СОНГИНОХАЙРХАН ДҮҮРЭГ
ЗАСАГ ДАРГЫН ТАМГЫН ГАЗАР
СОНГИНОХАЙРХАН ДҮҮРЭГ
ЗАСАГ ДАРГЫН ТАМГЫН ГАЗАР
Маргааш буюу 2019 оны 04-р сарын 17-ны өдөр 09:00-12:30 цагт “Драгон” үйлчилгээний төвийн замын эсрэг талд “Дашваанжил” ХХК-ны 7 давхарт Хөдөлмөрийн аюулгүй байдал эрүүл ахуйн чадавхижуулах сургалт зохион байгуулах гэж байна.
Уг сургалтаар дүүргийн Хөдөлмөр, халамжийн үйлчилгээний хэлтсээс хөдөлмөрийн аюулгүй ажиллагааны талаарх мэдээлэл, зөвлөгөө өгч, эрсдэлээс хэрхэн урьдчилан сэргийлэх, удирдан чиглүүлэх, хэрхэн ажиллах чиглэлээр мэргэжлийн хүмүүсийн зөвлөгөөг хүргэх юм байна.
Нийслэлийн Засаг даргын 2019 оны 04 дүгээр сарын 11-ний өдрийн хог хаягдал, орчны бохирдлыг бууруулах зарим арга хэмжээний тухай А/285 дугаар захирамжийн хэрэгжилтийг ханган Нийслэлийн хэмжээнд 04 дүгээр сарын 20-ны өдөр "БҮХ НИЙТИЙН ИХ ЦЭВЭРЛЭГЭЭ"-г зохион байгуулна.
Нийт айл өрх, аж ахуйн нэгж байгууллагууд ХАМТДАА "Их цэвэрлэгээ-90" минут арга хэмжээнд идэвх санаачлагатай оролцож, амьдарч буй орчноо цэвэрлэхийг уриалж байна.
Энэ онд хэрэгжих хөдөлмөр эрхлэлтийг дэмжих үйлчилгээг иргэдэд танилцуулах өдөрлөгийн арга хэмжээг 4 бүсийн хороодод хийлээ.
Өдөрлөгөөр төсөл хөтөлбөр, ажил олгогч байгууллагуудын нээлттэй ажлын байрны танилцуулга, хөдөлмөр эрхлэлтийн нийтлэг үйлчилгээ, дэмжлэгт хамрагдсан иргэдийн үйлдвэрлэсэн бараа бүтээгдэхүүний үзэсгэлэн худалдаагаар үйлчиллээ.
Түүнчлэн дүүргийн зүгээс "Иргэн төвтэй хөдөлмөр эрхлэлтийн жил"-ийг зарлан иргэддээ ганц удаагийн бус байнгын эргэх холбоотойгоор үр дүнд чиглэсэн хөдөлмөр эрхлэлтийн нийтлэг үйлчилгээг хүргэж, өрхийн үйлдвэрлэгчдэд санхүүгийн дэмжлэг өгөхөөс илүүтэй ажилгүй, ажил хайгч иргэддээ хөдөлмөрлөх хандлагыг нэмэгдүүлэх, хөдөлмөрт бэлтгэх, бичил бизнес эрхлэгчдэд санхүүгийн бус зөвлөх үйлчилгээг жилийн турш үзүүлж байнгын ажлын байраа тогтвортой хадгалахад төрийн болон төрийн бус байгууллагуудтайгаа хамтран бүх талаар зөвлөн, дэмжин туслах чиглэлийг баримтлан ажиллалаа.
Үйл ажиллагаанд хөдөлмөр эрхлэлтийн үйлчилгээг сонирхсон 1600 гаруй иргэн оролцож мэдээлэл авлаа.
Онцгой байдлын ерөнхий газраас нийслэлийн Засаг даргын Тамгын газартай хамтран нийслэлийн хэмжээнд Гамшгаас хамгаалах иж бүрэн сургуулийг 2019 оны 04 дүгээр сарын 24-26-ны өдрүүдэд зохион байгуулахаар бэлтгэл ажлыг хангаж эхлээд байна.
Энэхүү сургууль нь 1990 оноос хойш Улаанбаатар хотын хэмжээнд анх удаа зохион байгуулагдаж байгаа томоохон сургууль гэдгээрээ онцлог юм. Сургуулийн хүрээнд сүүлийн үед нийслэл хотод газар хөдлөлтийн идэвхжил нэмэгдэж байгаатай холбогдуулан газар хөдлөлтийн дараах нүүн шилжих дадлага сургуулийг Улаанбаатар хотын бүх иргэдийг хамруулан нийслэлийн хэмжээнд байдаг 111 аюулгүй талбайд зохион байгуулах юм. Энэ үеэр Улаанбаатар хотын орох, гарах хөдөлгөөнийг хязгаарлаж, тээврийн хэрэгслийн хөдөлгөөнийг зогсоох юм.
Мөн дадлага сургуулийн хүрээнд төвийн зургаан дүүргийн иргэдийг аюулгүй газар нүүлгэн шилжүүлэхээс гадна эрэн хайх, аврах ажиллагаа, хээрийн эмнэлэг дэлгэх дадлага сургуулиуд зохион байгуулагдана.
Энэ хүрээнд Сонгинохайрхан дүүрэг газар хөдлөлтийн гамшгийн үеийн дуурайлган үзүүлэх дадлага сургуулийн урьдчилсан үзлэг, бэлтгэл бэлэн байдлаа шалгаж Номин агуулах худалдааны талбайд дадлага хийлээ.
Сонгинохайрхан дүүргийн 16-р хороонд 113-р цэцэрлэгийн өргөтгөлийн барилгын шав тавих ёслол боллоо. Нийслэлийн төсвийн хөрөнгө оруулалтаар баригдах 200 хүүхдийн ортой уг өргөтгөлийн барилгын гүйцэтгэгчээр “Инжхами” ХХК ажиллаж байгаа бөгөөд 8-р сарын сүүлээр ашиглалтад оруулах юм байна.
Дүүргийн Засаг даргын А/108 захирамжаар Хороодод Агаарын бохирдлыг бууруулах талаар сургалтыг 12 дахь өдрөө зохион байгууллаа. Тус арга хэмжээнд Засаг даргын дэд бүтцийн асуудал хариуцсан орлогч дарга О.Ганбаатар оролцож, Засгийн газар болон дүүргээс Агаарын бохирдлын талаар хэрэгжүүлж байгаа асуудлуудыг танилцууллаа.
Сонгинохайрхан дүүргийн 10-р хороонд шинэ авто замын ажил эхэлж байна. Баянхошууны эцсийн буудлаас хороо хүртэлх 800м уг зам удахгүй ашиглалтад орох юм байна.
Дүүргийн 29-р хороонд нээгдсэн шинэ иргэний танхимд ахмадууд, залуус, иргэд, залуу ээжүүдэд чиглэсэн төрөл бүрийн сургалт, уулзалт зохион байгуулагдах юм. Дэмжин хамтран ажилласан Австрали улсын элчин сайдын яам, элчин сайд Дэйв Воусэн, хэрэгжүүлсэн Австралид төгсөгч залууст талархал илэрхийлье.
Сонгинохайрхан дүүргийн 14-р хорооны хамт олон хорооныхоо нутаг дэвсгэрт байгаа асахаа больсон гэрлүүдийг асааж, ашиглагдахаа больсон шонгуудад гэрэл нэмсэн байна.
