Видео

Сонгинохайрхан дүүрэг, Тайваний хүүхэд гэр бүлийг дэмжих сангийн хамтын ажиллагааны хүрээнд тус дүүргийн 9 дүгээр хороонд шинэ худаг ашиглалтад орж энэ 4 дүгээр сарын 1-ний өдөр нээлтээ хийлээ. Хорооны 8 дугаар гудамжаар дээш явах замд байрлах энэхүү худаг нь тус хорооны иргэдэд ундны усыг нь ойртуулсан сайхан ажил болжээ. 

Тайваний хүүхэд гэр бүлийг дэмжих сангаас Сонгинохайрхан дүүрэгтэй хамтран 2007 оноос эхлэн “Ундны усан хангамжийг сайжруулах” төслийг хэрэгжүүлж байгаа бөгөөд 14, 24, 9 дүгээр хороодод 3 худаг бариад байгаа юм. Цаашид энэхүү төслийг үргэлжлүүлэхээр дүүргийн хороодоос санал, судалгаа авч байна.

 

Шинэ худгийн нээлтэд Сонгинохайрхан дүүргийг төлөөлж Засаг даргын Тамгын газрын дарга С.Мөнхчулуун оролцож үг хэлсэн. Мөн өдрийн турш иргэдэд ундны усаар үнэгүй үйлчилсэн юм.

Өнөөдөр Сонгинохайрхан дүүргийн Онцгой байдлын хэлтсээс дүүргийн удирдах албан тушаалтнуудад “Гамшгийн үед дүүргийн Онцгой комисс, Онцгой байдлын хэлтэс, Гамшгаас хамгаалах албад, мэргэжлийн ангийн удирдах бүрэлдэхүүний ажиллагаа” сэдэвтэй сургалтыг зохион байгуулж байна.

Гал усны гашуун зовлон гамшиг хэлж ирдэггүй хийсч ирдэг.

 

Хүн бүхэн, ялангуяа онцгой байдлын албаныхан, нутгийн захиргааны байгууллагуудын удирдах албан тушаалтнууд өндөр сэрэмжтэй байж, гамшгийн аюул тохиолдсон үед  ард иргэдээ хамгаалах үүрэгтэй. Энэхүү сургалтаар гамшгийн үед нутгийн захиргааны байгууллагууд ямар үүрэгтэй хэрхэн ажиллах, хоорондын уялдаа холбоог хэрхэн хангах, гамшгийг хэрхэн хор хохирол багатай туулан давах талаар сургалт явуулж, Гамшгаас хамгаалах иж бүрэн сургуулилт хийх юм.  Мөн Гамшгаас хамгаалах талаар төрөөс баримталж буй бодлогын талаар сургалтын хөтөлбөрт оруулан танилцуулна.

Сургалтад Сонгинохайрхан дүүргийн Онцгой комиссын дарга М.Чинболд болон тус комиссын гишүүд болох Тамгын газрын хэлтэс албад болон нутгийн захиргааны байгууллагуудын дарга нар оролцож байна. Сургалт 4 дүгээр сарын 04-ний өдрийн турш үргэлжилнэ.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл хэвлэл мэдээллийн байгууллагын төлөөллүүдтэй онцлох сэдвээр 4-р сард цуврал дөрвөн удаагийн зангиагүй уулзалт хийхээр төлөвлөсөн. Үүний дагуу эхний уулзалтаар иргэд урьдчилгаа төлбөргүйгээр орон сууцтай болох боломжийг бүрдүүлж буй “Нийслэлийн орон сууцны корпораци”-ийн талаар дэлгэрэнгүй мэдээлэл өгч, сэтгүүлчдийн сонирхсон асуултад хариулт өглөө.
Өнөөдрийн байдлаар Улаанбаатар хотод 180.000 гаруй орон сууцны хэрэгцээ үүсээд байна. Гэвч жилд 15.000 орчим орон сууц л ашиглалтад орж байгаа нь нийт хэрэгцээний ердөө 10 хувийг хангаж байгаа юм.  Харин орон сууцтай болох хүсэлтэй иргэдийн 80 орчим хувь нь цалин, орлогоосоо хамаарч  төрөөс санал болгож байгаа урьдчилгаа төлбөрийг шууд төлөх боломжгүй байна.

