Видео

"ТАНД БАЯРЛАЛАА" уриалгын хүрээнд Баруун туруун, Эмээлтийн товчоонд 24 цагаар үүрэг гүйцэтгэж байгаа Онцгой байдлын хэлтэс, Мэргэжлийн хяналт, Цагдаа, Эрүүл мэндийн байгууллагуудын албан хаагч нарт дүүргийн хэлтэс албад, хороодын дарга нар халуун хоол цай, 1 удаагийн хамгаалалтын хувцас, дархлаа дэмжих витамин, амны хаалт өгчээ.

Энэ оны 02 дугаар сарын 26-ны өдөр Улсын онцгой комисс хуралдаж, Нийслэл хотын баруун, зүүн, урд, хойд чиглэлийн замын хөдөлгөөнийг 2020 оны 03 дугаар сарын 03-ны өдрийг хүртэл үргэлжлүүлэн хаахаар шийдвэрлэсэн.

Энэ хүрээнд дүүргийн Засаг даргын орлогч Д.Ундармаа, Онцгой байдлын хэлтсийн дарга хурандаа А.Алтансүх, Нийгмийн хөгжлийн хэлтсийн дарга С.Эрдэнэсайхан нар дүүргийн нутаг дэвсгэрт байрлах Баруу туруун болон Эмээлт товчоодод ажиллалаа.

Шинэ төрлийн коронавирусээс урьдчилан сэргийлэх зорилгоор Улаанбаатар хотруу зөвхөн аймгуудын онцгой комиссын бичигтэй болон тусгай үүрэг гүйцэтгэж буй яаралтай тусламжийн тээврийн хэрэгслүүд нэвтрэх юм.

Өндөржүүлсэн бэлэн байдлын үеэр авто тээврийн шалган нэвтрүүлэх товчоод дээр ажиллаж буй эрүүл мэнд, цагдаа, онцгой байдал, мэргэжлийн хяналт, мал эмнэлгийн мэргэжлийн албад зэрэг бие бүрэлдэхүүний байрлах байр сууц, тэдний эрүүл мэндийн асуудлыг анхаарах шаардлагатай байгааг Засаг даргын орлогч Д.Ундармаа онцоллоо.

Түүнчлэн иргэдийн зүгээс хотруу орохын тулд янз бүрийн шалтгаан хэлж байгаа тул төр засгийн шийдвэрийг хүндэтгэж, өөрийнхөө болон бусдын эрүүл мэндийг хамгаалж, хорио цээрийн хугацаа дуустал үүрэг гүйцэтгэж буй төрийн албан хаагчдын ажилд чирэгдэл учруулахгүй байхыг уриалж байна. 

Цаг үеийн нөхцөл байдлын талаар НОБГ-ын Гамшгаас урьдчилан сэргийлэх хэлтсийн дарга Г.Нэргүй, НМХГ-ын дарга Л.Эрдэнэчулуун, НЗДТГ-ын Хэвлэл мэдээлэлтэй харилцах хэлтсийн дарга Ц.Мөнхбаатар, НЭМГ-ын хэлтсийн дарга О.Энхзаяа, нийслэлийн Агаарын бохирдолтой тэмцэх газрын ахлах мэргэжилтэн Г.Даваажаргал нар өнөөдөр мэдээлэл хийлээ.

Нийслэлийн Мэргэжлийн хяналтын газрын дарга Л.Эрдэнэчулуун энэ талаар хэлэхдээ “Нийслэлийн Засаг даргын захирамжийн хүрээнд нийт 945 бар цэнгээний газар, 310 дэн буудал, 69 амралтын газар, 87 саун, 59 фитнесс, 321 сүм хийдийн үйл ажиллагааг зогсоож байна. Хэрэв захирамжийг зөрчсөн тохиолдолд иргэнийг сая 500, аж ахуйн нэгж байгууллагыг 5 сая төгрөгөөр торгоно. Иргэдийн зүгээс өгсөн мэдээллийн дагуу Цагдаагийн газар, Мэргэжлийн хяналтын албан хаагчид хяналт тавьж ажиллана. Хүнсний чиглэлийн үйлдвэрлэл, худалдааг зогсоохгүй. Зах худалдааны төвүүд, хүнсний дэлгүүрийн үйл ажиллагаа хэвийн үргэлжилнэ” гэв.

