Сонгинохайрхан дүүргийн хороодын Засаг дарга нарын ээлжит шуурхай хуралдаан 07 дугаар сарын  20-ний өдрийн 1400 цагаас дүүргийн  Иргэний танхимд        зохион байгуулагдан хуралдааныг  Засаг даргын Тамгын газрын дарга С.Мөнхчулуун удирдан явууллаа.

 

            Шуурхай хуралдаанаар  Хүн амын өрхийн мэдээллийн сангийн  бүрдүүлэлтийн явц, согтууруулах ундаагаар үйлчилдэг тусгай зөвшөөрөлтэй ААНБ-дад адистатчилалын шалгалт явуулсан тухай болон  ойрын өдрүүдэд үргэлжлэн орсон борооны улмаас нийслэл хотод  үер усны аюул нүүрлэж болзошгүй тул аюулаас урьдчилан сэргийлэн  иргэдэд анхааруулга сэрэмжлүүлэг өгч, нутаг дэвсгэрийн хэмжээнд шаардлагатай арга хэмжээнүүдийг авч ажиллах талаарх мэдээллүүдийг сонслоо.

            Мөн хуралдаанаар цаашид хийж хэрэгжүүлэх ажлын талаар ярилцаж  Засаг даргын Тамгын газрын дарга хороодод үерийн аманд буусан айл өрхүүдэд  анхааруулга, сэрэмжлүүлэг тараах, далан суваг цэвэрлэх,  архив албан хэрэг хөтлөлтийн улсын үзлэг явагдахтай холбогдуулан   ажлын хэсэг байгуулан ажиллах, 10-р сарын 01-нээс улсын хэмжээнд хүн ам, орон сууцны завсрын тооллогын явагдахтай холбогдуулан хороод хүн амын  тооллогын түр товчоо байгуулж ажиллах талаар болон бусад цаг үеийн холбогдолтой үүрэг даалгавруудыг өглөө.

 

 

СОНГИНОХАЙРХАН ДҮҮРЭГ ЗАСАГ ДАРГЫН ТАМГЫН                                           ГАЗРЫН ЗАХИРГАА, ХУУЛИЙН ХЭЛТЭС

Ойрын өдрүүдэд үргэлжлэн орсон борооны улмаас нийслэл хотод  үер усны аюул нүүрлэж болзошгүй байдал үүсээд байгаа юм. Болзошгүй аюулаас урьдчилан сэргийлэх, шаардлгатай арга хэмжээнүүдийг авч хэрэгжүүлэх зорилгоор Сонгинохайрхан дүүргийн Засаг дарга М.Чинболдоор ахлуулсан дүүргийн онцгой комисс өнөөдөр хуралдлаа. Өнгөрсөн өдрүүдэд орсон борооны улмаас тус

 

дүүргийн Онцгой байдлын хэлтэст айл өрх, машин техник хэрэгсэл  усанд автсан дуудлага олноор ирсэн бөгөөд Онцгой байдлын хэлтэс шуурхай арга хэмжээ авч ажилласанаар 4 айл өрхийн 16 иргэн, 3 автомашин, Аж ахуйн нэгж байгууллагад учирч болзошгүй 340 гаруй сая төгрөгийн өмч хөрөнгийг үер усны аюулаас авран хамгаалсан байна. Үерийн улмаас дүүргийн 7, 22 дугаар хороодын зарим айл өрх усанд автаж, 30 дугаар хорооны нутаг дэвсгэрт байрлах “Хилчин” хотхоны бохирын шугам бөглөрсөн бөгөөд дүүргийн Онцгой байдлын хэлтэс, холбогдох байгууллагууд шаардлагатай арга хэмжээг шуурхай аван ажиллаж байна. Үерийн усны улмаас хүний амь нас эрсэдсэн тохиолдол гараагүй бөгөөд дүүргийн Засаг даргын Тамгын газрын зүгээс үерийн аюулаас сэргийлэхийг иргэддээ сэрэмжлүүлэх, үерийн аманд буусан айлуудыг нүүхийг шаардсан мэдэгдэл хүргүүлэх зэргээр холбогдох ажлуудыг хэрэгжүүлж байгаа юм.

