Нийслэлийн 375 жилийн ойг угтан дүүргийн ЗДТГ-аас хэрэгжүүлж буй “Хотын соёл” төслийн Санаачилгын туг дүүргийн Эрүүл
мэндийн нэгдэлд аялж байгаа билээ. Энэхүү аяны хүрээнд ЭМН-ээс өнгөрсөн Баасан гараг буюу 5 дугаар сарын 16-нд “Хотын соёлд -
Таны оролцоо сэдэвт өдөрлөгийг зохион байгууллаа. ”Соёмбо” кинотеатрын өмнөх талбайд болсон уг өдөрлөгийн үеэр аяны хүрээнд
хийж байгаа ажлуудаа танилцуулснаас гадна иргэдэд их хотын иргэдийн адил эрүүл, зөв амьдарч хэвших талаар мэдээлэл,
сурталчилгаа явуулан, халдварт бус өвчний үзлэг шинжилгээ хийсэн юм.
Мөн хог хаягдлаар хийсэн бүтээлийн үзэсгэлэн гарган шилдэг оролцогчдыг шалгаруулжээ. Өдөрлөгийн үйл ажиллагаанд дүүргийн Засаг дарга М.Чинболд, Засаг даргын Хот байгуулалт, тохижилтын асуудал хариуцсан орлогч Б.Батдорж, ЭМН-ийн дарга Ш.Хажидмаа нар оролцлоо. Дашрамд дурьдахад “Хотын соёл - Биднээс эхлнэ” Санаачилгын тугийг хүлээн авсан байгууллага өөрийн үйл ажиллагааны онцлог, нөхцөл, боломжийн хүрээнд хотын соёлын төлөвшилд хувь нэмэр оруулахуйц үйл ажилагааг зохион байгуулж хэрэгжүүлж байгаа юм.
