2017 оны 10 дугаар сарын 13-ны өдөр Сонгинохайрхан дүүргийн Хөдөлмөр, халамжийн үйлчилгээний зохион байгуулсан энэхүү арга хэмжээнд дүүргийн болон хамтран ажилладаг томоохон 50 үйлдвэр, аж ахуйн нэгж байгууллагын удирдлага, хүний нөөцийн менежерүүд оролцлоо.
Энэхүү сургалт уулзалтын нээлтэнд Засаг даргын Тамгын газрын дарга М.Баяраа, Вагнер Ази Автомотив ХХК-ийн захирал Гаррит Вилсон, дүүргийн Хөдөлмөр халамжийн үйлчилгээний хэлтсийн дарга Г.Мөнхбаяр нар оролцлоо. “БАЙГУУЛЛАГЫН ХӨГЖИЛД ХӨДӨЛМӨРИЙН БҮТЭЭМЖ НӨЛӨӨЛӨХ НЬ” сэдэвт сургалт, уулзалт нь аж ахуйн нэгж байгууллагуудад хөдөлмөрийн бүтээмжээ нэмэгдүүлэх оновчтой арга туршлагыг нэвтрүүлэн зах зээлд өрсөлдөх чадвараа бэхжүүлэн үйл ажиллагаагаа өргөжүүлэх, цалин хөлсийг бүтээмжийн өсөлттэй уялдуулан нэмэгдүүлэх, урамшууллын систем бий болгох, хүний нөөцийг хөгжүүлэх, хөдөлмөр зарцуулалтыг үндэслэлтэйгээр тодорхойлоход дэмжлэг болохуйц өргөн мэдээллээр хангасан үр дүнтэй сургалт болж өндөрлөлөө.