Сонгинохайрхан дүүргийн “Иргэдийн баяр” энэ зургадугаар сарын 20-ны өдөр Хүй долоон худаг дахь наадмын талбайд болох билээ. Энэ үеэр тус баярт зориулсан бэсрэг наадам болохоос гадна төрөл бүрийн төрийн үйлчилгээг нэг дороос авах боломжтой юм байна.

Тухайлбал  дүүргийн Татварын хэлтсээс Авто тээврийн болон өөрөө явагч хэрэгслийн албан татвар, Агаарын бохирдлын төлбөр, автозам ашигласны төлбөрийг  энэ өдөр наадмын талбай дээр торгуульгүйгээр  хураах үйлчилгээ үзүүлэх юм. Авто тээврийн татвар хураах ажил  зургадугаар сарын 01-ний өдрөөр тасалбар болж тухайн хугацаанаас хойш 20000 төгрөгийн торгуультайгаар татвар хураалт явагдаж байгаа.  Энэ сарын 20-ны өдрөөс хойш татвараа төлөөгүй тээврийн хэрэгслийг хөдөлгөөнд оролцуулахгүй байхаар Нийслэлийн Засаг даргын Тамгын газраас шийдвэрлэсэн байна. 

Ямар нэгэн шалтгаанаар Авто тээврийн хэрэгслийн татвараа төлж амжаагүй иргэд ирэх Бямба гаригт Хүй долоон худаг дахь наадмын талбайд хүрэлцэн ирж торгуульгүйгээр татвараа төлөх боломжтой болж байна.

Сонгинохайрхан дүүргийн Засаг даргын Тамгын газраас ирэх бямба гаригт буюу зургадугаар сарын 20-ны өдөр “Иргэдийн баяр”-ыг зохион байгуулах гэж байна. Хүй долоон худагт болох энэхүү баяр бөхтэй, морьтой, суртай, урлаг соёлын арга хэмжээтэй, мөнхүү төрийн албаны олон төрлийн үйлчилгээтэй томоохон наадам болох юм.

Тус арга хэмжээний үеэр бэсрэг наадам зохион байгуулагдах бөгөөд хурдан морины уралдаанд хоёр насны (даага, соёолон) морь уралдана. Бөхийн барилдааны хувьд улс аймгийн цолтой 64 бөхийн барилдаан, цолгүй 64 бөхийн барилдаан тусдаа болох юм. Цолгүй бөхийн барилдаанд түрүүлж, үзүүрлэсэн бөхчүүдэд Сумын заан, начин цол олгох гэнэ.

 

“Иргэдийн баяр” нь зөвхөн наадаж цэнгэх биш, мөн төрийн үйлчилгээг иргэдэдээ өргөн хүрээнд хүргэх зорилготой юм. Аль ч шатны төрийн алба, түүний албан хаагчдын үндсэн үүрэг нь иргэдийнхээ өмнө тулгарсан асуудлыг шийдвэрлэхэд оршдог. Иймээс энэхүү баярын үеэр дүүргийн хэмжээний төрийн байгууллагууд маань чухам юу хийдэг, ямар үйлчилгээ үзүүлдэг талаараа иргэддээ дэлгэрэнгүй мэдээлэл хүргэж, өнгөрсөн жилүүдэд хийж хэрэгжүүлсэн ажлаа тайлагнах юм. Мөн наадмын талбайд хүрэлцэн ирсэн иргэд наадах зуураа төрийн бүхий л үйлчилгээг тэндээс авч болох ажээ.

Сонгинохайрхан дүүргийн Иргэдийн баяр - 2015
Хүй долоон худаг явах автобусны маршрут
                     
