Сонгинохайрхан дүүргийн газар тариалан эрхлэгчдэд зориулсан “Төмс хүнсний ногооны тариалалт хэрэглээний цогц мэдлэг олгох” хаврын сургалт “Иргэний танхим”-д зохион байгуулагдлаа. Сургалтыг дүүргийн Засаг даргын тамгын газрын Худалдаа, үйлчилгээний хэлтэс, нийслэлийн ҮҮХААГ-ын хэлтэс, хүнсний ногооны тогтвортой үйлдвэрлэл, маркетингийн “Монгол ногоо” төсөл хамтран танхимын болон дадлагын хослосон хэлбэрээр явуулсан байна. Нийт 59 иргэн хамрагдсанаас 20 гаруй хөгжлийн бэршээлтэй, өрх толгойлсон эцэг,эхэд төмс хүнсний ногооны үр өгч дэмжлэг үзүүлжээ. Эдгээр иргэд төмс хүнсний ногооны арчилгааны технологи, хамгаалагдсан хөрсөнд хүнсний ногоог хэрхэн тариалах талаар сурч мэдсэн юм.