 

Тиймээс нийслэлийн Засаг даргын санаачилгаар эдгээр иргэдэд зориулж сар бүр орлогоосоо тогтмол хуримтлал үүсгэж, урьдчилгаа төлбөрөө бүрдүүлэн орон сууцтай болох боломжийг олгохоор Нийслэлийн орон сууцны корпорацийг байгуулж, урт хугацааны томоохон хөтөлбөрийг хэрэгжүүлэхээр төлөвлөлөө.
Өөрөөр хэлбэл иргэд зөвхөн цалингийн орлогоосоо сар бүр 25-30 хувийг НОСК-ийн орон сууцны хуримтлалын санд төвлөрүүлэх замаар 3-5 жилийн хугацаанд орон сууцтай болно гэсэн үг юм. Зах зээлд нийлүүлэгдэж буй орон сууцны үнэд газрын үнэ, шугам сүлжээний зардал, компанийн ашиг, банкны хүү гэх мэт бусад зардал нэмэгдсэн байдаг. Харин НОСК-ийн орон сууцны үнэ нь дээрх нэмэгдэл зардлууд шингээгүй бөгөөд нийслэл өөрийн өмчийн газар дээрээ иргэдээс хуримтлуулж буй хөрөнгөөр орон сууцны хороолол барьж хамгийн чанартай, хямд өртөгтэй байх юм.
Мөн зөвхөн орон сууц барих бус сургууль, цэцэрлэг, дэд бүтэц, ногоон байгууламж бүхий эрүүл, аюулгүй орчныг бүрдүүлж, олон улсын жишигт нийцсэн үйлчилгээний газрыг цогцоор нь шийдвэрлэхээр төлөвлөөд байна. Нийслэлийн Ерөнхий төлөвлөгөөний газраас боловсруулсан эхний ээлжийн төлөвлөлтөөр Сонгинохайрхан дүүргийн 1-р хороо Баянголын аманд 9,7 га, Сонгинохайрхан дүүргийн 32-р хороо Хотын шинэ төвийн орчим 48 га, Хан-Уул дүүргийн 10-р хороо Морингийн даваа 190,8 га, Хан-Уул дүүргийн 12-р хороо Био-Сонгино 112 га, Хан-Уул дүүргийн 16-р хороо Яармагийн спорт цогцолборын хойд талд 3,1 га, Баянзүрх дүүргийн 20, 23-р хороо Улайстайн аманд 106 га газарт НОСК-ийн орон сууцны хорооллыг байгуулна.
Хамгийн гол нь энэ орон сууцны хөтөлбөрт зөвхөн нийслэлийн иргэд  хамрагдана гэсэн хязгаар тавиагүй бөгөөд хөдөө орон нутаг, гадаад улсад амьдарч байгаа иргэд хамрагдах боломжтой юм. Харин сар бүр төлж буй орлогоос хамаарч 25-60м2 орон сууцнаас иргэд сонголтоо хийж авна. 3-5 жилийн дотор уг байраа өөрийн өмч болгох бөгөөд энэ хүртэл тухайн байр нийслэлийн өмч байх юм.
