Жил бүр уламжлал болгон явагддаг ерөнхий боловсролын сургуулийн Уран хөдөлгөөнт гимнастикийн дүүргийн аварга шалгаруулах тэмцээн бага, дунд насны ангилалаар 2013 оны 03 дугаар сарын 29-нд Ирээдүй цогцолбор 1-р бага сургуулийн зааланд боллоо.

 

Тэмцээнд 13 сургуулийн 465 тамирчин оролцсоноос бага насны ангилалд 1-р байрт Т.Цэрэн дасгалжуулагчтай Ирээдүй цогцолбор I баг,  2-р байрт Б.Энхтуяа дасгалжуулагчтай Ирээдүй цогцолбор II баг, 3-р байрт Р.Алтанхуяг дасгалжуулагчтай 106-р сургууль орсон бол багийн нэгдсэн дүнгээр тэргүүн байранд Т.Цэрэн дасгалжуулагчтай Ирээдүй цогцолбор сургууль, дэд байранд Р.Алтанхуяг дасгалжуулагчтай 106-р сургууль, гуравдугаар байранд Д.Отгонцагаан дасгалжуулагчтай 12-р сургуулийн баг тамирчид эзлэн амжилт гаргажээ. Дунд насны ангилалд Б.Дуламсүрэн дасгалжуулагчтай Ирээдүй цогцолбор 1-р дунд сургуулийн тамирчид нэгдүгээр байр, Ц.Ганбаатар дасгалжуулагчтай Ирээдүй цогцолбор 2-р дунд сургуулийн тамирчид хоёрдугаар байр, Д.Отгонцагаан дасгалжуулагчтай 12-р сургууль гуравдугаар байрт орж багийн дүнгээр тэргүүн байранд Б.Дуламсүрэн дасгалжуулагчтай Ирээдүй цогцолбор сургуулийн баг, дэд байранд Д.Отгонцагаан дасгалжуулагчтай 12-р сургууль, гуравдугаар байранд Б.Хулан дасгалжуулагчтай 9-р сургууль шалгаран алт, мөнгө, хүрэл медалийн эздээр тодорч Нийслэлийн шигшээ тэмцээнд оролцох эрхээр шагнуулжээ.

 

Сонгинохайрхан дүүргийн 2013 оны Аэробикийн аварга шалгаруулах тэмцээн 3 дугаар сарын 29-нд Ирээдүй цогцолбор сургуулийн спорт зааланд боллоо. Багийн болон гурвалсан төрлөөр өрсөлдсөн тус тэмцээнд 12 сургуулийн 108 тамирчид оролцсон байна.

 

Багийн төрлөөр 1-р байранд Ц.Ганбаатар дасгалжуулагчтай Ирээдүй цогцолбор сургуулийн II баг, 2-р байранд Б.Дуламсүрэн дасгалжуулагчтай Ирээдүй цогцолбор сургуулийн I баг, 3-р байранд Д.Санжмятав дасгалжуулагчтай 106-р сургуулийн баг тус тус эзэлсэн бол багийн нэгдсэн дүнгээр тэргүүн байранд Ц.Ганбаатар дасгалжуулагчтай Ирээдүй цогцолбор сургуулийн баг, дэд байранд Д.Санжмятав дасгалжуулагчтай 106-р сургууль, гуравдугаар байранд Б.Бадамханд дасгалжуулагчтай 65-р сургуулийн баг орлоо. Гурвалсан төрлөөр нэгдүгээрт Т.Цэрэн дасгалжуулагчтай Ирээдүй цогцолбор 80-р сургууль, хоёрдугаарт Б.Бадамханд дасгалжуулагчтай 65-р сургууль, гуравдугаарт Ирээдүй цогцолбор I баг эзэлсэн байна. Багийн дүнгээр Т.Цэрэн дасгалжуулагчтай Ирээдүй цогцолбор тэргүүн байр, Б.Бадамханд дасгалжуулагчтай 65-р сургууль дэд байр, Д.Санжмятав дасгалжуулагчтай 106-р сургууль гуравдугаар байранд тус тус шалгарч медаль, цом, мөнгөн шагналаар шагнагдаж, Нийслэлийн шигшээ тэмцээнд оролцох эрхтэй болжээ. 

