Сонгинохайрхан дүүргийн Засаг даргаас болон ИТХ-ын даргаас хамтын ажиллагаатай БНХАУ-ын Хөлөнбуйр хотын Хайлаар дүүргийн удирдлагууд, ард иргэдэд илгээсэн сар шинийн мэндчилгээний хариу иржээ.

 

Уг мэндчилгээг бүрэн эхээр нь хүргэж байна. Монгол Улсын Улаанбаатар хотын Сонгинохайрхан дүүргийн Иргэдийн Төлөөлөгчдийн Хурлын дарга Х.Нямбаатар, Засаг дарга М.Чинболд танаа Юуны өмнө Сар шинийн мэнд хүргэсэнд талархал илэрхийлж та бүхэнд болон танай дүүргийн нийт иргэдэд гарч буй Могой жилдээ энх тунх байж, ажил хөдөлмөрийн өндөр амжилт гаргахыг хүсэн ерөөе.

Мөн Сонгинохайрхан дүүргийн Иргэдийн Төлөөлөгчдийн Хурлын даргаар томилогдсон ноён Х.Нямбаатар, Засаг даргаар томилогдсон ноён М.Чинболд нарт баяр хүргэж , ажил хөдөлмөрийн өндөр амжилт хүсэн ерөөе. Өнгөрч буй 2012 он Сонгинохайрхан дүүрэг, Хайлаар дүүргийн найрамдалт хамтын ажиллагааны түүхэнд нэгэн шинэ хуудас нээсэн жил болсныг тэмдэглэхэд таатай байна. Энэ онд манай хоёр дүүрэг олон жилийн уламжлалт харилцаа, хамтын ажиллагаанд үндэслэн Засаг даргын тамгын газар хоорондын хамтын ажиллагааны гэрээнд гарын үсэг зурж баталгаажуулан цаашдын хамтын ажиллагааны эрх зүйн орчинг бий болгож, харилцан ашигтай түншлэн ажиллах шинэ боломжийг нээсэн. Бид бүхний итгэл үнэмшил, хамтын зүтгэлийн үр дүнд хоёр дүүргийн хамтын ажиллагаа салбар бүрт үргэлжлэн өргөжиж, манай хоёр орны ирээдүйн хөгжилд ихээхэн хувь нэмэр оруулна гэдэгт итгэлтэй байна. Хүндэтгэсэн:

Хайлаар дүүргийн намын хорооны дарга Жан Юү Зюнь Ардын Төлөөлөгчдийн Хурлын төлөөлөгч Бао Сью Мин

Дүүргийн статистик мэдээлэл

Хүн амын тоо
342,112
Эрэгтэй
168,996
Эмэгтэй
173,116
Өрхийн тоо
90,231
Хүн амын нягтаршил
3хүн/га
Аж ахуйн нэгж байгууллага
25,865
Авто машины тоо
79,991
Малын тоо
83,687
Өрхийн ам бүлийн тоо
4.0
Төрөлт
6290

Төрийн үйлчилгээ - Иргэн танд