Цаг уур, орчны шинжилгээний газраас ойрын өдрүүдэд нийт нутгаар бороо устай байх талаар мэдээллэж байна. Үүнтэй холбогдуулан дүүргийн Онцгой комиссын өнөөдрийн хуралдаанаар болзошгүй аюулаас сэргийлэх, шаардлагатай арга хэмжээнүүдийг шуурхай авч ажиллахаар шийдвэрлэлээ. Үерийн ус,  лаг шавар соруулах техник төхөөрөмж, хэрэгцээтэй багаж хэрэгслүүдийг Онцгой байдлын хэлтэст дүүргийн Засаг даргын Нөөц сангаас хөрөнгө гарган авч өгөхөөр шийдвэрлэсэн. Мөн үерийн улмаас үүссэн лаг шавар, бохирыг цэвэрлэх, халдваргүйжүүлэлт ариутгал хийх,  үерт өртсөн хороодын иргэдийг эрүүл мэндийн үзлэгт хамруулах, эвдэрч гэмтсэн далан сувгийг сэргээн засварлах зэрэг ажлуудыг холбогдох байгууллагуудад нь даалгалаа.

Дүүргийн Засаг дарга, Онцгой комиссын дарга М.Чинболдын зарлан хуралдуулсан хуралд дүүргийн ИТХ-ын дарга Х.Нямбаатар, Засаг даргын орлогчид, Тамгын газрын дарга, Онцгой комиссын гишүүд, хэлтэс албадын дарга нар оролцон үүссэн нөхцөл байдлын талаар болон болзошгүй аюулаас сэргийлэх талаар санал дүгнэлтээ хэлж, авч хэрэгжүүлэх ажлуудаа хуваарилан ажиллахаар боллоо.

 

 

2015 ОНЫ 6-Р САРЫН ТӨСВИЙН ГҮЙЦЭТГЭЛИЙН МЭДЭЭ

Та энд дарж үзнэ үү.

           Энэхүү өдөрлөг нь хөдөлмөрийн хэлтсийн үйл ажиллагааг сурталчлах, дүүргийн ажилгүй, ажил идэвхитэй хайж байгаа иргэдийн хөдөлмөр эрхлэх боломжийг бүрдүүлэх, хөдөлмөрийн зах зээлийн мэдээ мэдээллээр хангах, дүүргийн хэмжээнд хөдөлмөр эрхлэлтийн чиглэлээр хэрэгжүүлж буй төсөл хөтөлбөрүүдийг сурталчлах, ажил олгогч аж ахуйн нэгж, байгууллагуудад хүний нөөцөө бүрдүүлэхэд нь дэмжлэг үзүүлэхэд чиглэгдсэн юм.

 

Өдөрлөгийн үйл ажиллагааг нээж  Сонгинохайрхан дүүргийн Засаг даргын Тамгын газрын дарга С.Мөнхчулуун, Хөдөлмөрийн хэлтсийн дарга Ц.Сарантуяа нар үг хэлж, арга хэмжээнд амжилт хүслээ. Өдөрлөгт Сонгинохайрхан дүүргийн ИТХурлын төлөөлөгчид, хороодын Засаг дарга нар, ажил олгогч, аж ахуйн нэгж байгууллагууд урилгаар оролцсон байна.

Энэ үеэр хөдөлмөрийн аюулгүй байдал, эрүүл ахуйн соёлыг ажлын байранд амжилттай сайн нэвтрүүлж буй аж ахуйн нэгж байгууллагууд болох “Сүү” ХК, “Хаан Хүнс” ХХК, “Тэсо” ХХК-ны удирдлагуудад баяр хүргэж, дүүргийн Засаг даргын хүндэт өргөмжлөл, мөнгөн шагналаар шагнаж, урамшуулсан. Мөн санхүүгийн дэмжлэгийн арга хэмжээнд хамрагдаж, төслөө амжилттай хэрэгжүүлж буй иргэн С.Ургац, Ё.Цэрэндолгор, Н.Базаррагчаа, Ц.Нямхорол, Д.Нямдорж нарт  Хөдөлмөрийн хэлтсээс баяр хүргэж, өргөмжлөл гардуулав.

Аж ахуйн нэгж, байгууллагуудын төлөөлөл болон төсөл хэрэгжүүлэгч иргэд Хөдөлмөрийн хэлтэстэй хамтран ажиллаж, хүний нөөцөө бүрдүүлж, хөдөлмөрийн аюулгүй байдал эрүүл ахуй болон бусад холбогдох дүрэм журмын хүрээнд үйл ажиллагаагаа явуулахад нягт хамтарч ажилладаг тухай сэтгэгдлээ хэлж, талархал илэрхийллээ. 