НИЙСЛЭЛИЙН ЗАСАГ ДАРГЫН 2013 ОНЫ 03 ДУГААР САРЫН 28-НЫ ӨДРИЙН А/335 ТООТ ЗАХИРАМЖЫН ДАГУУ ГАЗАР ӨМЧЛӨЛИЙН АЖЛЫГ ЭРЧИМЖҮҮЛЭХ ЗОРИЛГООР "ГЭР ХОРООЛОЛЫН ХАШААНЫ ГАЗРЫН ӨМЧЛӨЛ

 

БА ЭРХИЙН БҮРТГЭЛИЙН АЖИЛ" - ЫГ ЗОХИОН БАЙГУУЛЖ БАЙГАА ТУЛ 2013.04.02, 2013.04.04 ӨДРҮҮДЭД ИРГЭД ХҮЛЭЭН АВАХГҮЙ БОЛОХЫГ МЭДЭГДЬЕ. 

СОНГИНОХАЙРХАН ДҮҮРГИЙН ӨМЧ, ГАЗРЫН ХАРИЛЦААНЫ АЛБА

 

Нийслэлийн ЗДТГ-аас жил бүр уламжлал болгон зохион байгуулдаг “Авто машингүй өдөр” арга хэмжээ  3 сарын 31-ний өдөр буюу өнгөрсөн ням гаригт  боллоо.” Авто машингүйгээр цэвэр агаарт хамтдаа” уриан доор зохиогдсон тус арга хэмжээнд Сонгинохайрхан дүүргийн Засаг даргын тамгын газар зохион байгуулалт сайтай, идэвхитэй оролцсон юм.

 

Тус арга хэмжээний үеэр 10:00-17:00 цагийн хооронд Баруун 4 замаас Зүүн 4 замын уулзвар, Бага тойруугийн Хувьсгалчдын өргөн чөлөө-Залуучуудын өргөн чөлөө, Сөүлийн гудамжны автозамын хөдөлгөөнийг хязгаарлан нийслэлийн 6 дүүрэг хуваарилагдсан байршилд өөрсдийн үйл ажиллагаагаа явуулсан.

 Сонгинохайрхан дүүргийн хувьд Номин их дэлгүүрийн өмнөх талбайд тус өдөрлөгт зориулсан үйл ажиллагаа явуулсан. “Anymone”, амьд хөгжмийн “Stay” хамтлагууд, “Дижитал” хамтлагийн дуучин Эрка нар ая дууны мэнд дэвшүүлж, дүүргийн Эрүүл мэндийн нэгдлийн хамт олноос амьсгалын дасгал, эмнэлгийн анхны болон амилуулах суурь тусламж үзүүлэх сургалт зэрэг олон арга хэмжээ зохион байгууллаа. Хэдийгээр цастай байсан ч Сонгинохайрхан дүүргийн нутаг дэвсгэрт үйл ажиллагаагаа явуулдаг унадаг дугуйн монгол брэнд “Атилла” компанийнхан дугуйн үзүүлэх тоглолт явуулж, 1000 дугуйн парадад Сонгинохайрханчуудыг дугуйгаар ханган оролцуулсан юм.

Цастай, цэвэр агаар сэнгэнэсэн нэгэн өдрийг нийслэлчүүд автомашингүйгээр гэр бүлээрээ амарч зугаалан сайхан өнгөрөөлөө.

Хэвлэл мэдээлэл, олон нийттэй харилцах алба

 

Өнгөрсөн сарын 29-ний өдөр Сонгинохайрхан дүүргийн нийт нутаг дэвсгэрт их цэвэрлэгээ өрнөлөө. Дүүргийн хэмжээнд 5484 хүн 131900 м2 талбайг цэвэрлэж  478,1 тн хог хаягдлыг Улаанчулуутын хогийн цэгт хаясан байна.

 

Их цэвэрлэгээний ажилд Дотоодын цэргийн 05, аврах тусгай анги, 151-р цэргийн анги, "Их мандал", "Өнөр 324", "Гэрэлт цом", "Гэгээ 6" СӨХ, "Сүү" ХК,  12, 65 дугаар сургууль, Ирээдүй цогцолбор сургууль идэвхтэй сайн оролцож, 115 газар үүсээд байсан хогийн цэгийн 29-ийг бүрэн цэвэрлэж дуусгасан байна. Мөн "Барилгачин", "Залуус", "Энх тайваны өргөн чөлөө", "Үйлдвэрчний эвлэлийн гудамж"-ийг бүрэн цэвэрлэж дуусчээ. 

