Сонгинохайрхан дүүргийн хэмжээнд цахилгааны хүчдэлийн уналттай өрхүүд нэлээд бий. Энэ асуудлыг арилгахын тулд дүүрэг, нийслэлийн төлөөлөгчид, УИХ-ын гишүүд олон ажлыг хийж байсан.
Сүүлд л гэхэд УИХ-ын гишүүн Ц.Гарамжав Эрчим хүчний сайд болон бусад албаны хүмүүст 30, 31-р хорооны хүчдэлийн уналттай айлуудын нөхцөл байдлыг танилцуулж, хүчдэл сайжруулах дэд станц барих ажлыг эхлүүлж байв.
Тэгвэл уг дэд станц одоо ашиглалтад ороход бэлэн болоод байна. Ингэснээр 30, 31-р хорооны хүчдэлийн уналттай 2000 орчим айл өрх төдийгүй 20.000 өрхийг цахилгаан хангах хүчин чадалтай эх үүсвэртэй болж байна.