СОНГИНОХАЙРХАН ДҮҮРГИЙН ЗАСАГ ДАРГЫН ЗӨВЛӨЛИЙН ХУРАЛ БОЛЛОО
Сонгинохайрхан дүүргийн Засаг даргын зөвлөлийн ээлжит хурал өнөөдөр /2022.12.09/ боллоо. Хурлаар дүүргийн Засаг даргын захирамжаар дүүргийн Засаг даргын дэргэдэх болон эрхлэх асуудлын хүрээний байгууллагуудын 2022 оны гүйцэтгэлийн тайлангын хяналт-шинжилгээ, үнэлгээний талаар дүүргийн удирдлагууд танилцуулав.
Энэ удаагийн зөвлөгөөнөөр дүүргийн Засаг даргын 2020-2024 онд хэрэгжүүлэх үйл ажиллагааны хөтөлбөрийн биелэлт, дүүргийн 2023 оны төсвийн төсөл, дүүргийн Газар зохион байгуулалтын 2022 оны төлөвлөгөөний биелэлт, 2023 оны төлөвлөгөөний төсөл, хорооны хэсгийн хуваарьт өөрчлөлт оруулах эдгээр асуудлыг ИТХ-д өргөн барих тухай, дүүргийн Засаг даргын эрхлэх асуудлын хүрээний харъяа байгууллагын 2022 оны үйл ажиллагааг дүгнэсэн ажлын хэсгийн
танилцуулга болон бусад асуудлуудыг хэлэлцлээ.
“ТЭГШ ЭРХ- ТЭГШ ОРОЛЦОО” УРИАН ДОР СПОРТЫН НӨХӨРСӨГ ӨДӨРЛӨГ БОЛЛОО
Хөгжлийн бэрхшээлтэй иргэний эрхийг хамгаалах өдрийг тохиолдуулан “ТЭГШ ЭРХ - ТЭГШ ОРОЛЦОО” уриан дор Сонгинохайрхан дүүргийн дэргэдэх хэлтэс, алба, хороодын төрийн албан хаагч, иргэдийн дунд спортын нөхөрсөг өдөрлөг боллоо.
Энэхүү спорт өдөрлөг нь хөгжлийн бэрхшээлтэй иргэдэд хөдөлгөөний ач тусыг сурталчлан түгээн дэлгэрүүлэх, биеийн тамир, спортын дасгал хөдөлгөөнөөр бие бялдрыг чийрэгжүүлэх, нөхөн сэргээх, нийгмийн идэвхтэй харилцааг сэргээхэд нөлөөллийн хэлбэрээр дэмжлэг үзүүлэх зорилготой.
Тэмцээнд харааны болон сонсголын бэрхшээл, тулах, хөдлөх эрхтний бэрхшээлтэй болон тэргэнцэртэй иргэд, хүүхдээс гадна дүүргийн дэргэдэх хэлтэс алба, хороодын төрийн албан хаагчдын 30 байгууллагын 600 гаруй төлөөлөл оролцсон юм.
Баг, тамирчдын дунд Параолимпийн төрөл болох суугаа волейбол, нисдэг таваг болон хүүхдүүдийн дунд пара бочи гэсэн гурван төрлийн тэмцээн зохион байгуулагдлаа.
Суугаа волейболын төрөлд
Нэгдүгээр байр: А.Батбаяр Засаг даргатай 34-р хорооны баг
Хоёрдугаар байр: Д.Оюунцэцэг Засаг даргатай 15-р хорооны баг
Гуравдугаар байр: Дүүргийн цагдаагийн газрын нэгдүгээр хэлтсийн дарга Г.Байдраг, 42 дугаар хорооны Д.Саруул-Ирээдүй Засаг даргатай холимог “Төгөл” баг
Нисдэг таваг төрөлд
Нэгдүгээр байр: А.Батбаяр даргатай 34-р хорооны баг
Хоёрдугаар байр: Д.Саруул-Ирээдүй даргатай 42-р хорооны баг
Гуравдугаар байр: Б. Гантуул даргатай 38-р хорооны баг
Пара бочи хүүхдийн төрөлд
Тэргүүн байранд
-25 дугаар хорооны Б.Маралмаа
-4 дүгээр хорооны П.Отгон-Эрдэнэ\
-30 дугаар хорооны Ч.Тэргэл
Дэд байранд
-42 дугаар хорооны А.Гантөгс
-18 дугаар хорооны н.Шижиршагай
-7 дугаар хорооны Ц.Өнөржаргал
Гутгаар байранд
-33 дугаар хорооны Н.Лхагвасүрэн
-33 дугаар хорооны Э.Учрал
-33 дугаар хорооны М.Ариунтуяа
-
Шилдэг тоглогчоор 34-р хорооны иргэн М.Мөнхбаатар
Багийн дүнгээр шилжин явах цомыг А.Батбаяр даргатай 34-р хороо шалгарсан юм.
Мөн тэмцээнд оролцсон 40 хүүхдэд бэлэг гардуулж урамшууллаа.
Тус өдөрлөгийг Сонгинохайрхан дүүргийн Гэр бүл, хүүхэд, залуучуудын хөгжлийн хэлтэс, "Эвт тулгуур" ТББ, хөгжлийн бэрхшээлтэй иргэдийн салбар комисс, ерөнхий боловсролын 9 дүгээр сургууль хамтран зохион байгууллаа.