 

Сонгинохайрхан дүүргийн эмч нар Олон улсын эмч нарын баярыг 22 дахь жилдээ тэмдэглэн өнгөрүүлэв. Баярын арга хэмжээнд дүүргийн Засаг дарга М.Чинболд, Иргэдийн Төлөөлөгчдийн Хурлын даргын зөвлөх П.Алтантөгс, ажлын албаны дарга М.Зундуйдаваа,

 

Засаг даргын Тамгын газрын дарга С.Мөнхчулуун, Нийгмийн хөгжлийн хэлтсийн дарга Б.Оюунбилэг, Эрүүл мэндийн нэгдлийн дарга А.Эрдэнэтуяа нар оролцож хуран цугласан эмч нарт баяр хүргэсэн байна.

Энэ жилийн эмч нарын баярыг салбартаа тэргүүлж байгаа эмч мэргэжилтнүүдийн ур чадвар, идэвх санаачилгыг өрнүүлэх арга хэмжээ болгон тэмдэглэснээрээ онцлогтой. Энэ хүрээнд эрүүлийг хамгаалах үйлсэд үр бүтээлтэй ажиллаж байгаа 10 эмчид дүүргийн Иргэдийн Төлөөлөгчдийн Хурал, Засаг даргын тамгын газрын өргөмжлөл, мөнгөн шагналаар шагнажээ.

Мөн Жаргалант тосгоны Соёлын төвийн уран бүтээлчид ая дуугаа өргөж, “Аравт” Монголын уран сайхны киног эмч нарт үзүүлсэн байна.

Хэвлэл мэдээлэл, олон нийттэй харилцах алба

СХД-ИЙН НУТГИЙН ЗАХИРГААНЫ БАЙГУУЛЛАГУУДЫН УДИРДАХ АЖИЛТНУУДЫН 2013 ОНЫ 3 ДУГААР САРЫН 26-НЫ ӨДРИЙН ШУУРХАЙ ЗӨВЛӨГӨӨН ВЭБ САЙТААР ЯВАГДАЖ БАЙГАА ТУЛ ХЭЛТЭС, АЛБАДЫН УДИРДЛАГУУД ӨӨРИЙН БАЙГУУЛЛАГАТАЙ ХОЛБОГДОЛТОЙ ЗААЛТУУДАА АВЧ АРГА ХЭМЖЭЭ ЗОХИОН БАЙГУУЛАН АЖИЛЛАЖ БИЕЛЭЛТИЙГ 4 ДҮГЭЭР САРЫН 5-10-НЫ ДОТОР Энэ и-мэйл хаягийг спамботоос хамгаалсан. Та үзэхийн тулд JavaScript идэвхжүүлэх хэрэгтэй. ХАЯГААР ЯВУУЛАХЫГ МЭДЭГДЬЕ. 

ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ АЛБА 

УИХ-ын гишүүн, Монгол улсын шадар сайд Д.Тэрбишдагва болон Сонгинохайрхан дүүргийн удирдлагууд энэ сарын 25-31-ний өдрүүдэд дүүргийнхээ иргэдтэй уулзаж санал хүсэлтийг сонсох юм. 

 

 

Энэ ажлын хүрээнд өчигдөр буюу 3 дугаар сарын 25-ны өдөр тус дүүргийн 1, 2, 3, 4, 26 дугаар хорооны иргэдтэй уулзлаа. Уулзалтад тус дүүргийн Засаг дарга М.Чинболд, Хот байгуулалт, тохижилтын асуудал хариуцсан орлогч Б.Батдорж, Дэд бүтэц, нийтийн аж ахуйн асуудал хариуцсан орлогч Ц.Төрхүү, УИХ-ын гишүүн Л.Эрдэнэчимэгийн бие төлөөлөгч, туслах Б.Отгон, Нийслэлийн ИТХ-ын төлөөлөгч Д.Авирмэд нар болон дүүргийн хэлтэс, албадын дарга нарын өргөн бүрэлдэхүүн хороодын иргэдтэй уулзсан. Уулзалтын эхэнд шадар сайд Д.Тэрбишдагва УИХ-ын намрын чуулганы хугацаанд хийж гүйцэтгэсэн ажлаа иргэдэд тайлагнаж, дүүргийн Засаг дарга М.Чинболд тухайн хороодод энэ жил хийж гүйцэтгэх бүтээн байгуулалтын ажлуудыг танилцуулсан. Тухайлбал, цэцэрлэггүй хороодод хүүхдийн цэцэрлэг, хүүхдийн тоглоомын талбай, гэрэлтүүлэг, ахмадын чийрэгжүүлэлтийн танхим, зарим газарт зам тавих зэргийг энэ онд хийж гүйцэтгэнэ. Иргэд нэн тэргүүнд сургууль, цэцэрлэг, худагтай болгож өгөхийг хүсч, ажлын байр бий болгох, архидалтын эсрэг дорвитой арга хэмжээ авах бодлого барьж ажиллахыг энэ үеэр хэлэв. Тамхины хяналтын тухай хууль үнэхээр сайн хууль болж, тамхи татдаг хүн цөөрсөн шиг архины эсрэг томоохон хууль хэрэгтэй байгааг мөн энэ үеэр хэлж байсан. Иргэдээс ирсэн саналууд дунд газар өмчлөл, халамжийн үйлчилгээ, нийгмийн даатгал, хур хогтой холбоотой санал, гомдол олон байсныг тухай бүрт нь холбогдох албан тушаалтнуудад шийдвэрлэх үүрэг даалгавар өгч явсан нь энэхүү уулзалтын үр дүн байлаа.