НОСК-ийн орон сууцны хөтөлбөрт эхний ээлжинд 20,000 орон сууцны захиалга авч 50,0 тэрбум төгрөгийг төвлөрүүлэх тооцоо гаргасан бөгөөд эхний ээлжийн санхүүжилтээр 2 хорооллын бүтээн байгуулалтын ажлыг эхлүүлнэ . Төслийг Олон Улсын нээлттэй тендер зарлаж зохион байгуулахаар төлөвлөж байгаа юм.
Уулзалтын үеэр сэтгүүлчид хөтөлбөрийн санхүүгийн баталгааг хэрхэн өгөх болон одоо ашиглалтад орж буй барилгуудын дэд бүтэц, цахилгаан, дулааны асуудал хүндрэлтэй байгаа энэ үед НОСК-ийн хорооллыг яаж шийдвэрлэх талаар тодрууллаа.
Нийслэлийн Засаг дарга “Санхүүгийн хувьд бид энэ хөтөлбөрт 400 мянган га газраараа 100 хувь баталгаа өгч чадна. Үүн дээр иргэд санаа зовох хэрэггүй. Харин цахилгаан, дулааны асуудлыг тухайн хорооллын бүсд жижиг хэмжээний дэд станц байгуулж шийдвэрлэнэ. Иргэд маань эдгээр хорооллыг хол байна гэж битгий бодоорой. Дэд бүтэц, сургууль, цэцэрлэг, дэлгүүр, эмнэлэг нийгмийн бүхий л асуудлыг цогцоор нь шийдвэрлэнэ. Ажилтай, цалинтай бүх хүн орон сууцтай болох энэ хөтөлбөрийг иргэд маань 100 хувь дэмжинэ гэдэгт итгэлтэй байна” гэдгийг онцлон хэлсэн юм.
Нийслэлийн Засаг даргаас НОСК байгуулах, хөтөлбөрийг 4-р сарын нийслэлийн ИТХ-ын ээлжит хуралдаанд өргөн барьж шийдвэрлүүлэхээр төлөвлөж байна гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн удирдлагын зөвлөлийн ээлжит хуралдаан 03 сарын 31-ний өдөр болж, Нийслэлийн зургаан дүүргийн хяналтын камержуулалтын ажлын талаар хэлэлцлээ.
Хуралдаанд асуудлыг Сүхбаатар дүүргийн Засаг дарга Д.Бадарсан танилцууллаа.
Нийслэлийн Засаг дарга бөгөөд Улаанбаатар хотын Захирагчийн 2013-2016 оны үйл ажиллагааны хөтөлбөрт тусгагдсан Нийтийн эзэмшлийн гудамж, талбай, явган зам, нийтийн үйлчилгээний газруудад гэрэлтүүлэг, аюулгүй байдлын хяналтын сүлжээ бий болгох ажлын хүрээнд төвийн зургаан дүүрэгт хяналтын камер байршуулах ажил үргэлжилж байна. 2012 онд Чингэлтэй дүүргийн 13, 14-р хороонд 30, 2013 онд Хан-уул дүүргийн 4-16-р хороонд 25, Чингэлтэй дүүргийн 7, 14-р хороо, Баянгол дүүргийн 1,7 ,12, 13, 14, 19-р хороонд 175, Сүхбаатар дүүргийн 1-16 хороонд 125 гээд нийт 369 хяналтын камерыг нийслэл, орон нутгийн төсөв, Орон нутгийн хөгжлийн сангийн хөрөнгөөр байршуулжээ.

