Видео

Баг, хорооны Засаг дарга нар төрийн мэдээллийн санг шинэчлэн бүрдүүлж байна

 

Нийслэлийн Засаг даргын захирамжын дагуу Улаанбаатар хотын Эрүүл аюулгүй байдлын индексийг жил бүрийн 6, 11 дүгээр саруудад гаргахаар болсон. Үүнтэй холбогдуулан өнгөрсөн онд нийслэлийн нутгийн захиргааны байгууллагуудын холбогдох албан тушаалтнуудад энэ чиглэлээр сургалт явуулсан бөгөөд өнгөрсөн оны 11 дүгээр сард Улаанбаатар хотын Эрүүл аюулгүй байдлын индексийг анх удаа гаргасан юм.

 

Энэ оны 2 дугаар сараас Эрүүл аюулгүй байдлын индексийн 2 дахь шатны сургалтыг Нийслэлийн Засаг даргын тамгын газраас зохион байгуулж эхлээд байна. “Эрүүл аюулгүй байдлын индекс, хариу арга хэмжээний төлөвлөлт” сэдэвт энэхүү сургалт  2 дугаар сарын 19-21, 24-ний өдрүүдэд Сонгинохайрхан дүүрэг дээр зохион байгуулагдаж байгаа юм. Сургалтад хороодын засаг дарга нар, Тамгын газрын хэлтэс албад, сургууль цэцэрлэг, өрхийн эрүүл мэндийн төвийн удирдах ажилтнууд хамрагдаж байна.

Сонгинохайрхан дүүргийн нутгийн захиргааны байгууллагуудын  албан хаагчид та бүхнийг англи хэлний сургалтад урьж байна.  JICA Олон улсын байгууллагын  Сайн дурын ажилтны заах энэхүү Англи хэлний хичээлд суух сонирхолтой албан хаагчид 2014 оны 02 дугаар сарын 27-ны дотор бүртгүүлнэ үү. Түвшин тогтоох шалгалт 2 дугаар сарын 27-ны өдөр болно.
Бүртгүүлэх хаяг: ЗДТГ-ын 312 тоот, Хэвлэл мэдээлэл, олон нийттэй харилцах алба
Утасны дугаар:        70173135,  99025086

 

  Хүн амын мэдээллийн сангийн бүрдэлтийг энд дарж үзнэ үү.

Нийслэлийн Худалдан авах ажиллагааны газраас 2014 оныг ил тод байдлыг хангах жил болгон зарлаж, “Шилэн тендер” төслийг хэрэгжүүлэхээр ажиллаж байна. Тиймээс нийслэлийн иргэд, төрийн бус байгууллага, мэргэжлийн холбоодын худалдан авах ажиллагаан дахь оролцоо, хяналтыг дээшлүүлэх зорилгоор “Шилэн тендер ба иргэний  оролцоо” сэдэвт уулзалтыг зохион байгуулахаар боллоо. Төсвийн хөрөнгө оруулалтаар хэрэгжих төсөл хөтөлбөрийн гүйцэтгэгчийг сонгон шалгаруулах Үнэлгээний хороонд орж ажилладаг, худалдан авах ажиллагаанд хяналт тавьж оролцдог болон оролцох сонирхолтой байгаа нийслэлийн иргэд, төрийн бус байгууллага,

 

мэргэжлийн холбоо ба хувийн хэвшлийн төлөөллийг энэхүү уулзалтад оролцохыг урьж байна. Ялангуяа авто зам, гүүр, дулаан хангамж, барилгын инженер, технологич, эдийн засагч, экологич зэрэг мэргэжлээр ажилласан туршлагатай, өөрийн дүүрэг, хороонд хэрэгжих төсөл хөтөлбөрийн гүйцэтгэгчийг сонгон шалгаруулахад гар биеэ оролцох, гүйцэтгэлд хяналт тавьж ажиллах сонирхолтой иргэд та бүхэн 75757810 утсаар холбогдон бүртгүүлээрэй. Сургалтын үеэр тендерийн сонгон шалгаруулалтыг хийж, үнэлгээ өгөхөд шаардлагатай зөвлөмж мэдээллийг өгөх бөгөөд Үнэлгээний хорооны гишүүнээр ажилладаг иргэдийн урамшуулал болоод үнэлэмжийг дээшлүүлэх талаар хамтарсан хэлэлцүүлэг өрнүүлэх юм. Уулзалт энэ сарын 26-нд  0900-1300 цагийн хооронд нийслэлийн Иргэний танхимд болно гэж Нийслэлийн Худалдан авах ажиллагааны газраас мэдээллээ.
 