Хороод Эхлэх цэг Цаг / минут Түр зогсох цэг Автобусны тоо Хариуцах албан хаагч Холбогдох утас  Тайлбар
1 12, 13, 14, 31 Саппорогийн Миний дэлгүүрийн  зогсоол 10:00 11:30 13:30 - 1 Д.Соёлмаа С.Наранцэцэг С.Майцэцэг Ц.Баасанбат 99200779 99932235 99028280 96010738  
2 15, 16, 17, 30  Пирамид үйлчилгээний төвийн зогсоол 10:00 11:30 13:30 - 1 Д.Батчулуун Б.Тунгалаг Ж.Энхмаа Д.Тогтохбаяр 99002754 99761076 91882726 99021878  
3 18, 19, 29 Геологийн төв лабратор BSB дэлгүүрийн зогсоол 10:00 11:30 13:30 - 1  Ц.Болортуяа Н.Нарангэрэл Г.Ганчимэг  99762622 88870744 99850611  
4 8, 9, 10, 11, 28 Жанцан уулзварын зүүн талд  10:00 11:30 13:30 - 2 Ш.Батпүрэв С.Болдоо Н.Баярманлай Б.Нармандах И.Оюунсувд  99041109 88098827 96070539 95003015 96671321  
5 7, 24, 25 Баянхошууны тойрогын урд талд зам дагуу 10:00 11:30 13:30 - 1 Я.Батмөнх И.Оюунгэрэл Д.Мөнгөндалай  98113076 89140820 93120500  
6 5, 6, 23, 27 Дүүхэй 2 төвийн зогсоол 10:00 11:30 13:30 - 1 М.Батжаргал Г.Батжаргал Г.Гантуяа Г.Ганчимэг 99065659 96074664 91190045  88012801  
7 3, 4, 26 Арвайн үндэс үйлчилгээний төвийн зогсоол 10:00 11:30 13:30 - 1 Э.Эрдэнэцэцэг  Б.Бямбажаргал Р.Мөнхтуяа 99816477 91250632 96656608  
8 1, 2, 32 Гүнгэрваа худалдааны төвийн төв 10:00 11:30 13:30 Эмээлт 1 Ц.Алтанатана Д.Цэндсүрэн Д.Саранцацралт  96903113 96053306 93131550 10:30, 12:00, 14:00 минутад Эмээлтийн автобусны буудалаас 32 дугаар хороодын иргэд автобусанд сууна.
9 22, 20, 32 Орбитын хилчин холбоочдын уулзвар гудамж 10:00 11:30 13:30 Цэргийн хотхон, Эмээлт 1 М.Болормаа П.Халиунсүрэн Д.Саранцацралт   86204939 99125145 93131550 10:15, 11:45, 13:45 минутад Цэргийн хотхоны автобусны буудалаас 20 дугаар хороодын иргэд автобусанд сууна. 10:30, 12:00, 14:00 минутад Эмээлтийн автобусны буудалаас 32 дугаар хороодын иргэд автобусанд сууна
                     
19:20 болон 20:20 минутад Хүй долоон худгаас автобус ирсэн чиглэлийн дагуу буцна.

 

Нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөрөөр ахлуулсан “Улаанбаатар хотын замын хөдөлгөөний хэт ачааллыг бууруулах ажлыг зохион байгуулах, нэгдсэн удирдлагаар хангах ажлын хэсэг”-ийн мягмар гарагийн хуралдаанаар Улаанбаатар хотын дулаан хангамжийн 3А,Б,В гол шугамыг ф600500 болгон өргөтгөх ажлын эхний хэсгийн ажлын гүйцэтгэлийн талаар хэлэлцлээ. Энэ жил инженерийн дэд бүтцийн нийт 1153 төсөл, арга хэмжээг хэрэгжүүлэхээс хамгийн өргөн хүрээнд хийгдэх ажил нь Улаанбаатар хотын дулаан хангамжийн 3А,Б,В гол шугамыг ф600500 болгон өргөтгөх ажил юм.

 

Зам засвар, шугам хоолой солих ажлыг  төлөвлөгөөний дагуу 2015 оны 06 дугаар сарын 07 ны өдрөөс эхлэн 2015 оны 08 дугаар сарын 16 өдөр хүртэл Энхтайвны өргөн чөлөөний Төв шуудангийн уулзвараас баруун  4 замын уулзвар  хүртэлх замыг 3 үе шаттайгаар хааж гүйцэтгэнэ. Эхний үе шатны ажил буюу Төв шуудангийн уулзварын баруун талаас Цэцэг төвийн уулзварын зүүн тал хүртэл замын зорчих хэсгийг 06 дугаар сарын 07-ны өдрөөс хааж шинэчлэлт, өргөтгөлийн ажил хийгдэж байна. Нийслэлийн Хөрөнгө оруулалтын газрын дэд дарга С.Цэдэнсодномын өгсөн мэдээллээр “Эхний хэсгийн ажлыг 06 дугаар сарын 25-ны өдөр дуусгахаар төлөвлөж байсан ч гүйцэтгэлийг графикд зааснаас түрүүлж хийж байгаа тул хугацаанаас нь өмнө буюу 22-ны өдөр дуусгана” гэлээ. Тиймээс 06 дугаар сарын 22-ны 06:00 цагаас Төв шуудангаас Цэцэг төв хүртэлх уулзварын замын хөдөлгөөнийг нээж 2 дугаар үе шатны ажил буюу Цэцэг төвийн уулзвараас УИДэлгүүрийн уулзварыг  хааж шинэчлэлт, өргөтгөлийн ажил эхэлнэ.
Улсын Драмын Эрдмийн театраас Төв шуудан хүртэлх дулааны шугамыг 1959 онд, Төв шуудангаас Баруун 4 зам хүртэлх шугамыг 1987 онд барьж, ашиглалтад оруулсан бөгөөд дулааны шугамын ачааллыг бууруулах, Гэр хорооллын дахин төлөвлөлтийн ажилтай уялдуулан нийслэлийн гэр хороололд дэд бүтэц татах боломжоор хангах зорилгоор уг ажлыг Хөгжлийн банкны санхүүжилтээр хийхээр шийдвэрлэсэн гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Улаанбаатар хотын бохир шингэнийг татан зайлуулдаг Ус сувгийн удирдах газрын харьяа цэвэрлэх байгууламжийн засварын ажлыг 2015 оны 06 сарын 13-ны шөнө 03 цагаас эхлүүлж, 06 сарын 14-ний 00 цагт шилжих шөнө нийт 23 цагт багтаан хийж дуусгалаа. Засвар хийх хугацаанд ямар нэгэн  хүндрэл бэрхшээл гараагүй бөгөөд богино хугацаанд тухайн засварын ажлыг гүйцэтгэж үйл ажиллагааг хэвийн болголоо.
  Үүнд:
 