 

Харин 2014 онд Баянзүрх дүүргийн 1-28 дугаар хороонд 217, Сонгинохайрхан дүүргийн 1-32 дугаар хороонд 180, Сүхбаатар дүүргийн 1-16 дугаар хороонд 93 нийт 490 хяналтын камерыг шинээр суурилуулахаар саналтай байгаагаа нийслэлийн удирдлагуудад танилцууллаа. Энэ ажилд нийт 3,6 тэрбум төгрөг шаардлагатай бөгөөд Нийслэл, орон нутгийн төсөв, Орон нутгийн хөгжлийн сангийн хөрөнгөөр хийхээр төлөвлөжээ. Ингэснээр нийслэлийн төвийн зургаан дүүрэг нийт 859 хяналтын камертай болж гэмт хэргээс урьдчилан сэргийлэх, замын түгжрэлийг хянаж, сааруулах ажлыг зохион байгуулахад дөхөм болно гэж албаныхан үзэж байгаа юм.
Уг асуудлыг хэлэлцэх үеэр нийслэлийн Засаг дарга “Нийслэлд байршуулж буй хяналтын камерын бичлэгийг хэрхэн ашиглах талаар нийтлэг журамтай болох ёстой. Хяналтын камертай гээд иргэдийнхээ эрхэнд халдаж болохгүй” гэдгийг онцлоод дүүргүүдэд суурилуулсан камерыг хэрхэн ашиглах талаар нийтлэг журмыг 4-р сард багтаан боловсруулж, бүх камерыг паспортжуулах үүргийг Улаанбаатар хотын Захирагчийн ажлын албанд өглөө.  Журам боловсруулж батлуулсаны дараа хяналтын камерын ашиглалтын зардлыг аль газар хариуцах нь тодорхой болно гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн Засаг дарга “Авто худалдааны цогцолбор”-ыг барьж байгуулах ажлыг эхлүүлэх ажлын хэсэг байгуулах тухай А/218 дугаар захирамж гаргалаа. Захирамжийн дагуу Улаанбаатар хотыг 2020 он хүртэл хөгжүүлэх ерөнхий төлөвлөгөөг хэрэгжүүлэх, агаар болон хөрсний бохирдлыг багасгах, замын хөдөлгөөний ачаалал, түгжрэл, ослыг бууруулах зэрэг ажлыг түргэн шуурхай шийдвэрлэх зорилгоор Сонгинохайрхан дүүргийн 32 дугаар хорооны нутаг дэвсгэрт “Авто худалдааны цогцолбор”-ыг барьж байгуулах ажлын хүрээнд үйлдвэрийн газрын үйл ажиллагааг эхлүүлж бүтээн байгуулалттай холбогдох бүхий л ажил үйлчилгээг зохион байгуулах, сонгон шалгаруулалт, төсвийн хуваарилалт хийх, хяналт тавих зэрэг ажлыг чиг үүрэгтэй Ажлын хэсэг байгууллаа.
 
Ажлын хэсгийн ахлагчаар нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөр ажиллах юм. Мөн энэ захирамжаар ажлын хэсгийн зохион байгуулах ажлын удирдамжийг гаргасан байна. “Авто худалдааны цогцолбор” ОНӨААТҮГ-ын удирдлагуудыг сонгон шалгаруулж, томилох ажил 4-р сарын 5-10-ны өдрүүдэд хийгдэнэ гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

 Жич: “Авто худалдааны цогцолбор”-ыг барьж байгуулахад шаардлагатай ажлыг зохион байгуулах ажлын удирдамж, хугацаа, хариуцах байгууллагыг хүснэгтээр танилцуулъя.
 
Д/д Үндсэн ажил Зохион байгуулж,
хэрэгжүүлэх ажил
Хугацаа Хариуцах байгууллага Тайлбар
1 “Авто худалдааны цогцолбор” ОНӨААТҮГ-ын удирдлагыг сонгон шалгаруулах Сонгон шалгаруулалтыг зарлаж, өрсөлдөгчдийг дүгнэх 04-р сарын 05 Ажлын хэсэг  
Үр дүнг Засаг даргад танилцуулж томилуулах 04-р сарын 10 Ажлын хэсгийн дарга  
2 ”Авто худалдааны цогцолбор”-ын авто зогсоолыг эзэмших зогсоолын төлбөрийг төвлөрүүлэх Эзэмшүүлэх авто зогсоолын зураг төслийг боловсруулж, тоо, төсвийг тодорхойлох 04-р сарын 01-ний дотор Ажлын хэсэг  
Олон нийтэд нээлттэй зарлах 04-р сарын 01 Ажлын хэсэг  
Авто зогсоолын төлбөрийн орлогыг төсөвт төвлөрүүлэх 04-р сарын 20 Ажлын хэсэг  
Зогсоолын эзэмших эрх авсан иргэн, аж ахуйн нэгжтэй хамтран ажиллах гэрээ, хэлцэл байгуулах, хяналт тавих