Сонгинохайрхан дүүргийн Засаг дарга М.Чинболд өнөөдөр дүүргийнхээ төсөвт байгууллагын дарга нар буюу төсвийн шууд захирагч нартай Нийслэл болон дүүргийн Засаг даргын 2013-2016 оны Үйл ажиллагааны хөтөлбөр, 2014 Эдийн засаг нийгмийн зорилтыг хэрэгжүүлэхээр Үр дүнгийн гэрээг байгууллаа.

Жил болгон Дүүргийн Засаг дарга Нийслэлийн Засаг даргын өмнө үүрэг хүлээн Үр дүнгийн гэрээ байгуулдаг. Харин дүүргийн хэмжээнд байгаа дээр дурьдсан улс, орон нутгийн төсвөөс санхүүждэг төсөвт байгууллага буюу Засаг даргын эрхлэх хүрээний байгууллагын дарга нар дүүргийн Засаг даргын өмнө үүрэг хүлээн Үр дүнгийн гэрээ байгуулан ажилладаг юм.

 

Энэ жилийн Үр дүнгийн гэрээний хувьд онцлогтой. Байгууллагын ил тод байдлыг хангах үүднээс “Шилэн данс”-ны тогтолцоог нэвтрүүлж байгаагийн хүрээнд эдгээр төсөвт байгууллага бүр Үр дүнгийн гэрээндээ “Шилэн данс”-тай холбогдсон заалтууд оруулж ирсэн.

Мөн Нийслэлээс  энэ жил анх удаа Эрүүл, аюулгүй байдлын индексийг гаргасан. Сонгинохайрхан дүүргийн хувьд цөөнгүй үзүүлэлтээр улаан буюу муу гарсан байгаа. Энэхүү Үр дүнгийн гэрээнд мөн Эрүүл аюулгүй байдлын үзүүлэлтээ дээшлүүлэх талаар заалтууд орсон байгаагаараа онцлог болж байна.

“Эрүүл аюулгүй байдлын индекс тооцох аргачлал”-ын хоёрдугаар шатны сургалт  “ЭРҮҮЛ АЮУЛГҮЙ БАЙДЛЫН ИНДЕКС, ХАРИУ АРГА ХЭМЖЭЭНИЙ ТӨЛӨВЛӨЛТ” сэдэвт сургалт 2014 оны 02 дугаар сарын 19-21, 24-ны өдрүүдэд зохион байгуулагдах тул хуваарийн дагуу идэвхтэй оролцоно уу.

            Жич: Сургалт зохион байгуулагдах газар тодорхой шалтгааны улмаас өөрчлөгдөж,  27 дугаар хорооны иргэний танхимд зохион байгуулагдахаар болсныг анхаарна уу.

 

Гэр хорооллын хатуу хог хаягдлын менежментийг сайжруулах загвар хороо төслийн эхний уулзалт хэлэлцүүлэг Нийслэлийн Иргэний танхимд боллоо. Уулзалтад Хотын Ерөнхий менежер Б.Бадрал,  Захирагчийн ажлын албаны Тохижилт хог хаягдлын  удирдлагын хэлтсийн мэргэжилтнүүд, дүүргүүдийн хот төлөвлөлт, дэд бүтцийн асуудал эрхэлсэн Засаг даргын орлогч,  хороодын Засаг дарга, хэсгийн ахлагч, иргэд оролцсон юм. Энэ үеэр загвар хороо төсөл хэрэгжүүлэх хамтын ажиллагааны хэлцэлд гарын үсэг зурж, дүүрэг болон хороодын төвшинд төслийг зохион байгуулах, хэрэгжүүлэх нэгжийг байгуулсныг албан ёсоор мэдэгдлээ.

