Засаг даргын 2017 оны 1 дүгээр сарын 27-ны А/41 тоот захирамжийн дагуу Монголын болон дэлхийн хүүхдийн шилдэг зохиол, бүтээлийг хүүхэд багачуудад таниулах, уран уншлагын ур чадварыг хөгжүүлэх зорилготой дүүргийн аварга шалгаруулах “Уран жиргээ-2017” уралдаан боллоо.
Энэхүү уралдаан нь сургуулийн өмнөх нас буюу цэцэрлэг, ерөнхий боловсролын сургуулийн бага нас 1-5 дугаар анги, дунд нас 6-9 дүгээр анги, ахлах нас 10-12 дугаар анги гэсэн дөрвөн насны ангиллаар зохион байгуулагдлаа. “Уран жиргээ -2017” уран уншлагын уралдаанд дүүргийн цэцэрлэг, ЕБС-ийн 170 гаруй хүүхэд оролцож, монголын болон дэлхийн шилдэг шүлэг, өгүүллэгийг уран тод уншиж өрсөлдлөө. Тус уралдаанд амжилттай оролцсон сурагчид дүүргийн Засаг даргын өргөмжлөл, мөнгөн шагналаар шагнагдаж 12 хүүхэд Нийслэлийн “Уран жиргээ” наадамд оролцох эрхийн бичгээ гардан авлаа.