Өдөрлөгийн үйл ажиллагааг  удирдамж, хөтөлбөрийн  дагуу хөдөлмөрийн хэлтсийн мэргэжилтүүд зохион байгуулан ажиллаж, иргэдэд дараах үйлчилгээг үзүүллээ.

  • Ажилд зуучлах үйлчилгээ
  • Мэргэжлийн ур чадвар олгох түр сургалтанд бүртгэх
  • Ажил мэргэжлийн чиг баримжаа олгох зөвлөгөө мэдээллээр хангах
  • Хөдөлмөрийн харилцаа, ХАБЭА-н чиглэлээр мэдээлэл зөвлөгөө өгөх
  • Хөдөлмөрийн хэлтсээс хөдөлмөр эрхлэлтийг дэмжих чиглэлээр явуулж буй төсөл хөтөлбөрүүдийн талаар мэдээлэл зөвлөгөө өгөх
  • Жижиг дунд, өрхийн үйлдвэрлэл эрхлэгчдийн бараа бүтээгдэхүүнийг сурталчлах зэрэг үйл ажиллагааг зохион байгуулж ажиллаа.

Тус өдөрлөгт 10 гаруй аж ахуйн нэгж байгууллага оролцож, хүний нөөцийн бүрдүүлэлт хийж хамтран ажилласан.

Нийт 250 гаруй иргэнд хөдөлмөрийн хэлтсийн үйл ажиллагааг сурталчлан мэдээлэл түгээж, ХХ3-2 маягтаар 96 иргэнийг бүртгэж, 63 иргэнд зуучлалын мэдэгдэл өгч, ажилд зуучилж, 54 иргэнийг мэргэжлийн ур чадвар олгох түр сургалтанд бүртгэсэн байна.

Төсөл хөтөлбөрт хамрагдаж санхүүгийн дэмжлэг авсан 15 жижиг үйлдвэрлэл эрхлэгчид үйлдвэрлэж буй бүтээгдэхүүнээрээ үзэсгэлэн худалдаа явуулж, 500.000 гаруй төгрөгийн борлуулалт хийсэн байна.

Өдөрлөгийн арга хэмжээнд Морин хуур-2014 наадмын шилдэг, Дуурийн дуулаачдын уралдааны Гран при шагналт Ж.Хишигбат хүрэлцэн ирж өдөрлөгт оролцогчдод ая дуугаа өргөлөө.

Тус өдөрлөг нь иргэд олон нийтэд хөдөлмөрийн хэлтсийн үйл ажиллагааг сурталчилж, иргэдийг ажил хөдөлмөр эрхлэх, ур чадвараа хөгжүүлэх, хөдөлмөр эрхлэлттэй холбоотой хууль тогтоомжийн талаар мэдлэг мэдээлэлтэй болоход чиглэгдсэн үр дүнтэй боллоо.

Сонгинохайрхан дүүрэгтэй харилцаа, хамтын ажиллагаатай БНХАУ-ын ӨМӨЗО-ы Хайлаар хотоос жил бүр уламжлал болгон Хятад, Монгол, Орос гурван улсын Эдийн засгийн форум, үзэсгэлэн яармагийг зохион байгуулдаг юм. Энэ жил 11 дэхь удаа болж байгаа тус арга хэмжээ өнгөрөгч зургадугаар сарын 26-наас 30-ны өдрүүдэд явагдлаа. ОХУ-ын Чита, Улаан-Үд хотууд, Монгол Улсын Дорнод аймаг, Чойбалсан хот, Сонгинохайрхан дүүрэг, БНХАУ-ын 10 гаруй аймаг, хотууд оролцдог энэхүү томоохон арга хэмжээнд Сонгинохайрхан дүүрэг өндөр ач холбогдол өгч оролцлоо.  Дүүргийн ИТХ-ын дарга Х.Нямбаатар, Засг дарга М.Чинболд, ЖДҮДСМТ-ийн захирал Г.Билгүүн нараар ахлуулсан төлөөлөгчид, үзэсгэлэн яармагт оролцох аж ахуйн нэгж байгууллагуудын хамт өргөн бүрэлдэхүүнтэйгээр  Хайлаарт хүрэлцэн очсон юм.

