Жил бүрийн цагаан сараар Монгол Улсын Ерөнхийлөгч 95-аас дээш насны өндөр настнуудад төрийн хишиг, гарын бэлэг түгээдэг уламжлалтай. Ерөнхийлөгчийн илгээсэн бэлгийн Сонгинохайрхан дүүргийн өндөр настнуудад дүүргийн Засаг дарга болон бусад удирдлагууд өнөөдөр гардууллаа.
Сонгинохайрхан дүүрэгт 95-аас дээш настай 47 өндөр настан байдаг бөгөөд хамгийн өндөр настай нь 15 дугаар хорооны иргэн 108 настай Л.Данзан гуай юм. Хоёр дайнд оролцож явсан ахмад дайчин Л.Данзан гуай Монгол Улсын Ерөнхийлөгчид болон дүүргийн удирдлагуудад талархснаа илэрхийлж өөрийнхөө насыг аваарай хэмээн ерөөлөө.