Дэлхийн 37 улсад тархаж, иргэдэд агаар дуслын замаар халдварлах аюулыг буй болгоод байгаа шинэ коронавирусын /COVID-19/ халдварт өвчний тархалт хөрш зэргэлдээх улс орнуудад буурахгүй байгаатай холбогдуулан өнөөдөр Улсын Онцгой комисс хуралдаж тодорхой шийдвэрүүдийг гаргасан. Үүнтэй холбогдуулан Нийслэлийн Онцгой комисс 97 хувийн ирцтэйгээр  өргөтгөсөн хуралдаан хийж, тус хуралдаанаар хэд хэдэн асуудлыг шийдвэрлэж, Иргэдийн эрүүл мэндийг хамгаалах талаар авч хэрэгжүүлж байгаа ажлыг эрчимжүүлэх тухай нийслэлийн Засаг даргын 2020 оны 02 дугаар сарын 26-ны өдрийн А/223  тоот захирамж гарлаа.

Захирамжийн агуулга нь нийслэлийн иргэдийг коронавирусын халдвараас хамгаалах, түүнд өртөхөөс урьчилсан сэргийлэх ажлыг эрчимжүүлэхэд чиглэжээ.

Захирамжид:

-Улаанбаатар хотруу орох, гарах автомашины хѳдѳлгѳѳнийг 3 сарын 03-ны ѳдѳр хүртэл үргэлжлүүлэн хориглох

-Нийслэлийн хэмжээнд бүх тѳрлийн баар, фитнесс, саун, дэн буудал, биллиард, спорт заал зэрэг спорт, соёл урлагийн газруудын үйлчилгээг 3 сарын 30-ны ѳдѳр хүртэл үйл ажиллагааг нь түр зогсоох

-Нийтийн тээврийн үйлчилгээг УОК-ын шийдвэрийн дагуу 3 сарын 03-ны ѳдѳр хүртэл тусгай зохицуулалттайгаар иргэдэд хүргэх

-Шинэ коронавирусын халдварт өвчнөөс урьдчилсан сэргийлэх, илэрсэн тохиолдолд хариу арга хэмжээ авах зорилгоор нийслэлийн нутаг дэвсгэрт байгаа амралт, сувиллын газрын судалгааг гаргах ажлын хэсгийг байгуулах

-Ресторан пабын үйл ажиллагааг 22:00 цаг хүртэл ажиллахыг зѳвшѳѳрѳх зэрэг арга хэмжээг хэрэгжүүлэхээр болж, холбогдох байгууллага, албан тушаалтнуудад үүрэг чиглэл өглөө.

Нийслэлийн Онцгой комисс өчигдөр хуралдсан. Хуралдаанаар иргэдийн эрүүл мэндийг хамгаалах талаар авч хэрэгжүүлж байгаа ажлыг эрчимжүүлэх тухай нийслэлийн Засаг даргын 2020 оны 02 дугаар сарын 26-ны өдрийн А/223 тоот захирамж гарлаа.

Захирамжид нийтийн тээврийн үйлчилгээг УОК-ын шийдвэрийн дагуу 3 сарын 03-ны ѳдѳр хүртэл тусгай зохицуулалттайгаар иргэдэд хүргэхийг албаныханд даалгасан юм.

Дээрх захирамжийн дагуу нийтийн тээвэр ямар зохицуулалтаар явахыг нийслэлийн ЗДТГ-ын Хэвлэл мэдээлэлтэй харилцах хэлтсийн дарга Ц.Мөнхбаатараас тодруулахад "Хотын даргын захирамжийн дагуу нийтийн тээврийн үйлчилгээний автобусыг өглөө 06:00-10:00 цагт, орой 17:00-21:00 цаг хүртэл явуулах зохицуулалт хийсэн. Ингэхдээ өглөө, орой ид ачааллын үед үйлчлэх автобусны тоог нэмэгдүүлж, өдрийн цагт явах автобусны тоог цөөрүүлсэн" гэлээ.

          “Сэлэнгэ худалдааны төвд худалдаа үйлчилгээ эрхэлж байгаа цайны газар 1, /хүнсний худалдаа 42, бусад худалдаа 45/ нийт 87 иргэнд хяналт шалгалт хийхэд тус худалдааны төвийн түрээслэгч, үйлчлүүлэгчдийн 98% амны хаалт зүүсэн, 95%-д нь гар халдваргүйтгэх бодистой, 92% цэвэрлэгээ халдваргүйтгэлийн шаардлага хангасан, гадна хог хаягдлаа цэвэрлэсэн, хамгаалах хувцас хэрэгслээр хангагдсан байдал 75%, бие засах, гар угаах нөхцөлийг 85% хангасан, зориулалтын хог хаягдал цуглуулах савтай байна.     

