Монголын үндэсний соёлын биет бус өвийг сурталчилан таниулах, хөгжүүлэх зорилготой Хүүхдийн урлагийн “Солонго” их наадмын 2-р шатны шалгаруулат энэ сарын 15-ны өдөр явагдлаа.
Уг наадамд ЕБС-ийн сурагчид Ардын хөгжмийн сонгодог урлаг, Ардын бүжиг бий биелгээ, морин хуурын татлага, хөөмий , ерөөл магтаал, уламжлалт сонгодог бүжгийн урлаг, хамтлаг дууны төрлүүдээр 22 сургуулийн 800 гаруй сурагчид авъяас билгээ уралдуулан оролцож 2-р шатны шалгаруултанд 150 гаруй сурагчид шалгарч Дүүргийн Засаг даргын өргөмжлөл, мөнгөн шагналаар шагнагдсан.
Мөн наадмын шилдэг сургуулиар 12 дугаар сургууль, шилдэг хөгжмийн багшаар 104-р сургуулийн багш н.Өлзийсайхан, Ирээдүй цогцолбор сургуулийн багш н.Бямба-Өлзий нар тус тус шалгарч Дүүргийн Засаг даргын өрөмжлөл мөнгөн шагналаар шагнагдлаа.
Энэхүү наадмыг ЕБСургуулийн сурагчид, багш нарын ур чадварыг нэмэгдүүлж, авъяасыг хөгжүүлэх, ардын урлагийн шинэ залуу үеийг бэлтгэхээр дүүргийн ЗДТГ, Нийгмийн хөгжлийн хэлтэс, Happy Melody сургалтын төвтэй хамтран зохион байгуулсан юм.
