Засаг дарга Ж.Сандагсүрэн залуу үе,  хүүхэд багачуудыг соён гэгээрэх, цагийг үр бүтээлтэй өнгөрүүлэх гарц, цонх бол ном гэж үзэн, дүүргийн дөрвөн байршилд номын сантай цэцэрлэгт хүрээлэн байгуулах төслийг эхлүүлсэн.

            Уг төслийн хүрээнд 8-р хороонд 1 номын сан мөн 15-р хороонд 1 номын санг байгуулаад байна. Одоогийн байдлаар 8-р хорооны номын сан үйл ажиллагаа нь жигдэрсэн хэвийн ажиллаж байгаа бол 2-р хорооны номын санд номын фонд бүрдүүлэх зорилгоор “Ном хандивлах” аяныг эхлүүлээд байна.

            Эхний ээлжинд дүүргийн ИТХ-ын төлөөлөгчид болон ЗДТГ-ын хэлтэс албадын дарга нар энэхүү аянд нэгдэж,  бие биенийгээ ном хандивлахыг  уриалан байна. 

Гэхдээ уг аян зөвхөн дүүргийн ажилтан, албан хаагчдаар хязгаарлагдахгүй бөгөөд ном бэлэглэсэн хүн дараагийн гурван хүнийг challenge-д дуудах замаар цахим ертөнцөд үр дүн сайтай өрнөж байна.

Аян эхлэсэн эхний өдрүүдийн байдлаар ИТХ-ын дарга Б.Мөнхцэцэг, төлөөлөгч Э.Ниндэв, Д.Ундармаа, О.Ганбаатар, С.Мөнхбат, Б.Гантуяа, Хүнс, худалдаа, үйлчилгээний хэлтсийн дарга Л.Тулгабаатар нар нэгдэж дараагийнхаа хүнийг дуудсан бөгөөд 300 орчим ном цуглараад байна.

Сонгинохайрхан дүүргийн Жижиг, дунд үйлдвэрлэлийг дэмжих мэдээлэл, сургалтын төвд бүртгэлтэй 1000 гаруй аж ахуйн нэгж байгууллага, хувь хүмүүс баялаг бүтээж, бараа бүтээгдэхүүн үйлдвэрлэдэг.

Тэгвэл өнөөдөр Засаг даргын орлогч Д.Ундармаа Япон Улсын Кумамото хотын Оиска ОУБ Asia Frontier компанийн захирал Сэлли Курихаратай уулзаж, тэдний бараа бүтээгдэхүүнийг тус улсад борлуулах талаар ярилцсан юм.

     Монгол Улсын “Дайчилгааны тухай“ хуулийн 28 дугаар зүйлийн 28.1.3 дахь заалт, нийслэлийн Засаг даргын 2019 оны А/59 дүгээр захирамжийн дагуу Сонгинохайрхан дүүргийн хорооны Засаг дарга нарын “Цэргийн бэлтгэл” сургалтыг дүүргийн Иргэний танхим, Зэвсэгт хүчний 311 дүгээр ангийн материаллаг баазыг түшиглэн зохион байгууллаа.

        Сургалтыг батлагдсан хөтөлбөрийн дагуу Засаг даргын Тамгын газрын Цэргийн штабын дарга, офицерууд нийт 14 цагийн  хичээлүүдийг онол болон дадлагын хэлбэрээр зохион байгууллаа. Түүнчлэн сургалтын үеэр хороодын хугацаат цэргийн албанд татагдан цэргийн алба хааж байгаа алба хаагчдыг хороодын Засаг дарга нар болон ар гэрийнхэн нь эргэж, цэргийн албаа нэр төртэй хаахыг хүслээ.

           Энэхүү сургалтыг Цэргийн штабын офицерууд чиглүүлж, суралцагчдын идэвх оролцоог хангасан тодорхой сэдэв, цагийн байдлын хүрээнд шийдвэр боловруулах мэдлэг дадлагыг нэмэгдүүлэх зорилгоор харилцан хамтран суралцах, бие биеэсээ суралцах хэлбэрүүдийг сонгон зохион байгуулсан нь энэ удаагийн сургалтын онцлог байлаа.

2019 оны Элсэлтийн ерөнхий шалгалтын онлайн бүртгэл маргааш буюу хоёрдугаар сарын 14-ний 09:00 цагаас орон даяар эхэлнэ.

ЭЕШ-ын бүртгэл дөрөвдүгээр сарын 15-ны өдрийн 18:00 цаг хүртэл явагдана.