          Тус аж ахуйн нэгж, иргэдэд халдваргүйтгэлийн бодисыг хэрэглэх заавар болон хүний биеийн халуун хэмжих зөвлөмжийг хүргүүллээ. Хяналт шалгалт үргэлжилж байна.

Сонгинохайрхан дүүргийн Засаг даргын Тамгын газраас шинэ коронавирусээс урьдчилан сэргийлэх зорилгоор иргэдэд зөвлөмж мэдээлэл өгч, эргүүлээр ажиллах хуваарь гарган ажиллаж байна. Энэ хүрээнд нийслэлийн Онцгой комиссын шийдвэрээр батлагдсан хуваарийн дагуу нутаг дэвсгэрийг 9 бүс болгон хувааж, нийслэлийн агентлаг, газруудын болон дүүргийн албан хаагчид ажиллаж байна. Эргүүлээр ажиллах албан хаагчид нь бүсчилсэн хуваарийн дагуу хотын гудамж талбайд, нийтийн эзэмшлийн болон үйлчилгээний газрууд, орон сууцны орчны газарт нус, цэр, шүлсээ хаяхгүй байх, иргэд, олон нийтэд амны хаалтыг зөв хэрэглэх талаар анхааруулга, зөвлөмж өгөх юм.

ШИНЭ КОРОНАВИРУСТ ХАЛДВАРЫН НӨХЦӨЛ БАЙДЛЫН ШИНЭЧЛЭГДСЭН МЭДЭЭЛЭЛ 2020-02-21-НЫ БАЙДЛААР #COVID19

ЭХ СУРВАЛЖ Эрүүл Мэндийн Яам

#ТохиолдлынТоо 76179

Сонгинохайрхан дүүргийн Хүнс, худалдаа, үйлчилгээний хэлтсийн дарга Л.Тулгабаатар дүүргийн нутаг дэвсгэрт үйл ажиллагаа эрхэлдэг томоохон зах, худалдааны төвүүдийн төлөөлтэй уулзаж, нийгмийн хариуцлагын хүрээнд болон хуулиар хүлээсэн үндсэн чиг үүргийн хүрээнд авч хэрэгжүүлэх зарим ажлын талаар ярилцаж үүрэг чиглэл өгч санал солилцлоо.

Үүнд:

-Үйлчлүүлж буй иргэн бүрт амны хаалт хэрэглэхийг зөвлөх, шаардлага тавих

-Амны хаалтыг хямд үнээр худалдах

-Өргөн хэрэглээний 9 нэр төрлийн бараа бүтээгдэхүүний үнийн зохиомол хөөрөгдөл үүсгэхгүй байх, түрээслэгч нарт хяналт тавих

-Нөөцийн судалгааг тогтмол өгөх

-Ариутгал халдваргүйтлийг тогтмол хийх.

Улаанбаатар хотын агаар, хөрс, орчны бохирдлыг бууруулах, төвлөрлийг сааруулах  ажлын хүрээнд иргэдийн эзэмшил газрыг бэлэн орон сууцаар солих ажлыг НОСК-аас өнгөрсөн оны 11-р сард эхлүүлсэн билээ. Энэ нь Улаанбаатар хотод анх удаа хийгдэж байгаа ажил бөгөөд гэр хорооллыг орон сууцжуулах төсөл хөтөлбөрүүдэд шинэ нэр төрлийн үйлчилгээ нэвтрүүлж буйгаараа онцлог юм.

Энэ ажлын эхний ээлжинд Сонгинохайрхан дүүргийн 9 дүгээр хороо буюу Баянхошуу орчмын  5.2 га газарт 85 нэгж талбарын 310 гаруй иргэд нэгдэн, газраа чөлөөлөх хүсэлтээ НОСК-д илэрхийлж, шинэ орон сууцтай болж байгаа юм. Газраа орон сууцаар солих хүсэлтээ өгсөн иргэдийн төлөөлөлд өнөөдөр орон сууцных нь түлхүүрийг Нийслэлийн Засаг дарга бөгөөд Улаанбаатар хотын Захирагч С.Амарсайхан, Нийслэлийн орон сууцны корпорацийн захирал Б.Сүхбаатар нар гардуулж өглөө.