Жил бүрийн 3 дугаар сарын 15-ны өдөр дэлхий нийтээр “Хэрэглэгчийн эрхийн өдөр” болгон тэмдэглэдэг. Олон улсын Хэрэглэгчдийн эрх ашгийг хамгаалах байгууллага CI-аас энэ жилийн хэрэглэгчийн эрхийн өдрийг  “Утсан харилцаагаар шударга үйлчлүүлэх бидний эрхийг хангая” уриатайгаар тэмдэглэхээр шийдвэрлэжээ. Үүний дагуу Сонгинохайрхан дүүргийн Засаг даргын дэргэдэх  Хэрэглэгчдийн эрх ашгийг хамгаалах нийгэмлэгээс тус дүүргийн нутаг дэвсгэрт үйл ажиллагаа явуулж байгаа үүрэн холбооны үйлчилгээ эрхлэгч байгууллагуудад хандаж уриалга гарган хэрэглэгчдэд чиглэсэн зарим арга хэмжээ зохион байгууллахыг санал болголоо.

Тухайлбал:

1. Хэрэглэгчдэд ойлгомжтой,бүрэн шударга гэрээг эх хэлээр нь байгуулах
2. Хэрэглэгчийн төлсөн төлбөрт нийцсэн, чанартай үйлчилгээг үзүүлэх
3. Үүрэн холбооны үйлчилгээ авсан тухай үнэн зөв, ил тод мэдээлэлд суурилсан төлбөр тооцоог хийж байх
4. Хэрэглэгчийн гар утасны мэдээллийн нууцыг чанд сахих, түүнийг хэрхэн хангаж байгааг хэрэглэгч хянах боломжоор хангах
5. Хэрэглэгчээс тавьсан санал гомдлыг бүрэн сонсож, барагдуулж байх

 зэрэг саналуудыг үндэсний үүрэн холбооны үйлчилгээ эрхлэгч Мобиком, Юнител, Жи-Мобайл, Скайтел  компаниудын салбаруудад илгээжээ.

Өнгөрсөн сарын 22-ны өдөр Сонгинохайрхан дүүргийн нутаг дэвсгэрт архинд хордон 4 хүн нас барсан хэрэг гарсан. Үүнтэй холбогдуулан тус дүүргийн Засаг дарга М.Чинболдын захирамж гарч дүүргийн хэмжээний бүх үйлчилгээний байгууллагуудыг шалгах ажлын  хэсэг өнгөрсөн долоо хоноогоос эхлэн ажиллаж байгаа юм. Засаг даргын Тамгын газрын Худалдаа, үйлчилгээний хэлтэс, Мэргэжлийн хяналтын хэлтэс, Цагдаагийн хэлтсүүдийн хамтарсан 3  ажлын хэсэг дүүргийн хэмжээнд үйл ажиллагаа явуулж байгаа  дэлгүүр, ресторан баар, зочид буудал, эмийн сан, РС тоглоомын газрууд зэрэг бүх үйлчилгээний байгууллагыг шалгана.

Одоогийн байдлаар цөөнгүй байгууллага дээр үйл ажиллагааны зөрчил илрээд байна. Тухайлбал 32-р хорооны нутаг дэвсгэр буюу 22-ын товчооны орчимд үйл ажиллагаа явуулж байгаа 5 хүнсний дэлгүүрээс их хэмжээний чихэр, набор, импортын шар айраг зэрэг 12 нэр төрлийн хугацаа нь хэтэрсэн бүтээгдэхүүн худалдаалж байсан зөрчил илэрчээ. Шалгалтын хэсэг тухайн бараа бүтээгдэхүүнүүдийг лацдан битүүмжилсэн бөгөөд тусгай комисс гаргаж устгалд оруулна.

Холбогдох хууль тогтоомжууд, дүрэм журам, стандартын хэрэгжилтийг шалгаж, илэрсэн зөрчил дутагдлыг арилгуулан, мэргэжил арга зүйн зөвлөгөө өгөх зорилго бүхий энэхүү шалгалт энэ долоо хоногийг дуустал үргэлжилнэ.