 

  • Анхдагч 4 тунгаагуурын бетонон хийцийг засварлаж, 1,3 дугаар тунгаагуурын шибер хаалтыг шинээр сольж 4 дүгээр тунгаагуурын шибер хаалтын цөмөрсөн хэсгийг засварласан.
  • Элс баригчийн 4 коридорт тогтсон  15 тонн элс, хог цэвэрлэсэн.
  • Биологийн цэвэрлэгээний аэротенкийн цоорсон  240 метр квадрат хэсгийг бөглөж засвар хийлээ.
Дээрх засварын ажлыг цаг алдалгүй хийхээр Ус сувгийн удирдах газрын  3 бригад, Линкс поверкор ХХК -ны мэргэжлийн баг, Сонгинохайрхан дүүргийн онцгой байдлын аврах гал унтраах 26-р анги зэрэг 3 байгууллагын нийт 70 ажилтан албан хаагчид хамтран ажилласан.
Улаанбаатарчуудын усны хэрэглээг зайлшгүй хязгаарлах шаардлага гарч Ус дулаан дамжуулах 110 төв, 36 үйлдвэр аж ахуйн газар, Урьдчилан цэвэрлэх байгууламжид бохир усаа нийлүүлдэг  9 ноос ноолуур, арьс шир боловсруулах үйлдвэрүүдийн усыг   тодорхой хугацаанд  хязгаарласан.  
Анхдагч тунгаагуурын хуваарилах шибер хаалтын засварын үед бохир ус эрс багассан тул 2 насос станцын хүлээн авах сан болон 1200,1400 мм-ийн гол  шугаманд  ухрааж, хуримтлуулсан.
Биологи цэвэрлэгээний Аэротенкийн засварын үед механик цэвэрлэгээгээр цэвэрлэсэн 70900 шоо метр усыг /60-аад хувийн цэвэршилттэй/ хэт ягаан туяа болон хлороор давхар халдваргүйжүүлэн байгальд нийлүүлсэн. Энэхүү засварын ажлын явцад  УСУГ-ын Усны төв лабортори байнгын хяналт тавьж , цаг тутамд усанд ууссан үлдэгдэл хлорыг үзэж, 2 станцаар хүлээн авсан болон цэвэрлээд гаргаж буй уснаас  дээж  авсан. Мөн хөндлөнгийн хяналтанд Туул голын сав газрын зөвлөл ажилалаа. Энэ удаагийн засварын ажил бол зөвхөн амь аргацаасан “гал унтраах ” төдий асуудал юм.             
                           
                                              УС СУВГИЙН УДИРДАХ ГАЗАР
 
2015 оны 6 дугаар сар 12-нд Сонгинохайрхан дүүргийн Эрүүл мэндийн төвөөс санаачлан , ДЭМБ-ын дэмжлэгтэйгээр, Дүүргийн Засаг даргын Тамгын газар хамтран дүүргийнхээ 32 хорооны Өрхийн эрүүл мэндийн төв дээр 30-60 насны зорилтот бүлгийн 120000 хүн амд амьдралын буруу хэвшлээс үүдэлтэй халдварт бус өвчнөөс урьдчилан сэргийлэх, өвчнийг эрт илрүүлэх, үзлэг шинжилгээнд хамруулах ажлын нээлтийн арга хэмжээ боллоо.
 
