Өнгөрөгч амралтын өдөр УИХ-ын гишүүн Д.Тэрбишдагва, Нийслэлийн Засаг дарга бөгөөд Улаанбаатар хотын захирагч С.Батболд болон Нийслэл, дүүргийн удирдлагууд, холбогдох албан тушаалтнууд 7, 9, 24, 25-р хорооны иргэдтэй уулзалт хийлээ.
Уулзалтын үеэр УИХ-ын гишүүн Д.Тэрбишдагва УИХ-аас баталсан хууль тогтоомжуудын талаар иргэдэд тайлбар хийж, иргэдийн санал бодлыг сонссон. Харин хотын даргын хувьд иргэдэд ажлын төлөвлөгөөгөө танилцуулж, иргэдийн санал хүсэлтийг сонсож, тэдний хүсэлтийн дагуу баруун салааны хүүхдүүдийг сургуулийн автобустай болгож өгөхөө амласан юм.