Улаанбаатар хотын техникийн захуудыг нэгтгэн СХД-ийн 32 дугаар хороо хуучнаар 22-ын товчооноос 1,7 зайд 130 га газарт Авто худалдааны нэгдсэн цогцолбор барихаар хэсэгчилсэн ерөнхий төлөвлөгөөг НИТХ-ын Тэргүүлэгчдийн 2014 оны 19 дүгээр тогтоолоор баталсан юм.
Мөн НИТХ-ын Тэргүүлэгчдийн 2014 оны 18 дугаар тогтоолоор “Авто худалдааны цогцолбор” орон нутгийн         өмчит, аж ахуйн тооцоот үйлдвэрийн             газар байгуулж, дүрмийг баталсан.  Батлагдсан дүрмээр тус газрыг өөрийгөө санхүүжүүлэх зарчмаар ажиллаж бие даан иргэний гүйлгээнд ордог аж ахуйн тооцоот үйлдвэрийн газар мөн гэж тодорхойлсон байна. Үйлдвэрийн газрын үндсэн зорилт нь Сонгинохайрхан дүүргийн 32 дугаар хороонд баригдах авто худалдааны төвийн бүтээн байгуулалтын ажил болон цаашдын үйл ажиллагааг удирдан зохион байгуулахад оршино гэж заасан байна.

Үйлдвэрийн газрын үйл ажиллагааны үндсэн чиглэл нь, огцолборын бүтээн байгуулалт, авто зам, инженерын шугам сүлжээ зэрэг дэд бүтцийг бий болгох, нийтийн эзэмшлийн зам талбай, ногоон байгууламж тохижилтын ажлуудад  батлагдсан зураг төсөл, техникийн нөхцөл, барилга угсралтын ажлын норм, нормативын дагуу хяналт тавих, газар эзэмших эрхийн дуудлага худалдаа, түрээс, газар эзэмшлийн эрх олгох зэрэг ажлыг хамтран зохион байгуулж санхүүгийн эх үүсвэрийг бий болгох, ашиглалт, засвар үйлчилгээ, харуул хамгаалалттыг хариуцах бөгөөд тус цогцолборт зохион байгуулах дотоодын болон олон улсын үзэсгэлэн, яармаг худалдаа зэрэг арга хэмжээнүүдийг мэргэжлийн түвшинд зохион байгуулах юм.
 
Тус үйлдвэрийн газар нь автомашины болон сэлбэг, хэрэгслийн худалдаа,  Автотээврийн хэрэгслийн улсын бүртгэл, автотээврийн хэрэгслэлийн техникийн хяналтын үзлэгийн төв /оношлогоо/, тээврийн хэрэгслийн улсын дугаар үйлдвэрлэл, автомашины засвар, үйлчилгээ, автотээврийн хэрэгслийн мэргэшсэн жолооч мэргэжилтэн бэлтгэх сургалт, дамжаа, тээврийн хэрэгслийн жолоодлогын аюулгүй байдлын төв, банк санхүүгийн болон татвар, даатгалын байгууллагын үйл ажиллагаа гэх мэт байгууллагын үйл ажиллагааг дэмжин хамтарч ажиллах дүрэмтэй.  Авто худалдааны цогцолбор барих зарим арга хэмжээний тухай НИТХ-ын ээлжит 15 дугаар хуралдаанаар хэлэлцэн дэмжсэн бөгөөд үйл ажиллагааг илүү нарийвчлах журам гаргахаар шийдвэрлэсэн. Энэхүү журмыг эцэслэн НИТХ-ын Тэргүүлэгчдийн энэ сард болох хуралдаанаар хэлэлцэх юм гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн Иргэдийн Төлөөлөгчдийн Хурлын Тэргүүлэгчдийн 2014 оны 07 дугаар тогтоолын Нийслэлийн худалдаа үйлчилгээний нийтлэг журам, 61, 63 дугаар тогтоолын Хот тохижилтын талаар иргэн аж ахуйн нэгж байгууллагын дагаж мөрдөх журам, СХД-ийн “Архигүй баасан гараг” дэд хөтөлбөрийг сурталчилах  ажлын хүрээнд дүүргийн Засаг даргын Тамгын газар, Гэмт хэргээс урьдчилан сэргийлэх ажлыг зохицуулах зөвлөлтэй хамтран “Хөгжилд хамтдаа” сэдэвт сургалтыг 2014.02.28-ны өдөр Драгон төвийн их танхимд худалдаа үйлчилгээний 300 орчим аж ахуйн нэгж байгууллагыг хамруулан зохион байгууллаа.

Сургалтанд дүүргийн ИТХ-ын дарга Х.Нямбаатар, Засаг даргын Дэд бүтэц, нийтийн аж ахуйн асуудал хариуцсан орлогч Ц.Төрхүү болон Цагдаагийн 1, 2, 3 дугаар хэлтэс, Онцгой байдлын хэлтэс, Худалдаа үйлчилгээний хэлтсийн удирдлагууд оролцон мэдээлэл хийж, санал бодлоо солилцсон юм.
Сургалтын үеэр аж ахуйн нэгж байгууллагуудад хууль эрх зүйн эмхэтгэл ном тарааж, санал асуулгын хуудсаар санал хүсэлтийг авлаа.  