2013 оны халдварт бус өвчний тархалтын судалгаагаар СХД-ийн 15-64 насны 10  хүн тутмын нэгньхалдвартбусөвчнийархаг, таванхүнтутмынгуравньхалдвартбусөвчнийэрсдэлтэйбайдаггэсэнсудалгааггаргажээ.Амьдралын буруу хэвшлээс үүдэлтэй халдварт бус өвчний эзлэх хувь жил ирэх тутам нэмэгдэж нас баралтын гол шалтгаан болж байна. СХД-ын хүн амын нас баралтын тэргүүлэх шалтгаанд цусны эргэлтийн тогтолцооны өвчин, хорт хавдар, осол гэмтэл, хоол боловсруулах болон амьсгалын тогтолцооны өвчин зонхилж байгаа бөгөөд нийт нас баралтын 78 хувь нь цусны эргэлтийн тогтолцооны өвчин, хорт хавдар, осол гэмтлээс шалтгаалж байна.2013 оны Эрүүл мэндийн статистик үзүүлэлтээр 6 хүний нэг нь архи, тамхи хэрэглэдэг, ажлын байрандаа тамхины утаанд өртдөг,3хүнтутмын 1 ньхөдөлгөөнийхомсдолтой, хүнамын 54.4 хувьньилүүдэлжинтэй, 5 хүний нэг нь хөдөлгөөний хомсдолтой, цусны даралт ихсэлттэй байна. Дүүргийн Сэхээн амьдруулах яаралтай тусламжаар ирж байгаа өвчтнүүдийн 80% нь цус харвалт, зүрх судасны өвчний хүндрэлтэй,хэвтүүлэн эмчлүүлж байгаа 3 хүн тутмын 2 нь халдварт бус өвчний хүндрэлээс үүдэлтэй өвчин эмгэгтэй байна. Өнөөдрийн байдлаар цусны даралт өвчин, чихрийн шижин өвчний эрт илрүүлгийн түвшин 31,7 %-тай байгаа нь хангалтгүй юм.
Иймд халдварт бус өвчнийг эрт илрүүлэх, түүний хүндрэлээс сэргийлэх, иргэдийг эрүүл зан үйл, эрүүл мэндийн боловсролтой болгох нь дүүргийн эрүүл мэндийн тулгамдсан асуудал болоод байна. Мөн иргэдийнхээ эрүүл мэндийг сайжруулах, өвчлөл нас баралтыг бууруулах зорилгоор энэ ажлыг эхлүүлж байгаа бөгөөд 2015 оны 6 дугаар сар 12-ноос 11 сарын 12 хүртэл, 5 сарын хугацаанд зохион байгуулах юм. Энэ хүрээнд иргэдэд эрүүл зан үйл төлөвшүүлэх, эрүүл мэндийн боловсрол олгох сургалтуудыг хамт зохион байгуулна.
Нээлтийн арга хэмжээнд НЭМГ, СХДЗДТГ, СХДЭМТ, ӨЭТМ-үүд, хороодын засаг дарга нар болон ДЭМБ-ын Монгол дахь суурин төлөөллийн газар, СХД-ийн 32 хорооны иргэд нийт 300 гаруй хүн оролцлоо. Нээлтийн үеэр оролцогсдод халдварт бус өвчнөөс сэргийлэх талаар сургалт, сурталчилгаа явуулж, зөвлөгөө өгөн, хөдөлгөөний хомсдлоос сэргийлэх талаар үзүүлбэр үзүүллээ.
Үзлэг шинжилгээг бүх хороодын Өрхийн эрүүл мэндийн төвүүдээр хуваарийн дагуу хийх бөгөөд энэ өдөр СХД-ийн 15-р хорооны Мичид Асрал ӨЭМТ дээр эхлэж байгаа юм.

Сонгинохайрхан дүүргийн "Иргэдийн баяр"-т зориулсан Соёолон, Даага насны морьдын уралдаан энэ сарын 20-нд СХД-ийн 21 дүгээр хороо Хүй долоон худагт зохиогдох гэж байна.Иймд уяачид, хурдан морь сонирхогч иргэд та бүхнийг хурдан хүлгийнхээ шандасыг сойж наадамд маань өргөнөөр оролцохыг уриалж байна.
Уралдааны бүртгэл:2015.06.20-нд 07.00 цагаас Хүй 7 худагт
Жич:Уралдаанд зөвхөн Монгол адуу уралдана.
Утас:9910-2390, 9666-4455
ХУРДАН МОРЬНЫ УРАЛДААН ЗОХИОН БАЙГУУЛАХ КОМИСС

 С.УЯНГА Сонгинохайрхан дүүргийнхэн энэ сарын 20-нд  Хүй долоон худагт “Иргэдийн баяр” тэмдэглэхээр болжээ. Энэ талаар болон бүтээн байгуулалтын асуудлаар тус дүүргийн Засаг дарга М.Чинболдтой ярилцлаа.

 

 

Танай дүүргээс иргэд рүүгээ чиглэсэн сонин содон  бүтээлч ажлууд их сонсогддог. Энэ удаа “Иргэдийнбаяр” тэмдэглэхээр болсон гэсэн. Энэ талаар мэдээлэл өгөөч?