 

Эдийн засгийн форум, үзэсгэлэн яармагийн нээлтэд дүүргийн ИТХ-ын дарга Х.Нямбаатар, Засаг дарга М.Чинболд нар үг хэлж арга хэмжээнд амжилт хүссэн. Дүүргийн жижиг дунд үйлдвэрлэгч иргэд, аж ахуйн нэгж байгууллагууд тус үзэсгэлэнд өөрсдийн урласан бүтээлүүдээ дэлгэн худалдаалсан нь оролцогчдын анхаарал, сонирхлыг ихэд татаж байлаа.

Сонгинохайрхан дүүргээс өнгөрөгч 5 дугаар сард Хайлаар хотод дүүргийнхээ жижиг дунд үйлдвэрлэгчдийн бараа бүтээгдэхүүнийг борлуулах төв ажиллуулах талаар санал тавьсныг Хайлаар хотын захиргаа нааштайгаар хүлээн авсан. Энэ дагуу “Сонгинохайрханд үйлдвэрлэв” төвийг ажиллуулах Санамж бичигт гарын үсэг зурсан нь хоёр талын хамтын ажиллагааны түүхэнд томоохон үйл явдал боллоо.Ийнхүү Сонгинохайрхан дүүргийн жижиг дунд үйлдвэрлэгчдэд гадаад зах зээлийг нээж өгч байгаагаараа тэдэнд дүүргийн зүгээс үзүүлж буй бодитой, бодлогын дэмжлэг болж байна.

 Мөн Хайлаар хотын дарга Дү Лиэн Хэ, Сонгинохайрхан дүүргийн Засаг дарга М.Чинболд нар ногоон байгууламж, хүнсний ногоо тариалалтын тал дээр хамтарч ажиллах Санамж бичиг байгууллаа. Хайлаар хот нь уур амьсгал, цаг агаарын хувьд Улаанбаатар хоттой ижил нөхцөлтэй бөгөөд ногоон байгууламж, газар тариалан эрхлэлтийн өндөр технологи, тэргүүн туршлагатай. Санамж бичгийн дагуу Сонгинохайрханаас энэ чиглэлээр Хайлаарт мэргэжилтэн бэлтгэхээс гадна Сонгинохайрхан дүүрэгт Хайлаарын мэргэжилтнүүд хүрэлцэн ирж технологи, туршлагаа танилцуулах юм.

Ийнхүү жил бүр БНХАУ-ын ӨМӨЗО-ы Хайлаар хотод болдог гурван улсын Эдийн засгийн чуулга, үзэсгэлэн яармагт Сонгинохайрхан дүүрэг  амжилт арвинтай оролцлоо.

Зуны 7 дугаар сарын 1-30 хүртэл ерхөг согоовор, Намар 7 дугаар сарын 20-ноос 8 дугаар сарын 30 хүртэл лууль, 7 дугаар сарын 20-доос 9 дүгээр сарын 10 хүртэл шарилжны тоосоо гүвэх эд оргил үе байдаг.

Хөл газрын ургамал буюу шарилжны тоосжилт нь харшил үүсгэх, өдөөх хүчтэй нөлөөтэй өвөрмөц тоосжилттой байдаг тул тоосжилтыг хязгаарлах гол арга нь таналт тайралт хийх явдал юм.

Хадалт, тайралт 2-3 жил дараалан хийснээр шарилж, луулийн төрлийн ургамал багасаж зүлэг нэмэгддэг.

 

Шарилж лууль болон хөл газрын ургамалын тоосжилт ихэсч, үрээ цацаж эхэлдэг үе нь долдугаар сарын сүүлч бөгөөд үүнийгээ дагаад иргэдийн дунд амьсгалын замын харшил ихээр нэмэгддэг.

Улаанбаатар хотын амьсгалын замын харшилтай хүмүүсийн 68,3 нь шарилж, лууль, согоовор, ерхөг, хус, улиас зэрэг ургамлын тоосны шалтгаантай байдаг аж.

Манайхан дээрх ургамлын тоосжилтыг бууруулах аргын талаарх мэдээлэл хангалтгүйн улмаас зулгаах, шатаах зэрэг аргыг их хэрэглэдэг. Гэвч энэ нь хөрсний нөхөн төлжилтийг бууруулж, тоосжилтыг нэмэгдүүлэн иргэдийн дунд харшил ихээр үүсгэдэг тул эдгээр ургамлын тоос дэгдэхээс өмнө хадалт/тайралт хийх нь илүү дээр байдаг аж. Тиймээс бид хогийн ургамлыг тайрах идэвхтэй аяныг өрнүүлж чадвал өөртөө болоод  ургамлын харшилтай дотны хүмүүстээ тус болж байна гэсэн үг. Наанадаж өөрийн ажиллаж, амьдарч буй газрын гаднах хогийн ургамлыг тайрч, хайчлах хэрэгтэй

Ургамлын тоосны харшил хэзээ идэвхждэг вэ?

