How to create simple cool paging with PHP and CSS

Нийгмийн даатгалын байгууллага нь 2019 оныг “Танд ойрхон, найрсаг үйлчилгээний жил” болгон зарласан бөгөөд нийгмийн даатгалын үйлчилгээний соёлыг дээшлүүлэх зорилтын хүрээнд Японы олон улсын хамтын ажиллагааны байгууллага (ЖАЙКА)-ын Нийгмийн даатгалын үйл ажиллагааны чадавхийг бэхжүүлэх ШИНРАЙ төслийн дэмжлэгтэйгээр “Нийгмийн даатгалын үйлчилгээний гарын авлага”-ыг боловсруулж танилцууллаа.

Гарын авлага нь нийгмийн даатгалын салбарын хэмжээнд мөрдөгдөж байгаа үйлчилгээний соёл болон ажлын байрны стандарт, журмыг энгийн үгээр илэрхийлж, ажлын байрны стрессээс урьдчилан сэргийлэх зэрэг арга хэрэгслийг багтаан зөвлөмж хэлбэрээр гарснаараа онцлог юм.

Тус “Нийгмийн даатгалын үйлчилгээний гарын авлага” номыг танилцуулах уулзалтыг 2019 оны 06 дугаар сарын 26-ны өдөр зохион байгуулж, уулзалтад Нийгмийн даатгалын ерөнхий газрын удирдлагууд болон гарын авлагыг боловсруулсан ажлын хэсгийн гишүүд, ЖАЙКА Монгол дахь Төлөөлөгчийн газар, ШИНРАЙ төсөл, Нийслэлийн нийгмийн даатгалын газар, дүүргийн Нийгмийн даатгалын хэлтсийн төлөөлөл оролцов.

Уулзалтын үеэр Нийгмийн даатгалын ерөнхий газрын Дэд дарга Г.Саран гарын авлагад хөгжлийн бэрхшээлтэй иргэдэд ээлтэй орчин бүрдүүлэх, тэдний онцлогт тохируулан найрсаг харилцах харилцааг нарийвчлан тусгасан талаар; ЖАЙКА-ийн Монгол дахь Төлөөлөгчийн газрын дарга Э.Тамүра үйлчилгээний соёлын гарын авлага нь Монголын төрийн болон үйлчилгээний байгууллагуудад жишиг болсон талаар; НДЕГ-ын зөвлөх Ё.Пүрэвцэрэн нийгмийн даатгалын байцаагч бүрийн ширээний ном байж өдөр тутамдаа ашиглах ёстой талаар тус тус онцолж байлаа.


 

 

 


 

 

 

 

 



2016 оны 04 сарын 16-ны өдөр Сонгинохайрхан дүүргийн нийгмийн даатгалын хэлтсийн ажилчин, албан хаагчид байгууллагынхаа орчмын 50 м талбайн цэвэрлэгээг хийж гүйцэтгэлээ.

 

 


Хү

Хүн амын хөгжил нийгмийн хамгааллын салбарын ажилтны өдөр, Нийгмийн даатгалын шинэ тогтолцоо үүсч хөгжсөний 21 жилийн ойд зориулсан 5-н төрөлт спортын наадам энэ сарын 7, 8, 9, 10-ний өдрүүдэд Сонгинохайрхан дүүргийн нийгмийн даатгалын хэлтэс, Баянгол дүүргийн нийгмийн даатгалын хэлтэс хамтран амжилттай зохион байгуулж өндөрлөлөө. Сонгинохайрхан дүүргийн нийгмийн даатгалын хэлтсийн баг тамирчид амжилттай оролцож Биллъардны төрөлд багаараа хүрэл медаль, Ширээний теннисээр багаараа алтан медаль, Гар бөмбөгийн төрөлд эрэгтэй баг тамирчид хүрэл медаль эмэгтэй баг тамирчид алтан медаль, Сагсан бөмбөгийн төрөлд эрэгтэй, эмэгтэй баг тус тус 4-р байр эзлэн амжилттай оролцож багийн дүнгээр 1-р байр эзэлж шилжин явах цомын эзэд боллоо.

СХД-ын НДХ-н Дарга Н.Алтанцэцэг, Хяналтын байцаагч багийн ахлагч О.Ууганбаатар.

Алтан цомын эзэд

НДЕГ-ын баг тамирчид хамгийн хүчтэй өрсөлдөгчид байлаа.

Т.Ууган ахлагчтай эмэгтэй баг тамирчид хөгжөөн дэмжигчдийн хамт.

Үнэнч хөгжөөн дэмжигчгүйгээр багийн амжилтыг төсөөлөшгүй билээ.

 

 



< Өмнөх 1 2 3 4 5 ... Дараагийн > 

(Бүгд 21 мэдээ)