ойн “Бүтээлч ажлын төлөвлөгөө”-нд тусгагдсан “БҮТЭЭЛЧ ХОТ”  хөтөлбөрийн хүрээнд “CREATIVE DESIGN” арга хэмжээг Нийслэлийн Засаг даргын Тамгын газар болон Нийслэлийн Шинжлэх ухаан, үйлдвэрлэл, инновацын газар хамтран зохион байгуулах гэж байна.

Тус арга хэмжээний зорилго нь Олон улсын стандарт, шаардлагад нийцсэн, байгальд ээлтэй,  дэвшилтэт техник, технологийг ашиглан өрсөлдөх чадвар бүхий чанартай,  шинэлэг дизайнтай бүтээгдэхүүнийг зах зээлд нэвтрүүлсэн иргэн, аж ахуйн нэгжийг шалгаруулахад оршино.

Тус арга хэмжээнд ирүүлсэн бүтээгдэхүүнээс шинэлэг дизайнтай 30 бүтээгдэхүүнийг шалгаруулж, үзэсгэлэн арга хэмжээ зохион байгуулна.

БҮТЭЭГДЭХҮҮНД ТАВИГДАХ ШААРДЛАГА:

-       Бүтээгдэхүүний дизайны шинэлэг байдал

-       Өвөрмөц, оновчтой шийдлийг шингээсэн байх

-       Ижил төрлийн бүтээгдэхүүнээс ялгарах давуу тал

-       Байгаль ээлтэй байх

-       Хэрэглэгчдийн эрэлт хэрэгцээг хангасан байдал

 

2019 оны 09 дүгээр сарын 09-27-ны өдрүүдэд /18:00 цаг хүртэл/ Нийслэлийн Засаг захиргааны V байр, Нийслэлийн Шинжлэх ухаан, үйлдвэрлэл, инновацын газрын 203 тоотод хүлээж авна. Нийт шагналын сан 15 000 000 төгрөг.

Холбоо барих: 70111299, 99170227

 

 

Нийслэлийн Шинжлэх ухаан, үйлдвэрлэл, инновацын газар

               Нийслэлийн Засаг даргын Нийслэлийн Засаг даргын А/688 дугаар захирамжийн хүрээнд явган хүний замыг хааж барьсан хашаа хайснуудыг буулгаж байна.

            Сонгинохайрхан дүүргийн хэмжээнд нийт 41 байршилд ийм зөрчилтэй хашаа, хайс байгаа бөгөөд өнөөдрийн байдлаар дүүргийн Газар зохион байгуулалтын алба 19 байршилд хашаа, хайс буулгасан бол энэ ажлыг ирэх 7 хоногийн дотор дуусгах юм.|

Мэргэжлийн хяналтын ерөнхий газрын даргын баталсан 2019 оны 01 дүгээр сарын 31-ний өдрийн “Хичээлийн шинэ жилийн бэлтгэл, элсэлтийн үйл ажиллагаанд урьдчилан сэргийлэх хяналт шалгалт хийх тухай” 01/54 тоот удирдамжийн дагуу Сонгинохайрхан дүүргийн 12, 16, 18, 22, 30 дугаар хороонд байрлах төрийн өмчийн 55, 105, 107, 111, 113, 116, 119, 125, 176, 260, 263, 264 төрийн бус өмчийн  “Бэмби” “Бяцхан бумбардай”, “Бүмбүүлэй эрдэнэ”, “Гэгэээ өргөө”, “Зааны төгөл”, “Мөнхдүүрэн” “Цэцүүлээ”, “Хос дарь”, “Дүүрэн үйлс” цэцэрлэгүүд Ерөнхий боловсролын 9, 106, 107, 143 дугаар сургуулиудын хичээлийн шинэ жилийн бэлтгэл ажлын явц хэрхэн хангагдаж байгаад урьдчилан сэргийлэх хяналт шалгалт хийлээ.