  Хүн амын мэдээллийн сангийн бүрдэлт

Хороодын зохион байгуулагч,нийгмийн ажилтнууд Өргөдөл гомдлын тайлан бичих загварыг эндээс татаж авна уу.

Өргөдөл гомдлын 1 дүгээр улиралын тайлангаа энэхүү загварын дагуу хийж 2014.03.20 ний дотор Хэвлэл мэдээлэл, Олон нийттэй харилцах албанд яаралтай илгээнэ үү.

Өргөдөл гомдлын тайлан бичих загварыг  эндээс татаж авна уу.

  Хүн амын мэдээллийн сангийн бүрдэлт

УИХ-ын гишүүн, Шадар сайд Д.Тэрбишдагва, УИХ-ын гишүүн Л.Эрдэнэчимэг, Д.Сумъяабазар нарын Сонгинохайрхан дүүргийн иргэд сонгогчидтой хийх уулзалтын хуваарь

МОНГОЛ УЛСЫН ИХ ХУРЛЫН ГИШҮҮН, ШАДАР САЙД  Д.ТЭРБИШДАГВА,  УЛСЫН ИХ ХУРЛЫН ГИШҮҮН  Л.ЭРДЭНЭЧИМЭГ, Д.СУМЪЯАБАЗАР НАРЫН   СОНГИНОХАЙРХАН  ДҮҮРГИЙН  ИРГЭД СОНГОГЧИДТОЙ   ХИЙХ   УУЛЗАЛТЫН  ХУВААРЬ
/2014.03.10-15-ны өдрүүдэд/   

Сонгинохайрхан дүүргээс УИХ-ын  гишүүнээр  сонгогдсон Шадар сайд Д.Тэрбишдагва тус дүүргийн төрийн болон хувийн хэвшлийн байгууллагуудын ажилтан албан хаагчидтай уулзалт хийж байна.

Тэрээр өнөөдөр тус дүүргийн Иргэдийн Төлөөлөгчдийн хурлын Ажлын алба болон Засаг даргын Тамгын газрын албан хаагчид, дэргэдэх хэлтэс албадын улирдлагуудтай уулзлаа.

Дүүргийн ЗДТГ-ын байран дахь “Иргэний танхим”-д болсон энэхүү уулзалтад эрхэм гишүүн Шадар сайдын хувиар 2014 онд Засгийн газраас барьж байгаа бодлого чиглэл, хэрэгжүүлж байгаа төсөл хөтөлбөрүүдийн талаар дэлгэрэнгүй мэдээллэж, ажилтан албан хаагчдын санал хүсэлтийг сонсон ярилцлаа. Тэрээр өнөөдрийн үдээс хойш “Цахилгаан тээвэр” ХК-ийн ажилчидтай, маргааш Сонгинохайрхан дүүргийн 32 хорооны Засаг дарга, албан хаагчидтай уулзалт хийнэ.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Сургалт зохион байгуулах тухай” А/136 дугаар захирамж гаргалаа. Захирамжийн дагуу нийслэлийн Засаг даргын Тамгын газраас нийслэлийн нутгийн захиргааны байгууллагуудын албан хаагчдад зориулан “Ухаалаг төр- нутгийн захиргаа”  сэдэвт сургалтыг 2014 оны 1 дүгээр улиралд багтаан зохион байгуулахаар боллоо.

Монгол улсын Ерөнхийлөгчөөс санаачилсан “Том төрөөс Ухаалаг төр лүү” санаачлагыг хэрэгжүүлж, зохион байгуулахад нийслэлийн нутгийн захиргааны байгууллагуудын эрх зүйн мэргэжилтнүүдийн болон төрийн албан хаагчдын хууль эрх зүйн боловсролыг дээшлүүлэх, тэднийг мэргэшүүлэх, албан хэрэг хөтлөлтийн мэдлэг, ур чадвар, давтан сургалтыг тогтмол зохион байгуулахаар төлөвлөж байгаа юм. Үүний хүрээнд “Ухаалаг төр- нутгийн захиргаа” сургалтыг явуулж, шаардлагатай мэдлэг, мэдээллийг албан хаагчдад өгөхийг зорьжээ.Нийслэлийн Засаг дарга сургалтад шаардагдах хөрөнгийг нийслэлийн Засаг даргын Тамгын газрын холбогдох зардлаас гаргахыг үүрэг болгосон байна гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.