 

Үүрэг даалгаврын биелэлтийг Хотын Ерөнхйи менежерийн 14 хоногт нэг удаа болдог шуурхайн үеэр тухай бүрт нь дүгнэх юм.  Загвар хороо төслийн хүрээнд нийслэлийн төвийн зургаан дүүргийн тус бүр нэг хороог сонгон авч иргэдийн эрүүл аюулгүй орчинд амьдрах нөхцөлийг бүрдүүлэх юм. Ингэснээр оршин суугчид нь хог хаягдлын талаар мэдээлэл сайтай, хог ачих хуваариа мэддэг, ил задгай хог хаяхгүй байх нөхцөл бүрдсэн, хог тээвэрлэгч байгууллага нь хуваарийн дагуу хогоо ачдаг, хогийн машин хүрч чаддаггүй цэгүүдийг багасгах юм. Өөрөөр хэлбэл төслийн хүрээнд хороодын хог хаягдлын одоогийн нөхцөл байдал, тулгарч буй асуудлууд тодорхой болж хэрхэн шийдэх арга замыг олж шийдвэрлэх юм. Төрийн болон төрийн бус байгууллага, иргэдийн бүлгийн хийж хэрэгжүүлж буй ажил, санал санаачлагыг дэмжин, оршин суугчдын нийгмийн идэвхийг нэмэгдүүлэн, төр иргэний нийгмийн хамтын оролцоог нь хангаж ажиллахыг зорьж байгаагаараа энэхүү төсөл нь онцлогтой. Төсөл хэрэгжих анхан шатны нэгжээр БГД-ийн 9, Сүхбаатар дүүргийн 14, Хан-Уул дүүргийн 13, БЗД-ийн 27, СХД-ийн 26, Чингэлтэй дүүргийн 16 хороод сонгогдоод байна гэж Улаанбаатар хотын захирагчийн ажлын албанаас мэдээллээ.

  Үндэсний статстикийн хорооноос Төрийн мэдээллийн нэгдсэн сан, сүлжээ байгуулах ажлын хүрээнд хүн ам, өрхийн бүртгэлээр засаг захиргааны анхан шатны нэгж бүрт байгуулсан мэдээллийн сангийн бүрдэлтэд мониторинг хийж байна.

  Энэ ажлын хүрээнд хүн ам, өрхийн анхан шатны бүртгэлийг сайжруулах үүднээс ҮСХ-ноос баталсан маягт, үзүүлэлт бүрээр, нөхөх заавар, аргачлалын дагуу тухайн нутаг дэвсгэрийн нэгжид суурин болон түр оршин суугаа хүн ам, өрхийг бүртгэж байгаа эсэхийг нягталж, бүртгэлийн хөтлөлтийг сайжруулах ажлыг 2-р сард багтаан зохион байгуулахаар ажиллаж байна.

 

  Хороод нутаг дэвсгэртээ оршин суугаа хүн ам, өрхийг нэг бүрчлэн бүх үзүүлэлтээр бүртгэж, мэдээллийн сан байгуулах бөгөөд бүртгэлтэй боловч мэдээллийн санд шивж оруулаагүй хүн ам, өрхийг нөхөж оруулах, мэдээллийн санд бүртгэлтэй хүн амыг иргэний бүртгэлийн сантай тулгаж шалгах  ажлууд хийгдэнэ.

  Хүн ам, өрхийн бүртгэлийн нэгдсэн сан бүрдснээр төрийн бүх байгууллагуудад шаардлагатай мэдээллийн сан үүсч иргэн өөрийн тухай болон өрхийн талаарх тодорхойлолтоо олон шат дамжлага, цаг хугацаа зарцуулж авах шаардлагагүй болж байгаа юм.  Жишээ нь: Орон сууцны зээл авахад шаардагдах хүний тухай мэдээллийг энэ сангаас шууд авах боломжтой.   

