Сонгинохайрхан дүүргийн Засаг дарга Ж.Сандагсүрэн боловсролын байгууллагын удирдлагуудтай 2016 оны 8 дугаар сарын 30-ны өдөр уулзалт зохион байгууллаа.
Уулзалтанд дүүргийн Засаг даргын нийгмийн асуудал хариуцсан орлогч Л.Оргил, дэд бүтэц, тохижилтын асуудал хариуцсан Засаг даргын орлогч О.Ганбаатар, Засаг даргын Тамгын Газрын дарга М.Баяраа, ЗДТГ-ын Нийгмийн хөгжлийн хэлтсийн дарга Б.Оюунбилэг нар болон төрийн өмчийн ерөнхий боловсролын 25 сургууль, 43 цэцэрлэгийн эрхлэгч, захирал нар оролцлоо.
Уулзалтаар боловсролын байгууллагуудын өнөөгийн байдал, 2016-2017 оны шинэ хичээлийн жилийн элсэлтийн бүртгэл, нээлтийн арга хэмжээ зохион байгуулах хуваарь, сургууль цэцэрлэгүүдийн өвөлжилтийн бэлтгэл, хөрөнгө оруулалттай ажлуудын гүйцэтгэл явц, тулгамдаж байгаа асуудлуудаар харилцан санал солилцлоо.