Өнгөрсөн Бямба гаригт буюу наймдугаар сарын 27-ны өдөр Сонгинохайрхан дүүрэг, Солонгосын Цахилгааны инженерүүдийн холбоотой Хамтын ажиллагааны гэрээ байгууллаа. Арга хэмжээнд тус холбооны тэргүүн Ёо Сан Бонг тэргүүтэй төлөөлөгчид хүрэлцэн ирсэн бөгөөд Сонгинохайрхан дүүргийн Засаг дарга Ж.Сандагсүрэн хүлээн авч уулзсан юм. Хоёр талаас Хамтын ажиллагааны гэрээнд дүүргийн Засаг дарга Ж.Сандагсүрэн, тус холбооны тэргүүн Ёо Сан Бонг нар гарын үсэг зурсан. Энэхүү гэрээ нь гурван жилийн хугацаанд хэрэгжих юм.
Сонгинохайрхан дүүрэгт гэрэл цахилгаангүй өрхийн тоо бусад дүүргээс харьцангуй их байдаг. Цаашид хамтын ажиллагааныхаа хүрээнд хоёр талаас хамтарсан төлөвлөгөө гарган дээрх асуудалд анхаарал хандуулан ажиллана.
Мөн арга хэмжээний үеэр Солонгосын цахилгааны инженерүүдийн холбооноос хандивын хувцас, хичээлийн хэрэгслийг гардуулсан бөгөөд дүүргийн Улаан загалмайн хорооны дарга Б.Жавзандулам тусламжийг хүлээн авсан юм.