УИХ-ын гишүүн, Уул уурхай, хүнд үйлдвэрийн сайд Д.Сумъяабазарын санаачлагаар Сингапурын иргэн Ким Лим өнөөдөр Сонгинохайрхан дүүргийн 14 өрхөд гэр бэлэглэлээ.
Сингапур улсын тэрбумтан Петер Лимийн өв залгамжлагч Ким Лимийн хувьд манай улсын амьжиргааны түвшин доогуур өрх болон орон гэргүй, өнчин хүүхдүүдэд туслах зорилгоор зочилж байгаа бөгөөд энэ үеэрээ 14 иргэнд гэр өгсөн юм.
Түүнчлэн тэрбээр уг ажлаа илүү өргөн цар хүрээтэй явуулах шаардлагатай гэж төлөвлөж буйгаа хэллээ. Харин эдгээр айл өрхүүдийг сонгохдоо дүүргийн зүгээс амьжиргааны түвшин доогуур, олон хүүхэдтэй, өрх толгойлсон ээжүүдийг сонгосон байна.
