Монголын дугуйн холбооны 2014 оны Уулын дугуйн Өсвөр үе, Залуучуудын улсын аварга шалгаруулах тэмцээн 5 дугаар сарын 10-11 ны өдрүүдэд зохион байгуулагдаж Сонгинохайрхан дүүргийн баг тамирчид амжилттай оролцлоо. Хоёр өдрийн турш Яармаг дахь уулын дугуйн тойрог замд цаг агаарын хүнд нөхцөлд явагдсан уг тэмцээнд хот хөдөөгийн 13 байгууллагын 120 өсвөр, залуу дугуйчид хурд хүч
авхаалж самбаа сорин өрсөлдөсөн юм. ОУХМ Д.Мөнхбатын дасгалжуулсан Сонгинохайрхан дүүргийн баг Өсвөр үеийн насны ангилалд аваргын алтан медаль, Залуучуудын ангилалд хүрэл медаль хүртлээ. Энэхүү амжилтаараа багийн дүнгээр тэргүүн байр эзэлж цомын эзэн болжээ.