Сонгинохайрхан дүүргийн 25 жилийн ойг тохиолдуулан “Жижиг дунд үйлдвэрийг дэмжих мэдээлэл сургалтын төв”-өөс дүүргийн жижиг дунд үйлдвэр эрхлэгчдийг хамруулсан “Сонгинохайрханд үйлдвэрлэв” үзэсгэлэн худалдааг зохион байгуулах гэж байна.
Төрийн байгууллага хувийн хэвшлийн хамтын ажиллагааг сайжруулах, дүүргийн жижиг дунд үйлдвэр эрхлэгчдийн бараа бүтээгдэхүүнийг сурталчлах, борлуулалтыг нэмэгдүүлэх, шилдэг бүтээгдэхүүнийг шалгаруулах, гадаад дотоодын үзэсгэлэн худалдаанд оролцох, гадаадад нийлүүлэх гарцыг тодорхойлоход зорилго бүхий энэхүү үзэсгэлэнд дүүргийн 100 гаруй жижиг дунд үйлдвэр эрхлэгч хамрагдах юм.
Үзэсгэлэн 2017 оны 09 дугаар сарын 22-нээс 2017 оны 09 дугаар сарын 24 –нд Мишээл худалдааны төвийн гадна талбайд болох тул иргэд та бүгдийг өргөнөөр хамрагдахыг урьж байна.