    

Шалгалтаар илэрсэн 106 зөрчлийг арилгуулахаар 19-н байгууллагад улсын байцаагчийн албан шаардлагаар хугацаатай үүрэг өгч, 7-н байгууллагад албан даалгавар хүргүүлж, Бэмби” “Бяцхан бумбардай”, “Гэгэээ өргөө”, “Мөнхдүүрэн” “Цэцүүлээ”, “Хос дарь”, “Дүүрэн үйлс” цэцэрлэгүүдэд Зөрчлийн тухай хуулийн 9.1 дүгээр зүйлийн 2-ийг үндэслэн  1.4 сая /нэг сая дөрвөн зуун мянга/төгрөгийн торгууль ногдууллаа.

Улаанбаатар хотын Төв цэвэрлэх байгууламжийн Лаг усгүйжүүлэх байгууламжийн нээлтийн ёслол өнөөдөр боллоо. БХБЯ-ны захиалгаар анх удаагаа Лаг усгүйжүүлэх байгууламжийг барьж, Улаанбаатар хотын захиргаа, УСУГ-т хүлээлгэн өгч байгаа юм.

Лаг усгүйжүүлэх байгууламж нь хоногт 2500 м3 лаг хүлээн авч усгүйжүүлэх хүчин чадалтай. Лаг усгүйжүүлэгч центрфугийн ажиллах зарчим нь төвөөс зугатах хүчний үйлчлэлийг ашиглан лагийг усгүйжүүлдэг. Нэг минутад 1000-4000 удаа эргэлдэж ус лагийг тус тусад ялган гаргах зарчмаар ажилладаг. Лагийг хооронд барьцалдуулах зорилгоор ПАМ (полиакриламид), лагийг уснаас сайн ялгахын тулд ПАК  (полиалюминумхлорид) төрлийн химийн бодис ашиглаж байна.

Байгууламжид ирэх илүүдэл лагийн чийглэгийн хэмжээ 99 хувь, түүхий лагийн чийглэгийн хэмжээ 94-96 хувь бөгөөд дээрх хоёр төрлийн лагийг усгүйжүүлсний дараа 70 хувь хүртэл чийглэгтэй болох юм. Түүнчлэн илүүдэл лагийн хэмжээ 50 дахин, түүхий лагийн хэмжээг 5-8 дахин, үнэрийг мөн төдий хэмжээгээр бууруулах нөхцөлийг бүрдүүлснээр Улаанбаатар хотын иргэдийн ажиллаж амьдрах таатай нөхцөлийг бүрдүүллээ.

“Ай вай и зэт” группийн захирал н.Зоригт “Уг байгууламжийг ашиглалтад оруулаад сүүлийн хоёр сарын хугацаанд туршилт хийгээд ямар нэгэн алдаа дутагдалгүй болохыг нь батлаад өнөөдөр хүлээлгэн өгч байна. 99 хувийн чийгшэлтэй нойтон лагийг 70 хувийн чийгшилтэй хуурай лаг болгон гаргаж байгаа. Төв цэвэрлэх байгууламжийн 4-5 жилийн хугацаанд биологийн аргаар гадаа хатаадаг байсан лагийг технологийн аргаар түргэн хугацаанд хуурай болгож гаргана. Үнэрийн хувьд 9-10 дахин бууруулж байгаа” хэмээлээ.

Улаанбаатар хотын Төв цэвэрлэх байгууламж нь бохир усыг механик, биологи аргаар цэвэрлэх явцад органик болон эрдэс гаралтай төрөл бүрийн хаягдал, лаг, үлдэцийг ялган авдаг.

Эдгээр бохирдол нь их хэмжээний органик бодис, гельминтийн өндөр агуулдгаас түүхий буюу боловсруулаагүй үедээ амархан ялзардаг, эвгүй үнэр үүсгэдэг, маш удаан хатаж, эрүүл ахуйн хувьд аюултай орчныг бүрдүүлдэг тул бохир ус цэвэрлэгээний явцад ялгаран гарах лаг үлдэцийг хүрээлэн буй орчинд аюулгүй боловсруулах зорилгоор лаг боловсруулах байгууламжийг төлөвлөдөг.