Эдгээр хорооны хур хогийг бүтэн бригад гарган энэ долоо хоногт цэвэрлэж дуусгана гэж Хот байгуулалт, тохижилтын асуудал хариуцсан Засаг даргын орлогч Б.Батдорж хэлснийг иргэд ихэд баяртайгаар хүлээн авсан юм. 

 

Сонгинохайрхан дүүргийн ЗДТГ, Гэмт хэргээс урьдчилан сэргийлэх зөвлөл хамтран төр захиргаа, хууль хяналтын байгууллагын хоорондын ажлын уялдаа холбоо, хамтын ажиллагааг идэвхжүүлэх, гэмт хэрэгтэй тэмцэх, урьдчилан сэргийлэх, хүний эрхийг хангах үндэсний хөтөлбөрийн биелэлтийн үр дүнг хэлэлцэн, цаашид авах арга хэмжээг хамтран төлөвлөх зорилготой

 

 “Гэмт хэргээс урьдчилан сэргийлэх, хүний эрхийг хангах ажилд төр захиргаа, хууль хяналтын байгууллагуудын оролцоо” сэдэвт зөвлөгөөнийг  2013 оны 03 дугаар сарын 22-ны өдөр олон улсын “Найрамдал” төвд зохион байгууллаа.

Зөвлөлгөөнд урилгаар Нийслэлийн Цагдаагийн газрын дэд дарга цагдаагийн д/х Ч.Болдбаатар, Нийслэлийн Засаг даргын тамгын газрын Хууль, эрх зүйн хэлтсийн дарга С.Отгонгэрэл, мэргэжилтэн Ц.Ижилмөрөн, Авилгатай тэмцэх газрын Урьдчилан сэргийлэх, соён гэгээрүүлэх хэлтсийн ажилтан, комиссар А.Дэлгэрбаяр нар оролцлоо.

Зөвлөлгөөнийг нээж дүүргийн ИТХ-ын дарга Х.Нямбаатар үг хэлсэн. Хэлсэн үгэндээ гэмт хэрэгтэй тэмцэх, нийгмийн хэв журмыг сахин хамгаалах, урьдчилан сэргийлэх ажилд иргэд, олон нийтийг татан оролцуулах замаар гэмт хэргээс урьдчилан сэргийлэх ажлыг илүү үр дүнтэй, шинэ шатанд гаргах нөхцлийг бүрдүүлэх, төр захиргаа, хууль хяналтын байгууллага, иргэд аж ахуйн нэгжүүдийн хоорондын ажлын уялдаа холбоо, хамтын ажиллагааг идэвхижүүлэн, гэмт хэрэгтэй тэмцэх, урьдчилан сэргийлэх ажлын хөтөлбөр төлөвлөгөөний биелэлт, үр дүнг хэлэлцэн, цаашид авах арга хэмжээг хамтран төлөвлөх, энэ чиглэлээр хэрэгжүүлэх ажлаа тодорхой ярилцаж, шинэлэг санал санаачлага дэвшүүлэхийг хүслээ.