-Иргэдийн баяр хийе гэж өнгөрсөн жил шийдвэрлэж, төлөвлөсөн. Энэ жил зургадугаар сарын 20-нд хийхээр бэлтгэл ажлаа эхлүүлээд байна. Аймаг, сумд наадам хийдэг шиг 300 мянган хүн амтай дүүрэгт  иргэдийг баярлуулах ажил байх нь зөв гэж бодоод энэ ажлыг санаачилсан. Гэхдээ баяр гээд зөвхөн наадаж цэнгэх биш төрийн үйлчилгээг иргэдэдээ өргөн хүрээнд хүргэх зорилготой юм. Иргэд маань хаанаас ямар үйлчилгээ авахаа мэдэхгүй, асуудлаа шийдүүлэхийн тулд шууд Засаг даргатай уулзана гэх жишээтэй байдаг. Аль ч шатны төрийн алба, түүний албан хаагчид нь иргэдийнхээ асуудлыг шийдвэрлэхийн тулд  ажилладаг. Дүүргийн хэмжээний төрийн байгууллагууд чухам юу хийдэг, ямар үйлчилгээ үзүүлдэг талаараа иргэддээ дэлгэрэнгүй мэдээлэл хүргэнэ, өнгөрсөн жилүүдэд хийж хэрэгжүүлсэн ажлаа тайлагнана. Мөн иргэд наадах зуураа төрийн бүхий л үйлчилгээг тэндээс авна. Сонирхолтой хэлбэр байгаа биз.

-Наадам юм бол бөх, морь сур байна биз?

-Тэгэлгүй яахав. Монголчууд эртнээс уул, усаа тахиж, байгаль орчноо хайрлан хамгаалдаг сайхан уламжлалтай. Энэ уламжлалын дагуу дүүргээ овоглосон хайрхан уулаа тахина.  Бөхийн холбоотой ярьж байгаад залуу бөхчүүдийг барилдуулахаар болсон. Түрүүлсэн бөхөд нь сумын заан цол олгоно. Мөн хоёр насны морь уралдуулж, яруу найраг, урлаг соёлын арга хэмжээ зохионо. Дүүргийнхээ  сургууль, цэцэрлэгийн  авьяаслаг хүүхдүүдийг дэмжиж, баяр дээрээ урьж оролцуулж байгаа. Хамтын ажиллагаатай байдаг гадаадын хот, дүүргүүдийн төлөөлөгчид ч хүрэлцэн ирнэ. Энэхүү баяраар дүүргийнхээ бүх иргэдийг Хүй долоон худагт  очоосой гэж хүсч байна даа.

-Та нэг ярилцлагадаа “Манай дүүргийн төрийн албан хаагчдын хуваарилалт бол шог. Гэхдээ тэднээрээбахархдаг” гэж ярьсан байсан. Төрийн албан хаагчдынхаа нийгмийн асуудлыг хэрхэн шийдвэрлэж байнавэ?

 

- Төрийн албан хаагчдын нийгмийн асуудлыг шийдвэрлэх хөтөлбөр эхлүүлсэн. Дүүргийн төсвийн орлогын 5-6 хувийг Иргэдийн хурлаар батлуулаад, сан үүсгэнэ. Энэ мөнгөөрөө төрийн албан хаагчдад сургалтын төлбөр, байрны мөнгө, эмчилгээний зардал ч юмуу аль хэрэгцээтэй зүйлд нь дэмжлэг үзүүлэх юм. Энэ асуудлыг шийдэхгүй бол үнэхээр болохгүй. Учир нь газар нутаг том, 300 гаруй мянган хүн амтай дүүрэгт 6000 гаруй төрийн албан хаагч ажиллаж байна. 1000 хүнтэй суманд 30 гаруй хүн үйлчилж байхад манай 10000 гаруй хүнтэй долдугаар хороонд гэхэд долоон төрийн албан хаагч үйлчилж байна гэхээр хуваарилалт нь шог байгаа биз дээ. Тиймээс бүтэц хийхдээ заавал хүн амтай нь харьцуулах шаардлагатай болчихоод байгаа юм.

-Цаашид энэ янзаараа ажиллавал ажлын үзүүлэлт муудах эрсдэлтэй биш үү. Энэ асуудлын гарцыг юу гэжхарж байна вэ?

- Юуны өмнө Үндсэн хуульд 100-300 мянган хүн амтай дүүргүүд сумын статустай байхаар заасныг өөрчлөх хэрэгтэй.  Өнөөдөр Үндсэн хуульд өөрчлөлт оруулах талаар УИХ-аас Ажлын хэсэг байгуулагдан ажиллаж байгаа. Бид дүүргээсээ сонгогдсон УИХ-ын гишүүдэд тодорхой ойлголт, мэдээлэл өгч саналаа уламжилсан.  Хүн амын тоотой харьцуулж орон тоо , төсөв баталдаг байх ёстой юм.  Ажлын үзүүлэлтийн хувьд би төрийн албан хаагчдаараа бахархдаг. Энэ олон хүнд  цөөхүүлээ үйлчилдэг мөртлөө манай дүүргийн төрийн албан хаагчдын ажлын үзүүлэлтийг шалгасан ажлын хэсгийнхэн тогтмол  дээгүүр үнэлдэг. Гэхдээ сайн байна гээд цаашид энэ маягаараа явж болохгүй.

