Сонгинохайрхан дүүрэгтэй найрсаг харилцаатай Япон улсын Шизүока мужийн Изүнокүни хотын Газар тариалан хариуцсан зөвлөх Накуно Ацуши тэргүүтэй төлөөлөгчид ажлын айлчлал хийж байна. Айлчлалын хүрээнд хийгдсэн албан уулзалтад дүүргийн зүгээс Засаг дарга М.Чинболд, Засаг даргын орлогч Ш.Хажидмаа, Засаг даргын тамгын газрын дарга Ш.Бат-Өлзий, ЗДТГ-ын Захиргаа, хуулийн хэлтсийн дарга А.Пүрэвсүрэн нар оролцлоо. Уулзалтын эхэнд Накуно Ацуши Изүнокүни тус хотын дарга Оно Тошикогийн мэндчилгээг уламжлан, Хот хоорондын харилцааны албаны дарга Моришима Хироши дүүрэг хотын хамтын ажиллагаанд ахиц гарсан талаарх мэдээллийг хийсэн юм.
Айлчлал тав хоног үргэлжлэх бөгөөд төлөөлөгчид Япон улсын хөрөнгө оруулалтаар баригдсан сургууль, мөн дүүргийн Спорт цогцолбор, эрчимжсэн хүлэмжийн аж ахуйн үйл ажиллагаатай танилцана.