Одоо ажиллаж байгаа төв цэвэрлэх байгууламжид лагийг тогтворжуулах, халдваргүйжүүлэх ажиллагаа хийгддэггүй, түүхий лагийг зөвхөн байгалийн аргаар 3-4 жилийн хугацаанд усгүйжүүлдэг байдлаас орчинд эвгүй үнэр ихээр тархаж, лагийг хүрээлэн буй орчинд ил задгай хаяж байгаа нь аюултай орчныг бүрдүүлж байна. Энэ нь хот орчмын агаарыг ихээхэн хэмжээгээр бохирдуулж, иргэдийн ажиллаж амьдрах таатай нөхцөлийг алдагдуулах болсон.

Иймд байгалийн аргаар ил задгай талбайд лагийг усгүйжүүлэн хатаах аргыг халж лагийг усгүйжүүлэх технологи дамжлагыг нэмж, “Лаг усгүйжүүлэх байгууламж”-ийг шинээр барьж, ашиглалтад оруулж байна.

БНХАУ-ын Хөлөнбуйр хотын Хайлаар дүүргийн Засаг дарга Са Гуовен тэргүүтэй албаны хүмүүс Сонгинохайрхан дүүрэгт зочиллоо.

Манай хоёр дүүрэг олон жилийн нөхөрсөг хамтын ажиллагаатай бөгөөд энэ удаа худалдаа эдийн засаг, соёл, аялал жуулчлал, боловсрол, спорт, эрүүл мэндийн салбарт хамтран ажиллах төлөвлөгөөгөө баталж, гарын үсэг зурлаа.

Сургалтын төлбөрийн буцалтгүй тусламж олгох тухай

Монгол улсын дээд боловсролын сургалтын аттестатчилагдсан байгууллагын өдрийн ангид хичээлийн жилийн нэг улиралд 12-оос доошгүй багц цагийн хичээл судалж буй дараах суралцагчид сургалтын төлбөрийн буцалтгүй тусламж олгоно:

- Бүтэн өнчин суралцагч

- Хөгжлийн бэрхшээлтэй эсхүл эцэг, эх нь хоёулаа хөгжлийн бэрхшээлтэй бакалаврын хөтөлбөрийн нэг суралцагч

- Хөдөлмөрийн чадвараа бүрэн алдсан гишүүнтэй өрхийн бакалаврын хөтөлбөрийн нэг суралцагч

- Багш бэлтгэдэг төрийн өмчийн их, дээд сургуульд багш мэргэжлээр элсэгч нь элсэлтийн ерөнхий шалгалтад 650-750 оноо авсан бол сургалтын төлбөрийн 100 хувь

- Нэг өрхийн 3 болон түүнээс дээш хүүхэд дээд боловсролын сургалтын байгууллагад бакалаврын зэргийн боловсрол эзэмшихээр зэрэг суралцаж байгаа тохиолдолд 1 хүүхдийн

2. Дараах суралцагчид амьжиргааны зардал олгоно

- Багш бэлтгэдэг төрийн өмчийн их, дээд сургуулийн өдрийн ангид амжилттай суралцаж байгаа хөдөө, орон нутагт багшлах дадлага гүйцэтгэх суралцагчид тухайн сургуулийн нэг хичээлийн жилийн сургалтын төлбөрийн 30 хувьтай тэнцэх хэмжээний амьжиргааны зардал

Бүрдүүлэх бичиг баримт: /Монгол Улсын дээд боловсролын сургалтын байгууллагад суралцагч дараах бичиг баримтыг бүрдүүлсэн тухайн дээд боловсролын сургалтын байгууллагын сургалтын албанд өнгө/