-Танай дүүрэгт баригдаж байгаа “Авто худалдааны цогцолбор”-ыг дэмжихгүй байгаа хүмүүс ч байна.Автомашины худалдааг үнэхээр хотын нэг захад бөөгнүүлэх хэрэг  байна уу?

-Энэ ажил  туйлын зөв. Одоо байгаа техникийн захууд бол орчин, хөрс  бохирдуулах, дуу чимээ,ил задгай хүнсний худалдаа  гээд шаардлагатай хангахгүй зүйл их байна. Мөн Улаанбаатар хотын замын түгжрэлийн  нэлээдгүй хувь нь техникийн захуудаас үүдэж байна. Авто худалдааны цогцолборын ажлын  явц их сайн байгаа. Дүүргийн зүгээс энэ ажилд чадах зүйлээрээ туслаад, хамтран  ажиллаж байна.

Засаг даргын албыг аваад багагүй ажил хийсэн байх. “Иргэдийн баяр”-аар тавих тайлангийн бүтээнбайгуулалтын ажлуудаасаа цухас дурьдвал?

-Бүтээн байгуулалт их өрнөж байна. 2012 оноос өнөөдрийг хүртэл хатуу хучилттай зам 50 гаруй км, 4000 метр урт гэрэлтүүлэг тавигдлаа. Хуучин арван жилд 50 км засмал зам тавигддаг байсан бол гурван жилийн дотор хийж чадлаа. Дүүргээ иж бүрнээр нь камержуулах ажил хийж байна. Манайх нийслэлийн төвийн зургаан дүүргээс улсаас татаас авдаг ганц дүүрэг. Татварын бааз суурь муутай. Томоохон аж ахуйн нэгжийн татварыг улсын төсөв,  арай доогуурхыг нь нийслэлийн төсөв авчихдаг. Тэгэхээр манайд орлогыг нь тодорхойлох боломжгүй, лангууны татвар ирдэг гэж хэлж болно. Ийм байхад татварын төлөвлөгөөний давалт байхгүй гэж бусад дүүргүүдтэй харьцуулаад байдаг. Намайг ажил авахад манай дүүрэг улсад 2.8 тэрбум төгрөг төвлөрүүлдэг байсан харин одоо бол 7.8 тэрбум төгрөгийн орлого  төвлөрүүлж байгаа. Бид өөрсдийгөө санхүүжүүлэх чиглэлээр ажиллаж байна. Мөн хүн амын орлогын албан татварыг дүүргүүдэд нь өгөх талаар хуульд өөрчлөлт оруулчихвал манай дүүрэг хөгжөөд л ирнэ. Энэ мэтээр шийдвэрлэх асуудал их байна.

Түүнчлэн хотыг хөгжүүлнэ гэдэг цэвэрхэн, цэгцтэй байлгах гэж боддог. Тиймээс хоггүй болох менежментийг амжилттай хийсэн. Урьд нь сэтгүүлчид хогтой газрын зураг авья гээд манай дүүрэг рүү ирдэг байсан. /инээв/ Өнгөрсөн жилээс эхлэн манай дүүрэг “Хотын соёл” төсөл хэрэгжүүлэн явж байна. Санаачлагын тугийг дүүргийн хэмжээнд аялуулж, ЕБС-иудын сурагчдад хотын соёлын талаар хичээл зааж, хэлэлцүүлэг явуулсан. Иргэдийн ухамсар руу чиглэсэн төрөл бүрийн ажил хийсний үр дүнд одоо хур, үүсмэл хогийн цэг байхгүй болсон. Дүүргийн тохижилтын ажил, Баянхошуу, Сонсголон, 22-ын товчоо гээд зам тавих ажлыг хийж чадсан. Мөн гэр хорооллын дахин төлөвлөлт, инженерийн шугам сүлжээний ажлууд урагштай сайхан явж байна. Ялангуяа гэр хорооллын дахин төлөвлөлтийн ажилд иргэд ам сайтай, халуунаар хүлээн авч байна. Ногоон байгууламж байгуулахад анхаарч байгаа. Худаг, хүүхдийн тоглоомын талбай, гэрэлтүүлгийн ажлуудыг хийгээд явж байна. Цаашид 1.5 тэрбум төгрөгөөр хорооллын дундах зам, бусад замууд тавигдана. Иргэдээс санал авсан болон бүтээн байгуулалтын нэлээд ажил хийнэ. Ер нь хийх юм маш их байна, мөнгө бага. Гэхдээ дүүргээ хөгжүүлэхийн тулд чадах бүхнээ хийнэ гээд л хамт олноороо шаргуу ажиллаж байна.

Сонгинохайрхан бол 300 мянган хүн амтай аймгаар тооцвол зургаан аймгийн нийлүүлсэн хэмжээнийдүүрэг. Энэ олон хүний амьдралын гол эх үүсвэр  жижиг, дунд үйлдвэрлэл байх. Тэднийг хэрхэн дэмжижбайна вэ?