  Иймд Улаанбаатар хотод амьдарч буй хүмүүс хорооныхоо хүн ам, өрхийн бүртгэлд заавал бүртгүүлэх хэрэгтэй бөгөөд холбогдох хуулийн дагуу хувь хүн, өрхийн мэдээллийн нууцлалыг чанд хадгалах юм.

Улаанбаатар хотын усан хангамж, өнөөдөр ба ирээдүй сэдэвт нээлттэй хэлэлцүүлэг Монгол улсын Ерөнхийлөгчийн дэргэдэх Иргэний танхимд 2 сарын 14-нд боллоо. Хэлэлцүүлгийг Монгол Улсын Ерөнхийлөгчийн Хот хөдөөгийн хөгжлийн бодлого хариуцсан зөвлөх Л.Эрхэмбаяр нээж үг хэлсэн. Тэрбээр” Улаанбаатар хотын усан хангамж бол төр засгийн бодлогын төвд байх тулгамдаж буй  гол асуудлын нэг болсныг онцолсон юм. Хотын Ерөнхий менежер Б.Бадрал “Улаанбаатар хотын усан хангамж, ариутгах татуургын талаар тулгамдаж буй асуудал, хөгжлийн чиг хандлага” сэдвээр илтгэл тавилаа.
 
Илтгэлд Нийслэлийн нийт иргэдийн 60 орчим хувь нь гэр хороололд амьдардаг.  Гэвч гэр хороолол нь үндсэндээ шаардлага хангасан усан хангамж, ариутгах татуургын системгүй  байна. Энэ нь ахуйн орчноос үүдэлтэй өвчлөл, хөрсний биологийн бохирдлыг үүсгэх үндэс нь болж байна.  Гэр хороололд оршин суугч нэг хүний хоногийн усны хэрэглээ нь төвлөрсөн инженерийн хангамжтай орон сууцны оршин суугчаас  даруй 30-40 дахин бага байна. Нийслэл хотын гэр хороолол, зуслангийн 180 мянга гаруй айл өрхийн  энгийн жорлон, муу усны нүх байгаагаас  хөрс, хөрсний ус, агаар ихээхэн бохирдож байна. Цаашид цэвэр  усны шугамыг  ариутгах татуургын шугам сүлжээтэй хамт барих,  шугам сүлжээг гэрт нь  оруулан холбох  зайлшгүй шаардлага байна.

Усны эх үүсвэрүүд болон Туул голын ай савд ашигт малтмал олборлох үйл ажиллагааг зогсоох, эрхзүйн орчныг бүрдүүлэх, усны нэгдсэн менежментийг тодорхойлон хэрэгжүүлэх, гадаргуугийн шинэ эх үүсвэрийг гүний эх үүсвэртэйгээ хосолмолоор ашиглах, усны хэмнэлттэй зохистой хэрэглээг дээдэлж, орон сууцны айл өрхийг тоолууржуулахад төрөөс дэмжлэг үзүүлэх, усны үнэ тарифыг чөлөөлөх, төр хувийн хэвшлийн оролцоог нэмэгдүүлэх шаардлагатайг онцолсон.
 
Оролцогсод усны чиглэлээр хэрэгжүүлж буй бодлого, цаашид хийх ажлын талаар санал солилцсон.   Хэлэлцүүлгээр төрийн захиргааны төв байгууллагуудад зөвлөмж хүргүүлэхээр шийдвэрлэж ундны усны үнэ тарифийг чөлөөлөх, усны зохистой хэрэглээг бүрдүүлэх, салбарын бүтэц зохион байгуулалтыг боловсронгуй болгох зэрэг олон асуудлуудыг тусгахаар санал нэгдлээ гэж Улаанбаатар хотын Захирагчийн ажлын албанаас мэдээллээ.