- Өргөдөл

- Төрсний гэрчилгээ

- Элсэлтийн ерөнхий шалгалтын батламж /шинээр элсэгч/

- Бүрэн дунд боловсролын гэрчилгээний хуулбар

- Эцэг эх, асран хамгаалагчийн болон суралцагчийн иргэний үнэмлэхийн хуулбар

- Боловсролын асуудал хариуцсан төрийн захиргааны төв байгууллагаас олгосон суралцах эрхийн бичиг

- Эрх бүхий этгээдийн баталгаажуулсан холбогдох баримт бичиг, тодорхойлолт

-  Бүтэн өнчин суралцагчийн хувьд эцэг, эхийн нас барсныг гэрчлэх бичиг баримтын хуулбар

- Суралцагч өөрөө хөгжлийн бэрхшээлтэй эсхүл эцэг, эх нь хоёулаа хөгжлийн бэрхшээлтэй, хөдөлмөрийн чадвараа бүрэн алдсан гишүүнтэй өрхийн суралцагчийн хувьд хувь тогтоосон комиссын шийдвэр

- 3 ба түүнээс дээш хүүхэд нь зэрэг суралцаж байгааг нотлох сургуулийн тодорхойлолт

Жич: Өргөдлийн толгой нь “Боловсрол соёл шинжлэх ухаан спортын яамны боловсролын зээлийн санд”

Сонгинохайрхан дүүргийн Засаг даргын Тамгын газар, Цагдаагийн 2-р хэлтэс, Мэргэжлийн хяналтын хэлтэс хамтран 6, 7, 9, 10, 28-р хорооны нутаг дэвсгэрт үйл ажиллагаа явуулж буй 12 дэн буудалд хяналт шалгалт хийсэн.

Шалгалтын явцад зөшөөрөлгүй үйл ажиллагаа явуулж байсан “Од”, “Болор” дэн буудлуудын үйл ажиллагааг түр зогсоож, бусад аж ахуйн нэгжүүдэд илэрсэн зөрчлийг тодорхой хугацаанд арилгах талаар мэргэжлийн хяналтын улсын байцаагчийн албан шаардлага өглөө.

Сонгинохайрхан дүүргийн Эрүү мэндийн төвөөс “Эхийн сүүгээр хооллох бодлогыг дэмжих Дэлхийн долоо хоног”-ийг тохиолдуулан иргэдэд хөхөөр хооллолтыг төлөвшүүлэх, зорилгоор 7 хоногийн аян зохион байгууллаа.

Аяны хүрээнд Эрүүл мэндийн төвийн амбулатори, эхо, нөхөн үржихүйн кабинетийн тасгаар үйлчлүүлж буй жирэмсэн эх болон аавуудад хүүхдээ хөхөөр хооллохын ач холбогдол, хүүхдийг яагаад эхийн сүүгээр хооллох ёстой вэ?, хүүхдээ эхийн сүүгээр хооллохын тулд юу мэдэх ёстой вэ?, хөхний сүүг сааж хадгалах заавар, эхийн хөх зангирсан үед авах арга хэмжээ зэрэг 5 сэдвээр 8 төрлийн гарын авлага, зөвлөмж, тарааж мэдээлэл сургалт сурталчилгааг хийж, мөн эмнэлгийн ойролцоо хүүхдүүдээ салхилуулж буй ээжүүдэд хөхөөр хооллолтын ач холбогдлын талаар зөвөлгөө өгч явуулын сурталчилгаа хийлээ.

Сонгинохайрхан дүүрэг Япон улсын Изүнокүни хоттой олон жилийн хамтын ажиллагаатай. Энэ удаагийн айлчлалд Изүнокүни хотын дарга Оно Тошико болон албаны төлөөлөл, иргэдийн төлөөлөл, багш сурагчид гээд 40 гаруй хүний бүрэлдэхүүнтэй ирлээ.

Бид хамтын ажиллагаагаа өргөжүүлж эрүүл мэнд, боловсролын салбарт түлхүү анхаарч ажиллахаар боллоо. Мөн хүлэмжийн тариалалт, хог хаягдал дахин боловсруулах үйлдвэрийн судалгааг онцлон хийхээр боллоо.