-Жижиг дунд үйлдвэрлэлийг дэмжих мэдээлэл, судалгааны төвийг байгуулсан. Үйлдвэрлэгчдэд тулгардаг гол асуудал бол бүтээгдэхүүний борлуулалтын асуудал байдаг. Энэ асуудлыг тус төвөөр дамжуулан тодорхой түвшинд шийдэж байна. Бодлогоор дэмжихээс гадна бодит дэмжлэгүүдийг ч үзүүлдэг. Гадаадаас зочид төлөөлөгчид ирэхэд наад зах нь жижиг дунд үйлдвэрлэл эрхлэгчдээсээ дурсгалын зүйл аваад өгөх жишээтэй. Гадаад харилцааны тал дээр ч энэ талын асуудлыг тусгаж ажиллахыг хичээж байгаа. Саяхан хамтын ажиллагаатай Хайлаар хотын удирдлагуудыг айлчлахад нь жижиг дунд үйлдвэрлэгчдийнхээ бүтээгдэхүүнийг Хайлаар хотод борлуулах “Сонгинохайрханд үйлдвэрлэв” худалдааны цэг ажиллуулах талаар санал тавьсан. Энэ сардаа багтаад хариу өгөх байх.

Эх сурвалж: "Зууны мэдээ" сонин

СХД-ИЙН  ОНХС-ИЙН ХҮРЭЭНД ОЛОН НИЙТИЙН ОРОЛЦООТОЙ

 ХУДАЛДАН АВАХ АЖИЛЛАГААНД ОРОЛЦОХООР БҮРТГҮҮЛСЭН

                                       ИРГЭДИЙН БҮЛГИЙН ХУРААНГУЙ ЖАГСААЛТ        

2015.04.15

 

 

 

Д/д

Бүлгийн оноосон нэр

Бүлгийн гишүүдийн тоо

Хороо

 

  1.  

Хамтын хүч-1

4

24

 

  1.  

Цэмцгэр орчин

19

24

 

  1.  

Бүтээлч Сонгинохайрхан

6

7

 

  1.  

Бүтээлч хан

6

29

 

  1.  

Өсөн дэвжих

5

19

 

  1.  

Дардан зам

6

19

 

  1.  

Сонгинохайрхан

9

17

 

  1.  

Төгөл-Оюу-2

4

7

 

  1.  

Шунхлай хайрхан

9

10

 

  1.  

Төгөл-Оюу-1

3

7

 

  1.  

Орбит-Толгойтын хөгжлийн төлөө

6

2

 

  1.  

Нөхөрсөг

13

19

 

  1.  

Шинэ бүтээмж

3

14

 

  1.  

Өрнөх аян

6

22

 

  1.  

Дэвжих

3

20

 

16.

Нөхөрлөл

6

7

 

17

Хайрхан

3

25

 

18

Бүтээлч

6

5

 

19

Бүтээлч-19

8

19

 

20

Наран

6

19

 

21

ШЦХ

8

20

 

22

Арвин бүтээмж

3

15

 

23

Тэнүүн сайхан

3

7

 

24

Нутгийн хөгжил

6

18/2/

 

25

Хотын хөгжил

3

18

 

26

Оюу

8

7

 

27

Монгол эрс

8

11

 

28

Арвин хангай

12

23

 

29

Ундрах

6

22

 

30

Энхмөнх

6

32

 

31

Сайн үйлс

4

24

 

32

Баяндэвжих

5

24

 

33

Таван-Эрдэнэ

6

9

 

34

Болор

7

23

 

35

Учрал

5

6

 

36

Хамтын тэмүүлэл

7

10

 

37

Алтанбагана

5

3

 

38

Арвижих

4

23

 

39

Итгэл сэтгэл

5

6

 

40

Ирээдүй хөгжил

6

21

 

41

Оюуны ундраа

7

23

 

42

Хайрхан-25

8

25

 

43

Нарлаг

5

27

 

44

Төгс

3

15

 

45

Чанар

2

14

 

46

Хүч

2

14

 

47

Их өрнөл

5

27

 

48

Агь дун

4

30

 

49

Итгэл

4

27

 

50

Бархас

5

19

 

51

Эрхэс

4

19

 

52

МӨМА

4

5

 

53

Ялгуун

3

15

 

54

Хөгжлийн төлөө хамтдаа

8

21

 

55

Нэг санаа

4

18

 

56

Прогресс

8

7

 

57

Алтан

4

29

 

58

Гал-Ундарга

5

11

 

59

Чанар

5

3

 

60

Баянхошуу хөгжил

9

28

 

61

Бид чадна

8

23

 

62

Бид бүгдийг бүтээнэ

7

18

 

63

Угсаатан

5

22

 

64

Шинэ амьдрал

4

5

 

 

Өнөөдөр буюу 6-р сарын 4-ний өдөр Сонгинохайрхан дүүргийн Засаг дарга М.Чинболд  Япон улсаас Монгол улсад суугаа Онц бөгөөд Бүрэн эрхт Элчин сайд Такэнори Шимизүтэй  Япон улсын Засгийн газрын “Өвсний үндэс - Хүний аюулгүй байдлыг хангах буцалтгүй тусламжийн хөтөлбөрийн хүрээнд хэрэгжүүлэх “Сонгинохайрхан дүүргийн “Ирээдүй” цогцолбор сургуулийн их засварын төсөл”-ийн гэрээнд гарын үсэг зурлаа.