Бүртгүүлэх холбоос: eyesh.eec.mn

Энэ жил ЭЕШ-ын материалыг шууд засах шилэн технологийг орон даяар ашиглах аж. Боловсролын үнэлгээний төвөөс энэ талаар маргааш хэвлэлийн хурал хийхээр товложээ.

Элсэлтийн ерөнхий шалгалтад 2019 онд ерөнхий боловсролын сургууль төгсөгчдөөс гадна Монгол Улсын их дээд сургуулиудад элсэхийг хүссэн хүн бүхэн оролцох боломжтой юм байна.

Их, дээд сургуульд элсэгчдээс заавал авах Монгол хэл бичгийн шалгалтын босго оноог БСШУСЯ-наас 400 байхаар тогтоосон бөгөөд монгол хэл бичгийн шалгалтыг 2019 оны гуравдугаар сарын 23-ны өдөр зохион байгуулах юм.

https://ikon.mn/n/1i15?fbclid=IwAR0ekgEyuFVUvxYZqO0rmcNXhCfiJNOqIIhJTs3YPp-Ln8kS9XyZIGPBRQs

Алдарт эхийн 1, 2 дугаар зэргийн одон авах эхчүүдийн материалыг 2019 оны 02 дугаар сарын 28-ны өдрийг дуустал хороодын нийгмийн ажилтан хүлээн авна.

Бүрдүүлэх материал:

1. Эхийн цахим үнэмлэхний нотариатаар батлуулсан хуулбар

2. Хүүхдүүдийн төрсний гэрчилгээний нотариатаар батлуулсан хуулбар /насанд хүрсэн бол иргэний үнэмлэхний хамт/

3. Гараар бичсэн өргөдөл

Анхаарах зүйл:

1. Өргөж авсан болон, Овог нэр сольсон хүүхэдтэй бол , овог нэр болон, үрчилсэн гэрчилгээг хамт канондуулах,

2. Хамгийн бага хүүхэд нь 1 нас хүрсэн байх /2019 оны 06 дугаар сарын 01-нээс өмнө/

3. 16 насанд хүрсэн хүүхэдтэй бол төрсний гэрчилгээ, цахим үнэмлэхийг нь заавал хамт канондуулж нотариатаар батлуулах, Хэрвээ цахим үнэмлэх аваагүй бол сургуулийн тодорхойлолт авах / Сургуулийн тодорхойлолт 16 настай хүүхдэд хамааралтай болно./

4. Өөрийн хорооны Засаг даргаар уламжлан Ерөнхийлөгчийн тамгын газарт өргөдөл гаргах нь гэж өргөдлийн толгойг бичээд хүүхдүүдээ томоос нь дарааллуулан эрхэлж байгаа ажил, сурч байгаа сургуулийг бичнэ

5. Асуух зүйл байвал дараах утасны дугаараас лавлана уу 7017-2837

   Томуугийн вирусын халдварын тархалт нэмэгдэх эрсдлээс сэргийлж Нийслэлийн Засаг даргын 2019 оны А/76 дугаар захирамж гарч, нийслэлийн хэмжээнд үйл ажиллагаа явуулж байгаа бүх төрлийн хүүхдийн тоглоомын газруудын үйл ажиллагааг 2019 оны 02 дугаар сарын 01-нээс 03 дугаар сарын 01-ний өдрийг хүртэл түр хугацаагаар зогсоохоор боллоо.

   Мөн дээрх хугацаанд нийслэлийн ЕБС, цэцэрлэгээс бусад сургалтын үйл ажиллагаа, олон нийтийн арга хэмжээ, кинотеатр, үзвэр үйлчилгээ болон ресторан, нийтийн хоолны газарт 0-10 хүртэлх насны хүүхдэд үйлчлэхгүй байхыг холбогдох газруудад үүрэг болгосон байна.

   Томуугийн вирусын халдварын тархалтаас сэргийлж бага насны хүүхэддээ тавих анхаарал халамжаа сайжруулан, олон нийтийн газарт аль болох дагуулж явахгүй байх, улирлын байдалд нь тохируулан дулаан хувцаслах, амин дэм ихтэй илчлэг хоол хүнс хэрэглэх, амны хаалтыг тогтмол зүүлгэж хэвших, амьсгалын замын халдварт өвчин болон болзошгүй эрсдлээс урьдчилан сэргийлэх арга хэмжээ авахыг эцэг эхчүүдэд уриалж байна гэж нийслэийн Эрүүл мэндийн газраас мэдээллээ.

http://ulaanbaatar.mn/Home/newsdetail?dataID=36998 

XVII жарны "Урвуулагч" хэмээх шороон гахай жилийн сар шинийн баярыг тохиолдуулан Монгол Улсын Ерөнхийлөгчийн зарлигаар эрхэлсэн салбартаа олон жил үр бүтээлтэй ажилласан Сонгинохайрхан дүүргийн иргэд төрийн дээд одон медалиар энгэрээ мялаалаа.