 
04-р сарын 25 Ажлын хэсэг  
3 Зогсоолын төлбөрөөс эхний ээлжийн зам талбай, зогсоол, хамгаалалтын хашаа барих ажлыг зохион байгуулах Олон нийтэд нээлттэй зарлах 04-р сарын 20 Ажлын хэсэг  
Эхний ээлжийн авто зогсоол, зам талбайг барьж байгуулах гүйцэтгэгчийг сонгон шалгаруулах, хяналт тавих 05-р сарын 20 Ажлын хэсэг  
Хамгаалалтын хашаа барьж байгуулах гүйцэтгэгчийг сонгон шалгаруулж, гэрээ байгуулах, хяналт тавих 05-р сарын 20 Ажлын хэсэг  
4 “Авто худалдааны цогцолбор”-ыг барьж байгуулахад шаардлагатай бэлтгэл ажлыг хангах Зураг төслийг боловсруулах гүйцэтгэгчийг сонгон шалгаруулах, хяналт тавих   Ажлын хэсэг  
Нийслэлийн 2014 оны газар зохион байгуулалтын төлөвлөгөөнд тодотголоор тусгуулах   Ш.Уртнасан,
/НЕТГ/
 
Нийслэлийн 2014 оны төсөвт тодотголоор тусгуулах   Э.Ганхүү
/НЗДТГ/
 
Газрын эрхийн дуудлага худалдаа зохион байгуулах   Т.Батдорж /НӨХГ/  
Төсөвт төвлөрүүлсэн хөрөнгийг дэд бүтэц болон бусад зардалд хуваарилах   Ажлын хэсэг  
Дэд бүтцийг барьж байгуулах гүйцэтгэгчийг сонгон шалгаруулах, хяналт тавих   Ажлын хэсэг  
5 “Авто худалдааны цогцолбор”-ын үйл ажиллагааг хэвийн явуулахад дэмжлэг үзүүлэх 2014 оны 10 дугаар сарын 01-ээс нийслэлийн нутаг дэвсгэрт зөвшөөрөгдснөөс бусад нийтийн эзэмшлийн зам талбай, бусад зам орчмын ил задгай зогсоол, талбайд автомашин, тээврийн сэлбэг, хэрэгсэл худалдан борлуулахыг хориглох ажлыг зохион байгуулах, хяналт тавих 09-р сарын 25 ЗАА, НМХГ  
Зохих журмын дагуу улсын бүртгэлд хамрагдаагүй тээврийн хэрэгслийг замын хөдөлгөөнд оролцуулахыг хязгаарлах, хяналт тавих 09-р сарын 25 НЗЦГ  
6 “Авто худалдааны цогцолбор” ОНӨААТҮГ-т хүлээлгэн өгөх   10-р сарын 01 Ажлын хэсэг  

 

Нийслэлийн Худалдан авах ажиллагааны газраас дотоодын үйлдвэрлэгч аж ахуйн нэгжүүдийг дэмжих, үндэсний үйлдвэрийг чадавхижуулах зорилгоор нийслэлд хэрэгжих хөрөнгө оруулалтын ажлуудад тендер зарлахдаа давуу эрх тооцохоор төлөвлөж байна.
Ингэхдээ Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 10 дугаар зүйл, Засгийн газрын 2011 оны 103 дугаар тогтоол, Сангийн сайдын 2007 оны   Давуу эрх тооцох аргачлалыг тус тус баримтлах юм. Иймд тендерт оролцогч аж ахуйн нэгжүүдийг дээрх хууль, журамтай танилцаж мэдээлэл авахыг зөвлөе.  

 

Одоогоор Нийслэлд хэрэгжих Бага сургууль, цэцэрлэгийн цогцолбор барилгын ажлуудын тендерт Дотоодын давуу эрх тооцохоор зарлаад байна. Уг ажлыг гүйцэтгэхдээ Монгол улсын гарал үүсэлтэй бараа, материалыг ашиглах тендерт оролцогчид давуу эрх тооцохоор шийдвэрлэсэн. Энэ нь тендерт оролцогч давуу эрх эдлэх албан хүсэлтээ тендерийн баримт бичгийн хамт ирүүлэх, үнэлгээнд харгалзуулах боломжтой гэсэн үг. Харин албан хүсэлтэд уг ажилд ашиглах бараа материалын нэрсийн жагсаалт, тоо ширхэг, нэг бүрийн болон нийт үнийг тусгасан байх мөн тухайн бараа материалын тохирлын гэрчилгээ, үйлдвэрлэгчтэй байгуулсан гэрээг эх хувиар буюу нотариатаар баталгаажуулан нотлох баримт болгож ирүүлэхээр шаардлагатай гэж Нийслэлийн Худалдан авах ажиллагааны газраас мэдээллээ.

