Нарт хорвоод эгнэшгүй нандин сайхан мэргэжлийг эзэмшсэн БАГШ хэмээх алдартан та бүхэндээ Монголын багш нарын баярын өдрийн халуун мэндийг Сонгинохайрханчуудынхаа нэрийн өмнөөс болон хувиасаа хүргэж байна. Сонгинохайрхан дүүргийн боловсролын салбарт ажиллаж байгаа ажилтан, алба хаагчид бол нийслэлийн хамгийн том дүүргийн маргаашийг тодорхойлох иргэдийг бэлтгэн, төлөвшүүлэх чухал хариуцлагатай ажилд зүтгэж яваа гавьяатнууд.
Тиймээс дүүргийн удирдлагууд бидний зүгээс хөгжил, дэвшилийн суурь болсон боловсролын салбараа нэн тэргүүнд бид дэмжин ажиллах учиртай. Үүний эхлэл болгож бид “Өнөөдрийн шийдэл-Ирээдүйн хөгжил” форумыг зохион байгуулж, зорилт, гарцаа хамтдаа тодорхойлсон. Бүтээлч нийгмийг, хотын хөгжилтэй хөл нийлүүлэх дүүргийг бий болгоход хамгийн үнэтэй, оюун санааны болон иргэн гэх хамгийн үнэтэй баялагыг бэлтгэхээр хамтран ажиллаж буй БАГШ нартаа талархал илэрхийлж, эрүүл энх, аз жаргалын дээдийг хүсэн ерөөе.
Эрдэм ухаан дэлгэрэх болтугай.