Видео

НҮБ-ын хөгжлийн хөтөлбөрөөс Сонгинохайрхан, Налайх дүүргийн Засаг даргын Тамгын газрын бодлого боловсруулагч, шийдвэр гаргагч албан тушаалтнуудад Тогтвортой хөгжлийн зорилго, түүнийг Монгол улсад нутагшуулах арга механизм, орон нутагт Тогтвортой хөгжлийн зорилгод чиглэсэн, мэдрэмжтэй бодлого боловсруулах, үйл ажиллагаа хэрэгжүүлэх талаарх ерөнхий мэдээллээр хангах, хөгжлийн дунд хугацааны бодлогын чиглэлийг тодорхойлох хэлэлцүүлэг зохион байгууллаа.

Сургалт, хэлэлцүүлэгт НҮБХХ-ийн орлогч суурин төлөөлөгч Нашида Саттар, нийслэлийн ЗДТГ-ын Хөгжлийн бодлого, төлөвлөлтийн хэлтсийн дарга Н.Отгонбаяр нар нээж үг хэллээ.

НҮБХХ-ийн Төслийн зохицуулагч Б.Мөнхтуул, төслийн зөвлөх Д.Баасанхүү, төслийн багийн ахлагч Л.Мөнхзул, Сангийн яамны Эдийн засгийн бодлогын газрын мэргэжилтэн С.Сүхдэлгэр, НЗДТГ-ын Бодлогын судалгааны тасгийн дарга С.Мягмаржав нар илтгэл тавьсан юм.

Нийслэлийн Засаг даргын 2019 оны А/1248 дугаар захирамжийн дагуу цэргийн бүртгэлийг нийслэлийн хэмжээнд 2020 оны нэгдүгээр сарын 20-ны өдрөөс хоёрдугаар сарын 07-ны өдрүүдэд засаг захиргааны анхан шатны нэгж болох хороон дээр зохион байгуулна. Батлан хамгаалахын сайдын 2017 оны А/331 дүгээр тушаалаар баталсан журмын дагуу цэргийн бүртгэлийг явуулна. Цэргийн бүртгэлийн тогтолцоо нь цэргийн бэлтгэл үүрэгтний тоо, чанарт дүн шинжилгээ хийх үйл ажиллагааны цогц юм.

Дүүргийн Засаг даргын Тамгын газрын цэргийн штабын бие бүрэлдэхүүн 2020 онд цэргийн бүртгэлийг зохион байгуулах тухай сургалтыг дүүргийн хороодын зохион байгуулагч нарт энэ сарын 15-ны өдөр зохион байгууллаа. Сургалтын эхэнд Ажлын хэсгийн дарга, дүүргийн Засаг даргын Тамгын газрын дарга Д.Төмөрбаатар, Төрийн захиргааны удирдлагын хэлтсийн дарга Т. Сүхбаатар нар оролцож цэргийн бүртгэлээр ажиллах томилгоот бүрэлдэхүүн тогтоосон цаг хугацаанд хуулиар хүлээсэн үүргээ биелүүлж, төрийн үйлчилгээ түргэн шуурхай, чирэгдэлгүй зохион байгуулах, төрийн болон албаны нууцын горимыг сахиж, санаачилгатай ажиллах талаар үүрэг, чиглэл өглөө. Сургалтын үеэр цэргийн бүртгэлийн үед ашиглах гарын авлага, сургалт, сурталчилгааны материал хэрэгслийг хороодод хуваарилан өгөв.

Цэргийн албаны тухай хуулийн 34 дүгээр зүйлийн 34.3 дахь хэсэгт цэргийн бэлтгэл алба хаах насны иргэн жил бүр цэргийн бүртгэлд бүртгүүлж, цэргийн үүрэгтний үнэмлэхэд тэмдэглэл хийлгэнэ гэж заасан байдаг.

Бүртгэлд дараах насны иргэд хамрагдана. Үүнд:

Иргэн - 18-50 нас

Дээд офицер /генерал/ - 65 нас хүртэл

Ахлах офицер - 60 нас хүртэл

Дунд офицер, ахлагч -55 нас хүртэл

Эмэгтэй офицер, ахлагч болон байлдагч, түрүүч – 50 нас хүртэл

Цэргийн бүртгэл ажлын өдрүүдэд 09:00-19:00 цаг амралтын өдрөөр буюу Бямба гаригт 10:00-17:00 цаг Ням гаригт 12:00-16:00 цагт хийгдэх юм.

