“Монгол хүнд эрүүл хүнс” уриатай Гацуурт компани нийгмийн хариуцлагынхаа хүрээнд Сонгинохайрхан дүүргийн 4, 5, 10 дугаар хорооны нийгмийн халамж үйлчилгээ шаардлагатай 30 өрхөд нэрийн бүтээгдэхүүнээ гардууллаа.
Тэдний хамт олон Улаанбаатар хотын зургаан дүүргийг сонгон авч, судалгаа хийснээр амжиргааны түвшин доогуур нийт 180 айл өрхийн өндөр настнуудад нэрийн бүтээгдэхүүнээ гардуулахаар болсон байна. Энэ ажлын хүрээнд Сонгинохайрхан дүүргээс 30 өрхийг сонгож, сар шинийн баяр болох гэж буйтай холбогдуулан гацуурт нэрийн гурил мөн махыг бэлэг болгон өглөө.