Хот суурин газрын хүн амын дунд шарилж, лууль болон бусад хөл газрын ургамлуудын цэцгийн тоосны шалтгаант амьсгалын замын харшил сүүлийн үед ихээхэн нэмэгдэж байна. Шарилж луулийн төрлийн ургамлууд долдугаар сарын эхний долоо хоногийн сүүлээс наймдугаар сарын дунд хүртэл цэцэглэн, дохиурын тоос нь агаарт хэт ихэссэнээр хүн амын дунд ургамлын тоосны шалтгаант харшил үүсэх нөхцлийг бүрдүүлдэг.

Ургамлын тоосны харшлаас сэргийлж болно

Эдгээр харшлын шалтгаант ургамлууд цэцэглэж, дохиурын тоос нь агаарт хэт их дэгдсэнээр үр нь газарт унаж дахин ургах нөхцөл бүрддэг тул цэцэглэхээс өмнө дээр дурдсанчлан хадалт/тайралт хийснээр дараагийн жил бага ургах, харшлаас сэргийлэх ач холбогдолтой.

Шарилж, луулийн төрлийн ургамлуудын үрлэх, үр боловсрох хугацаа харилцан адилгүй ба цэцэглэлтийн үе нь янз бүр байдаг. Мөн тайралт хийсний дараа дахин ургадаг учир зургадугаар сарын сүүлийн долоо хоногоос наймдугаар сарын дунд үе хүртэл гурван удаагийн давтамжтай тайралт хийнэ.

Хэрэглэгдэх багаж хэрэгсэл


Эхний тайралт:
6-р сарын 20 – 7-р сарын 1
Хоёрдугаар тайралт:
7-р сарын 15 – 7-р сарын 25
Гуравдугаар тайралт:
8-р сарын 5 – 8-р сарын 15

Тайралт хийхэд анхаарах зүйлс:

•    Шарилж, луулийн төрлийн ургамлыг 7-10 см өндөртэй байхад тайрах
•    Салхигүй үед тайрах

Ургамлын тоосны харшлын үед илрэх шинж тэмдгүүд
•    Шингэн нус их хэмжээгээр гоожих
•    Хамар битүүрэх
•    Ойр ойрхон хүчтэй найтаалгах
•    Нүд улайх, загатнах, хорсох
•    Нүд гэрэлд мэдрэмтгий болж нулимс гоожих

Ургамлын тоосжилт агаарт дэгдсэн үед авах арга хэмжээ

•    Хаалга цонхоо хаах, тор байршуулах
•    Машин болон гэртээ агаар чийгшүүлэгч хэрэглэх
•    Гадуур хувцсаа битүү орчинд /шүүгээ, уут/ хийх
•    Угаасан хувцсаа гадаа хатаахгүй байх
•    Гадуур явахдаа амны хаалт зүүх
•    Ургамалтай ажиллах шаардлага гарвал амны хаалт зүүх
•    Нүдний шил зүүх

                                          

ЗАСАГ ДАРГЫН ТАМГЫН ГАЗРЫН

ДЭД БҮТЭЦ, ТОХИЖИЛТЫН ХЭЛТЭС

Үндэсний их баяр наадмаар Төв цэнгэлдэх хүрээлэнд худалдаа үйлчилгээ эрхлэх тухай хувиараа хөдөлмөр эрхлэгчийн өргөдлийг 301, аж ахуйн нэгж байгууллагын албан хүсэлтийг бичиг хэргийн 310 тоот өрөөнд 2015.07.01-ний өдөр хүлээн авна. 

 

Нийтийн хоолны үйлчилгээ эрхлэгч нь

/хуушуур, хоол/ дараах материалыг бүрдүүлсэн байна.

