Эцэг эхчүүдийн үүрэг хариуцлагыг нэмэгдүүлэх, хүүхдийн хөгжил, хамгааллын ажлын хүрээнд хамтын оролцоог сайжруулах зорилгоор дүүргийн 104 дүгээр дээр “Хүүхдийн төлөө хамтдаа” сэдэвт зөвлөгөөн зохион байгууллаа.
Дүүргийн Гэр бүл, хүүхэд, залуучуудын хөгжлийн хэлтсээс зохион байгуулсан уг зөвлөгөөнөөр эцэг, эхчүүдэд “Хүүхэд хамгааллын тухай”, “Гэр бүлийн хүчирхийллээс урьдчилан сэргийлэх тухай” хуулийн хүрээнд эцэг, эхчүүдийн хүлээх үүрэг хариуцлагын талаар зөвлөгөө өгч, “Хүүхэд хүмүүжлийн эерэг арга”, сэдэвт сургалтыг зохион байгуулж, хэрхэн хүүхдийн нас сэтгэхүйн онцлогт тохируулж зөв харилцах, хүүхдээ эерэг аргаар хүмүүжүүлэх тухай мэдээллийг өгсөн.
Цаашид эцэг, эхчүүд хэрхэн сургууль болон Гэр бүл, Хүүхэд, Залуучуудын хөгжлийн хэлтэстэй хүүхдийн хамгаалал, хөгжлийн чиглэлээр хамтарч ажиллах талаар харилцан санал солилцсон, үр дүнтэй зөвлөгөөн зохион байгууллаа.