Шагналыг дүүргийн ИТХ-ын дарга Б.Мөнхцэцэг, Засаг дарга Ж.Сандагсүрэн болон бусад удирдлагууд гардууллаа.

Бага насны хүүхдийн шүдний өвчлөл нэмэгдсэнтэй холбогдуулан Монгол Улсын Засгийн газраас “Эрүүл шүд-Эрүүл хүүхэд” үндэсний хөтөлбөрийг баталлаа.

Нийслэлийн эдийн засаг, нийгмийг 2019 онд хөгжүүлэх үндсэн чиглэлд хөтөлбөрийг хэрэгжүүлэх арга хэмжээ тусгагдсаны дагуу сургуулийн өмнөх боловсролын байгууллагын удирдлага, арга зүйч, эмч, өрхийн эрүүл мэндийн төвийн дарга, нийгмийн ажилтнуудыг хамруулсан сургагч багш бэлтгэх мсургалтыг зохион байгуулж гарын авлагаар хангалаа.

Сургалтад нийт 150 гаруй ажилтнууд хамрагдсан ба жилийн тургш бүх цэцэрлэг, сургуулийн багш,  сурагч, эцэг, эхчүүдэд сургалт, урьдчилан сэргийлэх үзлэгийг зохион байгуулж улирал тутам тайлагнан ажиллахаар боллоо.

Сургалтад Нийслэлийн Эрүүл мэндийн газрын мэргэжилтэн н.Энхжргал, н.Жаргал, Нийгмийн хөгжлийн хэлтсийн дарга Ч.Энххорол нар оролцсон ба сургалтыг Анагаахын шинжлэх ухааны үндэсний их сургуулийн Эрүү, нүүр ам судлалын тэнхимийн эрхлэгч, Анагаахын шинжлэх ухааны доктор, дэд профессор Оюунцэцэг явууллаа.

Агаарын бохирдлоос үүдэлтэй амьсгалын замын болон Томуу, томуу төст өвчин ихэссэнтэй холбоотой Сонгинохайрхан дүүргийн Эрүүл мэндийн төв нэг тасгаа 70 ортой хүүхдийн тасгийг нэмэлтээр ажиллуулж байгаа билээ.

Харин хүүхдүүдийн эрүүл мэндэд зориулж, Нийслэлийн эрүүл мэндийн газрын албан хаагчид нэг өдрийн цалингаараа 8-н ширхэг Хепа шүүлтүүртэй агаар цэвэршүүлэгчийг хандивласан байна.

Мөн “Мон тө бэ” хувийн эмнэлгийн их эмч Ч.Энхтуяа болон түүний гэр бүлийн зүгээс хүүхдийн тусламж үйлчилгээнд нэн шаардлагатай хүчилтөрөгч өтгөрүүлэгч төхөөрөмжийг хандивлалаа.

Сар шинийн босгон дээр дүүргийн Засаг даргын Тамгын газраас өндөр настны тэтгэвэрт гарсан 114 ахмадыг хүлээн авч хүндэтгэл үзүүллээ. Мөн дүүргийн ИТХ-ын “Хүндэт дэвтэр”-т 20 дугаар хорооны иргэн, 36 жилийн турш улсдаа хөдөлмөрөө зориулж, Засаг даргын Тамгын газраас тэтгэвэртээ суусан Бэгзийн Оюунцэцэгийг алдаршууллаа.

Тэрбээр 20 дугаар хорооны Засаг дарга, зохион байгуулагч, Тамгын газрын Аж ахуйн тасгийн даргаар 17 жил тус тус ажиллаж байжээ. Б.Оюунцэцэгийн хөдөлмөр бүтээлийг төр засаг үнэлж, ойн медалиудаар шагнахын зэрэгцээ нийслэл, дүүрэг, намын хүндэт тэмдэг, медалиуд түүнчлэн төрийн дээд одон медаль болох “Хөдөлмөрийн хүндэт медаль”, Алтан гадас одонгоор тус тус шагнасан юм.