 

Аж ахуйн нэгж байгууллага нь:

1.    Аж ахуйн нэгжийн албан хүсэлт

2.    Аж ахуйн нэгжийн улсын бүртгэлийн гэрчилгээний хуулбар

3.    Ажлын байрны дүгнэлтийн хуулбар /зоогийн газар, баар, кафены үйл ажиллагаа эрхлэх тухай МХХ-ийн улсын байцаагчийн дүгнэлт/

4.    Тогоочийн мэргэжлийн үнэмлэх, эрүүл мэндийн шинжилгээний дэвтрийн хуулбар

Хувиараа хөдөлмөр эрхлэгчид нь:

5.    Хувиараа хөдөлмөр эрхлэгчийн өргөдөл

6.    Иргэний үнэмлэхийн хуулбар

7.    Цайны газрын үйл ажиллагаа эрхлэх тухай МХХ-ийн улсын байцаагчийн дүгнэлт

8.    Тогоочийн мэргэжлийн үнэмлэх, эрүүл мэндийн шинжилгээний дэвтрийн хуулбар 

Худалдаа эрхлэгчид нь:

1.    Аж ахуйн нэгжийн албан хүсэлт

2.    Аж ахуйн нэгжийн улсын бүртгэлийн гэрчилгээний хуулбар

3.    Ажлын байрны дүгнэлтийн хуулбар /хүнсний дэлгүүр, супермаркет, минимаркет, хүнсний мухлагийн үйл ажиллагаа эрхлэх тухай/

4.    Иргэн бол иргэний үнэмлэхийн хуулбар

5.    Иргэний өргөдөл

 

Жич: баяр наадмаар зөвхөн хүнсний худалдаа, бэлэг дурсгалын зүйлс худалдаалах зөвшөөрөл олгоно.

Худалдаа, үйлчилгээ эрхлэгчдэд өгөх нэгдсэн семинар 2015 оны 7 дугаар  сарын 06-ны 11 цагаас дүүргийн Иргэдийн танхимд явагдана.

ХУДАЛДАА, ҮЙЛЧИЛГЭЭНИЙ ХЭЛТЭС 

Дэлхий дэлгэнэсэн дэлгэр цаг ирэхүйд уухай, гийнгоо хангинасан наадмын цуурай ойртдог. Энэ жилийн наадмуудыг аль нэг аймаг сум биш Нийслэлийн нэг дүүрэг эхлүүллээ. Сонгинохайрхан дүүргийн Засаг дарга М.Чинболд дүүргийнхээ “Иргэдийн баяр”-ыг хийх шийдвэр гаргасан бөгөөд энэхүү баяр өнгөрсөн Бямба гаригт  Хүй долоон худаг дахь “Монгол наадам” цогцолборт болж өнгөрлөө.

Энэ үеэр төрийн байгууллагын үйл ажиллагаагаа иргэддээ танилцуулж, тайлагнан нэг ёсны дүүргийн хэмжээний бүхий л төрийн байгууллагуудын нэгдсэн “Нээлттэй хаалганы өдөр” болсон юм. Мөн Сонгинохайрхан уулаа тайж, бэсрэг наадам хийсэн.  Энэхүү наадмаар улс аймгийн цолтой, цолгүй бөхийн барилдааныг тусад нь хийж цолгүй бөхийн барилдаанд түрүүлж, үзүүрлэсэн бөхөд Сумын заан, начин цол олголоо.

 

“Иргэдийн баяр”-ын арга хэмжээнд дүүргийн хэмжээний бүхий л төрийн байгууллагууд оролцож байгаагаас гадна Хувийн хэвшлийнхэн, иргэд идэвх санаачлага өндөртэй оролцсон юм. Баярын үеэр төрийн байгууллагуудын зүгээс наадамчин олон иргэддээ олон төрлийн төрийн үйлчилгээг үзүүлсэн. Тухайлбал  дүүргийн Татварын хэлтсээс Авто тээврийн болон өөрөө явагч хэрэгслийн албан татвар, Агаарын бохирдлын төлбөр, автозам ашигласны төлбөрийг  энэ өдөр наадмын талбай дээр торгуульгүйгээр  хураах үйлчилгээ үзүүлсэн юм.

“Иргэдийн баяр”-ын арга хэмжээнд Сонгинохайрхан дүүргийн ИТХ-ын дарга Х.Нямбаатар, Засаг дарга М.Чинболд болон бусад хэлтэс албадын дарга нар оролцсон бөгөөд урилгаар дүүргээс сонгогдсон УИХ-ын гишүүд болох Д.Тэрбишдагва, Д.Сумъяабазар, НИТХ-ын төлөөлөгчид хүрэлцэн ирсэн юм.