Энэ удаагийн цэргийн бүртгэл нь 2020 оны нэгдүгээр сарын 20-ноос эхлэн нийслэлийн 173 хороонд хүн ам, орон сууцны Улсын ээлжит тооллогын дараа зохион байгуулагдаж байгаагаараа онцлог юм.

Хөгжлийн бэрхшээлтэй иргэдийн эрхийг хамгаалах үүднээс Сонгинохайрхан дүүрэг “Хүртээмжтэй орчин, загвар дүүрэг” аяныг хэрэгжүүлж “Хөгжлийн бэрхшээлтэй иргэдийн хөгжил, ажлын байрыг нэмэгдүүлэх арга зам” хэлэлцүүлгийн зохион байгууллаа. Нийгмийн даатгалын хэлтсийн дэргэд байрлах байрыг засварлаж Хөгжлийн бэрхшээлтэй иргэдийг хөгжүүлэх жишиг байр болгон 2019 онд ашиглалтад оруулахаар ажиллаж байна.  

Сонгинохайрхан дүүргийн зүгээс эмэгтэйчүүдийнхээ хөдөлмөр эрхлэлтийг дэмжих тэр дундаа хүүхэд харах хүнгүйгээс ажил хийж чадахгүй байгаа эмэгтэйчүүдигй дэмжихийн тулд өнөөдөр “Эмэгтэйчүүдийн хөгжлийн төв”-ийг нээлээ.

Уг төвд эсгий урлал, монгол гутал, оёдол, арьсан урлалын сургалтад үнэ төлбөргүй хамрагдаж, цаашлаад ажлын байртай болох боломжтой.

Түүнчлэн энэ төвд хүүхдүүдэд зориулсан тусгай өрөө байгаа тул ээжүүд хүүхдүүдээ ажлын байрандаа авч ирээд санаа зовохгүйгээр ажлаа хийх боломж бүрдэж байгаа юм.

Нийслэлийн зүгээс гэр хорооллын айл өрхүүдийг угаар мэдрэгчээр хангахаар ажиллаж байна. Сонгинохайрхан дүүргийн тухайд угаар мэдрэгчийг өчигдрөөс эхлэн тарааж эхэлсэн.

Сонгинохайрхан дүүрэгт эхний ээлжийн 7000 орчим угаар мэдрэгч ирсэн бөгөөд үүнийг 20, 24, 25, 27, 32, 37-р хороодод тарааж, суурилуулах болон хэрхэн ажиллуулах талаар мэдээлэл өгч байна.

Өнөөдрийн байдлаар нийт 2000 гаруй төхөөрөмжийг мөн тооны айл өрхүүдэд дүүргийн төр захиргааны байгууллагын 200 гаруй албан хаагчид тараагаад байна.

Сонгинохайрхан дүүргийн 20-р хороонд байрлах 228-р цэцэрлэгийн "Бэлтгэл А", "Бэлтгэл Б" бүлгүүдийн бяцхан хүүхдүүдэд тус хорооны хамт олон хорооныхоо нутаг дэвсгэрт үйл ажиллагаа явуулдаг "Акалико" ХХК-тай хамтран номын сан байгуулж өгчээ.

Шинэ оны босгон дээр 22-р хорооны 2 иргэн өргөө цагаан гэртэй болжээ. Тодруулбал тус хорооноос сонгогдсон төлөөлөгчид болох Д.Авирмэд, Ж.Гантогтох нар 2 иргэнд шинэ гэр бэлэглэжээ.

Монгол Улсын Хүн ам, орон сууцны ээлжит тооллого 2020 оны нэгдүгээр сарын 9-15-ны хооронд орон даяар нэгэн зэрэг явагдана. Уг тооллогыг явуулснаар засаг захиргааны анхан шатны нэгжийн түвшинд ард түмнийхээ аж байдлыг өрх, иргэн бүрээр тодорхойлж, өнгөрсөн 10 жилийн ололт, амжилтыг дүгнэх, ирэх жилүүдийн бодлого хөтөлбөрийг төлөвлөх суурь мэдээллийг бий болгох юм.

