УИХ-ын 1992 оны 8 сарын 18-ны өдрийн “Улаанбаатар хотын район, хороог татан буулгах, шинээр байгуулах тухай” тогтоолын дагуу Нийслэлийн Сонгинохайрхан дүүрэг байгуулагдсан.  

  Засаг захиргааны нэгж үүсэн байгуулагдсантай холбогдуулан Замын цагдаагийн газрын даргын 262 дугаар тушаалаар тасгийн дарга, ахлах байцаагч, байцаагч 4, зохицуулагч 26, нийт 32 алба хаагчийн бүрэлдэхүүнтэй Сонгинохайрхан дүүрэг дэх замын цагдаагийн тасаг үүсгэн байгуулагдаж байсан түүхтэй. 

  Дүүргийн хүн ам, тээврийн хэрэгслийн тоо өсөн нэмэгдэхийн хэрээр замын хөдөлгөөний аюулгүй байдлыг хангах, хууль тогтоомжийг хэрэгжүүлэх, зам тээврийн хэрэг, ослоос урьдчилан сэргийлэх, хөдөлгөөний аюулгүй байдлын дэг журам тогтоох хуулиар хүлээсэн чиг үүргээ нэр төртэй гүйцэтгэж ирсэн.

  Цагдаагийн ерөнхий газрын 2016 оны A/124 тоот тушаалаар Замын цагдаагийн албаны Нийслэлийн замын хөдөлгөөний хяналтын газрын Сонгинохайрхан дүүрэг дэх Замын цагдаагийн хэлтэс болон өргөжиж, хэлтсийн дарга, тасгийн дарга, ахлах зохицуулагч , хэрэг бүртгэгч 2, Зохицуулагч 22, цагдаа зохицуулагч 34, үйлчлэгч 1 орон тоотойгоор үйл ажиллагаагаа явуулж байна.