Наадамд  Даага, Соёолон насны хурдан хүлгүүд уралдаж, Үндэсний бөхийн улс, аймгийн цолтой 64 бөхийн барилдаан, цолгүй 64 бөхийн барилдаан болсон бөгөөд Сонгинохайрхан дүүрэг анх удаа цолгүй бөхчүүдэд сумын заан, сумын начин цол олголоо. Түүнчлэн Сур харваа, Шагайн харвааны тэмцээнүүд явагдлаа.

Улс, аймгийн цолтой 64 бөхийн барилдаан, цолгүй 64 бөхийн барилдаанд:

Түрүү бөх - Завхан аймгийн Баян тэс сумын харъяат Улсын начин Л.Нямсүрэн

Үзүүр бөх - Завхан аймгийн Тосонцэнгэл сумын харъяат Улсын начин Ш.Уламбаяр

                   Завхан аймгийн Алдархаан сумын харъяат Аймгийн начин Л.Батсүх

                    Архангай аймгийн Чулуут сумын харъяат Улсын начин А.Амарзаяа

Цолгүй 64 бөхийн барилдаанд:

Сонгинохайрхан дүүргийн харъяат  Э.Амартүвшин түрүүлж сумын заан цол

Завхан аймгийн Их уул сумын харъяат Э.Мөнхтөр үзүүрлэж сумын начин цол

Архангай аймгийн Цэнхэр сумын харъяат залуу бөх  Х.Очир-Хуяг

Архангай аймгийн Эрдэнэ мандал сумын харъяат залуу бөх Т.Амарсайхан нар шалгарлаа.

Эрэгтэй сурийн харваанд:

1-р байрт – Сонгинохайрхан дүүргийн харъяат залуу харваач П.Тодбилэг

2-р байрт - Сонгинохайрхан дүүргийн харъяат залуу харваач Б.Ганбаатар

3-р байрт - Сонгинохайрхан дүүргийн харъяат залуу харваач Б.Ууганбаяр

4-р байрт - Сонгинохайрхан дүүргийн харъяат Хүндэт мэргэн харваач СМ Д.Санжаасүрэн

5-р байрт - Сонгинохайрхан дүүргийн харъяат залуу харваач Х.Батбаатар

Эмэгтэй сурийн харваанд:

1-р байрт - Сонгинохайрхан дүүргийн харъяат залуу харваач Ц.Булган

2-р байрт –Сонгинохайрхан дүүргийн харъяат залуу харваачСпортын мастер Д.Өлзий-Орших

3-р байрт - Сонгинохайрхан дүүргийн харъяат залуу харваач Э.Соёлмаа

4-р байрт - Сонгинохайрхан дүүргийн харъяат залуу харваач Ё.Гэрэлмаа

5-р байрт - Сонгинохайрхан дүүргийн харъяат Улсын мэргэн харваач Спортын мастер

Шагайн харваанд:

1-р байрт – Дархан мэргэн С.Цог ахлагчтай баг

2-р байрт -  Улсын дэд мэргэн Ж.Цагаанзаан ахлагчтай баг

3-р байрт – Харьшгүй мэргэн Б.Жигжидсүрэн ахлагчтай багууд тус тус шалгарлаа.

 

Хурдан соёолонгийн уралдаан:

Д/д

Уяачийн овог нэр

Үндсэн хаяг

Морины зүс нас

1

Ш.Баасанжав

СХД-2/х

Буурал

2

Т.Батцоож

СХД-2/х

Зээрд

3

Энхсайхан

УБ

Зээрд

4

Б.Мөнх-Эрдэнэ

Төв цээл

Хээр

5

С.Бямбаахүү

Дундговь Эрдэнэдалай

Хээр

 

Хурдан даагын уралдаан:

Д/д

Уяачийн овог нэр

Үндсэн хаяг

Морины зүс нас

1.

Ц.Түвшинтөр

СХД 2/х

Хээр

2.

Ц.Төрхүү

СХД 2/х

Шаргал

3.

Л.Батсайхан

Архангай Өндөр улаан

Зээрд

4.

Б.Мөнх-Эрдэнэ

Төв цээл

Борхалзан

5.

Батаа

Төв аргалант

Зээрд

6.

Я.Хүрэлбаатар

Төв аргалант

Хар