Хүн ам, орон сууцны тооллогын тухай хуулийн 8.3-т заасны дагуу ээлжит тооллогыг товлосон өдрөөс эхлэн долоо хоногт багтаан явуулахаар заасан байдаг. Уг заалтын дагуу Хүн ам, орон сууцны Улсын ээлжит тооллогыг 2020 оны нэгдүгээр сарын хоёр дахь долоо хоног буюу энэ сарын 9-нөөс 15-ны өдрийн 22.00 цаг хүртэл мэдээлэл цуглуулалтыг явуулна.

Иргэн та өөрийн өрхийн бүртгэлтэй баг, хороондоо хандан мэдээллээ хянан баталгаажуулж, тооллогодоо идэвхитэй хамрагдана уу.

"Агаар, орчны бохирдлын эсрэг хүчээ нэгтгэе" уриан дор Сонгинохайрхан дүүргийн ЗДТГ-аас санаачлан монгол гэрт амьдарч буй айл өрхүүдийн гэрийг дулаалах болон байшинтай айлуудыг газаар халаах ажлыг эхлүүллээ.

Тодруулбал 2-р хорооны монгол гэртэй 11 өрхийн гэрийг бүрэн дулаалж, дулаалгатай үүдний пинтэй болгосон байна. Харин 11-р хорооны Мандалын 4-р гудамжийг жишиг гудамж болгохоор сонгож, байшинтай 10 айлд хийн халаагуур суурилуулсан байна.

Ингэснээр иргэд гал түлж, утаа гарган агаар орчин бохирдуулахгүйн дээр ая тухтай амьдрах нөхцөл бүрдэж байгаа юм. Энэ талаар Засаг дарга Ж.Сандагсүрэн “Бид хэдийгээр сайжруулсан түлш түлж байгаа боловч энэ нь асуудлыг бүрэн шийдэх зөв шийдэл болж чадахгүй байна. Тиймээс өнөөдөр айлуудын гэрийг дулаалж, дулаалгаа сайн хийчихвэл түлш зарцуулалт багасаж, дулаан хадгалалт ихэснэ, цаашлаад эдийн засагт ч хэмнэлттэй гэдгийг иргэддээ хэлж байна. Цаашдаа аль болох утаа гаргадаггүй халаалтын шийдлийг сонгох ёстой. Одоогоор хамгийн зөв шийдэл нь хийн халаагуур болж байна. Тиймээс бид дүүргийнхээ төсвөөс багахан мөнгө гаргаад эхний 10 айлыг утаанаас салгаж байна. Гэхдээ эхний ээлжийн угсралтын зардлыг бууруулахгүй бол нийтийн хүртээл болгоход бага зэргийн хүндрэл гарахаар байна. Ямартай ч бид ийм шийдэл байж болох юм гэдгийг харуулахыг зорьж байна” гэсэн юм.

Мөн 2, 8, 42-р хороодод гэр байшингаа хэрхэн дулаалах, түлшнээс татгалзаж дулааны өөр эх үүсвэр сонгох бол юун дээр анхаарах талаар зөвлөгөө мэдээлэл өгөх мэдээллийн төвийг “Байгаль орчны иргэний зөвлөл” ТББ-тай хамтран байгуулжээ. 

     Монгол Улсын Хүн ам, орон сууцны ээлжит тооллого 2020 оны нэгдүгээр сарын 9-15-ны хооронд орон даяар нэгэн зэрэг явагдана. Уг тооллогыг явуулснаар засаг захиргааны анхан шатны нэгжийн түвшинд ард түмнийхээ аж байдлыг өрх, иргэн бүрээр тодорхойлж, өнгөрсөн 10 жилийн ололт, амжилтыг дүгнэх, ирэх жилүүдийн бодлого хөтөлбөрийг төлөвлөх суурь мэдээллийг бий болгох юм.

     Хүн ам, орон сууцны тооллогын тухай хуулийн 8.3-т заасны дагуу ээлжит тооллогыг товлосон өдрөөс эхлэн долоо хоногт багтаан явуулахаар заасан байдаг. Уг заалтын дагуу Хүн ам, орон сууцны Улсын ээлжит тооллогыг 2020 оны нэгдүгээр сарын хоёр дахь долоо хоног буюу энэ сарын 9-нөөс 15-ны өдрийн 22.00 цаг хүртэл мэдээлэл цуглуулалтыг явуулна.

Иргэн та өөрийн өрхийн бүртгэлтэй баг, хороондоо хандан мэдээллээ хянан баталгаажуулж, тооллогодоо идэвхитэй хамрагдана уу.