НИТХ-ын 2013 оны 05 дугаар сарын 30-ны өдрийн 10/39-р тогтоолоор 2014-2016 онд гэр бүлийн хэрэгцээний зориулалтаар иргэнд өмчлүүлэх 15 309 га бүхий 52 газрын байршил тогтоотоосон. Уг тогтоолын хэрэгжилт болон газар өмчлөлийн ажлын явцыг эрчимжүүлэх зорилгоор шийдвэр гаргах төвшний хүний оролцоог багасгаж цахимжуулах, газрын харилцааны үйлчилгээний цахим системийг байгуулан ажиллаж байна. Дээрх 52 байршилд иргэдийн газар өмчлөх тухай хүсэлтийг цахим хэлбэрээр хүлээн авч сонгон шалгаруулалтыг хүний оролцоогүй сугалааны зарчмаар

 

шийдвэрлэх програм хангамжийг Нийслэлийн мэдээлэл технологийн газартай хамтран нэврүүлэхэд бэлэн болсон. Нийслэлийн иргэдэд газар өмчлүүлэх үйл ажиллагааг 2014 оны 4 дүгээр сарын 1-нээс хэрэгжүүлэхээр төлөвлөн ажиллаж байсан боловч тухайн 52 байршлын хэсэгчилсэн ерөнхий төлөвлөгөө хараахан дуусаагүй байгаа тул тодорхойгүй хугацаагаар хойшлуулах шаардлагатай болжээ гэж Нийслэлийн Өмчийн харилцааны газраас мэдээллээ.

Тус дүүргийн Хөдөлмөрийн хэлтсээс зохион байгуулсан дүүргийн “Ажил олгогчдын нэгдсэн зөвлөгөөн” өнөөдөр “Соёмбо” кино театрын “Их танхим”-д боллоо. Дүүргийн нутаг дэвсгэрт үйл ажиллагаа явуулж буй ажил олгогч, Хөдөлмөрийн хэлтсийн хамтын ажиллагааны уялдаа холбоог бэхжүүлэх, Хөдөлмөр эрхлэлтийг дэмжих тухай хуулийн хэргжилтийг хангах, Хөдөлмөрийн аюулгүй байдал, эрүүл ахуйн тухай хуулийг сурталчлан, ажил олгогчдыг хооронд нь танилцуулж, мэдээлэл солилцох зорилготой энэхүү зөвлөгөөнд Хөдөлмөрийн яам, дүүргийн ЗДТГ, Улаанбаатар хотын үйлдвэрчний эвлэлүүдийн холбоо зэрэг байгууллагууд оролцсон юм.

 

Сонгинохайрхан дүүргийн Засаг дарга М.Чинболд зөвлөгөөнийг нээж хэлсэн үгэндээ: - ....Нийгэмд зөвхөн өөрсдийгөө авч явахаас гадна өрөөл бусад олон хүнд ажлын байр бий болгон олон айлын гэрийг дулаан, тогоог дүүрэн байлгаж байгаа ажил олгогч та бүхэнд талархаж байдгаа илэрхийлээд,  ....ажил олгогчдын аливаа зөв зүйтэй, ажил хэрэгч санал санаачлагыг хүлээн авч цаашдын бодлого шийдвэрт тусган ажиллана гэж хэллээ.

            Мөн энэхүү зөвлөгөөний үеэр “Ажил олгогчдыг дэмжих хөтөлбөр”-ийг танилцуулж, дүүргийн Хөдөлмөрийн хэлтсээс зохион байгуулж байгаа “Хөдөлмөрийн аюулгүй байдал, эрүүл ахуйн сарын аян”-ы нээлт болсон юм.