 

Энэхүү төсөл нь Япон улсын Засгийн газраас Монгол улсын боловсрол болон нийгмийн салбарт тулгамдаж буй олон асуудлыг бодит хэрэгцээнд нь тулгуурлан түргэн шуурхай шийдвэрлэх зорилготой “Өвсний үндэс” хөтөлбөрийн хүрээнд хэрэгжүүлж байгаа 8 төслийн нэг юм. Тус хөтөлбөрөөс өнгөрсөн хоёр жилийн хугацаанд Сонгинохайрхан дүүргийн 74, 65 дугаар сургуулиудын их засварын ажилд мөн төсөл хэрэгжүүлж 273 сая төгрөгийн хөрөнгө оруулалт хийсэн бөгөөд энэ удаагийн төсөл нь 130,5 сая төгрөгийн төсөвтэй юм.

Япон улсын Засгийн газар 1989 оноос эхлэн “Өвсний үндэс - Хүний аюулгүй байдлыг хангах хөтөлбөр”- ийг хэрэгжүүлж ирсэн. Хөгжиж буй орнуудын орон нутгийн засаг захиргааны байгууллага, боловсрол болон эрүүл мэндийн байгууллагуудаар дамжуулан, энгийн ард иргэдэд шууд үр ашгаа өгөх, тэдний хэрэгцээнд нь тулгуурласан төслүүдийг санхүүжүүлж ирсэн юм.

Сонгинохайрхан дүүрэгтэй харилцаа, хамтын ажиллагаатай БНХАУ-ын ӨМӨЗО-ы Хөлөнбуйр аймгийн Хайлаар дүүргийн төлөөлөгчид энэ сарын 01-03-ны өдрүүдэд ажлын айлчлал хийлээ. Зочид төлөөлөгчдийг дүүргийн ИТХ-ын дарга Х.Нямбаатар, Засаг дарга М.Чинболд,  ЗДТГ-ын Захиргаа хуулийн хэлтсийн дарга А.Пүрэвсүрэн, ЖДҮДТ-ийн захирал Г.Билгүүн  нарын удирдлагууд хүлээн авч уулзсан юм.

 

 Энэ удаагийн айлчлалаар хоёр тал 2015 оны 2 дахь хагаст хамтран ажиллах төлөвлөгөөг хэлэлцсэн. Мөн 6 дугаар сарын 26-наас 30-ны өдрүүдэд Хайлаарт болох Хятад, Монгол, Орос 3 улсын Эдийн засгийн форум, Үзэсгэлэн яармаг худалдаанд Сонгинохайрхан дүүргийг оролцохыг урьж энэхүү арга хэмжээнд хэрхэн хамтран ажиллах талаар дэлгэрэнгүй ярилцлаа. Жил бүр уламжлал болон зохион байгуулагддаг Хайлаарын гурван улсын Эдийн засгийн форум, Үзэсгэлэн яармаг худалдаа энэ жил 11 дэхь удаа болох бөгөөд хоёр тал үүнд өндөр ач холбогдол өгч, зохион байгуулж оролцохоор шийдвэрлэлээ.

Мөнхүү уулзалтын үеэр Сонгинохайрхан дүүргийн зүгээс Хайлаар хотод жилийн дөрвөн улирлын турш ажиллах “Сонгинохайрханд үйлдвэрлэв” бүтээгдэхүүн борлуулах цэг  гаргах талаар санал тавьсан. Энэхүү цэгт тус дүүргийн жижиг дунд үйлдвэрлэгчид бүтээгдэхүүнээ БНХАУ-ын хууль журмын дагуу борлуулах юм. Хайлаар хотод Монголын гар урлалын болон жижиг дунд үйлдвэрлэгчдийн бүтээгдэхүүн эрэлт ихтэй байдаг. “Сонгинохайрханд үйлдвэрлэв” бүтээгдэхүүн борлуулах цэг ажилласанаар дүүргийн жижиг дунд үйлдвэрлэгчдэд бүтээгдэхүүнээ олон улсын зах зээл гаргах боломж нээгдэж байгаа юм.

Мөн хоёр тал хамтын ажиллагаагаа өргөжүүлэн тэлэх талаар тохиролцлоо. Сонгинохайрхан дүүргийн ногоон байгууламжийг нэмэгдүүлэх, хүнсний ногоо тариалах зэрэгт Хайлаарын туршлагын хэрэгжүүлэх асуудлыг зөвшилцлөө.