Ерөнхий боловсролын сургуулийн сурагчдын 2-р улирлын амралтыг тохиолдуулан 2018 оны 01 сарын 11-ний өдөр Ерөнхий боловсролын “Тольт” дунд сургуулийн захиргаатай хамтран багш нарыг чадавхжуулах“Хүүхэд хамгаалал болон хүүхэд хүмүүжлийн эерэг арга” сэдэвт сургалтыг амжилттай зохион байгууллаа. Тус сургалтаар багш нарт:
- “Бага насны хүүхдийн эрх хамгаалал, хамгааллын үйлчилгээ”-ний талаарх мэдээллийг өглөө.
-“Гэр бүлийн хүчирхийлэлтэй тэмцэх тухай” хууль болон “Зөрчлийн тухай”, “Залуучуудын хөгжлийг дэмжих тухай” хуулиудаас боловсролын салбарын ажилтан, албан хаагчидтай холбоотой хуулийн заалтуудыг танилцуулан, өсвөр насны хүүхдийн сэтгэлзүйн онцлог болон хүүхэд хүмүүжлийн эерэг аргын талаарх мэдлэг мэдээллийг хүргэлээ.