 

Нийслэлийн ИТХ-ын ээлжит 16 дугаар хуралдаан 2014 оны 3 дугаар сарын 27-нд болж хуралдаанаар Хог хаягдлын шинэ менежментийн дагуу айл өрхүүдэд тарааж байгаа хогны уутны талаар мэдээллийг сонслоо.  Нийслэлийн иргэдийн эрүүл, аюулгүй орчинд амьдрах нөхцөлийг бүрдүүлэх, хог хаягдлын менежментийн тогтолцоог бий болгох зорилгоор “Улаанбаатар хотын хог хаягдлын менежментийг сайжруулах 2013-2016 хөтөлбөр”-ийг НИТХ-ын 2012 оны хуралдаанаар хэлэлцэн баталсан бөгөөд  2013 оноос эхлэн хэрэгжүүлж байгаа юм.

 

Хөтөлбөрийг батлахдаа нийслэлийн иргэний танхимаар хэлэлцүүлэн иргэд, төрийн бус байгууллага, мэргэжлийн байгууллагын төлөөллийн саналыг аван тусгаснаас гадна хөтөлбөрийн дагуу хог хаягдлын зориулалтын уутыг айл өрхөд тараахаар болсон. Энэ ажлын хүрээнд хогны хураамжийн төлбөрөөс нийслэлийн айл бүрт сар болгон 15 ширхэг хогны ногоон уут олгосон. Харин энэ асуудал дээр янз бүрийн сөрөг, ташаа мэдээлэл гарч байгаа учраас Нийслэлийн Засаг даргаас хог хаягдлын шинэ менежментийн ажлыг цаашид үргэлжлүүлэх эсэх талаар иргэдээс санал авах тухай саналыг Нийслэлийн Иргэдийн Төлөөлөгчдийн хуралд орууллаа.  Хотын дарга “Улс төржүүлэхгүй байх цорын ганц асуудал бол хог. Ямар ч хотын тулгамдсан асуудал хог байдаг учраас хогонд хэмнэлт гаргана гэдэг нь утгагүй зүйл. УИХ-аас баталсан хог хаягдлын тухай хуулинд хогны хураамжаас төвлөрч байгаа хөрөнгийг хэрхэн зарцуулахыг маш тодорхой зааж өгсөн байдаг. Хуулиараа энэ мөнгийг эмнэлэг, сургууль, цэцэрлэг барихад зарцуулах учиргүй юм. Тэгвэл бид хууль зөрчсөн болно.  ЖАЙКА-аас 2010-2011 онд явуулсан судалгаагаар анхан шатны эх үүсвэрээс нь хогоо ил задгай хаяхгүй байх нөхцөлийг бүрдүүлж чадвал хог хаягдлын асуудлыг шийдвэрлэх боломжтой гэсэн дүн гарсан. Тиймээс нийслэлээс хогны уутыг айл өрхүүдэд тарааж, зориулалтын дагуу хэрэглэж хэвшүүлэх ажлыг эхлүүлсэн. Урьд нь иргэд хогны хураамж гэж 2000-2500 төгрөг төлчихөөд тэр нь юунд зарцуулагдаж, хаашаа ордог нь тодорхойгүй, гудамж, гуу жалга нь ил задгай хогондоо дарагдсан байдаг байсан. Харин одоо иргэд хогны хураамж төлснийхөө хариу болгож хог хаягдалаа хийх зориулалтын уут авч байна.   Азийн сангийн хийсэн судалгаагаар иргэдийн 80 гаруй хувь нь хогны уутыг зориулалтын дагуу хэрэглэж хэвшсэн гэсэн дүн гарсан” гэж онцоллоо.

НИТХ-ын төлөөлөгчид хогны уутны хэрэглээг цаашид үргэлжүүлэх эсэх талаар нийслэлийн иргэдээс санал авах ажлыг зохион байгуулахыг дэмжлээ. Санал авах хугацаанд хог хаягдлын менежментийн ажлыг сааруулахгүй байх үүргийг Улаанбаатар хотын Захирагчийн ажлын алба болон  дүүргүүдэд өгөв гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн Засаг даргын 2014 оны А/189 дүгээр захирамжаар Авто тээврийн болон өөрөө явагч хэрэгслийн албан татвар, Агаарын бохирдлын төлбөр, автозам ашигласны төлбөр хураах ажлыг  2013 оны 03 дугаар сарын 20-ны өдрөөс эхлэн  6 сарын 24-нийг хүртэл 2 үе шаттайгаар зохион байгуулахаар болсон. Татвар, төлбөр хураах ажлыг хөнгөвчлөх зорилгоор дүүрэг, хороодод нэг цэгийн үйлчилгээ байгуулсан бөгөөд дүүргийн татварын хэлтсүүд ажлын өдрүүдэд 08.00-12.00, 13.00-17.00 цагийн хооронд ажиллана.
 
