СОНГИНОХАЙРХАН ДҮҮРЭГ
ЗАСАГ ДАРГЫН ТАМГЫН ГАЗАР
Олон Улсын Сувилагчдын Нийгэмлэгээс орчин үеийн сувилахуйн шинжлэх ухааныг үндэслэгч Флоренс Найтингелийн төрсөн өдөр болох 5 дугаар сарын 12-ныг “Олон улсын сувилагчдын өдөр” болгон тэмдэглэж ирсэн түүхтэй.
Энэхүү өдрийг угтан “Сайн туршлага” арга хэмжээнд оролцож, бусдыгаа хошуучлан шинэ бүтээл, шинэ санаачлага гарган эрүүл мэндийн тусламж үйлчилгээг өргөжүүлсэн, “Сайн туршлага”-ын номонд бүртгэгдсэн эрүүл мэндийн байгууллагын шилдэг сувилагч нарыг шалгаруулан урамшууллаа.
Нийслэлийн хэмжээнд “ХОТОО УГААЯ” аяныг 04 дүгээр сараас эхлүүлсэн. Тус аяны хүрээнд дүүргийн Засаг даргын А/200 дугаар захирамжаар “ДҮҮРГЭЭ УГААЯ” дэд аяныг дүүргийн хэмжээнд зохион байгуулан ажиллаж байна.
Өнөөдөр /2023.05.12/ “Их цэвэрлэгээ-90 минут” хаврын бүх нийтийн их цэвэрлэгээг дүүргийн хэмжээнд хийлээ.
Монгол Улсын Ерөнхийлөгчийн санаачилсан “Тэрбум мод” тарих үндэсний хөдөлгөөн, нийтээр мод тарих өдрийн нээлтийг “Инчоны мөрөөдлийн төгөл”-д өнөөдөр /2023.05.12/ зохион байгууллаа.
Тус арга хэмжээнд Сонгинохайрхан дүүргээс сонгогдсон УИХ-ын гишүүд, Сонгинохайрхан дүүргийн Засаг даргын орлогч, Нийслэлийн газар, агентлагууд, Нийслэлийн байгаль орчны газрынхан, дүүргийн харъяа хэлтэс, албадууд 21-р хороо буюу Партизанд байрлах 100 га газарт мод тарьсан юм.
Монгол Улсын Их Хурлаас гарсан чиглэл, шийдвэрийн дагуу УИХ-ын гишүүд тойрогтоо ажиллаж Үндсэн хуульд нэмэлт, өөрчлөлт оруулах эсэх тухай асуудлаар уулзалт, хэлэлцүүлгийг хоёр дахь өдрөө зохион байгуулж байна.
Сонгинохайрхан дүүргээс сонгогдсон УИХ-ын гишүүд болон дүүргийн удирдлагууд өнгөрсөн 3 дугаар сард хороо тус бүрийн иргэдтэй уулзалт хийсэн. Тус уулзалтын үеэр иргэдээс ирсэн санал, хүсэлтийг шийдвэрлэхээр 43 хороо тус бүр дээр очиж, газар дээр нь ажиллахаар болсон.