 

Мөн дүүргийн Засаг дарга М.Чинболд зөвлөлгөөнд оролцогчдод амжилт хүсч үг хэллээ.  Хүний эрх, эрх чөлөөг хангах, хамгаалах үүрэг бүхий төрийн албан хаагчид нь ямар ажил мэргэжилтэй байхаас үл хамааран өөрийн үйл ажиллагаа, чиг үүргийн хүрээнд хүний эрхийн ажилтан, хамгаалагч байхыг шаарддаг, үүний тулд төрийн албан хаагчид, тэр дундаа төлбөрийн чадваргүй иргэдтэй ажилладаг албан хаагчдад хүний эрхэд суурилсан хандлага, арга зүйд суралцах хэрэгцээ, шаардлага нэлээдгүй тулгарч байгаа талаар онцлон тэмдэглээд, зөвлөлгөөн нь дүүргийн нутаг дэвсгэрт үйлдэгдэж байгаа гэмт хэргийн шалтгаан нөхцөл, нөлөөлөх хүчин зүйлүүд, тэдгээрийг арилгах арга зам, оногдуулж байгаа ялын байдлыг судалж, цаашид төрийн болон хуулийн байгууллагуудаас авах арга хэмжээг тодорхойлох, урьдчилан сэргийлэх ажлын хүрээнд иргэд олон нийтийн үүрэг оролцоог нэмэгдүүлж, техникийн болон зохион байгуулалтын шинжтэй шинэлэг арга хэрэгслүүдийг нэвтрүүлэх боломж нөхцлийг нээж, цаг үеэ олсон, онол практикийн өргөн ач холбогдолтой чухал арга хэмжээ гэж дүгнэж хурлаас гарах шийдвэрүүдийг хэрэгжүүлж бодит үр дүнд хүрч ажиллахыг үүрэг болголоо.

 

            Зөвлөлгөөнд  дүүргийн прокурор Т.Баярсайхан “Эдийн засгийн гэмт хэргийн шалтгаан нөхцөл”, Авлигатай тэмцэх газрын Урьдчилан сэргийлэх, соён гэгээрүүлэх хэлтсийн ажилтан комиссар А.Дэлгэрбаяр “Албан тушаалтан танд юуг хуулиар зөвшөөрч, юуг хориглох вэ?”, дүүргийн шүүхийн Тамгын албаны дарга Д.Батсайхан “Шүүхийн иргэдийн төлөөлөгчдийн эрх зүйн байдлын тухай хуулийн талаар”, ЗЦТ-ын дарга, цагдаагийн х/ч Д.Жавхлантбаатар “Замын хөдөлгөөний аюулгүй байдлын эсрэг гэмт хэргийн өнөөгийн байдал, цаашид авах арга хэмжээ”, Цагдаагийн I хэлтсийн дарга Б.Батсуурь “Хулгайн гэмт хэргийн нөхцөл байдлын талаар” ,Цагдаагийн II хэлтсийн дарга Т.Бакыт “Архидан согтуурахтай тэмцэх тухай” сэдвээр тус тус илтгэл тавьсан юм.

 

Сонгинохайрхан дүүргийн төр захиргаа болон хууль хяналтын байгууллагын ажилтнуудын дунд өнөөдөр удирдах ажилтны зөвөлгөөн боллоо.

Тус зөвөлгөөнд оролцогчид дүүрэгтээ гарч буй гэмт хэргийн гаралтыг бууруулах чиглэлээр гэр хорооллын 75 хувийг гэрэлтүүлэгтэй болгож, камержуулах ажлыг хийхээр төлөвлөсөн байна.

 

Сонгинохайрхан дүүрэгт  энэ оны эхний гурван сарын байдлаар Цагдаагийн нэгдүгээр тасагт  танхай, хулгай 236 хэрэг бүртгэгджээ. Энэ нь өнгөрсөн оны мөн үетэй харьцуулбал 12,9 хувиар өссөн үзүүлэлт юм.

Зөвөлгөөнд оролцсон Сонгинохайрхан дүүргийн Цагдаагийн нэгдүгээр хэлтсийн дарга Б.Батсуурийн өгч буй мэдээллээр “Судалгаанаас харвал гэмт хэрэг үйлдэгдэж байгаа гол нөхцөл  байдал нь гэрэлтүүлэг муутай гудамж болж хувирчээ.

Тиймээс СХД-ийн Засаг дарга мөрийн хөтөлбөртөө ирэх  гурван жилийн хугацаанд бүх гудамжаа гэрэлтүүлэгтэй болгох зорилт дэвшүүлсэн. Эл ажлыг ч бас өнөөдрийн зөвөлгөөнд оролцсон хуулийн байгууллагынхан болон төрийн байгууллагын удирдах ажилтнууд дэмжлээ” гэв.

Түүнчлэн СХД-ийн Засаг дарга М.Чинболд “Гэмт хэрэгт ихэвчлэн ажилгүй иргэд холбогддог. Тиймээс ажилчгүйчүүдийн тоог бууруулах чиглэлээр  дүүргийн удирдлагууд анхаарч эхэлсэн” гэв.

Н.Батцэцэг

Эх сурвалж:  www.shuud.mn