Баянзүрх, Баянгол, Сонгинохайрхан дүүргийн оношлогооны төвүүд ажлын өдрүүдэд 08.00-20.00 цаг, амралтын өдрүүдэд 09.00-19.00 цагийн хооронд ажиллах юм. Авто тээврийн болон өөрөө явагч хэрэгслийн албан татвар, агаарын бохирдлын төлбөр, зам ашигласны төлбөр хураах үйл ажиллагаатай холбоотой дэлгэрэнгүй мэдээллийг 7011-0705, 1800-1288 утсаар авч болно гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.  
 
АТБӨЯХ-ИЙН АЛБАН ТАТВАР, АГААРЫН БОХИРДЛЫН ТӨЛБӨР,
АВТОЗАМ АШИГЛАСНЫ ТӨЛБӨР ХУРААХ НЭГ ЦЭГИЙН
ҮЙЛЧИЛГЭЭНИЙ БАЙРШИЛ
         
Д/д Дүүргүүд Байршил Хугацаа  
 
1 ЗТЯ-ны бүртгэл хяналтын газар Баянзүрх дүүргийн авто вокзалын ард Таван ган трейд ХХК-ийн байранд 2014.03.20-05.31  
2 БГД-ийн хяналтын үзлэг оношлогооны байр БГД-ийн 20 дугаар хороо Хөсөг трейд ХХК-ийн хашаанд  
2014.03.20-05.31
 
3 БЗД-ийн хяналтын үзлэг оношлогооны байр БЗД-ийн 8 дугаар хороо Чулуун овоо Авто вокзалийн байранд  
2014.03.20-05.31
 
4 СХД-ийн хяналтын үзлэг оношлогооны байр СХД-ийн 20 дугаар хороо Автобус-2 ХК-ий хойд талд  
2014.03.20-05.31
 
5 Хан-Уул дүүргийн татварын хэлтэс ХУД-ийн 3-р хороо ЗДТГ-ын хажууд Татварын хэлтсийн байр  
2014.03.20-05.31
 
6 Баянгол дүүргийн татварын хэлтэс БГД-ийн  1-р дүгээр хороо, Татварын хэлтсийн байр /Хуучнаар хотын гаалийн байр/  
2014.03.20-05.31
 
7 Баянзүрх дүүргийн татварын хэлтэс  БЗД-ийн 26 дугаар хороо, Дүнжингарав худалдааны төвийн байранд  
2014.03.20-05.31
 
8 Сонгинохайрхан  дүүргийн татварын хэлтэс СХД-ийн 18 дүгээр хороо Геологийн төв лабораторийн ард Татварын хэлтсийн  байранд  
2014.03.20-05.31
 
9 Чингэлтэй дүүргийн татварын хэлтэс ЧД-ийн 4 дүгээр хороо Ж.Самбуугийн гудамж  ЗДТГ-ын байр “Нэг цонхны үйлчилгээний танхим"  
2014.03.20-05.31
 
10 Сүхбаатар дүүргийн татварын хэлтэс ЧД-ийн 4-р хороо, Сангийн Яамны баруун талд Тод таур цамхагийн байранд    
2014.03.20-05.31
 
11 Налайх дүүргийн татварын хэлтэс Налайх дүүргийн Татварын хэлтсийн нэг цэгийн үйлчилгээний байранд  
2014.03.20-05.31
 
12 Багануур дүүргийн татварын хэлтэс Багануур дүүргийн Татварын хэлтсийн нэг цэгийн үйлчилгээний байранд  
2014.03.20-05.31
 
13 Багахангай дүүргийн татварын хэлтэс Багахангай дүүргийн Засаг даргын Тамгын газрын байранд  
2014.03.20-05.31